Reporter SS
ایمزٹی وی(اسلام آباد)پاکستان پیپلز پارٹی کے رہنما اور سابق وزیر داخلہ سینیٹر رحمان ملک نے کہا ہے کہ ملک میں حالیہ دہشت گردی کے واقعات قابل مذمت ہیں ،پاک فوج نے ہمیشہ کی طرح اب بھی قومی توقعات کو پورا کیا ہے ،پاک فوج کا دہشت گردوں کے خلاف دیا جانے والا جواب انتہائی موثر ہے ،پاک فوج نے افغانستان کے اندر گھس کر دہشت گردوں کے خلاف کارروائی کی ہے ،اب دیکھتے ہیں کہ افغان فوج کیا رد عمل دیتی ہے ۔
میڈیا ذرائع کے مطابق سینیٹر رحمان ملک کا کہنا تھا کہ افغانستان دہشت گردوں کی ڈرگز کے ساتھ مالی مدد اور فنانسسنگ کر رہا ہے ،دہشت گردوں کو ٹریننگ بھی وہیں سے مل رہی ہے ،محفوظ پناہ گاہیں بھی وہیں ہیں ،پوری قوم فوج کی افغانستان کے خلاف کی جانے والی سرجیکل اسٹرائیک پر دل سے ساتھ ہے ،افغان حکومت جب تک دہشت گردوں کی پشت پناہی کرنا نہیں چھوڑے گی خطے میں امن ممکن نہیں ہے ۔رحمان ملک کا کہنا تھا کہ آرمی چیف کا سیہون شریف میں لعل شہباز قلندر کے مزار پر خود کش حملے کے بعد دی جانے والی اسٹیٹمنٹ انتہائی پروفیشنل فوجی سپہ سالار کا بیان ہے۔
داعش کا سندھ میں مزار پر خود کش واقعہ کی ذمہ داری قبول کرنا میرے بیان کی توثیق ہے کہ پاکستان میں داعش وجود پکڑ رہی ہے لیکن جب میں داعش کے حوالے سے بات کرتا تھا تو مجھے جھٹلایا جا تا تھا ،آصف زرداری یا بلاول نے کسی کے خلاف کوئی بیان نہیں دیا ،افغانستان کو اسی انداز میں ڈیل کرنا چاہئے جیسے کوئی ایک اسٹیٹ کسی دوسرے ملک کو ڈیل کرتی ہے ،عالمی سطح پر پاکستان اور اسلام کے خلاف ہونے والی باتوں کو ہمیشہ رَد کیا ہے ،بھارتی خفیہ ایجنسی ’’ را ‘‘دہشت گردی کرنے میں نمبر ون ہے ،بھارت نے پاکستان اور افغانستان میں اپنا جال بچھایا ہوا ہے ،ہمیں بڑے محتاط ہو کر اس خطرے سے نبٹنا ہے ، القائدہ کو بنانے کے لئے امریکہ اور سی آئی اے نے جو ماڈل بنایا تھا اسی ماڈل پر بھارت داعش کے حوالے سے کام کر رہا ہے ۔
ایمز ٹی وی(مانیٹرنگ ڈیسک) دبئی میں دنیا کی بلند ترین عمارتوں اوردنیا کے سب سے بڑے تھیم پارک کے بعد ایک اور شاہکارکی تعمیر کی جارہی ہے ۔اب دبئی میں دنیا کی پہلی ایسی عمارت تعمیر ہوگی جو 360ڈگری پر گھوم کر دیکھنے والوں کو چکرانے پر مجبور کردے گی۔
دی ڈائنامک نامی اس80منزلہ عمارت کا ماڈل اسرائیلی اطالوی ڈیزائنر ڈیوڈ فشر نے 2008میں پیش کیا تھا ۔اس رہائشی عمارت میں بننے والے ایک اپارٹمنٹ پر30ملین امریکی ڈالر لاگت آئے گی جبکہ یہ منصوبہ 2020تک مکمل کیا جائے گا۔
ایمزٹی وی(اسپورٹس)امریکی خاتون ریسلر ، باڈی بلڈر اور اداکارہ نیکول بیس طویل علالت کے بعد انتقال کر گئی ۔میڈیا ذرائع کے مطابق نامور امریکی ریسلر نیکول نیس حرکت قلب بند ہونے کے بعد 52سال کی عمر میں انتقال کر گئی ،وہ کئی روز سے ہسپتال میں زیر علاج تھیں ۔
