کراچی: ثانوی تعلیم بورڈ کراچی کے تحت نہم ودہم جماعت کے سالانہ امتحانات برائے2023کی تیاریاں مکمل کرلی گئی۔
امتحانات کی تیاری کے حوالے سےنوی تعلیمی بورڈ کے چیئرمین سید شرف علی شاہ نے میڈیا بریفنگ دیتے ہوئے بتایا کہمنگل8 مئی 2023 ء سے شروع ہو رہے ہیں جس کے لئے 524امتحانی مراکز قائم کئے گئے ہیں۔رواں سال مجموعی طور پر 3لاکھ 93ہزار264 طلباء و طالبات سائنس و جنرل گروپ ریگولر اور پرائیویٹ کے امتحانات دیں گے جبکہ بورڈ نے 524 امتحانی مراکز قائم کئے ہیں جس میں طلباء کیلئے 279اور طالبات کیلئے245 امتحانی مراکز بنائے گئے ہیںجبکہ اس دفعہ 19 حب امتحانی سینٹر بنائے گئے ہیں جو کراچی کے مختلف 18 ٹاؤنز میں قائم کئے گئے ہیں وہاں پر بورڈ کے آفیسرز امتحانی پرچوں کی ترسیل پر مامور ہوں گے۔
انہوں نے بتایا کہ ہم نے فول پروف انتظامات کے حوالے سے کمشنر کراچی، ڈی جی رینجرز، ایڈیشنل آئی جی، ڈائریکٹر ایجوکیشن کراچی، ڈائریکٹر پرائیویٹ اسکول سندھ اور دیگر محکموں کو لیٹرز جاری کر دیئے ہیں تمام امتحانی مراکز پر دفعہ 144 نافذ ہوگی جس کے تحت ان مراکز پر بیرونی مداخلت پر پابندی ہو گی ور ان کے اطراف میں کام کرنے والی فوٹو اسٹیٹ کی مشینیں دوران امتحان بند رہیں گی۔
چیئرمین بورڈنے نے بتایا کہ امتحانات کی نگرانی کیلئے بورڈ آفس میں رپورٹنگ سیل قائم کیا جائے گا جہاں نقل کی روک تھام کیلئے بورڈ کی خصوصی ٹیمیں رپورٹ کے حوالے سے اقدامات کریں گی۔ امتحانی پرچوں کی ترسیل کے لئے ایک موثر نظام تشکیل دیا گیا ہے اور یہ پرچے بورڈ کے افسران حب سینٹرز پر پہنچائیں گے جہاں سے سینٹر سپرنٹنڈنٹ یا ان کا نمائندہ اتھارٹی لیٹر کے ساتھ مہر بند پرچے وصول کر کے اپنے امتحانی مرکز پہنچائیں گے اور جوابی کاپیاں اسکول سپرنٹنڈنٹ یا ان کا نمائندہ بورڈ میں جلد از جلد پہنچائیں گے۔
پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے تاریخی کامیابی پرٹیم اور قوم کومبارکباد پیش کی ہے۔
مبارکبادد دیتے ہوئے کہا چیئرمین نجم سیٹھی کا کہنا ہے کہ کپتان بابراعظم، پوری ٹیم اور کوچنگ اسٹاف اس اہم موقع پر مبارک باد کے مستحق ہیں، مجھے ٹیم پر فخر ہے اور اس کے لیے نیک تمنائیں ہیں۔
انہوں نے کہا کہ مجھے یاد ہے کہ میرے پچھلے دور میں پاکستانی ٹیم ٹیسٹ اور ٹی ٹوئنٹی کی عالمی رینکنگ میں پہلے نمبر پر آئی تھی اور اب وہ ون ڈے میں بھی دنیا کی نمبر ون ٹیم بن گئی ہے، امید ہے کہ ہماری جو ٹریننگ ہورہی ہے وہ ایشیا کپ اور پھر ورلڈ کپ میں کام آئے گی۔
نجم سیٹھی نے مزید کہا کہ یہ عالمی رینکنگ تبدیل ہوتی رہتی ہیں لہذا یہ جو خوشی ملی ہے اسے منایا جائے۔
کراچی: سر سید یونیورسٹی آف انجینئرنگ اینڈ ٹیکنالوجی کے شعبہ مرکزِ مشاورت و رہنمائی کے زیرِ اہتمام پانچویں جاب فیئر2023 تقریب کا انعقاد کیا گیا۔
