ایمز ٹی وی(انٹر ٹینمنٹ)بھارتی میڈیا رپورٹس کے مطابق بالی ووڈ اداکارہ کرشمہ کپور نے اپنے شوہر اورمشہور بزنس مین سنجے کپور سے طلاق لینے کے لیے 2014ء میں عدالت سے رجوع کیا تھا۔ آج باہمی رضامندی سے دونوں کے درمیان ایک معاہدہ طے پا گیا جس کے بعد دونوں میں باقاعدہ طلاق ہو گئی ہے۔ معاہدے کے مطابق بچوں کے نام 10 کروڑ کی رقم جمع کرائی گئی ہے جسے بچوں پر خرچ کیا جائے گا اور بچوں کے تعلیمی اخراجات بھی والد کے ذمہ ہوں گے جبکہ شادی کے زیورات اور تحائف کرشمہ کپور کی ملکیت ہونگے۔ معاہدے کے مطابق بچے اپنی والدہ کرشمہ کپور کے پاس ہی رہیں گے لیکن سال میں 3 ماہ اپنے والد کے ساتھ گزار سکیں گے
ایمز ٹی وی(ٹیکنالوجی)اس سٹیکر کو بنانے والی کمپنی کا کہنا ہے کہ اسے لگانے کے بعد آپ ایک سے زیادہ ڈیوائسز انتہائی پتلے پیڈ پر لگا کر چارج کر سکیں گے ۔ اس سٹیکر کو موبائل کی پشت پر لگا دیا جاتا ہے جس کی وجہ سے یہ بیٹری کے ساتھ براہ راست منسلک ہو جاتا ہے اور جب اسے پیڈ پر رکھا جاتا ہے تو یہ چارجنگ شروع کر دیتا ہے ۔
یہ بات قابل ذکر ہے کہ اس میں سے الیکٹرو میگنیٹک شعاعیں بھی نہیں نکلتیں اور پانی سے نقصان بھی نہیں پہنچتا۔ جب اسے استعمال نہ کیا جا رہا ہو تو یہ بجلی صرف نہیں کرتا اور توانائی بھی ضائع نہیں ہوتی۔ یہ منصوبہ پری انڈسٹریلائزیشن کے فیز میں ہے اور اس کے کئی پروٹو ٹائپس لوگوں میں تقسیم بھی کئے جا چکے ہیں۔ کمپنی کا کہنا ہے کہ صارفین اس چارجر کو 106ڈالر میں حاصل کر سکتے ہیں۔ انہیں ایک چارجنگ پیڈ اور پانچ سٹیکرز دئیے جائیں گے جن پر موبائل رکھ کر اسے چارج کیا جا سکتا ہے
ایمزٹی وی(کھیل) یورو کپ دوہزار سولہ کے گروپ ای کے میچ میں اٹلی نے بیلجئیم کو دوصفر سے شکست دے دی. تفصیلات کے مطابق فرانس کے شہر لیون میں کھیلے جانے والے یوروکپ فٹ بال ٹورنامنٹ 2016 کےگروپ ای کے ٹیموں کے درمیان میچ کا آغاز ہوا تو دونوں ٹیموں کی جانب سے ایک دوسرے کے گول پوسٹ پرتابڑ توڑ حملے کیےگئے. میچ کے میں اٹلی کی جانب سے پہلا گول ایمونیل گیاچرنی نے کھیل کے اکتیسویں منٹ میں اسکور کیاجس کے بعد اٹلی کی ٹیم کھیل کے اختتام تک بیلجیئم پر حاوی رہی. میچ میں ملنے والے انجری ٹائم میں اٹلی کے کھلاڑی گرازینیو پیلے نے پن پوائنٹ کراس پرگول اسکور کرکے اٹلی کی برتری کو مستحکم کردیا. بیلجیئم کے خلاف فتح کے بعد اٹلی گروپ ای میں اپنا پہلا ہی میچ کھیل کر تین پوائنٹ کے ساتھ سرفہرست ہے.