6 فٹ اور 2 انچ قد اور 230 پاونڈ وزنی نیکول نے 1998 ءمیں باقاعدہ طور پر ریسلنگ میں انٹری دی اور خوب نام کمایا لیکن نیکول اپنے قد و قامت کی وجہ سے ہمیشہ سے ہی تنازع کا شکار رہیں
ایمز ٹی وی(تجارت) حکومت نے نئے مالی سال 2017-18 کے بجٹ کی تیاری کیلئے ابتدائی اقدامات کاآغاز کردیاہے جبکہ تمام ایوان ہائے صنعت وتجارت ، صنعتی ، کاروباری ، تجارتی ، درآمدی ، برآمدی تنظیموں و دیگر اسٹیک ہولڈرز سے قابل عمل آراو تجاویز طلب کرلی ہیں تاکہ نئے مالی سال کے بجٹ میں ایسے اعلانات کو یقینی بنایاجاسکے جس سے نہ صرف ملک میں معاشی و اقتصادی استحکام آسکے بلکہ صنعت و تجارت کاپہیہ رواں دواں رہنے کیساتھ عوام کو بھی ریلیف مل سکے ۔
محکمہ خزانہ کے ذرائع نے بتایاکہ وفاقی وزارت خزانہ ، فیڈرل بورڈ آف ریونیو اور دیگر متعلقہ وفاقی اداروں کے ماہرین اقتصادیات باہم مشاورت سے بجٹ تجاویز تیارکریں گے اور ایسی پالیسیاں وضع کرنے کی کوشش کی جائے گی جس سے ملک مسائل کے گرداب سے نکل کر تعمیرو ترقی کی نئی شاہراہوں پر گامز ن ہو سکے۔
ایمزٹی وی(اسلام آباد)وفاقی وزیر داخلہ چوہدری نثار علی خان نے حالیہ دہشت گردی کے واقعات کو تشویشناک قرار دیتے ہوئے کہا ہے کہ دہشت گردوں کو آہنی ہاتھوں سے کچلا جائے گا اور کوئی سفارتی یا دیگر مصالحتوں کو آڑے نہیں آنے دیا جائے گا، لاہور اور پشاور دھماکوں میں ملوث تمام عناصر کی نشاندہی ہو چکی ہے۔
انہوں نے کہا کہ لاہور اور پشاور دھماکوں میں ملوث تمام افراد کی نشاندہی ہو چکی ہے۔ دھماکوں کے بعد ہونے والے اجلاسوں میں سول و فوجی قیادت نے متفقہ اور مضبوط عزم ظاہر کیا ہے کہ معصوموں کو نشانہ بنانے والوں کو کیفر کردار تک پہنچائیں گے ۔
ان کا کہنا تھا کہ دہشت گردوں نے غیر ممالک میں ہیڈ کوارٹرز اور ٹریننگ سنٹر قائم کر لئے ہیں اور پاکستان میں مقیم افغان مہاجرین کو اکثر بطور سہولت کار استعمال کیا جاتا ہے۔ دہشت گردوں نے امن و امان کی بہتر صورتحال کو نشانہ بنانے کی کوشش کی ہے جبکہ غیر ملکی طاقتیں اور ان کی انٹیلی جنس ایجنسیاں بھی اس میں ملوث ہیں۔ انہوں نے کہا کہ واقعات میں ملوث عناصر کے ساتھ آہنی ہاتھوں سے نمٹا جائے گا اور کوئی سفارتی یا دیگر مصالحتوں کو آڑے نہیں آنے دیا جائے گا۔
ایمز ٹی وی (تعلیم /پشاور ) پشاور یونیورسٹی ٹیچرز ایسوسی ایشن (پیوٹا) کے صدر ڈاکٹر جمیل احمد چترالی نے کہا ہے کہ ملک بھر میں دہشتگردی کی حالیہ لہر کے تناظر میں یونیورسٹی انتظامیہ بروقت اقدامات کرکے رہائشی طلباء و طالبات اور اساتذہ کوامن و امان کی ضمانت دے ۔
ان خیالات کا اظہار انہوں نے وائس چانسلر پروفیسر ڈاکٹر محمد عابد اور انتظامی افسران کے ساتھ ایک اجلاس سے خطاب کرتے ہوئے کیا، پیوٹا کے ارکان کابینہ بھی ان کے ہمراہ تھے۔
