کراچی: وفاقی جامعہ اردو کے قائم مقام شیخ الجامعہ پروفیسر ڈاکٹر محمد ضیاء الدین نے اہنے عہدے کا چارج لے لیا ہے۔
انہیں سینیٹ کے 15 ستمبر کو گورنر ہاوس میں ہونے والے خصوصی اجلاس میں 4 ماہ یا مستقل شیخ الجامعہ کی تقرری تک قائم مقام شیخ الجامعہ مقرر کیا گیا ہے۔
ان کا کہنا ہے کہ وہ پوری کوشش کریں گے کہ جامعہ کے بنیادی مسائل فوری طور پر حل کئے جائیں۔ڈاکٹر محمد ضیاءالدین نے امید ظاہر کی کہ جامعہ کے مسائل کے حل اور ترقیاتی کاموں کے لئے انہیں اساتذہ، افسران اور تمام غیر تدریسی عمال کا بھرپور تعاون حاصل رہے گا۔
پروفیسر ڈاکٹر ضیاءالدین بھرپور انتظامی صلاحیتوں کے حامل ہیں۔ اس سے قبل وہ جامعہ اردو کے رئیس کلیہ فنون، تعلیم و معارف اسلامیہ کی حیثیت سے فرائض سرانجام دے رہے تھے۔
مانیٹرنگ ڈیسک : ایلون مسک نےٹیسلا کے ہیومنائیڈ روبوٹ کی نقاب کشائی کردی۔
ٹیسلا کے سی ای او ایلون مسک نے اپنے ہیومنائیڈ روبوٹ کے لیے ایک پروٹو ٹائپ کا انکشاف کرتے ہوئے Optimus کانام دیا ہے۔
یہ اپنے کچھ AI سافٹ ویئر اور سینسرز کو Tesla کی آٹو پائلٹ ڈرائیور امدادی خصوصیات کے ساتھ شیئر کرتا ہے جو اس کی کاروں میں پائی جاتی ہیں۔ مسک کا کہنا ہے کہ آپٹیمس اس سے کہیں زیادہ کام کر سکے گا جو براہ راست دکھایا گیا تھا اور یہ بھی پہلی بار تھا جب اس نے اسٹیج پر ٹیتھر کے بغیر کام کیا۔
ایگزیکٹو نے مزید کہا کہ Optimus اور دیگر متاثر کن ہیومنائیڈ روبوٹس کے درمیان فرق یہ ہے کہ یہ بڑے پیمانے پر پیداوار کے لیے لاکھوں میں بنائے جاتے ہیں۔ روبوٹ نے پہلے اسٹیج پر چلتے ہوئے "چھت کو بلند کریں" ڈانس موو کیا۔ کمپنی آپٹیمس کے کچھ کلپس بھی دکھاتی ہے جو دوسرے کام کرتے ہیں جیسے بکس اٹھانا۔
ٹیسلا ٹیم نے بعد میں ایک اور پروٹو ٹائپ سامنے لایا جس میں Optimus کا "بہت قریب" ورژن دکھایا گیا جس میں اس کے جسم کو مکمل طور پر اسمبل کیا گیا تھا لیکن مکمل طور پر فعال نہیں تھا۔
یہ بھیڑ کو لہرانے کے قابل تھا، لیکن مسک کے مطابق، یہ ابھی چلنے کے لیے بالکل تیار نہیں تھا۔ مبینہ طور پر یہ روبوٹ صرف چھ ماہ میں تیار کیا گیا تھا۔
