ایمز ٹی وی(ٹیکنالوجی) کروڑوں صارفین کی پسندیدہ میسجنگ ایپلی کیشن واٹس ایپ کا ڈیسک ٹاپ ورڑن متعارف کروا دیا گیا ہے جسے آپ ونڈوز کے علاوہ میک سسٹم پر بھی انسٹال کر سکتے ہیں۔

اس سے پہلے واٹس ایپ ویب کی سہولت موجود تھی لیکن یہ پہلی بار ہوا کہ واٹس ایپ کا ڈیسک ٹاپ پروگرام بنایا گیا ہے جسے صارفین واٹس ایپ کی ویب سائٹ سے مفت ڈاو¿ن لوڈ کر سکتے ہیں۔ اس طرح واٹس ایپ کو استعمال کرنا مزید آسان ہو جائے گا کیونکہ کمپیوٹر پر کوئی بھی پروگرام فون کے مقابلے میں زیادہ آسانی سے استعمال کیا جا سکتا ہے۔

یاد رہے کہ اس پروگرام کے باوجود آپ کے پاس واٹس ایپ فون پرانسٹال ہونا ضروری ہے۔ فون پرموصول ہونے والے واٹس ایپ کے تمام پیغامات اور نوٹی فکیشنز آپ اس پروگرام میں دیکھ سکیں گے اور ان کے جوابات بھی دے سکیں گے۔ اس میں کی بورڈ شارٹ کٹس بھی کام کریں گے۔ واٹس ایپ کے تازہ ترین ورڑن میں تمام صارفین واٹس ایپ ٹیکسٹ فارمیٹنگ بھی استعمال کرسکتے ہیں۔

ایمز ٹی وی(کراچی) صولت مرزا کے قریب ساتھی مہناج قاضی عرف اسد کی جے آئی ٹی رپورٹ مکمل کر لی گئی۔ دنیا نیوز نے جے آئی ٹی رپورٹ کی کاپی حاصل کر لی ۔ 1991 میں مہناج قاضی عرف اسد نے ایم کیو ایم میں شمولیت اختیار کی ۔ مہناج قاضی عرف اسد نے اعتراف کرتے ہوئے کہا نارتھ ناظم آباد میں ٹارگٹ کلنگ کی 3 ٹیمیں کام کرتی تھیں۔ ایم کیو ایم کے محمد انور کے کہنے پر ٹارگٹ کلنگ کی ٹیم بنائی گئی۔

ایمز ٹی وی( ٹیکنالوجی) جرمنی کے آئی فون سیکیورٹی ماہرین نے ایسی ایپ تیار کی ہے جو آئی فون میں سیکیورٹی خطرات کی نشاندہی کر سکتی ہے اور اس کے ذریعے یہ بھی جانا جا سکتا ہے کہ ماضی میں کہیں ا?پ کا آئی فون ہیک یا جیل بریک تو نہیں ہوا۔

ایپل آئی فون کو دیگر اسمارٹ فونز کے مقابلے میں زیادہ محفوظ تصور کیا جاتا ہے لیکن اس کا یہ مطلب نہیں کہ یہ کبھی بھی ہیک نہیں ہو سکتا۔ پچھلے ہی دنوں آئی فون صارفین کو ایک جعلی پیغام کے ذریعے نشانہ بنا کر ان کا ذاتی ڈیٹا چوری کرنے کی کوشش کی گئی ہے۔ دراصل زیادہ تر صارفین آئی فون میں موجود سیکیورٹی سیٹنگز سے واقف ہی نہیں ہوتے اس لیے وہ انہیں صحیح طور پر استعمال نہیں کر پاتے جس کے نتیجے میں آئی فون ہیک کرنا ہیکرز کے لیے آسان ہو جاتا ہے۔ اس کے علاوہ ہمارے ہاں فون کو جیل بریک کرنے کا بھی عام رجحان پایا جاتا ہے۔

آئی فون کے جیل بریک ہو جانے کے بعد ایپل کی تصدیق شدہ ایپلی کیشنز کے علاوہ بھی جو چاہیں ایپلی کیشن انسٹال کی جا سکتی ہیں اس طرح غیرضروری اور ناقابل بھروسا ایپلی کیشنز انسٹال کرنے کا عمل بھی آئی فون کی سیکیورٹی کو نقصان پہنچاتا ہے۔ اگر کسی کا آئی فون ہیک ہو جائے تو ضروری نہیں کہ اسے اسکرین پر اس کی کوئی اطلاع ملے گی بلکہ اکثر لوگوں کا فون ہیک ہو چکا ہوتا ہے اور انہیں اس بات کی خبر ہی نہیں ہوتی۔

جب آپ آئی فون خریدیں تو پہلے اس بات کو یقینی بنائیں کہ وہ جیل بریک تو نہیں ہے۔ اس کے علاوہ اس بات کی بھی تصدیق ضروری ہے کہ آئی فون ماضی میں کبھی ہیک تو نہیں ہوا۔ عام صارفین کے لیے ان دونوں باتوں کو جانچنا آسان نہیں تھا لیکن اب یہ کام باآسانی ”سسٹم اینڈ سیکیورٹی انفو“ ایپلی کیشن کے ذریعے کیا جا سکتا ہے۔

یہ ایپ آئی فون کی سیکیورٹی کے حوالے سے مکمل جائزہ لینے کے بعد رپورٹ پیش کرتی ہے جس میں نہ صرف فون میں دریافت ہونے والے سیکیورٹی خطرات کی نشاندہی کی جاتی ہے بلکہ آئی فون کی جیل بریک صورت حال کے بارے میں بھی واضح بتایا جاتا ہے۔ یاد رہے کہ آئی فون کو حالیہ ایس ایم ایس فراڈ کا نشانہ بنانے کے بعد ہی جرمنی سے تعلق رکھنے والے آئی فون سیکیورٹی ماہرین نے اس ایپلی کیشن کو پیش کیا ہے۔

ایمزٹی وی(تعلیم) راولپنڈی کے ناظم راجہ رمیض حسن کی زیرصدارت اصغر مال کالج میں قومی پری بجٹ پر اجلاس منعقد کیا گیا۔ اجلاس سے خطاب کرتے ہوئےانجمن طلبا اسلام کے ترجمان وقار علی کا کہنا تھا کہ انجمن طلبا اسلام نے ہائر ایجو کیشن کمیشن کی کارکردگی پر تشویش کا اظہار کرتے ہوئے تعلیمی بجٹ جی ڈی پی کا 5فیصد کرنے کامطالبہ کیا ہے جبکہ 22مئی کوقومی پری بجٹ کانفرنس کابھی اعلان کیا ہے۔ جس میں تعلیمی مسائل پر روشنی ڈالنے کے لئے ماہرین تعلیم ،اساتذہ اور طالبعلم رہنما ملک بھر سے شرکت کریں گے۔