ایمز ٹی وی (سائنس اینڈ ٹیکنالوجی) واٹس ایپ کے صارفین سمیت دیگر اسمارٹ فون استعمال کرنے والے صارفین جب ایک دوسرے کو میسج کرتے ہیں یا پھر اسے پڑھتے ہیں تودوسرا دوست جان لیتا ہے کہ آپ اس کا میسج پڑھ رہے ہیں لیکن ایک ایسی ترکیب بھی ہے جسے عمل میں لا کراس پریشانی سے نجات حاصل کی جا سکتی ہے۔

اس ترکیب سے آپ کے لیے آسان ہو گا  کہ آپ کا دوست جان ہی نہ سکے کہ آپ نے اس کا میسج پڑھ لیا ہے جب کہ اس ترکیب کو بلیو ٹک ٹرک کا نام دیا گیا ہے۔

پہلے قدم کے طور پر آپ جب میسج وصول کریں تو فوری اسے کھولیں نہ بلکہ سیٹنگ میں جا کر ایئر پلین موڈ کو آن کردیں اور اب واٹس ایپ آئی کون ٹچ کرکے میسج پڑھ لیں۔ مسیج پڑھنے کے بعد صارفین ایپ کو مکمل طور پر بند کردیں جبکہ ایپل موبائل رکھنے والے ہوم بٹن پر دوبار ٹچ کرکے واٹس ایپ ونڈو کھولیں اور انڈرائیڈ موبائل رکھنے والے ملٹی ٹاسک بٹن کو دبا کر ایپ کو بائیں جانب لے جائیں۔

اب آپ اپنی سیٹنگ کی جانب واپس چلے جائیں اور ایئر پلین موڈ کو آف کردیں۔ اس طریقہ پر عمل کرنے سے آپ کا دوست جان ہی نہیں سکے گا کہ آپ نے اس کا میسج پڑھ لیا ہے۔

ایمز ٹی وی (اسپورٹس) پاکستان اور نیوزی لینڈ کے درمیان 3 ٹی ٹوئنٹی میچز کی سیریز کا دوسرا میچ آج کھیلا جائے گا۔

شاہینوں اور کیویز کے درمیان دوسرا ٹی ٹوئنٹی ہیملٹن کے سیڈن پارک میں کھیلا جائے گا جہاں آفریدی الیون سیریز میں فیصلہ کن برتری جب کہ ولیمسن الیون سیریز میں واپسی کے لئے سر دھڑ کی بازی لگانے کے لئے تیار ہیں۔ قومی ٹیم میں کسی تبدیلی کا امکان نہیں ہے جب کہ میزبان ٹیم میں تجربہ کار مڈل آرڈر بلے باز روس ٹیلر کی واپسی کا قومی امکان ہے، اس کے علاوہ میک کلنگھن کی کیوی ٹیم میں واپسی ان کی فٹنس سے مشروط ہے۔

پاکستان کے ہیڈ کوچ وقار یونس کا کہنا ہے کہ ٹیم کے اعتماد کی مکمل بحالی کیلیے سیریز میں فتح ضروری ہے جب کہ کیوی کوچ مائیک ہیسن کو آفریدی کی فارم کا خوف ستانے لگا ہے اور وہ کہتے ہیں کہ اگر آفریدی پر قابو پانے کے لئے پلان پر عمل درآمد نہ کیا گیا تو یہ خطرناک ثابت ہو سکتا ہے۔

واضح رہے کہ آکلینڈ میں کھیلے جانے والے سیریز کے پہلے میچ میں پاکستان نے نیوزی لینڈ کو 16 رنز سے شکست دی تھی۔ پاکستان کو سیریز میں ایک صفر کی برتری حاصل ہے۔

