ایمز ٹی وی (لاہور) عالمی ساکھ کے لحاظ سے دنیا کی 100 بہترین یونیورسٹیوں کی فہرست جاری کر دی گئی ، امریکا کی یونیورسٹیاں ٹاپ تھری پر ہیں ، برطانوی کیمبرج اور اوکسفورڈ یونیورسٹی کی دو درجے تنزلی ، فہرست میں پاکستان اور بھارت کی کوئی یونیورسٹی شامل نہیں ۔ ٹائمز ہائر ایجوکیشن نے عالمی ساکھ کے لحاظ سے دنیا کی 100 بہترین یونیورسٹیوں کی فہرست جاری کی ہے جس میں پہلی تین پوزیشنز پر امریکی یونیورسٹیاں ہارورڈ یونیورسٹی ، میساچوسیٹس انسٹی ٹیوٹ آف ٹیکنالوجی ، سٹینفورڈ یونیورسٹی براجمان ہیں۔ برطانیہ کی کیمبرج اور اوکسفورڈ دو درجے کی تنزلی کے بعد بالترتیب چوتھے اور پانچویں نمبر پر ہیں۔گذشہ سال کے مقابلے میں 100 بہترین یونیورسٹیوں میں ایشیائی یونیورسٹیوں کی تعداد 10 سے بڑھ کر 17 ہو گئی ہے ۔ ٹائمز ہائر ایجوکیشن کا کہنا ہے کہ برطانیہ رینکنک میں تنزلی کا شکار ہے جبکہ اس کی دو یونیورسٹیز رینکنگ سے خارج بھی ہوئی ہے ۔ تاہم دنیا کی 100 بہترین یونیورسٹیوں کی فہرست میں پاکستان اور بھارت کی کوئی یونیورسٹی شامل نہیں ہے ۔

ایمزٹی وی (کو ئٹہ )پاکستان کے صوبہ بلوچستان کے دارالحکومت کوئٹہ میں چار بچیوں کی لاشوں کو پانی کی ایک ٹینکی سے نکالا گیا ہے۔ ہلاک ہونے والی چاروں بچیاں بہنیں تھیں جبکہ ان کی والدہ کو بے ہوشی کی حالت میں ٹینکی سے نکالا گیا۔ ایئر پورٹ روڈ پولیس اسٹیشن کے ایک اہلکار نے بتایا کہ چاروں بچیوں کی ہلاکت کا واقعہ اسمنگلی روڈ پر کلی خیزی کے علاقے میں پیش آیا۔ اہلکار کا کہنا تھا کہ چاروں لاشوں کو ان کے گھر کے اندر موجود پانی کی ٹینکی سے نکالا گیا جبکہ بچیوں کی والدہ بھی ٹینکی میں پڑی تھی جسے بے ہوشی کی حالت میں نکالا گیا۔ بچیوں کی لاشوں کو پوسٹ مارٹم اور ان کی والدہ کو طبی امداد کے لیے سول ہسپتال کوئٹہ منتقل کردیا گیا۔ بچیوں کے والد محمد خان نے بتایا کہ بچیوں کی عمر دو سال سےسات سال کے درمیان تھی۔ ہلاک ہونے والی بچیوں میں سے دو اسکول کی یونیفارم میں تھیں غالباً ان کی ہلاکت کا واقعہ ان کی اسکول سے واپسی کے بعد پیش آیا۔

