ایمزٹی وی(گلگت بلتستان)محرم الحرام میں امن وامان کی صورتحال پر نظر رکھنے کیلئے محکمہ داخلہ بھی متحرک ہوگیا ،ہو م ڈیپارٹمنٹ نے تمام اضلاع کے ضلعی کنٹرول رومز سے مسلسل رابطہ رکھنے کیلئے گلگت میں الگ کنٹرول روم قائم کردیا ،ذرائع کے مطابق محکمہ داخلہ میں قائم کئے گئے کنٹرول روم کو گلگت سمیت دیگر اضلاع کے کنٹرول رومز کے ساتھ رابطے میں رکھاگیا ہے جو صبح اٹھ بجے سے رات بارہ بجے تک محرم الحرام کے جلوسوں اور مجالس کے پرامن انعقاد کیلئے متعلقہ حکام سے رابطہ رکھے گا

ذرائع کے مطابق ہوم ڈیپارٹمنٹ میں قائم کئے گئے کنٹرول روم کی نگرانی صوبائی سیکرٹری داخلہ کررہے ہیں صوبائی حکومت کی ہدایت پر محکمہ داخلہ کے کنٹرول روم سے رابطہ میں رہنے کیلئے تمام اضلاع کے ڈپٹی کمشنرز اور ضلعی پولیس سربراہوں کو خصوصی ہدایات بھی جاری کی گئی ہیں

،ذرائع کے مطابق کنٹرول روم کو موصول ہونےوالی کسی بھی شکایت کا فور ی طور پر ازالہ کرنے کیلئے بھی موثرنظام تشکیل دیاگیا ہے ذرائع کے مطابق مرکزی کنٹرول روم میں دو ٹیلی فون بھی نصب کئے گئے ہیں اور عوام سے کہا گیا ہے کہ وہ کسی بھی شکایت یا مشکوک شخص واجبنی شخص یا لاوارث بیگ وغیر ہ نظر آنے کی صورت میں ٹیلی فون نمبر 05811-920208اور 05811-920209پر رابطہ کرکے اطلاع دیں ۔

ایمز ٹی وی ( گلگت ) گلگت میں جعلی کوکنگ آئل تیار ہونے کا انکشاف ہوا تو تحصیلدار اصغر خان کی میونسپل فورس کے ہمراہ کار روائی کی اور جنرل اسٹور پر چھاپہ مارا اس دوران سرحد جنرل اسٹور سے لاکھوں روپے مالیت کا مضر صحت کوکنگ آئل اور جعلی مٹیرئل تیار کرنے کے لیے رکھے گئے تھے50خالی ڈرم اور متعدد گیلن بھی بر آ مد ہوئے.

مزکورہ سامان کی بر آمدی پر سرحد جنرل اسٹور کو سیل کر دیااور اسٹور کے مالک ثنائاللہ کو گرفتار کر کے عدالت میں پیش کیا گیا جہاں مجرم نے اس بات کا انکشاف کیا کہ مختلف کمپنیوں کو لیبل شدہ ڈبوں میں پیک کر کے فروخت کرتے تھے۔جس کے بعد انہیں ppc/2731سیکشن گلگت کے تحت سات دن کے لیے جیل بھیج دیا گیااور مذید تحقیقات کے لیے تحصیلدار اصغر خان کو ہدایت دی گئی

ایمزٹی وی(گلگت بلتستان)وزیراعلیٰ گلگت بلتستان حافظ حفیظ الرحمن نے پاکستان تحریک انصاف کے چیئرمین عمران خان کی جانب سے محرم الحرام کے بعد اسلام آباد کوبند کرنے کی دھمی کی شدیدالفاظ میں مذمت کی ہے انہوں نے کہا کہ عمران خان اسلام آبادکوبند کرنے کی دھمکی دے کر ملک دشمن عناصر کی حوصلہ افزائی کررہے ہیں۔

اسلام آباد کوبندکرنا پاکستان کے سسٹم کوبندکرنا اور ملک دشمن ممالک کاایجنڈا ہے جس پر عمران خان عمل پیرا ہےں انہوں نے کہا کہ کروڑوں روپے لگا کر چند ہزارافراد جمع کرنے سے کسی ملک میں انقلاب نہیں آتا نہ تو اےسے حکومت گرائی جاسکتی ہے انہیں آرام اوراطمینان سے2018 کے الیکشن کاانتظارکرنا ہوگا۔