ایمزٹی وی(خیبرپختونخواہ)طورخم بارڈر پر افغان فورسز نے دوسرے روز بھی بلااشتعال فائرنگ کی ، دو روز میں پانچ اہلکاروں سمیت 13 افراد زخمی ہو گئے ۔ آئی ایس پی آر کا کہنا ہے افغان فورسز دہشتگردوں کی نقل و حرکت کیخلاف تعمیر کئے جانے والے گیٹ کو نشانہ بنا رہی ہیں ۔ دہشتگردوں کو روکنے کیلئے طورخم بارڈر پر گیٹ لگانے پر افغانستان آپے سے باہر سرحد پر دوسرے روز بھی افغان فورسز کی بلااشتعال فائرنگ اور پاک فوج کی بھرپور جوابی کارروائی ، ڈی جی آئی ایس پی آر کا کہنا ہے افغان سیکورٹی فورسز زیر تعمیر گیٹ پر فائرنگ کر رہی ہیں ۔ دہشتگردوں کی نقل و حرکت چیک کرنے کیلئے یہ گیٹ پاکستانی علاقے میں بارڈر سے 37 میٹر اندر تعمیر کیا جا رہا ہے ۔ پاکستان نے واقعہ پر افغانستان سے شدید احتجاج کیا ہے افغان ناظم الامور کو وزارت خارجہ طلب کرکے کہا گیا کہ افغان حکومت معاملے کی مکمل تحقیقات کر کے آگاہ کرے ۔ ترجمان دفتر خارجہ کا کہنا ہے افغانستان کو مستقبل میں ایسے واقعات سے باز رہنے کی وارننگ بھی دی گئی ۔ افغان ناظم الامور پر واضح کیا گیا ۔ طورخم پر پاکستانی اقدامات سرحدوں پر دہشتگردی خلاف انتظامات موثر بنانے کی کارروائیوں کا حصہ ہیں ۔ سرحد پر کشیدگی کے بعد طورخم اور لنڈی کوتل میں کرفیو نافذ ہے ، کئی دیہات بھی خالی کرالئے گئے ہیں ۔
ایمزٹی وی(انٹرنیشنل) اورلینڈ و نائٹ کلب میں حملے کے سبب امریکا میں رہائش پذیر مسلمانوں کی مشکلات میں اضافہ ہوگیا، انہیں پہلے ہی نفرتوں کا سامنا ہے، امریکی صدارتی امیدوار ڈونلڈ ٹرمپ کومسلمانوں کے خلاف زہر اگلنے کا ایک اورموقع مل گیا کہتے ہیں کہ ان ممالک کے لیے امیگریشن پالیسی ختم کردوں گا جہاں سے دہشت گردی کا تعلق ثابت ہوگا۔ ایک عوامی اجتماع سے خطاب کرتے ہوئے امریکی صدارتی امیدوار ڈونلڈ ٹرمپ نے کہا ہےکہ ثابت ہوگیا کہ میری مسلمان مخالف تقاریر درست ہیں،بوسٹن دھماکے کا حملہ آور اپنی بیوی کو سعودیہ عرب سے ساتھ لایا، اورلینڈو فائرنگ میں شخص کا گھرانہ افغانستان سے امریکا آیا اسی طرح سینٹ برڈینو حملے میں ملوث شخص پاکستان سے آیا تھا۔ انہوں نے مزید کہاکہ امریکا میں رہائش پذیر بڑی تعداد میں صومالی باشندے داعش میں شامل ہوئے، صدر بنا تو امیگریشن پالیسی میں تبدیلی کروں گا اوران ممالک کے شہریوں کو آنے کی اجازت نہیں ہوگی جن کے باشندے دہشت گردی میں ملوث پائے جائیں گے۔ ڈونلڈ ٹرمپ کا کہنا تھا کہ اورلینڈو کا واقعہ اسلامی شدت پسندی کا واقعہ ہے، شدت پسند امریکا، ہم جنس پرستوں اور عورتوں کے خلاف ہیں، ہمیں شدت پسند اسلام کے بارے میں آگاہی پیدا کرنا ہوگی کیوں کہ اسلامی شدت پسندی امریکا کے لیے بڑا خطرہ بنتی جارہی ہے ہمیں اسلامی شدت پسندی سے سختی کے ساتھ نمٹنا ہوگا۔ انہوں نے کہا کہ اورلینڈو حملہ آور کا والد ٹی وی پر بیٹھ کر طالبان کی حمایت کرتا ہے،ایسی شدت پسندانہ سوچ کے خاندان کو امریکا آنے کی اجازت ہی کیوں دی گئی، ہیلری کلنٹن اسلامی شدت پسندی کے الفاظ استعمال کرنے سے گھبراتی ہیں۔ صدارتی امیدوار کا کہنا تھا کہ امریکا کا امیگریشن سسٹم خرابیوں سے بھرا پڑا ہے،سان برناڈینو، بوسٹن اور کلیو لینڈ کا مسلم خاندان امیگریشن سسٹم کی خرابیوں کی نشاندہی کرتا ہے،مسلم امیگرینٹس کے امریکا میں داخلے پر پابندی عائد کی جائے۔
انہوں نے کہاکہ ہمیں اپنی سرحدوں کی حفاظت کرنا ہوگی، اوباما انتظامیہ امریکی انٹیلی جنس اداروں کو صحیح طرح کام کرنے نہیں دے رہی۔ ڈونلڈ ٹرمپ نے مزید ہرزہ سرائی کی کہ شامی مہاجرین کو امریکا آنے کی اجازت دینا ایک اور بڑی غلطی ہوگی،امریکا کے پاس غیر ملکیوں کی جانچ پڑتال کا موثر نظام موجود نہیں، شامی مہاجرین کو امریکا میں داخل ہونے سے روکنا ہوگا۔