جس میں شہر کی 102 سے زائد معروف کمپنیوں نے شرکت کی اور طلباء کوملازمتوں کے حصول میں مدد، رہنمائی اور دیگر ضروری معلومات اورسہولیات فراہم کرنے کے لئے اسٹالز لگائے گئے اور طلباء کے تیار کردہ 110 سے زائد پروجیکٹس نمائش کے لئے رکھے گئے ۔
اس موقع پراپنے خیالات کا اظہار کرتے ہوئے سرسید یونیورسٹی آف انجینئرنگ اینڈ ٹیکنالوجی کے چانسلر جاوید انوار نے کہا کہ جاب فیئر ایک ایساپلیٹ فارم ہے جو صنعتی و کاروباری اداروں اور طلبا کے مابین براہ راست ملاقات کا موقع فراہم کرتا ہے۔ ایسے فورم طلباء کے اعتماد میں اضافہ کرتے ہیں جو عملی زندگی میں ان کی کامیابی کا باعث بنتا ہے ۔
سرسید یونیورسٹی کے وائس چانسلر پروفیسر ڈاکٹر ولی الدین نے کہا کہ جاب فیئر کسی بھی کمپنی کے لیے تعلقات عامہ کا کام کرتی ہے ۔ آج طلباء کے پاس پہلے سے زیادہ مواقع موجود ہیں ۔ جاب فیئرکے ذریعے فوری ملازمت کا حصول ممکن ہے کیونکہ یہ فورم، ادارے اور طلباء دونوں کو یہ جانچنے کا موقع فراہم کرتا ہے
ہائر ایجوکیشن کمیشن کے ڈائریکٹر جنرل نعمان احسن نے کہا کہ نوجوانوں کو اب روزگار کے مواقع ڈھونڈنے کی بجائے روزگار فراہم کرنے کے لئے انٹرپرینورشپ کو فروغ دینا چاہئے جبکہ کراچی چیمبر آف کامرس اینڈانڈسٹری OICکے ڈائریکٹر عبدالبدیع الدادا، نے کہا کہ جاب فیئر کے ذریعے نوجوانوں کے روزگار کے حصول کے خواب کو عملی جامہ پہنایا جارہا ہے ۔
کراچی : میٹرک بورڈ نے نہم و دہم سائنس گروپ کےسالانہ امتحانات برائے2023کےماڈل پیپرز جاری کردیئے۔
ثانوی تعلیمی بورڈ کراچی نے اسٹیئرنگ کمیٹی کی سب کمیٹی کے فیصلے کی روشنی میں سالانہ امتحانات 2023ء میں ہونے والے نہم و دہم جماعت سائنس گروپ کے امتحانی پرچہ جات کے نئے سوالیہ ماڈل پیپرز جاری کر دیئے ہیں۔
چیئرمین میٹرک بورڈ اور انٹر بورڈ کمیٹی آف چیئرمینز کے سربراہ پروفیسر سید شرف علی شاہ کی خصوصی ہدایات کی روشنی میں بورڈ کی ڈائریکٹر ایجوکیشنل ریسرچ حور مظہر نے گزشتہ دنوں چار روزہ ورکشاپ کا انعقاد کیا تھا جس میں سینئر اور قابل اساتذہ کرام نے بھرپور شرکت کی اور ماڈل پیپرز تیار کئے۔
ڈائریکٹر ایجوکیشنل ریسرچ کے مطابق 2023ء کے سالانہ امتحانات کیلئے پرچے کاپہلا حصہ کثیر الانتخابی سوالات (MCQs) 20 فیصد، دوسرا حصہ مختصر جواب کے سوالات کا 40 فیصد جبکہ تیسرا حصہ بیانیہ جواب کے سوالات کا 40 فیصد پر مشتمل ہو گاانہوں نے کہا کہ امتحانی پرچہ جات پورے نصاب پر محیط ہوں گے۔
انہوں نے مزید کہا کہ پہلے مرحلے میں سائنس گروپ کے ماڈل پیپرز جاری ہوئے ہیں جبکہ فروری کے آخری ہفتے میں جنرل گروپ کے ماڈل پیپرز بھی تیار ہوجائیں گے۔ چیئرمین بور ڈ سید شرف علی شاہ نے کہا کہ پورے سندھ میں سب سے پہلے ماڈل پیپرز میٹرک بورڈ نے جاری کئے ہیں انہوں نے سینئر اساتذہ کرام اور خاص طور پر ڈائریکٹر ایجوکیشنل ریسرچ حور مظہر، ریسرچ ایسوسی ایٹ ایم اے جعفری اور ان کے عملے کی کوششوں کو سراہا اور کہا کہ ریسرچ سیکشن آئندہ بھی ایسے ورکشاپ منعقد کرائے انہوں نے کہا کہ ہمارے بورڈ کا ریسرچ سیکشن اکیڈمک کے حوالے سے بہت فعال ہے اور معیاری کام کے حوالے سے اپنی مثال آپ ہے۔ ماڈل پیپرز بورڈ کی آفیشل ویب سائٹ www.bsek.edu.pk پر اپ لوڈ کر دیئے گئے ہیں۔
