راولپنڈی : بورڈآف انٹرمیڈیٹ اینڈسیکنڈری ایجوکیشن راولپنڈی کل ایس ایس سی کےسالانہ امتحانات کے تائج کااعلان کرےگا۔

پنجاب بورڈز کمیٹی آف چیئرمین کی طرف سےجاری کردہ شیڈول کے روشنی میں راولپنڈی بورڈ کے زیرانتظام منعقد ہونےانٹرمیڈیٹ کے

سالانہ امتحانات برائے2021 کے نتائج کااعلان30ستمبر اور میٹر ک سال دوم کے نتائج کااعلان 16اکتوبر کو 10بجے کیاجائےگا۔
مذکورہ نتائج بورڈکی آفیشل ویب سائٹ پراپلوڈ کردیئےجائیں گے

اسلام آباد: قائد اعظم یونیورسٹی میں احتجاج کےباعث آن لائن کلاسز جاری رکھنابھی مشکل ہوگیا۔

قائد اعظم یونیورسٹی کی انتظامیہ نےکہاہےکہ احتجاج کی وجہ سے کیمپس میں تعلیمی سرگرمیاں جاری رکھنا مشکل ہوگیاہےجس کے بعد کیو اے یو انتظامیہ نے اس ہفتے کے شروع میں ایک بار پھر آن لائن ٹیچنگ موڈ میں منتقل ہونے کا فیصلہ کیا۔

احتجاج کرنے والے طلباء نے سرور روم کا سامان تباہ کر دیا جس کی مالیت120 ملین روپے سے زیادہ ہے۔

تاہم آن لائن کلاسز میں خلل ڈالنے کی کوشش میں احتجاج کرنے والے طلباء نے QAU کے سرور روم میں داخل ہوکر اس میں توڑ پھوڑ کی۔

قائداعظم یونیورسٹی کےطلبا کااحتجاج نویں روزمیں داخل

توڑ پھوڑ کے اس عمل کے نتیجے میں ، QAU میں انٹرنیٹ کی رسائی اگلے 5 ماہ تک معطل رہے گی کیونکہ زیادہ تر سامان ملک میں دستیاب نہیں ہے اور بیرون ملک سے درآمد کیا جائے گا۔

اسلام آباد: قائداعظم یونیورسٹی اسلام آبادکیمپس میں طلباکااحتجاج تاحال جاری ہے۔،

قائد یونیورسٹی (QAU) اسلام آباد کیمپس میں تعلیمی سرگرمیاں تاحال معطل ہیں
طلباء کی جانب سے ’’ بلا جواز ‘‘ فیس میں اضافےکے خلاف احتجا ج نویں روز میں داخل ہو گیا ہے۔

احتجاج کرنے والے طلباء نے واضح طور پر احتجاج جاری رکھنے کا عزم کیا ہے جب تک کہ QAU انتظامیہ باضابطہ طور پر فیسوں میں اضافے کا نوٹیفکیشن واپس لینے کا اعلان نہیں کرے گی اور اسلام آباد کیپیٹل ٹیریٹری (ICT) انتظامیہ احتجاج کے تناظر میں ان کے خلاف درج تمام مقدمات کو منسوخ کردے گی۔

تفصیلات کے مطابق 2019 میں بی ایس پروگرامز کی پہلی سمسٹر فیس 59،740روپے تھی۔ جبکہ 2020 میں کورونا وائرس وبائی امراض کی وجہ سے معاشی بحران کے باوجود ، کیو اے یو انتظامیہ نے بی ایس پروگراموں کے پہلے سمسٹر فیس میں 27 فیصد اضافے کا نوٹیفکیشن جاری کیا اور اسے بڑھا کر 76،030روپے کردیا۔

2020 کی فیس میں اضافہ نہ صرف کورونا وائرس وبائی امراض کے درمیان ناقابل فہم تھا بلکہ اس نے QAU ایکٹ 1973 کی بھی خلاف ورزی کی جو سالانہ صرف 5 فیصد فیس میں اضافہ کرتی ہے۔

اس سال پھر 1973 کے ایکٹ پر عمل کرتے ہوئے ، QAU انتظامیہ نے اس مہینے کے شروع میں بی ایس پروگراموں کے پہلے سمسٹر کی فیس 80,240روپے میں بڑھانے کا اعلان کیا۔
مزید یہ کہ کیو اے یو انتظامیہ نے سیکورٹی فیس بھی بڑھا دی ہے ، جو یونیورسٹی فیس کے ساتھ داخلہ فیس بھی وصول کرتی ہے۔ رواں سال 5،013 روپے سےبڑھاکر 10،626کردی ہے۔
طلباء نے استدلال کیا ہے کہ وہ پہلے ہی فیس کی ادائیگی کے لیے جدوجہد کر رہے تھے ، انہوں نے مزید کہا کہ حالیہ فیسوں میں اضافے سے ان کے والدین پر مالی بوجھ بڑھے گا۔

انہوں نے QAU انتظامیہ سے مطالبہ کیا کہ وہ فوری طور پر نوٹیفکیشن فیس میں اضافہ واپس لینے کا اعلان کرے اور ICT انتظامیہ سے پرامن احتجاج کرنے والے طلباء کے خلاف مقدمات ختم کرنے کا مطالبہ کیا۔
دوسری جانب ، QAU کے ایک اعلیٰ سطحی عہدیدار نے اپنا نام ظاہر نہ کرنے کی شرط پر انکشاف کیا کہ موجودہ وفاقی حکومت نے تمام سرکاری شعبے کی یونیورسٹیوں کی تمام گرانٹس معطل کر دی ہیں اور ان سے کہا ہے کہ وہ اپنے فنڈز پیدا کر کے مالی طور پر پائیدار بنیں۔

عہدیدار نے دلیل دی کہ حکومت کے فیصلے کو دیکھتے ہوئے یونیورسٹی کے پاس اپنے اخراجات پورے کرنے کی کوشش میں ہر سال فیس بڑھانے کے سوا کوئی آپشن نہیں بچا ہے۔

کراچی: سندھ ٹیکنیکل بورڈ نے 30ستمبرسےشروع ہونےوالے امتحانات منسوخ کردیئے۔

تفصیلات کے مطابق سندھ ٹیکنیکل بورڈ نے ڈپلومہ آف ایسوسی ایٹ انجینئرنگ سال دوم کے30 ستمبر سے 2 اکتوبر تک ہونے والےصبح و شام کے پرچے ملتوی کردیئے ہیں جسکا نوٹیفکیشن بھی جاری کردیا ہے۔

جاری کردہ نوٹیفکیشن میں نئی تاریخوں کااعلان بھی کیاگیا ہےجس کے مطابق ملتوی ہونے والے پرچے 9،11 اور12اکتوبرکو لئے جائیں گے۔تمام پرچے بارش کی پیشگوئی کے پیشِ نظرملتوی کئے گئے ہیں۔

یاد رہے محکمہ موسمیات کی جانب سے الرٹ جاری کیا گیا ہے جس کے مطابق کراچی سمیت سندھ بھرمیں 28 ستمبر سے 2 اکتوبر تک طوفانی بارش اور اربن بلڈنگ کی وارننگ جاری کی گئی ہے۔ حالیہ آنے والے طوفان کو ـگلاب کانام دیا گیاہے۔