ایمزٹی وی (کھیل) پاکستان کرکٹ بورڈ نے انگلینڈ کے خلاف ٹیسٹ سیریز کیلئے مشتاق احمد کوجبکہ  ون ڈے اورٹی ٹوئنٹی سیریز کیلئے اظہر محمود کو بولنگ کوچ بنانے کا فیصلہ کرلیا تفصیلات کے مطابق پاکستان کرکٹ بورڈ نے ہیڈ کوچ مکی آرتھر کی فرمائش قبول کر لی۔ نیشنل کرکٹ اکیڈمی کے ہیڈ کوچ مشتاق احمد کو کوچنگ اسٹاف میں جگہ مل گئی۔ انگلینڈ کے خلاف چارٹیسٹ میچز کیلئے مشتاق احمد بولنگ کوچ ہوں گے۔ ورلڈٹی ٹوئنٹی میں عبوری بولنگ کوچ کی ذمہ داریاں انجام دینے والے اظہر محمود ون ڈے اورٹی ٹوئنٹی سیریز میں بولنگ کوچ ہوں گے۔ نیوزی لینڈ کے سابق کوچ اسٹیو رکسن کو فیلڈنگ کوچ بنانے کا فیصلہ کیا گیا ہے۔ اس حوالے سے پاکستان کرکٹ بورڈ جلد باضابطہ اعلان کرے گا۔ قومی ٹیم اٹھارہ جون کو انگلینڈ کے لئے اڑان بھرے گی۔

ایمز ٹی وی(انٹر ٹینمنٹ)جیکی چن اپنے اسٹنٹس خود کرنے کے عادی ہیں مگر بالی ووڈ ڈانس میں مہارت رکھتے ہیں یہ معلوم نہیں تھا۔ اب 62 سالہ ایکشن اسٹار نے دلیر مہدی کے ایک گانے پر پنجابی ڈانس کی صلاحیت کا مظاہرہ کرکے پنجابی ڈانس کرکے سب کو حیران کردیا بتایاگیاہے کہ جیکی چن نے 19 ویں شنگھائی انٹرنیشنل فلم فیسٹیول کے دوران جیکی چن اور سونو سود نے دلیر مہدی کے گانے پر اکھٹے ڈانس کیا۔

واضح رہے کہ بالی ووڈ اداکار سونوسود جیکی چن کے ساتھ انڈو چینی پروڈکشن فلم کنگفویوگا میں کام کررہے ہیں اسٹینلے ٹونگ کی ہدایتکاری میں بنائی جانیوالی یہ فلم اکتوبر میں نمائش کے لیے پیش کی جائے گی ۔

ایمز ٹی وی(صحت)ماہرین نے بلڈ پریشر کنٹرول کرنے کا ایک اور طریقہ دریافت کیا ہے جس میں کہنی سے نیچے کے بازو کو الٹراساؤنڈ کے ذریعے سرگرم کرکے صرف چند منٹوں میں بلڈ پریشر نارمل کیا جاسکتا ہے اور اس کے لیے کسی دوا کی ضرورت نہیں رہتی۔

اسے حال ہی میں 250 سے زائد افراد پر آزمایا گیا تو تھوڑی ہی دیر ان کا بڑھتا ہوا بلڈ پریشر نارمل ہوگیا۔ اس کی وجہ یہ ہے کہ نچلے بازو کی رگوں پر الٹراساؤنڈ سگنل دل تک جاتے ہیں اور اس طرح خون کو درست رکھنے میں مدد ملتی ہے۔

جاپان میں ٹوہوکو یونیورسٹی گریجویٹ اسکول آف بایومیڈیکل انجینیئرنگ کے ماہرین نے ایک خاص الٹرا ساؤنڈ آلہ تیار کیا جو نچلے بازو سے لگ کر الٹرا ساؤنڈ لہریں بھیجتا ہے اور صرف ایک سیشن میں ہی سسٹالک یعنی اوپر کا بلڈ پریشر 10 سے 23 پوائنٹس تک کم ہوگیا اور یہ طریقہ بعض مریضوں میں اتنا مؤثر ثابت ہوا کہ انہیں ایک 2 روز تک بلڈ پریشر کم کرنے کی دوا نہیں لینی پڑی ۔

بلڈ پریشر کا مرض پوری دنیا میں تیزی سے پھیل رہا ہے اور 140/90mmHg بلڈ پریشر والے مریض اے سی ای انہبیٹرز اور کیلشیئم چینل بلاکرز کی دوائیں لیتے ہیں لیکن دیکھا گیا ہے کہ ایسے نصف مریضوں میں دوائیں بھی کام نہیں کرتیں۔ اسی لیے الٹراساؤنڈ کےذریعے بلڈ پریشر میں کمی ایک نئے طریقے کو کامیابی سے آزمایا گیا ہے۔ اس سے قبل الٹراساؤنڈ سے کمر کے درد میں کمی اور فریکچر کے بعد ہڈی درست کرنے کا کامیاب لیا جاتا رہا ہے۔ اس کےلیے ڈاکٹروں نے ایک الٹراساؤنڈ دستی آلہ تیار کیا اور اسے نچلے بازو پر 20 منٹ تک رکھا گیا اور اس میں کوئی تکلیف نہیں ہوتی ۔

ایمز ٹی وی(صحت)ہیلتھ ریسرچ انسٹی ٹیوٹ مک ماسٹر یونیورسٹی کے تعاون سے کرائے گئے تحقیق کے مطابق مقررہ مقدار سے کم سوڈیم کا استعمال جسم کیلئے نقصان دہ ثابت ہوسکتا ہے حتی کہ ایک خوراک کم کرنے سے بھی مضر اثرات سامنے آسکتے ہیں جن میں دل کا دورہ اور سٹروک بھی شامل ہے۔

ماہرین کے مطابق جن لوگوں کا فشارخون (بلڈ پریشر) معمول سے زیادہ ہوں،ان میں نمک کا زیادہ استعمال انتہائی نقصان دہ ہے تاہم معمول سے معمول سے کم بلڈ پریشر کے حامل افراد کو نمک اپنے معمول کے مطابق استعمال کرنا چاہئیے۔

ماہرین نے تحقیق سے ثابت کیا ہے کہ معمول سے معمول سے کم بلڈ پریشر کے حامل افراد میں نمک کے استعمال سے مضر اثرات مرتب نہیں ہوتے۔