ایمز ٹی وی (سائنس اینڈ ٹیکنالوجی) امریکی خلائی ادارے ناسا نے براعظم جنوبی امریکہ کے ملک پیرو میں واقع مشہور ’نازکا لائنز‘ کی خلا سے لی گئی تصاویر وہاں کی حکومت کو فراہم کی ہیں۔ ’نازکا لائنز‘ کا شمار جنوبی امریکہ کے پراسرار ترین آثارِ قدیمہ میں ہوتا ہے۔ یہ سینکڑوں انتہائی بڑی اشکال جنوبی پیرو کے صحرا میں بنائی گئی تھیں اور ان میں پرندوں اور جانوروں کی شبیہیں بھی شامل ہیں۔

کئی کلومیٹر کے رقبے میں پھیلی ہوئی اشکال میں سے کچھ اتنی بڑی ہیں کہ انھیں واضح طور پر صرف فضا سے ہی دیکھا جا سکتا ہے۔ یہ اشکال ایک ایسی تہذیب سے تعلق رکھنے والے افراد کی تخلیق ہیں جو یہاں دو ہزار برس قبل رہا کرتے تھے۔ ناسا کا کہنا ہے کہ خلائی تجربہ گاہ سے لی گئی نئی تصاویر سے یہ اہم معلومات مل سکیں گی کن مقامات پر یہ اشکال شکست و ریخت کا شکار ہو رہی ہیں۔ 

اس کے علاوہ یہ بھی جانا جا سکے گا کہ انسانی سرگرمیوں نے انھیں کہاں کہاں متاثر کیا ہے۔ پیرو کی حکومت کا کہنا ہے کہ وہ ان تصاویر کی مدد سے ان اشکال کو محفوظ بنانے کا نیا لائحہ عمل تشکیل دے گی۔

ایمز ٹی وی (اسلام آباد) سابق صدر جنرل ریٹارئرڈ پرویز مشرف کا کہنا ہے کہ کہ آرمی چیف جنرل راحیل شریف کی طرف سے مدت ملازمت میں توسیع نہ لینے کے فیصلہ پر افسوس ہوا تاہم یہ ان کا ذاتی حق ہے۔

آل پاکستان مسلم لیگ کے سربراہ اور سابق صدر جنرل (ر) پرویز مشرف نے کہا ہے کہ آرمی چیف جنرل راحیل شریف کی طرف سے مدت ملازمت میں توسیع نہ لینے کے فیصلہ پر افسوس ہوا تاہم یہ ان کا ذاتی حق ہے کہ وہ کیا فیصلہ کرتے ہیں۔ انہوں نے کہا کہ چیف آف آرمی سٹاف جنرل راحیل شریف نے قومی اور بین الاقوامی سطح پر قوم کا مورال بلند کیا  وہ ایک محب وطن اور قابل جرنیل ہیں اسی لئے انہوں نے ملکی حالات کو خوش کن جہتوں سے روشناس کرایا۔

پرویز مشرف کا کہنا تھا کہ ہمارے فیصلوں کی بنیاد سب سے پہلے پاکستان ہونا چاہئے تاہم جنرل راحیل شریف ملک کو بہتری کے راستے پر لے جانے کی بھرپور صلاحیت رکھتے ہیں۔ انہوں نے کہا کہ مسعود اظہر کے خلاف حکومت کو خود ایکشن لینا چاہئے نہ کہ اسے بھارت کے حوالے کردیا جائے۔

ایمزٹی وی(انٹرٹینمنٹ)اداکارہ وینا ملک کا باچاخان یونیورسٹی میں شہیدوں کو خراج تحسین پیش کرتے ہوئے ان کا کہنا تھا کہ اس وقت بہترین بدلہ علم حاصل کرنا ہے ، دہشتگردوں نے ہمارے مستقبل کے سرمائے پر حملہ کیا ، شہداء کے والدین کے غم میں برابر کے شریک ہیں۔ اداکارہ وینا ملک اپنے شوہر اسد خٹک اور سولہ ماہ کے بیٹے کے ہمراہ طلبا سے اظہار یکجہتی کے لئے باچاخان یونیورسٹی پہنچیں ۔ بعد میں انہوں نے میڈیا سے بات کرتے ہوئے کہا شہید طلبا کی ماﺅں کے دکھوں کا مداوا نہیں کرسکتی ۔ اس موقع پر وینا ملک اور اسد خٹک نے ملی نغمہ بھی گنگنایا ۔ وینا ملک نے کہا وہ شہداء کے والدین کے غم میں برابر کی شریک ہیں

ایمزٹی وی(ٹیکنالوجی) تیز ٹائپنگ سے لکھنے کی مہارت متاثر ہوتی ہے۔ذرائع کے مطابق اکثر افراد کمپیوٹر کے سامنے بیٹھ کر کی بورڈ کے ذریعے تیز سے تیز تر ٹائپ کرنے کی کوشش کرتے ہیں، لیکن یہ عادت آپ کی لکھائی کے معیار کو نقصان پہنچا سکتی ہے۔ کینیڈا کی یونیورسٹی آف واٹرلو میں ٹائپنگ اسپیڈ اور لکھنے کی مہارت کے درمیان تعلق کو جاننے کے لیے مطالعہ کیا گیا۔ محققین نے مطالعے میں حصہ لینے والے چند شرکا کو دونوں ہاتھوں اور چند کو ایک ہاتھ سے ٹائپنگ کرکے مضمون لکھنے کا کہا گیا۔ بعد ازاں تحریر کا تجزیہ کرنے والے ایک سافٹ ویئر سے تحریروں کا موازنہ کیا گیا، جس سے معلوم ہوا کہ جب ایک ہاتھ سے ٹائپنگ کرکے مضمون لکھا گیا تو اس میں زیادہ اچھے الفاظ کا استعمال کیا گیا تھا اور وہ مضمون، دو ہاتھوں سے ٹائپ کرکے لکھے گئے مضمون کے مقابلے میں لکھائی کے معیار کے اعتبار سے زیادہ جاندار تھا۔ مطالعے سے محققین اس نتیجے پر پہنچے کہ مطالعے میں شریک جن افراد کو ایک ہاتھ سے ٹائپ کرنے کرکے لکھنے کا کہا گیا، انہیں تحریر کے عنوان کے حوالے سے ذہن میں الفاظ ذخیرہ کرنے اور ان کے بہتر استعمال کا زیادہ وقت ملا، جس سے ان کا معیار تحریر بہتر رہا، جبکہ دونوں ہاتھوں سے ٹائپنگ کرنے والوں کے ذہن میں جو پہلا لفظ آیا انہوں نے وہ لکھ دیا۔