کراچی: بھارتی ماڈل و اداکارہ اروشی روٹیلا کی جانب سے کرکٹر نسیم شاہ کو سالگرہ اور اعزازی ڈی ایس پی بننے کی مبارکباد دی گئی۔
جس کے بعد سوشل میڈیا پر میمز کی بھر مار ہوگئی۔
گزشتہ روز قومی کرکٹ ٹیم کے فاسٹ بولر نسیم شاہ 20 برس کے ہوگئے جس پر انہیں سالگرہ کی مبارک باد دینے کا سلسلہ جاری رہا۔
ایسے میں بھارتی ماڈل اور اداکارہ اروشی روٹیلا نے بھی نسیم شاہ کو سالگرہ اور اعزازی ڈی ایس پی بننے کی مبارکباد دی جس پر سوشل میڈیا صارفین میدان میں کود پڑے۔
احتشام نامی صارف نے ایک میم شیئر کی جس میں سرفراز کو اروشی کے آگے ہاتھ جوڑے دیکھا جاسکتا ہے اور میم پر لکھا گیا کہ نسیم کو پی ایس ایل پر فوکس کرنے دو۔
سوشل میڈیا پر ایک اور میم بھی گردش کررہی ہے جس میں نسیم شاہ کے شادی کے حوالے ویڈیو کلپ کو شیئرکیا گیا ہے اور ساتھ ہی کہا گیا کہ ابا نہیں مانیں گے۔
ٹوئٹر پر احتشام نے ایک اور میم شیئر کی جس میں انہوں نے لکھا کہ اروشی چاچی نسیم شاہ چھوٹا سا لڑکا ہے۔
ویب ڈیسک : بیلجیئم کے گول کیپر آرنی ایسپیل مبینہ طور پر پنالٹی کک بچانے کے دوران میدان پر گِر کر ہلاک ہوگئے۔
غیر ملکی میڈیا رپورٹس کے مطابق بیلجیم کے فٹبال کلب ونکل اسپورٹ کے گول کیپر آرنی ایسپیل کی ٹیم حریف ویسٹروزیبیکے کے خلاف میچ میں 2-1 سے آگے تھی، جب وہ پنالٹی کک روکتے ہوئے دوسرے ہاف میں میدان پر گِر گئے۔
رپورٹس میں کہا گیا ہے کہ گول کیپر کے اچانک گرنے کے بعد میڈیکل ٹیم فوراً گراؤنڈ میں داخل ہوئی اور انہیں طبی امداد کیلئے اسپتال روانہ کیا گیا تاہم وہ جانبر نہ ہوسکے۔
دوسری جانب آرنی ایسپیل کے کلب ونکل اسپورٹ نے گول کیپر کی اچانک موت پر اہلخانہ اور دوستوں سے گہرے دُکھ کا اظہار کیا ہے۔
واضح رہے کہ اچانک موت کی وجوہات ابھی تک منظر عام پر نہیں آئی ہیں۔
کراچی: سندھ مدرستہ الاسلام یونیورسٹی کے وائس چانسلر ڈاکٹر مجیب صحرائی نے منگل کو کراچی میں ترکی کے قونصل خانے کا دورہ کیا، جہاں انہوں نے ترکی کے قونصل جنرل کیمل سانگو سے ملاقات کی۔
قونصل جنرل سے ملاقات کے دوران ڈاکٹر مجیب صحرائی نے ترکی میں زلزلے سے ہونے والے بھاری انسانی جانوں کے ضیاع پر گہرے دکھ کا اظہار کیا اور کہا کہ ترکی ہمارا برادر ملک ہے اس لیے ہم ترکی میں انسانی جانوں کے ضیاع کو اپنا سمجھتے ہیں۔
ڈاکٹر صحرائی نے کہا کہ پاکستان، خاص طور پر سندھ مدرستہ الاسلام یونیورسٹی کے ترکی کے ساتھ تاریخی تعلقات ہیں کیونکہ ترکی کی حکومت نے 19ویں صدی میں ایس ایم آئی کے بانی خان بہادر حسن علی کو "افندی" اور "بے" کے خطابات سے نوازا تھا۔
یہی وجہ ہے کہ مذکورہ قدرتی آفات نے پاکستانی عوام کو بھی ہلا کر رکھ دیا ہے۔ ڈاکٹر صحرائی نے قونصلیٹ جنرل میں رکھی تعزیتی کتاب میں بھی اپنے خیالات لکھے۔
