ایمز ٹی وی(تعلیم) ڈائریکٹر اسکول ایجوکیشن سکینڈری و ہائرسیکنڈری میرپورخاص نیاز احمد لغاری کا ڈگری کے مختلف اسکولوں پر اچانک چھاپہ بائیومیٹرک سسٹم کے ذریعے تدریسی و غیرتدریسی عملے کی حاضری کی تصدیق اور ریکارڈ کی چھان بین۔ تفصیلات کے مطابق ڈائریکٹر اسکول ایجوکیشن میرپورخاص نیاز احمد لغاری نے مختلف اسکولوں پر اچکانک چھاپہ مار ا اور اسکول گیٹ بند کرواکرڈیوٹی پر موجود تدریسی و غیرتدریسی عملے کی حاضری کی بائیو میٹرک سسٹم کے ذریعے تصدیق کی۔ 182کے عملے میں سے 5ٹیچرز کے نشان انگوٹھا سسٹم میں ظاہر نہ ہونے پر ڈائریکٹر آفس سے تازہ احکامات ملنے تک انتظار کرنے کے لئے کہا گیا۔ اتفاقیہ چھٹی پر جانے والے عملے کی درخواستوں اور متعلقہ ہیڈز کی منظوری کو بھی تفصیل سے دیکھا گیا۔

ایمز ٹی وی (چارسدہ) چارسدہ کی باچا خان یونیورسٹی پر حملے کا ایک اور زخمی دم توڑگیا ، شہدا کی تعداد اکیس ہوگئی، مہمند سے تعلق رکھنے والا محمد ایاز لیڈی ریڈنگ اسپتال میں زیر علاج تھا۔ حملے کا مقدمہ درج کر لیا گیا۔

سانحہ باچا خان یونی ورسٹی کا مقدمہ انسداد دہشت گردی مردان میں سرڈھیری تھانہ کے ایس ایچ او کی مدعیت میں درج کرلیا گیاہے ۔ ایف آئی آر میں دہشتگردوں کے یونی ورسٹی میں داخلے کا وقت ساڑھے آٹھ بجے بتایا گیا ہے ۔ 

کراچی سے خیبر تک فضا سوگوار ہے،ہر طرف اداسی چھائی ہے،سانحہ چارسدہ پر ہرآنکھ اشک بار ہے،تعلیم دشمنوں نے ایک اور زخم دے دیا،کسی سے اسکی زندگی کاسرمایہ چھینا،تو کسی کی دنیا ہی ویران کردی۔

چارسدہ کی باچا خان یونیورسٹی پر حملے کے بعد ملک بھر میں یوم سوگ ہے۔ملک بھرمیں آج قومی پرچم سرنگوں ہے جب کہ خیبرپختونخوا حکومت نے تین روزہ قومی سوگ کا اعلان کیا ہے،خیبرپختونخوا حکومت کی ہدایت پر چارسدہ سمیت صوبہ بھر میں آج تعلیمی ادارے کھلے ہیں۔مختلف شہروں کے اسکولوں میں شہدا کے لیے دعائیہ تقاریب جاری ہیں۔ سانحہ چارسدہ کے غم میں وزیراعظم ہاؤس ،ایوان صدر،پارلیمنٹ، چاروں صوبائی اسمبلیوں سمیت ملک بھر کی اہم سرکاری ، نیم سرکاری اور خود مختار اداروں کی عمارتوں پر قومی پرچم سرنگوں ہے۔

تحقیقاتی ادارے علم دشمنوں کا آلہ کار بننے والےدرندوں کی مسلسل کھوج لگارہےہیں ، نادرا کے ڈیٹا سے دو کی شناخت کرلی گئی ہے ایک کا نام عباس افغانی جسے عباس سواتی بھی کہا جاتا تھا ، اور دوسرا علی رحمان ، دیگر دو کی شناخت تاحال نہیں ہوئی ، تاہم ا ن میں سے ایک اٹھارہ سال سے کم عمر بتایا جاتاہے ۔ 

ذرائع کے مطابق تفتیش میں انکشاف ہوا ہے دہشت گرد،افغان صوبے ننگرہار کے قریب کسی سے رابطے میں تھے۔دہشت گرد وں سے خود کش جیکٹس اور دستی بموں سمیت بہت سا غیر استعمال شدہ اسلحہ ملا ، سیکیورٹی فورسز انہیں نہ روکتیں تو یہ نہ جانیں علم کی مزید کتنی شمعیں گل کردیتے- 

ایمز ٹی وی (تعلیم)ڈائریکٹر جنرل پرائیویٹ انسٹی ٹیوشن سندھ ڈاکٹر منسوب حسین صدیقی نے خلاف ضابطہ کام کرنے والے نجی تعلیمی اداروں کے خلاف کارروائی کا فیصلہ کیاہے. اور رجسٹرار پرائیویٹ انسٹی ٹیوشن رفیعہ ملاح اور مانیٹرنگ آفیسراخلاق احمد کو ہدایت جاری کی گئی ہے کہ وہ فوری طور پر نجی تعلیمی اداروں کادورہ کرکے اپنی رپورٹ پیش کریں تاکہ ایسے نجی تعلیمی ادارے جو قانون کی خلاف ورزی کررہے ہیں ان کے خلاف کارروائی عمل میں لائی جاسکے. اس کے ساتھ ساتھ تمام غیررجسٹرڈ نجی تعلیمی اداروں کو 30 یوم میں اپنے ادارے رجسٹرڈ کرانا ہوں گے ایسے ادارے جو30یوم میں اپنے ادارے کو رجسٹرڈ نہیں کروائیں گے تومدت گزرنے کے بعد قانون کے مطابق 500روپے یومیہ جرمانہ 6ماہ کی قید کی سزا ہوگی اور متعلقہ ڈپٹی کمشنر کے ذریعے انہیں سیل کر دیا جائے گا جبکہ والدین کو ہدایت کی گئی ہے کہ وہ اپنے بچے داخل کروانے سے قبل اس با ت کی یقین دہانی کرلیں کہ ادارہ رجسٹرڈ ہے یا نہیں۔ غیر رجسٹرڈ ادارے میں اپنے بچے کو ہر گزداخل نہ کروائیں کیونکہ غیر رجسٹرڈ ادارے کا لیول صرف ایک کوچنگ سینٹر کے برابر ہوتا ہے ۔