ڈاکٹر جمیل چترالی نے اس بات پر برہمی کا اظہار کیا کہ انتظامی افسران اپنی ذمہ داریوں سےنظر چرا کے خواب خرگوش کے مزے لے رہے ہیں جبکہ کیمپس میں جا بجا غلاظت کے ڈھیر تعفن پھیلا رہے ہیں جبکہ یونیورسٹی اپنے گیٹس کی
موثرنگرانی اور بندش پر غورو خوض کرے۔
انہوں نے وائس چانسلر پروفیسر محمد عابد کی بطور پرو وائس چانسلر تعیناتی کا خیر مقدم کیا اور امید کی کہ وہ اپنی نگرانی میں پیوٹا کے پیٹرن ان چیف کی حیثیت سے اساتذہ کے مسائل کو ترجیحی بنیادوں پر حل کریں گے۔
اس موقع پر وائس چانسلر کی ہدا یت پر فوراً ایک کمیٹی تشکیل دی گئی جس کا مقصد سکیورٹی کی صورتحال کا فوری جائزہ لیکر وائس چانسلر آفس کو تحریری طور پر رپورٹ جمع کرا نے اور جامعہ کے مخصوص علاقوں میں دیواروں کی تعمیر فوراً شروع کر نے کی ہدایت کرتے ہوئے صدر پیوٹا کو صفائی ‘سکیورٹی اور دیگر معاملات پر اپنے بھر پور تعاون کا یقین دلایا۔
ایمز ٹی وی(تجارت) ایل پی جی جی ڈسٹری بیوٹرز ایسوسی ایشن کے چیئر مین عرفان کھوکھر نے کہا ہے کہ اوگرا کی صنعت کش پالیسیوں کی بدولت ایل پی جی کی صنعت تباہی کے دہانے پر پہنچ گئی ، وزارت پٹرولیم اپنے ہی احکامات پر عملدرآمد کرانے میں ناکام ہو گئی ، اوگرا کی غلط پالیسیوں کے باعث ایل پی جی کی درآمد رک گئی ہے ، آئندہ ماہ سے ایل پی جی کی قیمتیں آسمان کو چھونے لگیں گی، ان خیالات کا اظہار انہوں نے گزشتہ روز اسلام آباد میں پریس کانفرنس کرتے ہوئے کیا ۔
انہوں نے کہا کہ او گرا عوام کے مفادات کا تحفظ کرنے میں ناکام ہوگیا ہے ، ایسے اداروں کو ختم کر دینا چاہیے ، انہوں نے وزیر اعظم سے اپیل کی کہ اوگرا 700روپے فی سلنڈر قیمت پر نظر ثانی کی ہدایت کی جائے اور سلنڈر کی 11سو روپے قیمت مقرر کی جائے ۔ عرفان کھوکھر نے مزید کہا کہ عوام کا تحفظ کرنے والا ادارہ اوگرا ناکام ہو گیا ہے اوگرا اب ایک مافیا کا حصہ بن گیا ہے ،ایل پی جی کی قیمتوں میں کمی کو اوگرا نے ایک خط کے ذریعے ختم کروا دیا ہے ۔
وزارت پٹرولیم نے اوگرا کو ہدایت کی ہے کہ مناسب قیمت جاری کرے وزارت نے اوگرا کو 1100قیمت جاری کرنے کا کہا تھا اوگرا نے قیمت 900روپے مقرر کی ہے ، اوگرا نے مافیا کو دوبارہ زندہ کر دیا اور انکا تحفظ کر رہا ہے حکومت کی تین سالہ محنت کو اوگرا کے ایک خط نے ضائع کر دی۔پاکستان میں 45 فیصد گیس درآمد کی جاتی ہے ابھی تک کسی درآمد کنندگان نے ایل سی نہیں کھولیں ، سترہ دنوں میں ایک بھی ایل سی نہیں کھولی گئی، اس صورتحال کی وجہ سے آئندہ مہینوں میں ایل پی جی کی درآمد کو شدید خطرہ ہے ۔
اوگرا نے 900روپے فی سلنڈر والی پالیسی پر نظر ثانی نہ کی تو سلنڈر 2000 سے تجاوز کر جائے گا۔ صورتحال کی تمام ذمہ داری اوگرا پر عائد ہوگی۔
ایمزٹی وی(اسپورٹس)پاکستان میں حالیہ دہشت گردی کی لہر کے باوجود پاکستان سپر لیگ (پی ایس ایل) کا فائنل لاہور میں ہی کرائے جانے کا قوی امکان ہے البتہ تاریخ میں تبدیلی پر غور کیا جا رہا ہے۔