ایمزٹی وی(انٹرنیشنل) اورلینڈو نائٹ کلب حملے کے بعد صدارتی امیدوار ڈونلڈٹرمپ نے صدراوباما سے استعفے کا مطالبہ کردیا ہے جبکہ امریکی صدربراک اوباما نے اورلینڈو نائٹ کلب میں فائرنگ کو دہشتگردی اور نفرت انگیز عمل قراردیا ہے۔ ری پبلکن پارٹی کے متوقع صدارتی امیدوارڈونلڈ ٹرمپ نے واقعہ کے بعد صدربراک اوباما سے استعفی دینے کا مطالبہ کردیا، ڈونلڈٹرمپ نے ٹوئٹ میں صدراوباما کو کمزور حکمران قرار دیا۔ ڈیمو کریٹک پارٹی کی متوقع صدارتی امیدوار ہیلری کلنٹن کو بھی آڑے ہاتھوں لیتے ہوئے ٹرمپ نے کہا کہ ہلیری کلنٹن اگر اسلام کو ریڈیکل نہیں کہتیں تو انہیں صدارتی انتخابات سے دستبردارہو جانا چاہیئے۔ ہلری کلنٹن نے اورلینڈوفائرنگ کے بعد بدھ کو وسکونسن میں انتخابی مہم ملتوی کردی، انتخابی مہم میں صدربراک اوباما کو بھی شرکت کرنا تھی۔ دوسری جانب اورلینڈو کے نائٹ کلب میں فائرنگ سے پچاس افراد کی ہلاکت کو صدربراک اوباما نے دہشتگردی اورنفرت کا عمل قراردے دیا، اوباما نے کہا کہ دکھ کی گھڑی میں پوری امریکی قوم متاثرہ خاندانوں کے ساتھ ہے۔
ایمزٹی وی (بلوچستان)کوئٹہ ، ائیر پورٹ روڈ پر پولیس اور حساس اداروں کی کارروائی کے دوران فائرنگ کے تبادلے میں 5 دہشت گرد ہلاک ہو گئے. پولیس اور خفیہ اداروں کو اطلاع ملی تھی کہ چشمہ اچوزئی میں دہشت گردوں کا ٹھکانہ ہے جس پر حساس اداروں اور پولیس کی مشترکہ ٹیمیں علاقے میں پہنچیں جنہیں دیکھ کر دہشت گردوں نے فائرنگ کر دی ۔ جوابی فائرنگ میں کالعدم تنظیم کے 5 دہشت گرد موقع پر ہلاک ہو گئے ۔ دہشت گردوں کے ٹھکانے سے 7 دستی بم ، 15 کلو گرام دھماکہ خیز مواد ، 2 دیسی ساختہ بم ، 3 کلاشنکوف ، 2 پسٹل اور مختلف راؤنڈز بھی ملے۔ دہشت گردوں میں ایک گورنمنٹ سائنس کالج کا طالب علم نکلا ، اس کے قبضے سے عبدالخالق کے نام کا کارڈ برآمد ہوا ۔ سرچ آپریشن کے بعد علاقے کو کلیئر قرار دے دیا گیا ۔ وزیر اعلیٰ بلوچستان نواب ثناء اللہ زہری اور صوبائی وزیر داخلہ میر سرفراز بگٹی نے پولیس اور سکیورٹی اداروں کی کامیاب کارروائی پر انہیں مبارکباد دی اور کہا ہے کہ صوبے کو دہشت گردی سے پاک کر کے دم لیں گے ، آخری دہشت گرد کے خاتمے تک ان کا پیچھا کریں گے ۔
ایمزٹی وی(انٹرنیشنل) متحدہ عرب امارات کا فوجی ہیلی کاپٹر گر کر تباہ ہوگیا ہے جس کے نتیجے میں ہیلی کاپٹر میں سوار پائلٹ اور معاون پائلٹ شہید ہوگئے ہیں۔ تفصیلات کے مطابق متحدہ عرب امارات کی ایک فوجی ہیلی کاپٹر معمول کی پرواز کے دوران بحیرہ عرب میں گر کر تباہ ہو گیا ہے،ہیلی کاپٹر میں سوار پائلٹ اور معاون پائلٹ شہید ہو گئے ہیں،واقعہ کی تفصیلات اکھٹی کی جا رہی ہیں،تاحال کوئی اطلاع موصول نہیں ہو سکی ہے۔ متحدہ عرب امارات کی سرکاری نیوز ایجنسی کے مطابق مسلح افواج کے ترجمان نے اعلان کیا ہے کہ ایک فوجی ہیلی کاپٹر معمول کی پرواز کے دوران گر کر تباہ ہوگیا تاہم جائے حادثہ کا تعین اور حادثے سے متعلق مزید تفصیلات خفیہ رکھی گئی ہیں۔ متحدہ عرب امارات میں دوران پرواز فوجی طیاروں کے تباہ ہونے یہ واقعہ پہلا نہیں ہے،ایک ماہ میں یہ دوسرا بڑا واقعہ ہے جس کی مکمل تفصیلات بھی مہیا نہیں کی گئی ہیں یادرہے اس سے قبل اماراتی مسلح افواج نے 15 مئی کو اعلان کیا تھا کہ اس کا ایک فوجی طیارہ ریاست میں تربیتی پرواز کے دوران گر کر تباہ ہوگیا ہے، تاہم اس وقت بھی سانحہ کی وجوہات، جگہ اور ہلاک ہونے والے اہلکاروں کے نام پوشیدہ رکھے گئے تھے۔