اگرہماری پارٹی بقول آپ کے بہت کرپٹ ہے توعوام مستردکردیں گے اور آپ بہت سیانے اوراچھے ہیں تو عوام آپ کومنتخب کرلے گی مگر پاکستان کی ترقی کے عمل کوروک کر عوام کوعذاب میں ڈال کرآپ کبھی وزیراعظم نہیں بن سکتے۔

وزیراعظم نے کہا کہ عمران خان کے پی کے پرتوجہ دیں ایسا نہ ہوکہ وزیراعظم بننے کے چکر میںایک صوبے کی حکومت سے بھی ہاتھ دھوبیھٹیں۔انہوں نے جودودھ کی نہریں خیبرپختونخواہ میں بہائی ہیں سب کے سامنے ہیں۔

ایمز ٹی وی (گلگت)ضلعی انتظامیہ نے مجلس وحدت المسلمین کے سربراہ علامہ راجہ ناصر عباس جعفری،اہل سنت والجماعت کے سربراہمولانا احمد لدھیانوی سمیت 5علماءکے گلگت داخلے پر پابندی لگادی گئی ۔ڈپٹی کمیشنر گلگت محمد حمزہ سالک جو ضلع مجسٹریٹ بھی ہیں کہ جانب سے جاری ہونے والے ایک نوٹیفیکیشن کے مطابق گلگت شہر میں امن وامان کی صورتحال برقرار رکھنے کی غرض سے پنجاب سے تعلق رکھنے والے مولانا محمد احمد لدھیانوی،مولانا مسعود الرحمن عثمانی،علامہ راجہ ناصر عباس جعفریاسلام آباد سے مولاناآصف وعثمان جبکہ کراچی سے تعلق رکھنے والے مولانااورنگ  فاروقی پر ضلع گلگت میں اگلے پیتالیس دن تک داخل ہونے پر پابندی لگادی ہے اور اس پابندی کا اطلاق یکم اکتوبر سے ہوگا اور 15نومبر تک یہ پابندی سیکشن 5(1)Aکے تحت حاصل اختیارات استعمال کرتے ہوئے لگادی ہے۔ان علماءپر اضلع گلگت میں داخلے پر پابندی محرم الحرام کے دوران امن وامان برقرار رکھنے کیلئے لگادی ہے۔

ایمز ٹی وی(گلگت)سکردو انتظامیہ اور پولیس نے شہر میں کتے کے گوشت کی فروخت کے معاملے کی تحقیقات شروع کردی ہے انتظامیہ کو خفیہ اداروں نے اطلاع دی تھی کہ سکردو میں کتے کا گوشت فروخت ہونے کا انکشاف ہوا ہے اور سندوس سے کتے کی کھال،ٹانگیں اور سربوری میں بند کئے ہوئے مل گئے ہیں بوری میں چھپا ئے ہوئے کھال ،ٹانگوں اور کتے کے سرسے شبہ ہوتا ہے کہ کتے کو باقاعدہ ذبح کیا گیا ہے اور گوشت فروخت کیا گیا ہے

خفیہ اداروں کے اہلکاروں نے سندوس کے علاقے میں نالے کے کنارے سے برآمدہونے والے کتے کے سر،ٹانگوں اور کھال کی تصاویر بھی بنائی ہیں ،دوسری جانب سکردوشہر میں کتے کے گوشت کی فروخت کے انکشافات کے بعدشہری سخت پریشان ہیں۔

ایمزٹی وی(گلگت بلتستان)صوبائی وزیر اقبال حسن نے کہا ہے کہ تعلیم جیسے پیغمبرانہ پیشے کو بدنام کرنے والے عناصر کو چوراہوں پر لٹکایا جانا چاہیے ایسے لوگ شرعی اور قانونی لحاظ سے ناقابل معاف ہیں کرپٹ عناصر کے خلاف بڑے پیمانے پر کارروائیاں ہونی چاہئیں ایک دفعہ کرپٹ عناصر کو لٹکایا جائیگا تو ہمیشہ کیلئے نظام ٹھیک ہو جائیگا اور پورا گلگت بلتستان کرپشن سے بالکل پاک صاف ہو جائیگا کے پی این سے بات چیت کرتے ہوئے انہوں نے کہا کہ نیب اور ایف آئی اے کو کرپشن میں ملوث عناصر کے خلاف سخت ایکشن لینا ہو گا، ہمارا کام اداروں کو لانا تھا ہم نے ادارے لائے ہیں اب ان اداروں کی ذمہ داری ہے کہ وہ کرپٹ عناصر کا کڑا احتساب کریں ہم نیب اور ایف آئی اے کی کارروائی میں کبھی رکاوٹ نہیں بنیں گے کرپٹ عناصر حکومتی ہو یا غیرحکومتی ان کے خلاف سخت ایکشن لیا جانا چاہیے اگر ہم نے کرپشن کے خلاف تحقیقات میں کسی قسم کی رکاوٹ ڈالنی تھی تو تحقیقاتی اداروں کو ہی گلگت بلتستان میں نہ لاتے۔

