ایمز ٹی وی(لاہور)وزیراعلیٰ پنجاب شہباز شریف نے کہا ہے کہ آپریشن ضرب عضب نے دہشتگردوں پر کاری ضرب لگائی۔

لاہور کے بیدیاں روڈ پرانسداد دہشتگردی فورس کے دوسرے دستے کی پاسنگ آؤٹ پریڈ سے خطاب کرتے ہوئے وزیر اعلیٰ پنجاب نے کہاامن کے لیے میدان میں نکلنے والوں کو مبارکباد پیش کرتا ہوں، ہم پاکستان کودہشتگردی سےپاک کرکےدم لیں گے۔شہباز شریف نے اپنے خطاب میں کہا کہ بڑےمقصدکےلیےانسداددہشتگردی فورس کوزیادہ وسائل فراہم کیے۔ قوم کوانسداددہشت گردی فورس کےجوانوں پرفخرہے۔انہوں  نے کہا کہ ،پاک فوج کےجوانوں نےدہشتگردی کےخاتمےکےلیےعظیم قربانیاں دیں۔  انسداد دہشتگردی فورس کوتربیت کیلئے سہولیات کی فراہمی پرپاک فوج کےشکرگزارہیں۔وزیراعلیٰ نے انسداد دہشتگردی فورس کی تربیت میں تعاون کرنے پردوست ممالک کا بھی شکریہ ادا کیا۔ انسداد دہشتگردی فورس کے دستے میں خواتین اہلکار بھی شامل ہیں

ایمز ٹی وی(کراچی)اسلام آباد: چیئرمین تحریک انصاف عمران خان نے کہا ہے کہ کراچی کے حلقہ این اے 246 کے ضمنی الیکشن کی مہم کے دوران کسی پی ٹی آئی کے  کسی رکن کو نقصان پہنچا تو ذمہ داری الطاف حسین پرعائد ہو گی،انہوں نے کہا کہ لندن میں تحریک انصاف کی لیگل ٹیم تیار ہے، ایسی صورت میں الطاف حسین کےخلاف قانونی کارروائی کریں گے۔گزشتہ رات عزیز آباد میں پی ٹی آئی کیمپ پر حملے کے بعد رد عمل ظاہر کرتے ہوئے عمران خان نے سماجی رابطوں کی ویب سائٹ ٹوئٹر پرجاری اپنے پیغام میں ایم کیو ایم کے قائد الطاف حسین کو آڑے ہاتھوں لیتے ہوئے کہا ہے کہ کراچی کےعوام الطاف حسین کےحربوں کےعادی ہوچکےہیں،الطاف حسین پہلےشہریوں کوڈراتے ہیں اورپھرمظلوم بن جاتےہیں۔عمران خان نے مزید کہا کہ کراچی کےلوگ ایڈولف الطاف کےہتھکنڈےسمجھ چکےہیں،ایم کیوایم کےلوگ پہلےقتل کرتےہیں۔ پھرسوگ مناتےہیں۔

ایمز ٹی وی(فارن ڈیسک)اتحادی طیاروں کی بمباری کے باعث حوثی باغیوں نے صدارتی محل اور عدن کا شمالی علاقہ خالی کردیا ہے جبکہ سعودی عرب زمینی فوج عدن بھیجنے پرغورکررہا ہے،تفصیلات کے مطابق اتحادی طیاروں نے جمعے کی صبح عدن کے شمالی علاقے المعاشق پر بمباری کی جس کے نتیجے میں حوثی باغیوں نے یمن کے سابق صدر منصور ہادی کی رہائش گاہ سمیت بیشتر علاقہ خالی کردیا ہے جبکہ یمن کے جنوبی شہر عدن میں زمینی فوج بھیجنے پر غور کر رہے ہیں

ایمز ٹی وی (شوبز) موسیقی کی دنیا میں نئے انداز متعارف کرانے والی پاکستانی پاپ گلوکار نازیہ حسن اگر آج زندہ ہوتیں تو اپنی 50ویں سالگرہ منا رہی ہوتیں۔

مشرقی اور مغربی موسیقی کے امتزاج سے گیت گانے والی نازیہ حسن کی آج 50ویں سالگرہ منائی جار ہی ہے۔ ٹیلی وژن پروگرام ’’سنگ سنگ چلے‘‘ سے موسیقی کی شروعات کرنے والی نازیہ حسن اور ان کے بھائی زوہیب حسن کو پاکستان میں پاپ موسیقی کا بانی کہا جاتا ہے جنہوں نے 80 کی دہائی میں بھارتی فلم ’’قربانی‘‘ میں ”آپ جیسا کوئی میری زندگی میں آئے“ گا کر گلوکاری کی دنیا میں دھوم مچائی جس سے انہیں بے پناہ شہرت ملی، نازیہ حسن کو ان کی فنی خدمات پرصدارتی تمغہ برائے حسنِ کارکردگی سے بھی نوازا گیا جب کہ انہیں پرائڈ آف پرفارمنس، بیسٹ فی میل پلے بیک ایوارڈ اور 15 گولڈ ڈسکس سمیت متعدد ایوارڈز سے بھی نوازا گیا۔

شہرت کی بلندیوں کو چھونے والی نازیہ حسن پھیپھڑوں کے سرطان کے موذی مرض میں مبتلا ہوکر لندن کے اسپتال میں 13 اگست 2000 کو خالق حقیقی سے جاملیں۔۔