ایمز ٹی وی(ٹیکنالوجی) پہلے فس بک پر صرف لکھ کر تبصرہ کیا جا سکتا تھا لیکن بعد میں فیس بک نے تصویری تبصروں کا فیچر متعارف کرایا اس فیچر نے صارفین میں بھرپور پذیرائی حاصل کی اور سبھی نے دوسروں کی پوسٹوں کا جواب تصویروں سے دینا شروع کر دیا۔ اب ہو جائیں تیار کیونکہ فیس بک وڈیوز کے ذریعے تبصرہ کرنے کا فیچر بھی متعارف کرانے والی ہے۔

یہ فیچر فیس بک کی اینڈروئیڈ اور آئی او ایس ایپلی کیشن پر استعمال کیا جا سکے گا۔ فی الحال اس فیچر کو جاری کرنے کی کوئی حتمی تاریخ سامنے نہیں آئی البتہ اگلے چند ہفتوں میں اس کے سامنے آنے کی امید رکھی جا سکتی ہے۔ اس کے اجرا کے بعد کمنٹ باکس میں موجود کیمرے کو جب آپ استعمال کریں گے تو وڈیو بنانے کا آپشن بھی موجود ہو گا اس طرح آپ فوری اپنی مختصر سی ویڈیو کے ذریعے بھی کسی کی پوسٹ پر اظہار خیال کر سکیں گے۔

ایمزٹی وی (انٹرنیشنل) غیر ملکی خبر رساں ادارے کے مطابق گلبدین حکمت یار کی تنظیم اسلامی اور حکومت کے درمیان ابتدائی امن معاہدے پر اہم پیش رفت سامنے آئی ہے جب کہ مستقبل میں ممکنہ طور پر طے پائے جانے والے معاہدے کے تحت حزب اسلامی حکومت سے تعاون کرے گی جب کہ اس کے بدلے افغان حکومت کی جانب سے حزب اسلامی کے قیدیوں کی رہائی، کارکنان کو عام معافی اور تنظیم کا نام امریکا اور یورپی ممالک کی بلیک لسٹ سے نکالنے کی پیش کش کی گئی ہے خبر ایجنسی کےمطابق ممکنہ معاہدے کے مجوزہ مسودے میں 3 حصے اور 26 آرٹیکل شامل ہیں جس میں غیرملکی افواج کے فوری انخلا کو فی الحال ملتوی کردیا گیا ہے تاہم حزبِ اسلامی قومی اتحادی حکومت کا حصہ نہیں بن سکے گی اور نہ ہی اسے سیاسی جماعت کا درجہ دیا جائے گا لیکن تنظیم کا نام اقوامِ متحدہ کی دہشت گرد تنظیموں کی فہرست سے نکالنے میں مدد دی جائے گی جب کہ معاہدے کے تحت حزب اسلامی اور اس کے سربراہ گلبدین حکمت یار اپنی کارروائیاں فوری طور پر روک دیں گے افغان چیف ایگزیکٹو عبداللہ عبداللہ کے سینئر معاون کا کہنا ہےکہ ہم معاہدے کے متعلق پر امید ہیں لیکن اس سے مراد ہر گز کسی بھی قسم کا حتمی معاہدہ طے پانا نہیں ہے۔ خبر ایجنسی کے مطابق افغان حکومت کا خیال ہے کہ حزب اسلامی کے بعد طالبان پر بھی یہ دباؤ بڑھ سکتا ہے کہ وہ اپنی سرگرمیاں ترک کرکے افغان حکومت سے تعاون پر آمادہ ہوسکے واضح رہے کہ اپریل میں گلبدین حکمت یار کے نائب امین کریم نے کہا تھا کہ معاہدے میں ہمارا اہم ترین مطالبہ تھا کہ افغان سرزمین پر موجود تمام غیر ملکی افواج کو فوری طور پر نکالا جائے اور یہی نکتہ امن معاہدے میں سب سے بڑی رکاوٹ بنا ہوا ہے۔

