ایمز ٹی وی (کراچی) سندھ اسمبلی کے اجلاس کے دوران ایوان میں سگریٹ نوشی کرنے پر سینئر صوبائی وزیر نثار کھوڑو نے معذرت کر لی۔

سندھ اسمبلی کے اجلاس کے دوران ایوان میں سگریٹ نوشی کرنے پر صوبائی وزیر تعلیم نے معذرت کرتے ہوئے کہا ہے کہ 15 سال سے سگریٹ نوشی نہیں کی، اس روز اجلاس ختم ہونے پر بے خیالی میں ایوان میں سگریٹ لگا بیٹھا تھا۔ دوسری جانب اسپیکر سندھ اسمبلی آغا سراج درانی کا کہنا تھا کہ میں نے 3 ماہ سے سگریٹ نوشی کی عادت چھوڑ رکھی ہے۔

واضح رہے کہ 2 روز قبل سندھ اسمبلی کا اجلاس ختم ہوتے ہی نثار کھوڑو نے ایوان میں سگریٹ جلائی اور پھر دیگر ساتھیوں کے ساتھ خوش گپیوں میں مصروف ہو گئے تھے

ایمز ٹی وی (بھوپال) بھارت میں میونسپل کارپوریشن کا افسر اجلاس کے دوران غیر اخلاقی ویڈیو دیکھتے ہوئے پکڑا گیا ۔ 

بھوپال میں میونسپل کارپوریشن کا اجلاس جاری تھا ۔ شہری مسائل پر بات کرنے کے بجائے میونسپل کارپوریشن کا افسر امیت شرما اپنے موبائل فون پر غیر اخلاقی ویڈیو دیکھنے میں مصروف تھا ۔یہ مناظر کیمرے کی آنکھ نے محفوظ کر لئے۔

ویڈیو منظر عام پر آنے کے بعد بھوپال کے میئر نے نوٹس لیتے ہوئے افسر کو معطل کردیا۔ 

ایمز ٹی وی (تیونس) تیو نس میں بے روز گاری کے خلاف شہریوں کے احتجاج کے دوران جھڑپوں میں ایک پولیس اہلکار ہلاک ہوگیا۔

تیونس کے مختلف شہروں میں بے روزگاری کے خلاف احتجاج تیسرے روز بھی جاری رہا۔ مشتعل مظاہرین نے سرکاری عمارتوں پر توڑ پھوڑ کی کوشش کی اور جنوبی علاقے گوبیلیمیں ایک پولیس چوکی کو آگ لگادی ۔

کیسرین صوبے میں ہزاروں افراد نے سرکاری عمارت کے باہر احتجاج کیا ،مظاہرین کو کو منتشر کرنے کے لئے پولیس نے آنسو گیس کا استعمال کیا ،پولیس سے جھڑپ کے دوران ایک پولیس اہلکار ہلاک ہوگیا.

ایمز ٹی وی (گلگت) فورس کمانڈر گلگت بلتستان میجر جنرل عاصم منیر نے کہا ہے کہ ملک کٹھن دور سے گزر رہا ہے۔ ملک کی سلامتی اور بقا کے لئے پاک فوج کی قربانیاں ہمیشہ یاد رکھی جائیں گی۔ سیا چن کے بلند ترین محاذ ہو یا کارگل کے دشوار گزار پہاڑہوں یا دہشت گردی کے خلاف آپریشن پاک فوج نے بالعموم اور این ایل آئی  رجمنٹ کے جوانوں نے بالخصوص بہادری کے جھنڈے گاڑے ہیں۔

ان خیالات کا اظہار فورس کمانڈر گلگت بلتستان میجر جنرل عاصم منیر نے بونجی میں این ایل آئی کے آوٹ پاسنگ پریڈ تقریب سے خطاب کرتے ہوئے کہا۔ اُنہوں نے کہا کہ آپ نے جس پیشے کا انتخاب کیا ہے اس پر عزت وقار سے جینے اور بہادر ی سے شہید ہونے کے سواء تیسرا کوئی راستہ نہیں ہے۔ فوج کی زندگی صرف وہ لوگ اپناتے ہیں جو اللہ پر کامل ایمان، وطن سے محبت اور قربانی کے جذبے سے سر شار ہوں۔ یہ محض ایک پیشہ ہی نہیں ہے بلکہ عبادت بھی ہے۔ میری آپ کو ایک نصحت ہے کہ اللہ تعالیٰ کی ذات پر مکمل بروسہ رکھیں اور اپنی پیشہ وارانہ صلاحیتوں کو بڑھائیں۔

اُنہوں نے کہا کہ سینٹر میں صرف آپکو بنیادی تربیت مہیا کردی گئی ہے۔ اور فوج میں رہتے ہو ئے آپکی تربیت کا عمل جاری رہنے والا ہے۔ آپکو کو ہر قدم پر نئے مسائل کا سامنا ہو گاجن کے لئے ضروری تربیت کا حصول آپکے لئے لازم ہے۔ فوج نے ہر محاذ میں اپنے بہادری کے جوہر دکھائے ہیں۔ اور خاص کر این ایل آئی کو یہ اعزاز حاصل ہے کہ اس نے دو نشان حیدر حاصل کئے ہیں۔ آپکے رجمنٹ کا موٹو ہے کہ ثابت قدم اور مجھے یقین ہے کہ انشااللہآپ ہر ازمائش پر ثابت قدم رکھ کر ثابت کر دینگے کہ آپ ایک ایسے قوم کے سپوت ہیں جو اس ملک کی سرحدیوں کی دفاع کے لئے ہر دم تیار ہے۔