ایمز ٹی وی(انٹر ٹینمنٹ) سلمان خان بالی ووڈ کی وہ شخصیت ہیں جن کے بھارت میں سب سے زیاہ پرستارہیں لیکن اس کے ساتھ ہی ان کے خلاف محاذ بھی بہت جلدی بن جاتے ہیں ایسی ہی صورت حال اب دوبارہ پیدا ہوچکی ہے اورخواتین کے حقوق کی تنظیموں نے ان سے ایک بیان پر معافی کا مطالبہ کردیا ہے۔ چند روزقبل بھارت کی ایک ویب سائیٹ پرسلمان خان کا انٹرویو شائع ہوا تھا، انٹرویو میں جب ان سے پوچھا گیا تھا کہ ’’سلطان‘‘ میں ان کا پہلوانوں کے ساتھ کام کرنے کا تجربہ کیسا رہا، جس پرسلمان خان نے کہا تھا کہ فلم میں کام کے دوران ان کی حالت زیادتی کا شکارعورت جیسی ہوگئی تھی کیونکہ فلم کے دوران 10 سے زائد پہلوان انہیں مختلف زاویوں سے اٹھا اٹھا کرپٹخ دیتے تھے اورہرپہلوان کا وزن 100 کلو سے زائد تھا۔ دبنگ خان کے اس بیان پرحقوق نسواں کی تنظیموں میں غم وغصہ پھیل گیا اورسلمان خان نے فوری طورپرمعافی مانگنے اوراپنے الفاظ واپس لینے کا مطالبہ کررہی ہیں، بھارت کی نیشنل کمیشن آف ویمن نے ان سے 7 روزمیں معافی کا مطالبہ کرتے ہوئے کہا کہ سلمان خان کو اس قسم کا بیان دینے سے قبل یہ سوچنا چاہیئے تھا کہ ان کے مداحوں میں خواتین کی کتنی تعداد ہے اور اس سے انہیں کتنی ٹھیس پہنچے گی۔ واضح رہے کہ سلمان خان سلطان میں ایک ریسلر کا کردار ادا کررہے ہیں اور یہ فلم عید کے موقع پر ریلیز ہوگی۔

ایمز ٹی وی(انٹر ٹینمنٹ)معروف اداکار سعود نے کہا ہے کہ ہم اچھی فلمیں بنائیں گے تو سنیماؤں کی رونق بھی بڑھے گی، کوشش ہونی چاہیے کہ ہم عالمی مارکیٹ تک رسائی حاصل کرنے میں کامیاب ہوسکیں،جلد اپنی فلم شروع کروں گا۔ ان خیالات کا اظہار انھوں نے گفتگوکے دوران کیا کہ پاکستان میں فلم انڈسٹری کی بحالی بہت بڑی کامیابی ہے لیکن اس میں بہتری کے لیے ابھی ہمیں بہت کچھ کرنا ہے بھارت میں بنائی جانے والی فلمیں اب ہمارے لیئے کوئی خطرہ نہیں کیونکہ اب ہم ان سے بہت بہتر فلمیں بنا رہے ہیں بھارتی فلموں کا کریز کسی حد تک کم ہوچکا ہے اور آنے والے دنوں فلم بین صرف پاکستانی فلموں کو ہی اہمیت دیں گے۔

