کراچی ایمز ٹی وی ،شہر قائد کے علاقے منظور کالونی میں ایک ہی خاندان کے چار افراد کے قتل کی اندوہناک واردات پیش آ ئی ،جہاں مکان سے میاں بیوی اور دو بچوں کی لاشیں ملی ،جنہیں تیز دھار آلے سے قتل کیا گیا ،قتل کے بعد ملزمان نے گھر کو آ گ لگا دی ،پولیس کے مطابق ملزمان نے مقتولین کو نشہ آوردوا پلانے کہ بعد تیز دھار آلے سے قتل کیا اور گھر کو آگ لگا دی ،جاں بحق ہونے والے افراد کی شناخت پینتالیس سالہ طارق ،چالیس سالہ سمینہ ،پندرہ سالہ سعد اور تیرہ سالہ رومیسہ شامل ہیں ،مکان سے آٹھ سالہ حماد زخمی حالت میں ملا ہے جسے اسپتال منتقل کردیا گیا ہے،پولیس کا کہنا ہے کہ تفتیش کا آغاز کردیا گیا ہے ،عینی شاہد کے بیانات قلم بند کیئے جارہے ہیں ،گھر سے ملنے والے شواہد کو تحویل میں لے لیا گیا ہے ،ابتدائی طور پر واقع ذاتی دشمنی معلوم ہوتا ہے ،

کراچی ایمز ٹی وی ،اسکول کی فیسوں میں اضافے کے خلاف طلبہ اور والدین سٹرکوں پر نکل آئے،تفصیلات کے مطابق شہر قائد کے نجی اسکولوں کے طلبہ اور والدین کی جانب سے فیسوں میں اضافے کے خلاف کے ڈی اے چورنگی ناظم آباد سے ضیاءالد ین اسپتال تک احتجاجی ریلی نکالی گئی ،طلبہ اور والدین نے نجی اسکول کی جانب سے فیسوں کے اضافے کو مسترد کردیا ہے،طلبہ کا کہنا ہے کہ نجی اسکولوں نے سالانہ فیس میں ایک ہزار سے دو ہزار تک کا اضافہ جبکہ ماہانہ اسکول فیس میں دو سو روپے سے ایک ہزار تک کا اضافہ کردیا ہے ،والد ین کا کہنا ہے کہ وہ اضافی فیس ادا نہیں کریں گے ،طلبہ و طالبات نے اس موقع پربینرز اور پلے کارڈز اُٹھا رکھے تھے جس میں فیسوں میں اضافے کے خلاف نعرے درج تھے ،

قلات(ایمز ٹی وی ) قلات کے علاقے سوراب سے چار اور بسیمہ سے دو نعشیں برآمدہوئیں ،اور تازہ اطلاعات کے مطابق مقبوضہ بلوچستان قلات کے تحصیل سراب کے علاقہ کلغلی شم سے چارافرادکی نعشیں تاحال شناخت نہ ہو سکیں ۔تمام مقتولین کی عمریں 25 سے 50 سال کے درمیان بتائی جاتی ہیں ۔ بسیمہ سے ملنے والی نعشیں ہیلتھ یونٹ بسیمہ منتقل کردی گئی ،واقع کی خبر سنتے ہی بڑی تعداد میں لوگوں نے ہسپتال کا رخ کر لیا تاہم آخری اطلاعات تک نعشوں کی شناخت نہیں ہو سکی