یہ 2.3kWh بیٹری پیک رکھتا ہے، Tesla SoC پر چلتا ہے، اور Wi-Fi اور LTE کنیکٹیویٹی رکھتا ہے۔ پریزنٹیشن نے روبوٹ کی حرکتوں پر توجہ مرکوز کی جو اس کے جوڑوں اور ہاتھوں میں تھی، جس میں یہ دکھایا گیا کہ اس نے ہر جوڑ کے ڈیٹا پر کیسے عمل کیا۔ اس سے روبوٹ کو مستقبل میں چھوٹے حصوں کے لیے عین مطابق گرفت کے ساتھ اشیاء لینے کی اجازت ملنی چاہیے۔
مسک نے کہا ہے کہ اگلے سال سے ہی پیداوار شروع ہو سکتی ہے اور مستقبل کی ایپلی کیشنز میں کھانا پکانا، باغبانی اور بہت کچھ شامل ہو سکتا ہے۔ ان کا کہنا ہے کہ یہ کافی دوستانہ ہوگا اور کمپنی کی اسمبلی لائن اور مینوفیکچرنگ کے کاروبار میں انقلاب برپا کرے گا۔ یہ "شاید $20,000 سے کم" کی قیمت کوہٹ کر سکتا ہے۔
ویب ڈیسک: موبائل کمپنی انفنیکس نے نوٹ12iکا2022 ورژن لائونچ کردیا۔
نوٹ 12i 2022میں ایک نیا ڈیزائن، تازہ ترین اسکرین چشمی، اور اضافی میموری شامل ہےجسکی قمیت میں کوئی تبدیلی نہیں کی گئی ہے۔
فرنٹ کیمرہ:
مرکزی کیمرے کے ڈیزائن کو اپ ڈیٹ کر دیا گیا ہے۔ یہ اب ایک بڑے اور چمکدار کیمرہ جزیرے پر بیٹھا ہے اور پچھلے پینل میں بناوٹ والا فنش ہے۔
اسکرین:
اصل ماڈل سے 6.82 انچ IPS LCD کو 1080p ریزولوشن کے ساتھ 6.7 انچ کے AMOLED پینل میں تبدیل کر دیا گیا ہے جبکہ نگر پرنٹ سینسر سائیڈ پر چلا گیا ہے۔
میموری:
MediaTek Helio G85 SoC میں کوئی تبدیلی نہیں ہوئی، لیکن میموری کے اضافی اختیارات ہیں جن میں 4 GB/64 GB اور 6 GB/128 GB شامل ہیں۔ آپ مائیکرو ایس ڈی کارڈ کے ذریعے اسٹوریج کو بڑھا سکتے ہیں اور ورچوئل ایکسپینشن کے ذریعے RAM۔ 5,000 mAh بیٹری اب بھی موجود ہے، لیکن فوری ٹاپ اپس کے لیے 18W فاسٹ چارجنگ کو 33W میں اپ ڈیٹ کر دیا گیا ہے۔
بیک کیمرہ:
پچھلے حصے میں، 2MP گہرائی کے لینس اور QVGA یونٹ کے ساتھ 50MP پرائمری کیمرہ سینسر ہے۔ اصل ماڈل 1080p ویڈیو ریکارڈنگ کے قابل تھا لہذا ہم فرض کر رہے ہیں کہ یہ بھی ہے۔ سیلفی کیمرہ ایک 8MP شوٹر ہے۔
فیصل آباد: ثانوی تعلیمی بورڈ فیصل آباد نےجماعت نہم کے امتحانات کیلئے طلبا وطالبات کی داخلہ فیس جمع کروانے کی تاریخ کا اعلان کردیا ۔
جس کے مطابق میٹرک پارٹ ون جماعت نہم کے امتحانات میں شرکت کرنے والے امیدوار طلبا وطالبات 19اکتوبر تک ریگولر فیس کیساتھ داخلہ بھجوا سکیں گے جس کے بعد امیدوار طلبا وطالبات مقررہ فیس کے ساتھ 500 روپے جرمانہ کے ساتھ داخلہ فیس جمع کروا سکیں گے۔
