ایمز ٹی وی(اسلام آباد)تفصیلات کے مطابق وفاقی وزیردفاع خواجہ محمد آصف نے کہا ہے کہ جائزہ لیاجائےگا کہ الطاف حسین کیخلاف کیسی چارہ جوئی کی جائے،الطاف حسین کتنی مرتبہ معافی مانگیں گے،ہرچیزکی حدہوتی ہے، ایم کیو ایم کے قائد الطاف حسین کا خطاب مشکل بن گیا، جسے دیکھو تنقید کئے جا رہا ہے اور تو اور وزیر دفاع بھی بولے بغیر نہ رہ سکے،

خواجہ محمد آصف کا یہ بھی کہنا ہے کہ را سے متعلق جیسا بیان الطاف حسین نے دیا ہے کوئی پاکستانی نہیں دے سکتا ،الطاف حسین نےمتنازعہ بیانات دینےکاوطیرہ بنالیاہے

ایمز ٹی وی(فارن ڈیسک)زرائع کے مطابق ریاست ٹیکساس کے شہر گارلینڈ کے کرٹس کلویل سینٹر میں توہین آمیز خاکوں کی نمائش کے باہر فائرنگ کرنے والوں کی شناخت نادر صوفی اور ایلٹن سمپسن کے نام سے ظاہر کی گئی ہے، نادر صوفی پاکستانی نژاد شہری ہے جو ایلٹن سمپسن کے ہمراہ ریاست ایری زونا میں رہتا تھا،

پاکستانی نژاد شہری نادر صوفی کے بچپن کے دوست کا کہنا تھا کہ نادر پاکستان میں اپنے اسکول میں مشہور طالبعلم تھا،نادر نے امریکہ میں سکونت اختیار کرنے کےلئے بہت جدوجہد کی تھی،نادر کے دوست کا یہ بھی کہنا تھا کہ وہ نادر کے ساتھ انٹرنیشنل اسکول آف اسلام آباد میں پڑھتا تھا، انہیں حیرانی ہوئی جب پولیس نے نادر کو حملہ آوروں میں شناخت کیا

ایمز ٹی وی(چار سدہ)زرائع کے مطابق امیر جماعت اسلامی سراج الحق نے کہا ہے کہ حکمراں باریاں لیتے رہتے ہیں،اس حکومت کو دو سال ہونے کو آئے ابھی تک انکے وعدے پورے نہ ہوئے،ہنی مون کا وقت ختم ہوا اب باتیں ہونگی کچھ حساب کتاب کی،انہوں نے کہا کہ غریبوں نے اے این پی ،پیپلز پارٹی اور ن لیگ کا ساتھ دیا لیکن انہوں نے عوام کیلئے کچھ نہیں کیا،ہم فلاحی پاکستان بنانا چاہتے ہیں طبقاتی تعلیمی نظام اور اقرباء پروری کا خاتمہ کریں گے

ایمز ٹی وی(بدین)تفصیلات کے مطابق سابق صوبائی وزیر داخلہ ذوالفقار مرزا کی حفاظتی ضمانت آج ختم ہو رہی ہے، بدین میں حالات کشیدہ ہیں جبکہ پولیس کی بھاری نفری مرزا فارم ہاؤس کے باہر موجود ہے، ذوالفقار مرزا  کو ہر حال میں آج متعلقہ ہائی کورٹ میں پیش ہونا ہوگا، عدم پیشی پر پولیس کو  گرفتاری کی اجازت ہوگی،تھانے پر دھاوا بولنے اور زبردستی دکانیں بند کرانے کے الزام میں ذوالفقارمرزا حفاظتی ضمانت پر ہیں، جس کی معیاد آج ختم ہورہی ہے،

ذوالفقار مرزا کی اہلیہ فہمیدہ مرزا بدین پہنچ گئیں، مرزا فارم ہاوس پہنچنے کے بعد میڈیا سے بات کرتے ہوئے سابق اسپیکر قومی اسمبلی ڈاکٹر فہمیدہ مرزا کا کہنا تھا کہ پولیس کی نظر میں عدالتی احکامات کی کوئی اہمیت نہیں ہے اگر صورتحال یہی رہی تو ڈاکٹر ذوالفقارمرزا عدالت نہیں جاسکیں گے