ایمزٹی وی (انٹرنیشنل) امریکی ماہرین کے مطابق یہ کشتی سمندری حدود میں داخل ہونے والی دشمن کی بناء آواز پیدا کیے چلنے والی آبدوزوں کو ڈھونڈ نکالنے کی صلاحیت رکھتی ہے،جو بغیر کسی عملے کے تین ماہ سے زائد عرصے تک سمندر میں رہ سکتی ہے تفصیلات کے مطابق یہ کشتی ایک سو بتیس فٹ لمبی ہے،’’اینٹی سب میرین وارفیر ‘‘ نامی یہ ڈرون کشتی ایک کلو میٹر تک سمندری حدود مٰیں داخل ہونے والی دشمن کی سب میرینز کاسراغ لگاسکتی ہے بحریہ ٹیکنالوجی کی اس نئی ایجاد کا ٹیسٹ پہلی مرتبہ 27 جنوری 2016 کو پرتگال میں کیا گیا،جہاں اس نے 50 کلو میٹر فی گھنٹہ کے حساب سے مسافت طے کی اور اپنے ہدف کو جا لیا تاہم کھلے پانی میں اس کا ٹیسٹ 7 اپریل 2016 کو کیلی فورنیا کے ساحل میں کیا گیا۔جہاں اس نے کامیابی کے ساتھ دیگر سب میرین کے ساتھ مل کر اپنا ہدف ہورا کیا “ڈیفنس ایڈوانس ریسرچ پروجیکٹ ایجینسی”(ڈارپا) کے ڈپٹی ڈائریکٹر واکر نے میڈیا سے بات کرتے ہوئے کہا کہ تصور کریں بغیر کسی انسانی مدد کے ایک کشتی سمندری قوانین کی مکمل پاسداری کے ساتھ سطح سمندر اور پانی کے اندر موجود سب مرین کے ساتھ مل کر مہینوں تک بلا تعطل کام کرسکے گی،یہ بھت انہونا ہے نیوی کی ریسرچ ٹیم اور خلائی و بحری نظام برائے وارفئیر کمانڈ مشترکہ طور پر طویل فاصلے تک مار کرنے کی صلاحیت پر کام کریں گے،امید ہے 18 ماہ میں یہ تحقیق مکمل ہو جائے گی،اور یہ ڈرون کشتی طویل فاصلے تک مار کرنے کی صلاحیت پیدا کر لے گی یاد رہے اس پروجیکٹ پر کام 2010 سے شروع کیا گیا تھا جب ’’ڈیفنس ایڈوانس ریسرچ پروجیکٹ ایجینسی‘‘(ڈارپا) نے 132 فٹ لمبی کشتی بنانے کا اعلان کیا تھا جو بِناء کسی آواز کے چلنے والی سب میرین کا پتہ بھی چلا لیں گی کامیاب تجربے کے بعد کئی ممالک نے اس ڈرون کشتی کی خریداری میں دلچسپی ظاہر کی ہے،امید کی جارہی ہے دفاعی ٹیکنالوجی میں یہ ڈرون کشتی ایک سنگَ میل ثابت ہو گی جو خاموشی سے سمندری حدود میں گھسنے والی دشمن آبدوزوں کو بھی ڈھونڈ نکالنے میں کمال مہارت رکھتی ہے۔

ایمز ٹی وی (انٹرٹینمنٹ) اداکار رؤف لالہ نے کہا بھارتی چینل پر کام کرکے احساس ہوا کہ ٹیلنٹ کبھی شکست نہیں کھاتا۔ دونوں ممالک کے درمیان فنکار ثقافتی تعلقات کی بحالی میں پل کا کا م سر انجام دے رہے ہیں۔ ٹینشن زدہ ماحول میں اصلاحی و بامقصد مزاحیہ ڈرامے وقت کی ضرورت بن چکے ہیں۔ ان کا کہنا تھا کہ فنکاروں کو مل جل کر تھیٹر کی بحالی کے لیے کوششیں کرنا ہوں گی۔ عید کے ڈرامے کے لیے ممبئی میں چینل کی مصروفیات چھوڑ کر آئیں گے۔ لوگوں کو معیاری تھیٹر کے ذر یعے اچھی تفریح فراہم کرنے کی کوشش کرتے رہیں گے۔ ممبئی کے واقعات کے بارے میں ان کا کہنا تھا کہ بھارتی فنکاروں کی اکثریت دونوں ملکوں کے درمیان امن چاہتے ہیں۔

ایمز ٹی وی (انٹرٹینمنٹ) بالی ووڈ کی خوبرو اداکارہ نرگس فخری اپنے محبوب اور یش راج فلمز کے بانی یش چوپڑا کے بیٹے اودے چوپڑا کی جانب سے شادی سے انکار پر بھارت چھوڑ کر امریکا چلی گئیں۔ امریکی ماڈل گرل نرگس فخری نے بھارتی فلم نگری میں کیرئیر کا آغاز 2011 میں ریلیز ہونے والی فلم ’’روک اسٹار‘‘ سے کیا جس میں ان کی اداکاری کو سراہا گیا جب کہ اداکارہ نرگس فخری کے کئی معاشقے زبان زد عام رہے ہیں جس میں ان کا یش راج فلمز کے بانی کے بیٹے اودے چوپڑا سے معاشقہ سب سے زیادہ خبروں کی زینت بنا رہا ہے تاہم اب اپنے معاشقے میں ناکامی پر اداکارہ نے بھارت چھوڑ دیا ہے۔

میڈیا رپورٹس کے مطابق نرگس فخری نے اداکار اودے چوپڑا کی جانب سے شادی سے انکار پر دلبرداشتہ ہوکر بھارت چھوڑ دیا اور نیویارک چلی گئی ہیں جب کہ ان کے محبوب اودے کی جانب سے شادی سے انکار پر اداکارہ کو شدید ذہنی صدمہ پہنچا ہے جس کے بعد انہوں نے اپنی فلم ’’اظہر‘‘ کی تشہیری مہم میں بھی حصہ لینے سے انکار کردیا تھا تاہم اداکارہ گزشتہ دنوں خاموشی کے ساتھ نیویارک چلی گئی ہیں جس کے باعث ان کی کئی فلموں کی شوٹنگ بھی روک دی گئی ہے۔ واضح رہے کہ اداکارہ نرگس فخری اپنی فلموں’’ہاؤس فل تھری‘‘ اور ’’ڈشوم‘‘ کی شوٹنگ میں مصروف تھیں۔