بہت افسوس کی بات ہے کہ ماضی میں محکمہ تعلیم کو تباہ و برباد کر دیا گیا اور نوکریاں لاکھوں روپے میں فروخت کی گئیں، ہم نے عوام سے وعدہ کیا تھا کہ ہم محکمہ تعلیم میں کرپشن ختم کریں گے اور نئے اضلاع کا قیام عمل میں لائیں گے ہم نے دونوں وعدے پورے کر دیئے ہیں ہم کرپشن کریں گے اور نہ ہی کسی کو کرپشن کرنے دیں گے کرپشن پر کسی سے کوئی سمجھوتہ نہیں کریں گے ہم یہ بڑے دعوے کے ساتھ کہتے ہیں کہ اس وقت گلگت بلتستان میں ایک فیصد کرپشن نہیں ہو رہی ہے ہمارے اوپر لوگوں کے کام نہ ہونے کا الزام لگ سکتا ہے لیکن ایک پیسے کی کرپشن کا الزام نہیں لگایا جا سکتا۔ انہوں نے کہا کہ محکمہ تعلیم کو کرپشن سے پاک کرنے کا پختہ عزم کر لیا ہے۔ انشاءاللہ اس محکمے میں بڑی تبدیلیاں لائیں گے اور قوم کے بچوں کے مستقبل کو محفوظ بنایا جائیگا ، ایک سوال کے جواب میں انہوں نے کہا کہ ایسا ہرگز نہیں ہے کہ سی پیک میں گلگت بلتستان کو کوئی حصہ نہیں مل رہا ہے آئینی پیچیدگیاں ہیں ان کو دور کر لیا جائیگا پھر ہمیں بھی ملک کے دوسرے حصوں کے برابر حصہ مل جائیگاانہوں نے کہا کہ تمام اراکین اسمبلی چاہتے ہیں کہ سکردو روڈ بنے کوئی رکن اسمبلی روڈ کی مخالفت نہیں کر رہا انشاءاللہ روڈ ہر صورت میں بنے گا عوام ہمیں مسائل کے حل کیلئے تھوڑا وقت دیں کیونکہ ہمارے مسائل بہت ہی پیچیدہ ہیں ان کے حل کیلئے وقت درکار ہے 

ایمزٹی وی(گلگت بلتستان ) چترال میں ولیمے میں مضر صحت کھانا کھانے سے200سے زائد افراد کی حالت خراب ہوگئی ۔

پولیس کے مطابق واقعہ جن جنریت کےمقام پر پیش آیا، جہاں 200سے زائد افراد کی مضر صحت کھانا کھانے سے حالت غیر ہوگئی۔

متاثرہ افراد نے ولیمے میں کھانا کھایا،جس کے بعد ان کی حالت خراب ہوئی، متاثرہ افراد کو اسپتال منتقل کردیا گیاہے ۔ جہاں انہیں طبی امداد دی جارہی ہے

ایمزٹی وی(تعلیم/گلگت بلتستان)صوبائی وزیر اقبال حسن نے کہا ہے کہ تعلیم جیسے پیغمبرانہ پیشے کو بدنام کرنے والے عناصر کو چوراہوں پر لٹکایا جانا چاہیے ایسے لوگ شرعی اور قانونی لحاظ سے ناقابل معاف ہیں کرپٹ عناصر کے خلاف بڑے پیمانے پر کارروائیاں ہونی چاہئیں ایک دفعہ کرپٹ عناصر کو لٹکایا جائیگا تو ہمیشہ کیلئے نظام ٹھیک ہو جائیگا اور پورا گلگت بلتستان کرپشن سے بالکل پاک صاف ہو جائیگا