کراچی: پی ایس ایل 8 سے قبل کوئٹہ میں 5فروری کو کھیلے جانے والےنمائشی کرکٹ میچ کے لیے ٹکٹوں کی فروخت کاآغاز ہوگیا۔
بگٹی اسٹیڈیم میں کھیلے جانے والے میچ میں عوام کی دلچسپی بڑھانے کے لیے ٹکٹ کی قیمت محض 20 روپے رکھی گئی ہے، یہ ٹکٹ کوئٹہ کے چار مختلف مقامات پر فروخت کے لیے رکھے گئے ہیں جن میں بولان کرکٹ اسٹیڈیم اور بگٹی کرکٹ اسٹیڈیم بھی شامل ہیں۔
پی ایس ایل کی معروف فرنچائز کوئٹہ گلیڈی ایٹر اور پشاور زلمی کے درمیان کھیلے جانے والے اس نمائشی میچ میں ملک کے نامور کرکٹرز شرکت کریں گے جن میں شاہد خان آفریدی بھی شامل ہیں، ان کے ہونے والے داماد اور ممتاز فاسٹ بولر شاہین شاہ آفریدی اپنی شادی کی تیاریوں کے سبب میچ میں شرکت نہیں کریں گے۔
تاہم قومی کپتان بابراعظم، سابق ٹیسٹ کپتان سرفراز احمد، محمد نواز، نسیم شاہ، افتخار احمد، محمد حسنین اور عمر اکمل جیسے کھلاڑی بھی ایکشن میں نظر آئیں گے۔
ذرائع کے مطابق میچ میں کسی غیر ملکی کرکٹر کی شرکت کا امکان نہیں ہے۔
لاہور: ٹی ٹوئنٹی ورلڈکپ2023 میں پاک بھارت مقابلہ امریکا میں ہونے کا امکان ہے۔
آئندہ سال آئی سی سی ٹی ٹوئنٹی ورلڈکپ میں پاکستان اور بھارت کا مقابلہ امریکا میں شیڈول کیے جانے کا قوی امکان ہے۔
واضح رہے کہ میگا ایونٹ کا ویسٹ انڈیز بھی مشترکہ میزبان ہے۔
سنگاپور سٹی: پاکستانی فیس بک صارفین نئے فیچر اسٹار کی بدولت مونی ٹائزیشن کے بعد اپنی تخلیقات کا معاوضہ حاصل کرسکیں گے۔
وزیر خارجہ بلاول بھٹو زرداری نے سنگاپور میں میٹا(فیس بک) ایشیا پیسیفک ہیڈکوارٹر کا دورہ کیا اور میٹا کے نمائندگان سے ملاقات کی جس میں پاکستان کے صارفین کے حوالے سے ایک خوش خبری بھی سننے کو ملی۔
وزیر خارجہ بلاول بھٹو نے ٹوئٹر پر اپنے ویڈیو پیغام میں بتایا کہ پاکستان کو ایک اور اعزاز حاصل ہوگیا۔ اب میٹا کمپنی کی ایپ فیس بک سے پاکستانی شناختی کارڈ کے حامل صارفین بھی اپنی تخلیقات (Content) کو ذريعہ آمدن بنا سکیں گے۔
بلاول بھٹو زرداری نے مزید بتایا کہ انسٹاگرام اور فیس بک کی مالک کمپنی میٹا جلد پاکستان میں سرمایہ کاری کرے گی جب کہ پاکستان میں مونی ٹائزیشن کے لیے “اسٹارز پروگرام” کا آغاز بھی کر دیا گیا۔
وزیر خارجہ نے بتایا کہ“اسٹارز پروگرام” کے تحت جو بھی پاکستانی صارفین فیس بک پر اپنی تخلیقات ویڈیو کی صورت میں شیئر کریں گے اور دیکھنے والے انھیں جتنے اسٹارز دیں گے اس حساب سے ویڈیو اپ لوڈ کرنے والے کو پیسے ملیں گے۔
بلاول بھٹو نے اس امید کا بھی اظہار کیا کہ پاکستانی نوجوان اس موقع سے فائدہ اُٹھاتے ہوئے سوشل میڈیا پلیٹ فارمز کو مثبت کاموں کے لیے استعمال کریں گے اور اپنی آمدنی میں اضافہ کرسکیں گے۔
وزیر خارجہ نے مزید کہا کہ اس سہولت سے سب سے زیادہ فائدہ خواتین اُٹھاسکتی ہیں جو گھر بیٹھے اپنی آمدنی میں اضافہ کرسکتی ہیں۔