ایمز ٹی وی (کھیل) پاکستان کرکٹ ٹیم کے نومنتخب کوچ مکی آرتھر پی سی بی سے ماہانہ18 لاکھ روپے کا چیک سال میں 30 دن کی چھٹیاں اور ٹریول الائونس بھی حاصل کریں گے۔ پاکستان کرکٹ ٹیم کے نئے کوچ مکی آرتھر کو کوچنگ کے عوض 18 لاکھ روپے تنخواہ دی جائے گی انھیں سال میں 30 دن کی چھٹیاں اور ٹریول الائونس بھی دیا جائے گا۔ پی سی بی نے گذشتہ روز سابق جنوبی افریقی فرسٹ کلاس کرکٹر مکی آرتھر کو قومی ٹیم کی کوچنگ کی ذمہ داری سونپی ہے، آرتھر نے پاکستان میں قیام پر آمادگی ظاہر کر دی ہے،اورفی الحال وہ نیشنل کرکٹ اکیڈمی لاہور میں رہائش پذیر ہوں گے۔ البتہ اگر بعد میں چاہا تو انھیں کوئی گھر کرائے پر لے کر دے دیا جائے گا، ان کو سال میں 30 چھٹیاں ملیں گی، یہ انہی پر منحصر ہوگا کہ وہ کتنی بار اپنے آبائی وطن جاتے ہیں، پی سی بی انھیں ٹریول الائونس بھی دینے کا پابند ہوگا۔ واضح رہے کہ سابق کوچ وقاریونس کو ماہانہ 15 لاکھ روپے ملتے تھے، بعض دیگر الائونسز ملا کر یہ رقم اور زیادہ ہوجاتی تھی، وقار یونس ہر سیریز کے بعد اپنے سسرال آسٹریلیا چلے جاتے تھے جس پر انھیں کڑی تنقید کا نشانہ بنایا جاتا تھا۔

ایمز ٹی وی (کھیل) سابق کپتان شاہد خان آفریدی نے کہا ہے کہ کیریئر بچانے کے لیے کسی جھوٹ کا سہارا نہیں لیا جب کہ مزید 2 سال تک کرکٹ کھیلنا جاری رکھوں گا۔ اصغرعلی شاہ کرکٹ اسٹیڈیم کراچی میں میڈیا سے گفتگو کرتے ہوئے شاہد آفریدی نے کہا کہ سب جانتے ہیں کہ 2011 میں میرے ساتھ کیا کیا گیا اوراب 2016 میں کیا ہوا جب کہ اب وہ چاہے پاکستان کی طرف سے ہو یا پھر لیگز کھیلوں۔ انھوں نے خود کو بوڑھا کہنے کے حوالے سے کہا کہ شاید عبدالقادر نے آئینے میں اپنے آپ کو دیکھ کر یہ بات کہی ہو،اسٹار کھلاڑی نے کہاکہ بھارت میں منعقدہ آئی سی سی ورلڈ ٹی ٹوئنٹی کے دوران کھلاڑیوںمیں کوئی اختلاف نہیں تھا،ڈریسنگ روم کا ماحول بھی بہتر رہا، میں ایونٹ سے پہلے ہی ریٹائر ہونا چاہتا تھا لیکن 2 اہم سیریز سامنے آنے کی وجہ سے کیریئر کو جاری رکھا، آل رائونڈر نے دورئہ انگلینڈ کے لیے نوجوان کرکٹرز کے انتخاب کو خوش آئند قرار دیا۔

ایمز ٹی وی (انٹرٹینمنٹ) معروف کامیڈین شکیل صدیقی نے کہا ہے کہ کراچی شہر کا ہمارے اوپر قرض ہے اس کی روشنیاں واپس آرہی ہیں ہمیں بھی اپنا کام کرنا پڑے گا، عیدالفطر پر ڈرامہ ’’عید لیکیس‘‘ پیش کیا جائے گا۔ جس میں میرے ساتھ کامیڈین روف لالہ ،پرویز صدیقی، روفی انعم، زاکر مستانہ ، نعیمہ گرج ، مسکان بیگ، ولی شیخ ِ، شاہدہ مرتضی کردار ادا کرینگے ، اس ڈرامے کے پروڈیوسر ارمان صدیقی، شاہ جہا ں مرزا ہیں ڈرامے کو رؤف لالہ نے تحریر کیا ہے اس کھیل کی ہدایات یونس میمن کی ہیں۔

یہ بات انھوں نے کراچی پریس کلب میں پریس کا نفرنس سے خطاب کرتے ہوئے کہی،انھوں نے کہا کراچی میں ماضی جیساتھیٹر بحال کریں گے اس موقع پر کامیڈین روف لالہ، ولی شیخ ِ، یونس میمن، شاہ جہاں مرزا بھی موجود تھے، شکیل صدیقی نے کہا کہ ہم کراچی کے عوام کو بہترین تفریح فراہم کرنے کا عزم رکھتے ہیں، انھوں نے کہا بھارت میں کتنی بھی مصروفیات کیوں نہ ہوں جب بھی کراچی میں ڈرامے کے لیے کہا جاتا ہے میں اپنی تمام مصروفیات ملتوی کرکے کراچی پہنچ جاتا ہوں۔

ایمزٹی وی (انٹرنیشنل) پاکستان نے افغان حکومت اورطالبان کو اہم ترین پیغام میں واضح کردیا ہے کہ دونوں فریقین نے فوری طور پرمذاکراتی عمل شروع نہیں کیا تو پاکستان افغان مفاہمتی عمل سے مکمل طور پر الگ ہوجائے گا ۔
افغان حکومت اورطالبان واضح پالیسی کو طے کریں کہ مذاکرات چاہتے ہیں یا نہیں تاکہ رابطہ کار کمیٹی اپنی آئندہ کی پالسیی کا تعین کرسکے ۔اگر مذاکرات عمل کا آغاز نہ کیا گیا تو خطے میں پائیدار امن کی کوششوں کومتاثرکرنے ذمے داری ان پرہی عائد ہوگی۔اس پیغام میں کہاگیا ہے کہ افغان حکومت اور طالبان پہلے مذاکرات شروع اور بعد میں ایک دوسرے کیخلاف جنگ کرنے کے بیانات سامنے کی پالیسیوں کے سبب مذاکراتی عمل میں عارضی طور پر روکاوٹ آئی ہے۔
اس پالیسی پر نظر ثانی کریں ۔پالیسیوں کی تبدیلی کے سبب مذاکراتی عمل آگے نہیں بڑھ سکتاہے۔اس معاملے پر حتمی پالیسی کو طے کرلیں۔ دونوں فریقین مثبت پالسیی طے کریں گے تومذاکرات آگے بڑھیں گے ۔اس پیغام سے دونوں فریقین کو پس پردہ طور پر آگاہ کردیا گیا ہے ۔