ایمزٹی وی(تعلیم)بلوچستان کی مختلف یونیورسٹیز کے طلباءو طالبات لاہور کا سفر طے کر کے واپس کوئٹہ پہنچ گئے۔ واپسی پر طلبہ اور طالبات کا کہنا تھا کہ پنجاب نے بڑے بھائی جیسا کردار ادا کیا اتنی محبت دی کہ فخر محسوس ہونے لگا ہے۔ تفصیلات کےمطابق غیر سرکاری تنظیم ڈیووٹ انٹر نیشنل کے زیر اہتمام بلوچستان کی مختلف یونیورسٹیز کے200طلباءو طالبات لاہورکی سیر مکمل کر کے کوئٹہ پہنچ گئے پریس کلب میں نیوز کانفرنس کرتے ہوئے طلباءو طالبات کا کہنا تھا کہ لاہور کا سفر یادگار رہا ہمیں وہاں وہ پروٹوکول دیا گیا جو وزیروں مشیروں کو دیا جاتا ہے۔ اس حوالے سے طلباءو طالبات کا کہنا تھا کہ پاک چین اقتصادی راہداری ملک کے لئے گیم چینجر کا کردار ادا کریگی بلوچستان کی ترقی میں ہی پاکستان کی ترقی پوشیدہ ہے۔ پنجاب کی یونیورسٹیز میں جا کر یقین ہو گیا ہےکہ تعلیم ہی ترقی کی اولین سیڑھی ہے ۔ 12مئی سے 19مئی تک جاری رہنے والے اس پروگرام کے تحت بلوچستان کے طلباءو طالبات نے ایک دن پاک آرمی کے ساتھ گزارہ جس کے بعد بلوچستان اسمبلی کے اجلاس میں شرکت،گورنر بلوچستان سے ملاقات اور سیکرٹریٹ کے دورے کے بعدیہ طلباءو طالبات نے لاہور کی مختلف یونیورسٹیز کا دورہ بھی کیا۔

ایمز ٹی وی(انٹرٹینمنٹ) بالی وڈ کی خوبرو اداکارہ پریانکا چوپڑانے جیمز بانڈ گرل کا کردار کرنے کی خواہش کا اظہار کیا ہے۔ اس سے قبل پریانکا چوپڑا کا نام بھی جیمز بانڈ کا کردار کرنے والے امیدواروں میں گردش کررہا تھا۔ایک انٹرویو میں پریانکا کا کہنا تھا کہ وہ کافی عرصے سے کام کر رہی ہیں لیکن بانڈ گرل کا کردار نہیں کرسکیں۔تاہم اب انھیں موقع ملا تو وہ بانڈ گرل کا کردار خوشی سے کریں گی۔

ایمزٹی وی(انٹرنیشنل) افغانستان کے صوبے پغمان میں خودکش بم دھماکہ سے 10 افراد ہلاک اور 4 افراد زخمی ہوگئے ہیں تفصیلات کے مطابق افغانستان کے دارلحکومت کابل کے نزدیک صوبہ پغمان میں ایک مسافر بس پر خود کش بم دھماکہ ہوا ہے،جس کے نتیجے میں بس میں سوار 10 افراد ہلاک اور 4 زخمی ہو گئے ہیں خود کش بم دھماکے میں ہلاک اور زخمی ہونے والوں کو قریبی ہسپتال منتقل کر دیا گیا ہے،جہاں زخمیوں کو طبی امداد دی جارہی ہیں،جب کہ افسوسناک واقے میں ہلاک ہونے والوں کی میتیوں کو لواحقین کے حوالے کردیا گیا ہے یاد رہے افغان طالبان کے امیر ملا اختر منصور کو اتوار کو ایک ڈرون حملے میں ہلاک کر دیا گیا تھا،کئی حلقے اس خودکش بم دھماکے کو ملا اختر منصور کی ہلاکت کا ردعمل قرار دے رہے ہیں۔

ایمز ٹی وی(انٹرٹینمنٹ) اداکار اکشے کمار کا شمار ان بھارتی فنکاروں میں ہوتا ہے جو اپنے پیشے سے دیانت داری سے منسلک ہیں اور سیاسی و مذہبی معاملات میں الجھنا پسند نہیں کرتے،لیکن حال ہی میں ایک انٹرویو میں اکشے نے انکشاف کیا کہ وہ نسل پرستی کا شکار ہوچکے ہیں۔ ان کا کہنا تھا کہ نسل پرستی کوئی حیران کن بات نہیں یہ بھارت سمیت ہر جگہ موجود ہے۔اکشے کمارنے کہا کہ بالی وڈ اسٹار شاہ رخ ،پریانکا چوپڑا اور سونم کپور کی طرح وہ بھی بیرون ملک نسل پرستی سے متاثر ہوئے ہیں لیکن وہ اس ایشو پر واویلا نہیں کرنا چاہتے کیونکہ غیر ملکیوں سے اس طرح کا سلوک ہمارے ملک میں بھی کیا جاتا ہے۔ انھوں نے کہا کہ گورے جب بھارت آتے ہیں تو یہاں کے لوگ بھی ان سے امتیازی سلوک کرتے ہیں۔ایسا نہیں ہے کہ بھارت کے لوگ گوروں کو ویلکم کرتے ہیں اور انھیں سینے سے لگاتے ہیں۔