لاہور: بورڈ آف انٹرمیڈیٹ اینڈ سکینڈری ایجوکیشن لاہورکےزیراہتمام ہونے والے انٹرمیڈیٹ پارٹ ٹو کے سالانہ امتحانات کے نتائج کا اعلان 20 اکتوبر کو کیا جائے گا۔
اعلان کے بعد نتائج ویب سائٹ پر اپلوڈ کردیئے جائیں گے۔جبکہ طلبا اپنے نتائج بذریعے ایس ایم ایس بھی معلوم کرسکتے ہیں۔
بورڈ حکام نے یہ بھی فیصلہ کیا ہے کہ 20 اکتوبر کی صبح 10 بجے کئے جانے والے اعلان میں ان امتحانات کے پوزیشن ہولڈروں کا اعلان نہیں کیا جائے گا۔
واضح رہے کہ ان امتحانات میں 1 لاکھ 75 ہزار امیدواورں نے شرکت کی تھی۔
بورڈآف انٹرمیڈیٹ اینڈسیکنڈری ایجوکیشن کوہاٹ کےزیراہتمام انٹرمیڈیٹ کے سالانہ امتحان 2022کے غیرمتوقع نتائج نے سب کو حیران کردیا
اعلان کردہ نتائج کے متابق تاریخ میں پہلی بار کیڈٹ کالج کوہاٹ کی بجائے کرک کے ایک نجی تعلیمی ادارے کی دو ہونہار طالبات نے سب سے زیادہ نمبر حاصل کرکے کوہاٹ بورڈ ٹاپ کرلیا اورکیڈٹ کالج کوہاٹ کو پیچھے چھوڑکر بڑا اعزازاپنے نام کرلیا۔
ہفتہ کے روز جاری شدہ کوہاٹ بورڈ کے حیران کن اور غیرمتوقع نتائج نے ڈویژن بھر کے تعلیمی اداروںکے پرنسپلز‘ ہیڈماسٹرز اور اساتذہ کو انگشت بدندان کرنے پر مجبورکردیا۔کیڈٹ کالج سے انٹرنتائج بارے رائے لینے کی کوشش کی گئی تاہم رابطہ نہ ہوسکا۔ شاید کوہاٹ بورڈ کی 20 سالہ تاریخ میں پہلی بار ایسا ہوا کہ کیڈٹ کالج کوہاٹ کے کیڈٹس کوہاٹ بورڈ ٹاپ نہ کرسکے اورغیرمتوقع طورپر یہ اعزاز کرک کے ایک نجی تعلیمی اداے شاہین چلڈرن اکیڈمی اینڈ کالج آف سائنز میٹھاخیل کی میڈیکل گروپ کی دو ہونہار طالبات نے غیرمتوقع سب سے زیادہ 1040 اور1039 نمبرات حاصل کرکے کوہاٹ کیڈٹ کالج سے چھین لیا۔
البتہ پری انجینئرنگ گروپ میں کیڈٹ کالج کوہاٹ نے پہلی دو پوزیشنیں لیں تاہم تیسری پوزیشن بھی شاہین چلڈرن اکیڈمی اینڈ کالج آف سائنز میٹھاخیل کرک کی طالبہ کے حصہ میں آئی۔ اسی طرح جنرل سائنس گروپ میں بھی بڑی تبدیلی دیکھنے کو ملی جہاں قبائلی ضلع کرم کی دو تعلیمی اداروں کانسپٹ بیسڈ سکول اینڈ کالج پارہ چنار اور کیبرج پبلک سکول صدہ کرم کی طالبہ اور طالب علم نے بالترتیب سب سے زیادہ نمبر لے کر اول اور دوم پوزیشنیں اپنے نام کرلیں۔آرٹس گروپ میں بھی طالبات نے میدان مارلیا جہاں سرکاری تعلیمی اداروںگورنمنٹ گرلز ہایئر سیکنڈری سکول بلی ٹنگ کوہاٹ اور گورنمنٹ گرلز ہایئر سیکنڈری سکول گمبٹ کی طالبات نے اول تین پوزیشنیں حاصل کرلیں۔