ایمزٹی وی(اسلام آباد) حکومت اور اپوزیشن مشترکہ ٹی او آرز کے لئے بارہ رکنی پارلیمانی کمیٹی بنانے پرمتفق ہو گئے۔ کمیٹی کا کوئی سربراہ نہیں ہو گا۔ ایم کیو ایم کوکمیٹی میں شامل نہیں کیا گیا۔ تفصیلات کے مطابق اسپیکر قومی اسمبلی ایاز صادق کی صدارت میں حکومت اور اپوزیشن جماعتوں کا اجلاس ہوا۔ پاناما لیکس الزامات کی تحقیقات کے لیے کمیشن کے قیام اور مشترکہ ٹی او آرز تشکیل دینے کے لیے پارلیمانی کمیٹی بنانے پر اتفاق ہو گیا۔ قومی اسمبلی اجلاس میں قرارداد کے ذریعے کمیٹی کے قیام کا اعلان کیا جائے گا۔ کمیٹی میں 6 حکومت جبکہ 6 اپوزیشن کے ارکان ہونگے۔ وزراءنے میڈیا سے گفتگو میں بتایا کہ کمیٹی دو ہفتے میں کام مکمل کرے گی۔ اپوزیشن رہنماوں کا کہنا تھا کہ اگر مشترکہ ٹی او آرز پر اتفاق ہو گیا تو حکومت چیف جسٹس کو نئے ٹی او آرز بھجوائے گی۔ خورشید شاہ نے دھمکی دی کہ معاملہ پارلیمنٹ میں حل نہ ہوا تو سڑکوں پر بھی آ سکتے ہیں۔ اپوزیشن کی جانب سے کمیٹی میں اعتزاز احسن، شاہ محمود قریشی، الیاس بلور، آفتاب شیرپاو، صاحبزادہ طارق اللہ اور طارق بشیر چیمہ شامل ہیں جبکہ حکومت نے بھی اتحادیوں کی مشاورت سے ناموں کو حتمی شکل دیدی ہے۔

ایمز ٹی وی(ٹیکنالوجی)فیس بک ری ایکشنز کی آمد کے بعد لائیک بٹن کو ایک جدت حاصل ہوئی۔ اس کی مدد سے لوگ پسندیدگی کے ساتھ ساتھ ناپسندیدگی کا اظہار بھی کر سکتے ہیں۔ لیکن اب فیس بک کا ارادہ ہے اس میں ایک اور تبدیلی لانے کا۔ گزشتہ دنوں آپ نے دیکھا ہو گا کہ فیس بک ری ایکشنز میں مادرز ڈے کے حوالے سے ایک پھول شامل کیا گیا تھا اس کے علاوہ فیس بک پر ویڈیوز کمنٹس کرنے کا فیچر بھی آنے والا ہے۔

لیکن اب نئی تبدیلی کے ذریعے اس میں آپ کی اپنی تصویر شامل ہو گی۔ یعنی کسی پوسٹ پر آپ جو ری ایکشن پوسٹ کرنا چاہیں گے اس کی جگہ ویسے ہی جذبات کی حامل آپ کی چھوٹی سی تصویر موجود ہو گی۔

اس کام کے لیے فیس بک آپ کی اپ لوڈ کردہ تمام تصاویر میں سے فوراً مطلوبہ موڈ کی تصویر تلاش کر کے پیش کر دے گی جو آپ پوسٹ کر کے اپنے جذبات کا اظہار کر سکیں گے۔ اس نئے فیچر سے صحیح لطف اندوز ہونے کے لیے آپ کی مختلف موڈز میں بہت ساری تصاویر فیس بک پر اپ لوڈ ہونی چاہئیں۔ اس کے علاوہ گروپ تصاویر میں درست ٹیکنگ بھی ہونی چاہیے تاکہ ہر بار کسی ری ایکشن کی جگہ آپ کی اپنی تصویر موجود ہو۔