ایمز ٹی وی (انٹرٹینمنٹ) اداکارہ وماڈل ساشا آغا کو فلموں میں مرکزی کرداروں کے ساتھ بھارتی میوزک کمپنی کی جانب سے البم ریکارڈ کرنے کی پیشکش ہونے لگی۔ساشاآغا کا اس سلسلے میں کہنا ہے کہ میری والدہ نے جس طرح سے بالی وڈ میں ایکٹنگ اورمیوزک کے شعبے میں انٹری دی تھی ، وہ بہت کم لوگوں کے حصے میں آتا ہے۔ ان کی فلم نے زبردست کامیابی حاصل کی تھی اور ان کی آوازکے چرچے بھی ہر طرف ہونے لگے تھے۔

انھوں نے کہاکہ اس وقت میں دونئی فلموں میں کام کررہی ہوں جن کی شوٹنگ کی وجہ سے گزشتہ دنوں ممبئی سے باہر تھی۔ جہاں تک بات پاکستان میں کام کی ہے تواچھا کرداراورکہانی جونہی مجھے آفرہوگی توپہلی ترجیح پاکستانی فلم ہی ہوگی۔ میں توایک آرٹسٹ ہوں اورسب لوگ جانتے ہیں کہ آرٹسٹ اوراس کا فن کبھی بھی سرحدوں کے محتاج نہیں ہوتے۔ ان کے چاہنے والے ہر جگہ ہوتے ہیں ۔ انھوں نے مزید کہا کہ اچھے کردارکی تو ہر فنکار کو تلاش ہوتی ہے ،مجھے بھی منفرد کردار کی تلاش ہے کیونکہ منفرد کردارایک اچھے فنکارکی زندگی بنا نے کے ساتھ اس کولوگوں کے دلوں پرراج کرنے کا ہنربھی سیکھاتا ہے۔

ایمزٹی وی (انٹرنیشنل) امریکی محکمہ خارجہ کے ترجمان جان کربی کا کہنا تھا کہ پاکستان اور افغانستان میں دہشت گردوں کی محفوظ پناہ گاہیں موجود ہیں تفصیلات کے مطابق امریکی محکمہ خارجہ کے ترجمان جان کربی نے واشنگٹن میں نیوز بریفنگ کے دوران دہشتگردوں کو پاکستان اور افغانستان کے لیے خطرہ قرار دیا جان کربی کا کہنا تھا کہ امریکہ کے پاکستان کے ساتھ سنجیدہ نوعیت کے تعلقات ہیں جان کربی کا کہنا تھا کہ دہشت گردوں نے دونوں ممالک کے درمیان محفوظ پناہ گاہیں قائم کی ہوئی ہیں،دہشت گردوں کا پیچھا کرنے کے لیے پاکستان کے ساتھ تعاون کررہے ہیں، دہشت گرد افغانستان اور پاکستان کی عوام کے دشمن ہیں امریکہ کے ساتھ پاکستان کے دوطرفہ تعلقات حال ہی میں تناؤ کا شکار ہوئے ہیں،امریکی حکومت کی جانب سے فروری میں اعلان کیاگیا تھا کہ وہ پاکستان کوآٹھ F-16 طیاروں کے ساتھ ساتھ لاک ہیڈ مارٹن کارپوریشن کے بنائے ہوئے جدید ریڈاراوردیگرفوجی سامان فراہم کرےگا، یہ معاہدہ 699 ملین ڈالر میں طے پایا تھا کانگریس کی طیاروں کی خریداری پر مالی معاونت کرنے پر اعتراض کیا گیا تھا جس کے بعد امریکہ نے پاکستان کو طیاروں کی مکمل رقم دینے کا کہا تھا یاد رہے سینیٹ کی خارجہ تعلقات کمیٹی کے چیئرمین ری پبلکن سینیٹر باب کورکر نے کہا تھا کہ وہ اپنی اثرورسوخ کا استعمال کرکے پاکستان کو امریکی فنڈز کی فراہمی روکیں گے جس سے پاکستان کو پیغام ملے گا کہ اسے دہشتگردوں کے خلاف جنگ میں مزید کام کرنےکی ضرورت ہے امریکی محکمہ خارجہ کے ترجمان جان کربی کا کہنا تھا کہ طورخم بارڈر کو آمدورفت کے لیے کھلا دیکھنا چاہتے ہیں واضح رہےطورخم بارڈر کو پاکستان اور افغانستان کی فورسسز کے درمیان بڑھتی ہوئی کشیدگی کے باعث بندکردیاگیا تھا، پاکستان کی جانب سےسرحد پر غیر قانونی نقل وحرکت کو روکنے کے لیے خاردار باڑ لگانے پر افغانستان نے مخالفت کی تھی.

ایمز ٹی وی (انٹرٹینمنٹ) نامور ویڈیو گیم پر مبنی ہالی ووڈ کی ایکشن سے بھرپورنئی فینٹسی تھرل فلم ’اسیسنز کریڈ‘ کا پہلا سنسنی خیز ٹریلر جاری کر دیا گیا ہے۔ ہدایتکار جسٹن کرزل کی فلم کی کہانی ایک ایسے نوجوان کے گِرد گھوم رہی ہے۔ جسے مختلف تجربات کے بعد ایک انوکھی جنگ کیلئے تیار کیا جاتا ہے۔ یہ جانباز نوجوان ایک انوکھی دنیا میں بھیجا جاتا ہے جہاں اسے کئی صدیوں قدیم ادھوری جنگ کو اپنی بہادری سے انجام کو پہنچانا ہوتا ہے۔

ماہر نشانے باز اور ہتھیاروں کو مہارت سے استعمال کرنیوالا یہ جانباز جنگجو غیر معمولی صلاحیتوں کی بنا پر نہ صرف اپنے آبائو اجداد کی بدی کیخلاف جنگ کو جاری رکھنے کا فیصلہ کرتا ہے، بلکہ اپنے مشن کو بھی مکمل کرنے کی کوشش کرتا ہے۔ جین جولیئن اور پیٹرک کرولی کی مشترکہ پروڈکشن میں بننے والی اس فلم میں ہالی وڈ اداکار مائیکل فیسبینڈر مرکزی کردار میں جلوہ گر ہونگے۔ ان کے علاوہ فلم کی دیگر کاسٹ میں ماریئن کاٹی لارڈ، جیریمی آئرنز، برینڈن گریسن، مائیکل ولیئمز، کارلوس بارڈیم اور کارلوم ٹرنر شامل ہیں۔