کیلیفورنیا: سماجی رابطے کی ویب سائٹ ٹوئٹر کی جانب سے پہلا ایڈٹ شدہ ٹوئٹ پوسٹ کردیا گیا ہے۔
ٹوئٹ میں دیکھا جاسکتا ہے کہ فیچر کے متعارف کرائے جانے کے بعد پوسٹ کس طرح دِکھائی دے گی۔
سوشل میڈیا کمپنی نے گزشتہ روز ایک ٹوئٹ کیا جس میں ’لاسٹ ایڈٹڈ‘ یعنی آخری بار ایڈٹ کیے جانے کا وقت اور تاریخ پوسٹ کے نیچے موجود تھا۔
صارفین اس لنک کو کلک کرتے ہوئے ٹوئٹ کے ایڈٹ کیے جانے کا پورا ماضی دیکھ سکتے ہیں۔
ایڈٹ بٹن متعارف کرائے جانے کے بعد سب سے پہلے یہ سہولت ٹوئٹر بلیو کے صارفین کو دستیاب ہوگی۔ یہ کمپنی کا 4.99 ڈالر پریمیئم پلیٹ فارم ہے جہاں ٹوئٹس کا واپس لیا جانا، اشتہارات کے بغیر آرٹیکل جیسے دیگر تازہ ترین فیچر تک رسائی ہوتی ہے۔
کمپنی کی جانب سے رواں سال کے ابتداء میں اعلان کیا گیا تھا کہ ایڈٹ بٹن اس سال ستمبر میں جاری کردیا جائے گا۔
کمپنی کے مطابق اس فیچر کی مدد سے کوئی ٹوئٹ کرنے کے 30 منٹ کے اندر اس ٹوئٹ کو ایڈٹ کیا جاسکے گا اور ایڈٹ شدہ ٹوئٹ پر وقت لکھا ہوگا اور یہ درج ہوگا کہ اصلی پوسٹ میں تبدیلی کی گئی ہے۔
ٹوئٹر کا کہنا ہے کہ یہ لیبل اس لیے ضروری ہے کیوں کہ پوسٹ کی تاریخ گفتگو کی دیانتداری کے تحفظ میں مدد دے گا اور لوگوں کو اس ریکارڈ تک رسائی حاصل ہوگی جس سے معلوم ہو سکے گا کہ ٹوئٹ میں کیا کہا گیا تھا۔
لاہور : کوٹ لکھپت میں مدرسے کے معلم نے 9 سالہ طالب علم کو مار مار کر لہولہان کر دیا جس کے بعد پولیس نے اطلاع ملتے ہی ملزم کو گرفتار کر لیا۔
پولیس کے مطابق 9 سالہ عثمان گھر کے قریب چھوٹی پھاٹکی مدینہ مسجد مدرسے میں پڑھنے جاتا تھا،مدرسے کے معلم ملزم عمران نےکم سن طالبعلم کو سبق یاد نہ کرنے پرڈنڈے سے اس طرح تشدد کا نشانہ بنایا کہ اس کا سر پھٹ گیا۔
پولیس نے واقعے کی تفصیل بتاتے ہوئے کہا کہ عثمان کے سر اور ماتھے پر گہرے زخم آئے ہیں جس کےبعد اسے اسپتال منتقل کر دیا گیا۔
دوسری جانب پولیس نے ملزم عمران کے خلاف مقدمہ درج کر کے اسے انویسٹی گیشن ونگ کے حوالے کردیا۔
واٹس ایپ نے اگست میں صارفین کے لیے ایک بہترین پرائیویسی فیچر متعارف کرانےکا اعلان کیا تھا۔
اس فیچر کے ذریعے صارفین ناپسندیدہ واٹس ایپ گروپس خاموشی سے چھوڑ سکتے ہیں۔