تفصیلات کے مطابق سیکیورٹی اداروں کی گزشتہ روز لاہور میں کارروائی کے دوران اہم کامیابیوں کے بعد آج ایک اعلیٰ سطحی اجلاس ہوا جس میں پولیس کو سیکیورٹی اور دیگر معاملات سے متعلق مفصل رپورٹ تیار کرنے اور روٹس وغیرہ کو مانیٹر کرنے کا ٹاس دیدیا گیا ہے۔
ذرائع کا کہنا ہے کہ اس کیساتھ ہی انتظامیہ نے پی ایس ایل کے فائنل کی تاریخ بھی تبدیل کرنے پر غور شروع کر دیا ہے اور کہا جا رہا ہے اور فائنل میچ 5 مارچ کے بجائے 7 مارچ پر کرائے جانے پر غور کیا جا رہا ہے۔
ایمز ٹی وی (تعلیم/ایبٹ آباد) صوبائی وزیر خورا ک حاجی قلندر خا ن لو دھی نے کہا ہے کہ نجی ادا روں کا تعلیم کے میدا ن میں اہم کردار ہے ۔ نجی ادا رے حکومت کی سرپر ستی میں کا م کر رہے ہیں حکو مت نجی تعلیمی ادا رو ں کے مسا ئل کے حل کے لئے کا م کر رہی ہے ۔
انہوں نے ان خیا لا ت کا اظہا ر گزشتہ روز پا کستا ن نیشنل پبلک اسکو ل لو دھی آباد میں میٹرک کے طلباء اور طا لبا ت کی الودا عی تقریب کے موقع پر با ت چیت کر تے ہو ئے کیا۔
اس موقع پر اسکول کے ایم ڈی ، پرنسپل،اسا تذہ ،طلبا ء ، طالبات اور والدین بھی مو جود تھے ۔قلندر خا ن لو دھی نے کہا کہ صو با ئی حکو مت نے خیبر پختو نخوا میں سرکا ری تعلیمی ادا رو ں میں بہتری لا نے کے لئے مو ثر اقدا ما ت
اٹھائے ہیں ۔
پا کستا ن تحریک انصا ف کے چیئر مین عمرا ن خا ن نے تبدیلی کاجو وعدہ کیا تھا اس کو عملی جا معہ پہنا نے کے لئے وزیر اعلی پرویز خٹک ‘وزیر تعلیم عاطف خان اور مشیر اعلی تعلیم مشتاق احمد غنی دن را ت کا م کر رہے ہیں۔
ایمز ٹی وی(مانیٹرنگ ڈیسک) عالمی ٹیکنالوجی ادارے لینوو (Lenovo)نے اپنی ذیلی کمپنی موٹرولا موبیلیٹی (Motorola Mobility)کے ذریعے پاکستان میں موٹو زیڈ (Moto Z)کے نام سے اسمارٹ فون کی فراہمی کا اعلان کر دیا ۔
موٹو موڈز فیملی میں جے بی ایل ساؤنڈ بوسٹ (JBL SoundBoost)اسپیکرز شامل ہیں جسے پارٹی کے لئے بھی استعمال کیا جاسکتا ہے ۔ انسٹا شیئر پروجیکٹر (Insta-Share Projector)کے ذریعے بوقت ضرورت مواد شیئر کیا جاسکتا ہے ۔ انسیپیو (Incipio)کی جانب سے پاور پیکس کی بدولت صارفین کو بیٹری ختم ہونے کا بھی خدشہ نہیں ہوگا۔ ہیسل بلاڈ ٹرو زوم (Hasselblad True Zoom)کی بدولت کیمرے کے خواہش مند فوری تصویر کھینچ لیتے ہیں۔ یہ اسمارٹ فون ملٹری ایئرکرافٹ المونیم اور اسٹین لیس اسٹیل سے تیار کیا گیا ہے جس میں 5.2 ایم ایم کے پائیدار ریزر اور الٹرا لائٹ کے ساتھ 5.5 کواڈ ایچ ڈی امولیڈ ڈسپلے ہے ۔
یہ اسمارٹ فون طاقتور کوالکوم اسنیپ ڈریگن ٹی ایم 820 پروسیسر، 4 جی بی ریم جبکہ یہ 32 یا 64 جی بی کی میموری کے ساتھ دستیاب ہے ، جو لوگ مزید تصاویر، ویڈیوز اور ایپلی کیشنز کے خواہاں ہیں تو وہ 2 ٹیرا بائٹ تک کی مائیکرو ایس ڈی کارڈ اس میں لگا سکتے ہیں۔