ایمزٹی وی (انٹرنیشنل) یورپی ملک آسٹریامیں ہونے والےصدارتی انتخابات میں الیگزینڈر وین ڈر بیلن نے نوبٹ ہوفر کوشکست دے کریورپی یونین میں دائیں بازو کا پہلا صدر منتخب ہونے سے روک دیا. تفصیلات کے مطابق اتوار کے دن الیکشن کے ابتدائی نتائج میں فریڈم پارٹی کےنوبٹ ہوفرکو برتری حاصل تھی تاہم یہ برتری بہت کم فرق سے تھی. گزشتہ روز ڈاک کےذریعے موصول ہونےوالےووٹوں کی گنتی کےبعد الیگزینڈر وین ڈر بیلن نے صدارتی انتخابات میں کامیابی حاصل کرلی. نوبٹ ہوفرنے شکست تسلیم کرتے ہوئے کہاکہ ان کے لیے یہ ایک افسوناک دن ہے تاہم دکھی ہونے کی ضرورت نہیں کیونکہ انتخابات میں جو کوششیں کی گئی ہیں وہ ضائع نہیں گئیں،بلکہ مستقبل میں ان کا اثر نظر آئے گا۔

ایمزٹی وی (انٹرنیشنل)  یمن کے شہرعدن میں داعش کاحملہ،خودکش بم دھماکےمیں کم از کم پچاس افرادجاں بحق ہوگئے تفصیلات کے مطابق یمن کے جنوبی شہر عدن میں حملہ آور نے فوج کے ٹرینگ سینٹر میں نوجوانوں کی قطار کے قریب خود کو دھماکے سے اڑایا،ابھی تک یہ واضح نہیں ہوسکاکہ خودکش حملہ آور نے دھماکہ خیز جیکٹ سے خود کو اڑا یا بارود سے بھری گاڑی کےذریعےدھماکہ کیاگیا۔ دہشت گرد تنظیم داعش نےیمب کے شہر عدن میں حملے کی ذمہ داری قبول کرلی ہے۔ یاد رہے گذشتہ دنوں یمن میں المکلاپورٹ کے قریب پولیس کےٹریننگ سینٹر میں خودکش حملہ آور نے اپنے آپ کو دھماکے خیزمواد سے اُڑا دیا،جس میں 25 پولیس اہلکار جان کی بازی ہار گئے، جبکہ 64 افراد زخمی ہوگئے تھے.رواں ماہ یمن میں داعش کی جانب سے کیا جانے والا تیسرہ بڑا حملہ ہے،حملوں میں مرنے والوں کی تعداد سو سے زائد ہوچکی ہے.واضح رہے اس سے قبل المکلا شہر سے باہرعسکریت پسندوں کی جانب سے دھماکہ خیزمواد سے بھری گاڑی کو فوجی اڈے میں اُڑایا گیاتھا،جس کے نتیجے میں 15 فوجی جاں بحق ہوئے تھے،داعش نے دھماکے کی ذمہ داری قبول کرلی تھی.

ایمزٹی وی(انٹرٹینمنٹ)بالی ووڈ اداکارہ انوشکا شرما اپنی نئی آنے والی فلم میں سلمان خان کے مدمقابل مرکزی کردار ادا کررہی ہیں جس کے لیے وہ نہایت پرجوش ہیں جب کہ فلم میں اپنے کردار میں ڈھلنے کے لیے مارشل آرٹ اور پہلوانی کی تربیت لی تھی جس کے بعد اب وہ فلم میں سب سے منفرد کردار ادا کرتی نظر آئیں گی۔

بالی ووڈ اداکارہ انوشکا شرما فلم ”سلطان“ میں پہلوانی کے ساتھ ساتھ گھریلو لڑکی کے روپ میں بھی نظر آئیں گی جس کے لیے انہوں نے کھیتی باڑی کرتے ہوئے ٹریکٹر چلایا تھا لیکن اب انہوں نے فلم میں اپنے کردار میں حقیقت کا رنگ بھرنے کے لیے گوبر کے اوپلے بناتے ہوئے مناظر کی عکس بندی کرائی ہے جب کہ فلم کے مناظر کی عکس بندی کراتے ہوئے اداکارہ کسی قسم کی ہچکچاہٹ کا اظہار نہیں کیا بلکہ مناظر کی خوشی سے عکس بندی کراکے فلم میں اپنے انتخاب کو درست ثابت کردیا ہے۔

واضح رہے کہ فلم ”سلطان“ رواں سال عید الفطر کے موقع پر ریلیز کی جائے گی۔

ایمز ٹی وی(کھیل) بھارتی بیٹسمین ویرات کوہلی نے ڈانسنگ اور گلوکاری کے بعد اب پینٹنگ بھی شروع کردی ہے۔ آئی پی ایل ٹیم رائل چیلنجرز بنگلور نے ایک دلچسپ ویڈیو جاری کی جس میں کوہلی پینٹنگ کررہے ہیں، انھوں نے پہاڑ، ندی اور ایک ہٹ بھی بنایا۔ اس وقت نوجوان بیٹسمین اپنے کیریئر کی بہترین فارم میں ہیں، آئی پی ایل کے رواں سیزن میں اب تک وہ ریکارڈ 900 رنز بناچکے ہیں، انھوں نے تن تنہا اپنی ٹیم کو پلے آف میں پہنچایا۔ واضح رہے کہ ویرات کوہلی اس سے قبل گلوکاری اور ڈانس کے جوہر بھی دکھا چکے ہیں۔