ایسا کرنے پر گروپ ایڈمن کو تو ایک الرٹ سے علم ہوجائے گا مگر باقی اراکین کو اس کا علم نہیں ہوگا۔
اب یہ فیچر تمام صارفین کے لیے دستیاب ہے۔
یہ فیچر واٹس ایپس کے بڑے گروپس میں زیادہ کارآمد ہوگا جن کے میسجز کی بھرمار سے لوگ پریشان ہوجاتے ہیں۔
اس فیچر کو استعمال کرنے کے لیے واٹس ایپ میں اس گروپ کی چیٹ ونڈو پر جائیں جس کو چھوڑنا چاہتے ہیں۔
چیٹ ونڈو اوپن کرنے کے بعد اوپر گروپ کے نام پر کلک کریں اور انفو پیج پر نیچے اسکرول کرکے ایگزٹ گروپ کے آپشن کا انتخاب کریں اور بس۔
ایسا کرنے پر آپ کے گروپ چھوڑنے کا علم ایڈمن کے سوا کسی اور کو نہیں ہوگا، البتہ دیگر اراکین گروپ کی تفصیلات کے پیج میں جاکر اس بارے میں جان سکتے ہیں۔
البتہ یہ فیچر اسی وقت کام کرے گا جب آپ کے فون میں واٹس ایپ کا تازہ ترین ورژن موجود ہوگا، ورنہ گروپ چھوڑنے پر اس کا علم تمام اراکین کو ہوجائے گا، جیسے پہلے ہوتا تھا۔
کراچی: جامعہ این ای ڈی کے تحت سنڈیکیٹ اجلاس کا انعقاد وائس چانسلرپروفیسرڈاکٹرسروش حشمت لودھی کی صدارت میں منعقد ہو۔
جس میں تعلیمی، انتظامی اور مالی اُمورکا تفصیلی جائزہ لیا گیا۔ اس موقع پر سنڈیکیٹ حکومتِ سندھ کے نوٹیفیکشن کے تحت ملازمین کے لیے تنخواہوں کےنظر ثانی شدہ بجٹ کی منظوری دی گئی۔اس اجلاس میں گزشتہ اجلاس کی سفارشات کی منظوری سمیت چار چیئرپرسن اور چھے پی ایچ ڈیز کی بھی منظوری دی گئی۔
جامعہ ترجمان کے مطابق سنڈیکیٹ اجلاس میں ایک جانب ڈاکٹر جاوید حنیف کو شعبہ پیٹرولیم انجینئرنگ،ڈاکٹر اریج ہمایوں مرزاکوبائیو میڈیکل انجینئرنگ، پروفیسر ڈاکٹرسعود ہاشمی کو کیمیکل انجینئرنگ جب کہ پروفیسر ڈاکٹر شہنیلہ زرداری کوسوفٹ وئیر انجینئرنگ ڈیپارٹمنٹ کاچیئرپرسن مقرر کرنے کی منظوری دی گئی۔
دوسری جانب عبدالکریم قاضی (کمپیوٹر سائنس اینڈ انفارمیشن ٹیکنالوجی)،محمد کامران(کمپیوٹر سائنس اینڈ انفارمیشن ٹیکنالوجی)، سجاد علی(اربن اینڈ انفرااسٹکچرا نجینئرنگ)، وسیم خان(مٹیریل انجینئرنگ)زوبیا انور(مٹیریل انجینئرنگ) اور رویندر کمار(آرکیٹکچر اینڈپلاننگ) کی پی ایچ ڈی کی منطوری دی گئی، ان تمام پی ایچ ڈیز کو 25اکتوبر کو منعقد ہونے والے کنووکیشن میں ڈاکٹریٹ کی ڈگری سے نوازا جائے گا۔ اجلاس میں پرووائس چانسلر پروفیسر ڈاکٹر محمد طفیل اور سیکریٹری سنڈیکیٹ /جسٹرارسید غضنفر حسین سمیت 24اراکین نے شرکت کی۔