ایمزٹی وی(اسلام آباد) پیپلز پارٹی خیبرپختونخوا کے رہنماؤں نے چیئرمین بلاول بھٹوزرداری سےزرداری ہاؤس میں ملاقات کی. ملاقات کے دوران پیپلز پارٹی خیبرپختونخوا کے رہنماؤں نے چئیرمین بلاول بھٹو زرداری کو صوبے میں پارٹی کی تنظیمی امور سے آگاہ کیا، ملاقات میں ملکی سیاسی امور کے ساتھ خیبر پختونخوا کی مخصوص نشست برائے آزاد کشمیر پر بھی تبادلہ خیال کیا گیا۔ بلاول بھٹو زراری سے ملاقات کرنے والوں میں شجاع خان، سینیٹر روینہ خالد، نگہت اورکزئی، اور سابق وزیرظاہر شاہ سمیت دیگر رہنماشامل تھے، مخصوص نشست پر کے پی کے امیدوار عبدالرمان سلہریہ نے بھی ملاقات میں شرکت کی.

ایمز ٹی وی(انٹر ٹینمنٹ)بالی ووڈ اسٹار رنبیر کپور اوراداکارہ کترینہ کیف میں طویل عرصہ دوستانہ رہا ہے جس کے بعد دونوں اداکاروں نے ایک دوسرے سے کنارہ کشی اختیار کرلی تھی یہی نہیں دونوں اداکاروں کی علیحدگی کے باعث کئی فلموں کی شوٹنگ بھی روک دی گئی تھی لیکن اب دونوں اداکاروں نے تقریبات میں بھی ایک دوسرے کو نظر انداز کرنے لگے ہیں۔ گزشتہ دنوں رنبیر کپور سالگرہ کی تقریب میں پہنچے جہاں پہلے سے ہی اداکارہ کترینہ کیف بھی موجود تھیں جب کہ کترینہ کیف اپنے سابقہ دوست سے ملنے کے لیے پرتولتی رہیں لیکن رنبیر کپور پورا وقت کترینہ کو نظر انداز کرتے رہے جس پرتقریب میں موجود تمام شخصیات بھی رنبیر کے رویئے پر حیرانی کا اظہار کرتی رہیں۔ واضح رہے کہ رنبیرکپور اور کرینہ کیف فلم ’’جگا جاسوس‘‘ میں ایک ساتھ کام کررہے ہیں جس کی شوٹنگ دونوں کی علیحدگی کے بعد متعددبار روکنی پڑی ہے۔

ایمز ٹی وی(انٹر ٹینمنٹ)اداکار مصطفی قریشی نے کہا کہ اس وقت پاکستانی فلموں کی حوصلہ افزائی کی ضرورت ہے اس لیئے ہمارے ملک میں بہت اچھی اور معیاری فلمیں بن رہی ہیں اس سال بھی عید پر تین پاکستانی اردو فلموں کی نمائش کی جارہی ہے لیکن ایک بار پھر بھارتی فلم کی نمائش کرکے پاکستانی فلموں کو نقصان پہنچانے کی کوشش کی جارہی ہے، ادکار غلام محی الدین کا کہنا ہے پاکستانی فلم بین اپنے ملک میں بنائی جانے والی فلمیں دیکھنا چاہتے ہیں عید پر پاکستانی فلموں کے مقابلے میں بھارتی فلم کی نمائش کسی طور پر درست فیصلہ نہیں ہے یہ پاکستانی فلموں کے خلاف سازش ہے۔ اداکار سعود کا کہنا ہے سنیما مالکان کو چاہیے کہ وہ بھارتی فلم کی نمائش نہ کریں،کیونکہ اس وقت ہماری فلمیں بہت اچھی اور عمدہ ہیں اور پاکستانی فلم بین بھی پاکستانی فلمیں دیکھنا چاہتے ہیں،فلم ساز ہدایت کار سعید رضوی نے کہا عید پر 3پاکستانی فلموں کی نمائش کے بعد کسی بھی بھارتی فلم کی نمائش کا کوئی جواز نہیں بنتا،یہ پاکستانی فلموں کو نقصان پہنچانے کے مترادف ہے ہمیں اپنے ملکی فلموں کی حوصلہ افزائی کرنی چاہیے ،اداکار اسلم شیخ نے کہا پاکستانی فلموں کی کامیابی کا دور شروع ہوچکا ہے کوئی بھی بھارتی فلم ہماری ترقی کو نہیں روک سکتی، لہذا بھارتی فلم کی نمائش سے ہماری ترقی کو کوئی نہیں روک سکتا۔

ایمز ٹی وی(انٹر ٹینمنٹ)بالی ووڈ کے ناموراداکارانیل کپور کے بیٹے ہرش وردھن نے بھی بالی ووڈ میں انٹری دے دی ہے اور گزشتہ روز ان کی پہلی فلم مرزیاکا ٹریلر جاری کردیاگیاہے۔ راکیش اوم پرکاش مہرا کی ہدایتکاری میں بنائی جانے والی یہ فلم مشہور لوک داستان ’’مرزا صاحباں‘‘ سے متاثر ہوکر بنائی گئی ہے ۔ فلم میں انیل کپورکے بیٹے ہرش وردھن کے ساتھ سیامی کھیرمرکزی کردار میں ہیں جب کہ دیگر کاسٹ میں اوم پوری ، آرٹ ملک ، کے کے رائنا اور انوج چوہدری شامل ہیں جب کہ فلم 7 اکتوبرکونمائش کے لیے پیش کی جائے گی۔