ایمز ٹی وی(انٹر ٹینمنٹ)اسلام آباد میں سینٹرل بورڈ آف فلم سینسرز ( سی بی ایف سی) کے سربراہ مبشر حسن کے مطابق بھارتی فلم ’’اڑتا پنجاب‘‘ میں نازیبا جملے، متنازعہ مکالموں کے علاوہ بعض مناظر کو فلم سے نکالا جائے گا اور اسے ’’اے‘‘ ریٹنگ کے ساتھ ریلیز کیا جائے گا۔ سینسر بورڈ کے سربراہ نے فلم کے بعض جملے بھی حذف کرنے کا عندیہ دیا ہے، اس کے علاوہ فلم میں جہاں جہاں بری زبان استعمال کی گئی ہے اسے خاموش کردیا یا بیپ کے ذریعے چھپایا جائے گا۔ تاہم فلم ریلیز کی حتمی تاریخ کا فیصلہ اب تک نہیں کیا جاسکا ہے۔ دوسری جانب سی بی ایف سی سے قدرے آزاد سندھ بورڈ آف فلم سینسر نے ابھی تک فلم دکھانے کا سرٹفیکیٹ جاری نہیں کیا ہے تاہم سندھ بورڈ کے سربراہ فخر عالم نے کہا ہے کہ ہم نے تمام مقامی فلم ڈسٹری بیوٹرز اور امپورٹرز کو تمام لغو ڈائیلاگ اور مکالمے خاموش کرنے اور بعض مناظر نکالنے کے احکامات جاری کیے ہیں جس کے بعد امید ہے کہ فلم کو نمائش کا سرٹیفکیٹ جاری کردیا جائے گا۔ واضح رہے کہ فلم ’اڑتا پنجاب‘ میں بھارتی پنجاب کے نوجوانوں میں منشیات کے بڑھتے ہوئے رجحان سے متعلق موضوع شامل کیا گیا اور فلم میں سخت زبان اور مناظر بھی جب کہ فلم میں شاہد کپور، عالیہ بھٹ اور کرینہ کپور نے مرکزی کردار ادا کیے ہیں۔ بھارت میں بھی سینسر بورڈ نے فلم کے بہت سے مناظر کاٹ دیئے تھے تاہم ممبئی ہائیکورٹ میں فلم کا ایک منظر کاٹنے کا حکم دیتے ہوئے نمائش کی اجازت دی تھی۔

ایمز ٹی وی (کھیل)  پی سی بی  میں ہارون رشید کی ’’بیک ڈور انٹری‘‘ کیلیے تیاریاں مکمل ہو گئیں، ناقص کارکردگی پر چیف سلیکٹر کے عہدے سے برطرف شدہ سابق ٹیسٹ کرکٹر کو بطور ڈائریکٹر کرکٹ آپریشنز واپس لایا جا رہا ہے، اس حوالے سے  انھیں ذہن میں رکھ کر رسمی اشتہار بھی جاری کیا جا چکا۔ تفصیلات کے مطابق ہارون رشید کی پی سی بی میں واپسی کے  حوالے سے اسٹیج تیار کر لیا گیا ہے، ہارون رشید کو  ایشیا کپ اور ورلڈ ٹی ٹوئنٹی میں  ٹیم کی عبرتناک شکست کے بعد  تحقیقاتی کمیٹی کی سفارش پر برطرف کیا گیا تھا، چیئرمین شہریارخان بعض کھلاڑیوں کی سلیکشن کے حوالے سے اپنی  رائے  نہ ماننے پر ان سے سخت ناراض تھے، ہارون رشید  طاقتور ایگزیکٹیو کمیٹی کے سربراہ نجم سیٹھی سے خاصی قربت رکھتے اور کرکٹنگ معاملات میں ان کے اہم مشیر ہیں۔ ان کو ہٹانے کی نجم سیٹھی کی جانب سے سخت مخالفت ہوئی لیکن شہریارخان نہ مانے، کچھ عرصے قبل جب سابق ٹیسٹ بیٹسمین کو بطور ڈائریکٹر کرکٹ آپریشنز لانے کی مہم چلی تو پہلے تو شہریارخان  راضی ہو گئے پھر کسی نے انھیں یاد دلایا کہ آپ نے تو انھیں نکالا تھا اب واپس لائے تو بڑا شور مچے گا، اس پر انھوں نے بورڈ میٹنگ میں پھر مخالفت کر دی، ایسے میں ہارون رشید کے چاہنے والے بھی متحرک ہو گئے، گذشتہ دنوں  ڈائریکٹر کرکٹ آپریشنزکیلیے ایک اشتہار جاری کیا گیا اسے دیکھ کر واضح ہو گیا کہ یہ ہارون رشید کو ذہن میں رکھ کر ہی بنایا گیا ہے۔ امیدوار کا کم ازکم بیچلر ڈگری  کا حامل اور ایڈمنسٹریشن ترجیحاً اسپورٹس میں10 سالہ کام کا تجربہ ہونا ضروری ہے، ہارون طویل عرصے سے بورڈ کے ساتھ منسلک اور ان دونوں شرائط پر پورا اترتے ہیں، یہ پلان میڈیا میں آنے پر کسی اور ہائی پروفائل شخص نے اس عہدے کیلیے درخواست نہیں دی یوں اب ہارون رشید کیلیے میدان صاف ہے، ایچ آر کمیٹی اس عہدے پر تقرری کا فیصلہ کرے گی اس میں نجم سیٹھی (چیئرمین)، ظفرمحمود، سبحان احمد،بدر ایم خان اور بریگیڈیئر (ر) ساجد حمید شامل ہیں۔