ایمز ٹی وی (تجارت) ایف پی سی سی آئی میں آل پاکستان سی این جی ایسوسی ایشن کے اجلاس کی صدارت کرتے ہوئے ایسوسی ایشن چیئرمین کا کہنا ہے کہ سوئی سدرن نے بغیر مشاورت کے سندھ میں اچانک 3 روز گیس کی لوڈ شیڈنگ شروع کر دی ہے جس کے سبب عوام سی این جی کے حصول کے لئے لمبی قطاروں میں خوار ہو رہے ہیں۔ اسکے علاوہ انرجی ویلیو میں اضافے کے سبب پمپ مالکان کو گیس مہنگی مل رہی ہے۔ ایسوسی ایشن نے حکومت سے مطالبہ کیا ہے کہ پنجاب کی طرح سندھ میں بھی پمپس پر گیس انفرا اسٹرکچر ٹیکس کو فوری طور پر ختم کیا جائے۔ -

ایمزٹی وی(انٹرنیشنل) مصر کے تباہ ہونے والے طیارے ایئر بس اے 320 کا ملبہ اور بلیک باکس مل گیا۔ طیارہ گذشتہ روز پیرس سے انقرہ جاتے ہوئے گر کر تباہ ہوگیا تھا۔ اس سے قبل دعویٰ کیا گیا تھا کہ یونانی جزیرے سے ملنے والا ملبہ مصری طیارے کا ہے تفصیلات کے مطابق مصر کے تباہ ہونے والے طیارے کا ملبہ اور بلیک باکس مل گیا ہے۔ ملبہ مصر کے شہر اسکندریہ کے قریب سمندر میں ملا اس سے قبل طیارے کے ملبہ کی تلاش کا کام بحیرہ روم میں بڑے پیمانے پر جاری تھا۔ تلاش کے عمل میں مصری، یونانی، فرانسیسی اور برطانوی فوجی اہلکار حصہ لے رہے تھے گزشتہ روز مصر کی ہوا بازی کی وزارت نے مسافر طیارے کی بحیرہ روم میں یونان کے جزیرے کیٹے میں گر کر تباہ ہونے کی تصدیق کردی تھی۔ وزارت کا کہنا تھا کہ پیرس سے قائرہ آنے والی ایئر بس اے 320 تباہ ہوگئی ہے جس پر دہشت گردی کا حملہ متوقع ہے کیونکہ بظاہر اس میں کوئی تکنیکی نقص موجود نہیں تھا مصری طیارے میں عملے کے 10 ارکان سمیت 66 مسافر سوار تھے۔ مسافروں کا تعلق مصر، فرانس، برطانیہ اور دیگرممالک سے تھا گذشتہ ماہ بھی مصری ایئر لائن ہی کے ایک طیارے کو ایک اغوا کار نے ہائی جیک کرنے کے بعد اسے قبرص میں اتار لیا تھا اس سے قبل گذشتہ برس ملائیشیا کا بھی ایک طیارہ دوران پرواز لاپتہ ہوچکا ہے۔ تلاش کرنے والوں نے مختلف مقامات پر جہاز کے ملبے کے ٹکڑے ملنے کا دعویٰ کیا ہے۔

ایمز ٹی وی(ٹیکنالوجی)دنیا ایک عرصے سے اس بات کی منتظر تھی کہ ٹیکنالوجی کی دنیا کی معروف ترین کمپنی گوگل خود اپنا فون کب پیش کرے گی۔ گوگل نیکسس فون ویسے تو دستیاب ہیں لیکن انھیں گوگل خود تیار نہیں کرتا بلکہ گوگل کی اشتراکی کمپنیاں جیسے کہ ایل جی، ایچ ٹی سی اور ہواوے بناتی ہیں لیکن اب گوگل اپنا فون مکمل طور پر خود تیار کرے گا۔ گوگل کے تازہ ترین اعلان کے مطابق ان کے ماڈیولر فون 2017 میں دستیاب ہوں گے۔

گوگل کا یہ نیا فون پروجیکٹ ایرا کے تحت پیش کیا جائے گا۔ اس پروجیکٹ میں ماڈیولر فونز پر کام کیا جا رہا تھا جس کے تحت صارفین اپنی پسند سے اپنا فون خود بنا سکیں گے۔ اس فون کے مختلف حصے جیسے کہ کیمرا، بیٹری اور دیگر ہارڈویئر کو ضرورت کے تحت جب چاہیں بدلا جا سکے گا۔ جس طرح ہم کمپیوٹر کے مختلف حصے ضرورت پڑنے پر خود بدل سکتے ہیں۔ اگر فون کا کیمرہ مزید بہتر، اضافی بیٹری یا اسپیکر، مزید طاقت ور ریم وغیرہ لگانا ہو تو فون میں موجود ٹائلوں کی طرح لگے کسی بھی حصے کو نکال کر نیا ہارڈ ویئر لگایا جا سکے گا۔ اس طرح صارفین کو بار بار نئے فون خریدنے سے نجات مل جائے گی کیونکہ وہ خود اپنی پسند سے اپنا فون بنا اور اپ گریڈ کر سکیں گے۔ اس منصوبے پر کئی سالوں سے کام جاری تھا لیکن گزشتہ روز پہلی دفعہ گوگل نے اس فون کے پروٹوٹائپ ورژن کا کامیاب تجربہ پیش کیا۔

ایمزٹی وی(انٹرنیشنل) وائٹ ہاؤس کے قریب فائرنگ کوئی جانی نقصان نہیں ہوا۔ پولیس نے ملزم کو اپنی حراست میں لے لیاہے ابتدائی رپورٹ کے مطابق واشنگٹن میں وائٹ ہاؤس کے مغربی حصے کے قریب ایک مسلح شخص نے اچانک فائرنگ شروع کردی۔ تاہم فائرنگ کے واقعے میں کسی شخص کے ہلاک یا زخمی ہونے کی اطلاعات نہیں ہیں سکیورٹی اہلکاروں نے جوابی فائرنگ کرتے ہوئے اس مسلح شخص کو زخمی کر دیا،امریکی میڈیا کے مطابق مذکورہ شخص وائٹ ہاؤس میں داخل ہونے کی کوشش کررہا تھا فائرنگ کے واقعے کے وقت امریکی صدر باراک اوبامہ وائٹ ہاؤس میں موجود نہیں تھے پولیس نے سیکورٹی کے پیش نظر وائٹ ہاؤس کو سیل کردیا ہے۔ پولیس کے مطابق فائرنگ کرنے والے شخص کو حراست میں لے لیا گیا ہے۔ ملزم سے مزید تفتیش کی جا رہی ہے۔