ایمز ٹی وی (فارن ڈیسک) پٹھان کوٹ حملے کی تحقیقات میں تعاون کے باوجود بھارت کی روایتی گیدڑ بھپکیوں کا سسلسلہ جاری ہے جب کہ بھارتی وزیردفاع منوہرپاریکر نے ہرزہ سرائی کرتے ہوئے کہا کہ پٹھان کوٹ حملے پر تحقیقات کے لیے آنے والی پاکستانی ٹیم کو ایئربیس کے اندر جانے کی بھی اجازت نہیں دیں گے۔

دلی میں نیوز کانفرنس کرتے ہوئے بھارتی وزیر دفاع نے کہا کہ پاکستان نے ممبئی حملوں اور پٹھان کوٹ ایئر بیس حملے میں عملی طور پر کوئی کارروائی نہیں کی جس کی وجہ سے بھارت کا صبر جواب دے گیا ہے اور دنیا ایک سال کے اندر اس کی تحقیقات کے نتائج بھی دیکھے گی۔ منوہر پاریکر نے ہرزہ سرائی کرتے ہوئے کہا کہ پٹھان کوٹ ایئر بیس حملے کی تحقیقات کے لیے پاکستان سے آنے والی ٹیم کو ایئر بیس کے اندر داخلے کی بھی اجازت نہیں دیں گے۔

واضح رہے کہ 2 جنوری کو فوجی وردیوں میں ملبوس 6 دہشت گردوں نے پٹھان کوٹ ایئر بیس پر حملہ کیا تھا جس میں لیفٹیننٹ کرنل سمیت 11 بھارتی فوجی اہلکار ہلاک جب کہ کارروائی میں تمام حملہ آور بھی مارے گئے تھے۔

پٹھان کوٹ حملے کے بعد بھارت نے الزام لگایا تھا کے اس واقعے میں کالعدم جیش محمد ملوث ہے اور اس حوالے سے چندشواہد بھی پاکستان کو فراہم کیئے گئے جس کے بعد پاکستانی حکومت نے مثبت پیش رفت کرتے ہوئے  ایئربیس پر حملے کی تحقیقات کے لیے اعلیٰ سطح کی کمیٹی تشکیل دی اور کالعدم جیش محمد کے خلاف ملک بھر میں کارروائیاں کرتے ہوئے اس کے متعدد ارکان کو حراست میں بھی لیا گیا جب کہ وزیراعظم نواز شریف نے معاملے کی تحقیقات کے لیے خصوصی ٹیم کو بھی بھارت بھیجنے کا فیصلہ کیا ہے تاہم بھارتی وزیر دفاع کے حالیہ بیان نے معاملے کو مزید مشکوک بنادیا ہے۔

ایمز ٹی وی (فارن ڈیسک) اسرائیلی وزیراعظم نے فلسطین کی مساجد میں اذان پرپابندی کی حمایت کردی ہے۔ بنجمن نیتن یاہونے فلسطین کی مساجد میں اذان پرپابندی کی راہ ہموارکرنے کے لیے اذان اورمساجد کے خلاف ہرزہ سرائی شروع کردی ہے۔

نیتن یاہونے حکمراں جماعت لیکوڈکے پارلیمانی بلاک کے اجلاس سے خطاب کرتے ہوئے کہا کہ مساجد سے بلند ہونے والی اللہ اکبر کی صدائیں شوروغوغا اوریہودی شہریوں کے آرام وسکون میں خلل کا باعث بن رہی ہیں۔ اسرائیلی وزیراعظم نے فلسطینیوں کی خانگی اور عائلی روایات کو بھی ہدف تنقید بنایا اور کہا کہ فلسطینی آبادیوں میں شادی سے متعلق قوانین میں بھی کوئی ریاعت نہیں رکھی جاتی۔

دوسری جانب فلسطینی مبصرین نے نیتن یاہوکے موقف پراپنے ردعمل میں کہاہے کہ نیتن یاہوکی جانب سے مساجداوراذان کے خلاف زہرافشانی دراصل مساجد کے قیام اوراذان پرپابندی کی راہ ہموارکرنے کی گھناؤنی سازش کاحصہ ہے۔