ایمز ٹی وی (لاہور) تحریک انصاف کے چیئرمین عمران خان ڈی جے بٹ کے معترف نکلے ، ڈی جے بٹ سے کیا ہوا وعدہ وفا کر دیا ، ڈی جے بٹ کو 9 مئی کو پشاور کے جلسے کا کنٹریکٹ مل گیا ۔ ڈی جے بٹ دوبارہ ان ایکشن عمران خان سے لاہور میں ہونے والی دو ملاقاتیں رنگ لائیں ، عمران خان نے وعدہ وفا کر دیا ، ڈی جے بٹ کا دعویٰ ، پرانے معاملات پر صلح صفائی ، بالاآخر ڈی جے بٹ کو پی ٹی آئی کا جلسہ مل ہی گیا ، ڈی جے بٹ کا کہنا ہے کہ انہیں 9 مئی کو پشاور میں پی ٹی آئی کے جلسے کا کنٹریکٹ دیدیا گیا ہے ۔ ڈی جے بٹ کہتے ہیں کہ اب وہ پشاور کے جلسے میں میوزک کا بھرپور تڑکا دیں گے ۔ ڈی جے بٹ کی کارکردگی میوزک کے سٹائل کی عمران خان نے خوب تعریف بھی کی ہے ۔ ڈی جے بٹ کی جانب سے جاری عمران خان کے پیغام میں کپتان نے ڈی جے بٹ کے خوب گن گائے ۔ کپتان کو ڈی جے بٹ کا میوزک سٹائل بھی بھلا لگتا ہے اور کہتے ہیں کہ ڈی جے بٹ نے جو جلسوں کا انداز دیا باقی لوگ کاپی کرنے پرمجبور ہوئے۔

ایمز ٹی وی (لیہ) نتقام کی آگ بجھانے کیلئے اکتیس بے گناہ افراد کو موت کے گھاٹ اتار دیا ۔ لیہ میں دکاندار کے چھوٹے بھائی نے مٹھائی میں زہر ملایا ، بڑے بھائی کے تشدد کا بدلہ لینے کے لیے حد سے گزر گیا ۔ لیہ میں خوشی کے موقع پر موت بانٹی گئی ، ایک ہی خاندان کے 9 افراد سمیت اکتیس بے گناہ افراد کو موت کے گھاٹ اتار دیا گیا ۔ متاثرہ خاندان کے زخم ابھی ہرے ہی تھے کہ مزید لیہ کا گاؤں چک نمبر ایک سو پانچ جہاں عمر حیات کے گھر خوشی پر موت نے رقص کیا ۔ اکتیس افراد کو اچک لیا ۔ متاثرہ خاندان دکھ سے سنبھلنے بھی نہ پائے تھے کہ تھمتے آنسو پھر بہہ نکلے ۔ قیمتی جانوں کے ضیاع کا سبب بننے والی مٹھائی زہریلی کیسے ہوئی ؟ دکاندار طارق کے چھوٹے بھائی خالد نے زہر ملانے کا اعتراف کرلیا ۔ مجسٹریٹ کو بیان قلمبند کراتے ہوئے اٹھارہ سالہ ملزم بولا بڑا بھائی تشدد اور بات بات پر بے عزت کرتا تھا بدلہ لینے کیلئے اور کاروبار تباہ کرنے کیلئے انتہائی اقدام اٹھایا ۔ ملزم خالد کی نشاندہی پر پولیس نے کھیتوں میں چھپائی گئی زہریلی دوا کی بوتل بھی برآمد کرلی ۔ زہریلی مٹھائی کھانے سے جاں بحق ہونے والوں میں آٹھ بھائیوں سمیت ایک ہی خاندان کے بارہ افراد بھی شامل ہیں ۔ کئی متاثرہ افراد اب بھی مختلف ہسپتالوں میں زیر علاج ہیں ۔ لیہ میں اکتیس افراد کی موت کا سبب بننے والی مٹھائی زہریلی کیسے ہوئی؟ بالآخر پتہ چل ہی گیا دکاندار کے چھوٹے بھائی نے دانستہ زہر ملانے کا اعتراف کرلیا ۔ ملزم کا کہنا ہے بڑا بھائی تشدد کرتا تھا ، بدلہ لینے کیلئے انتہائی اقدام اٹھایا ، پولیس نے بوتل بھی برآمد کرلی ۔