کے پی این سے بات چیت کرتے ہوئے انہوں نے کہا کہ نیب اور ایف آئی اے کو کرپشن میں ملوث عناصر کے خلاف سخت ایکشن لینا ہو گا، ہمارا کام اداروں کو لانا تھا ہم نے ادارے لائے ہیں اب ان اداروں کی ذمہ داری ہے کہ وہ کرپٹ عناصر کا کڑا احتساب کریں ہم نیب اور ایف آئی اے کی کارروائی میں کبھی رکاوٹ نہیں بنیں گے کرپٹ عناصر حکومتی ہو یا غیرحکومتی ان کے خلاف سخت ایکشن لیا جانا چاہیے اگر ہم نے کرپشن کے خلاف تحقیقات میں کسی قسم کی رکاوٹ ڈالنی تھی تو تحقیقاتی اداروں کو ہی گلگت بلتستان میں نہ لاتے۔ بہت افسوس کی بات ہے کہ ماضی میں محکمہ تعلیم کو تباہ و برباد کر دیا گیا اور نوکریاں لاکھوں روپے میں فروخت کی گئیں، ہم نے عوام سے وعدہ کیا تھا کہ ہم محکمہ تعلیم میں کرپشن ختم کریں گے اور نئے اضلاع کا قیام عمل میں لائیں گے ہم نے دونوں وعدے پورے کر دیئے ہیں ہم کرپشن کریں گے اور نہ ہی کسی کو کرپشن کرنے دیں گے کرپشن پر کسی سے کوئی سمجھوتہ نہیں کریں گے ہم یہ بڑے دعوے کے ساتھ کہتے ہیں کہ اس وقت گلگت بلتستان میں ایک فیصد کرپشن نہیں ہو رہی ہے ہمارے اوپر لوگوں کے کام نہ ہونے کا الزام لگ سکتا ہے لیکن ایک پیسے کی کرپشن کا الزام نہیں لگایا جا سکتا۔ انہوں نے کہا کہ محکمہ تعلیم کو کرپشن سے پاک کرنے کا پختہ عزم کر لیا ہے۔

انشاءاللہ اس محکمے میں بڑی تبدیلیاں لائیں گے اور قوم کے بچوں کے مستقبل کو محفوظ بنایا جائیگا ، ایک سوال کے جواب میں انہوں نے کہا کہ ایسا ہرگز نہیں ہے کہ سی پیک میں گلگت بلتستان کو کوئی حصہ نہیں مل رہا ہے آئینی پیچیدگیاں ہیں ان کو دور کر لیا جائیگا پھر ہمیں بھی ملک کے دوسرے حصوں کے برابر حصہ مل جائیگا انہوں نے کہا کہ آئینی پیچیدگیاں دور کرنے کیلئے ہم نے کوششیں تیز کر دی ہیں اس کیلئے عوام کے تعاون کی ضرورت ہے

انہوں نے کہا کہ 29ستمبر کو سکردو روڈ پر واقع پانچ پلوں کا افتتاح کیا جا رہا ہے وزیراعلیٰ حافظ حفیظ الرحمان پلوں کا خود افتتاح کریں گے افتتاح بہت بڑا بریک تھرو ہو گا انہوں نے کہا کہ میں نے رکن اسمبلی منتخب ہونے کے بعد سکردو میں یادگار شہداءکے ساتھ قسم کھائی تھی کہ ہم کرپشن کریں گے اور نہ ہی دوسروں کو کرپشن کرنے دیں گے انہوں نے کہا کہ میں ایک غریب بات کا بیٹا ہوں میرا مکان بھی کچا ہے کچے مکان سے آئے ہوئے رکن اسمبلی کو ہی غریبوں کی مشکلات کا احساس ہے ہم عوام کو یقین دلاتے ہیں کہ عوام کے حقوق پر کسی سے کوئی سمجھوتہ نہیں کریں گے حقوق کی جنگ ہر سطح پر لڑیں گے امید ہے کہ حقوق کی جنگ میں ہمیں کامیاب ملے گی ۔

انہوں نے کہا کہ تمام اراکین اسمبلی چاہتے ہیں کہ سکردو روڈ بنے کوئی رکن اسمبلی روڈ کی مخالفت نہیں کر رہا انشاءاللہ روڈ ہر صورت میں بنے گا عوام ہمیں مسائل کے حل کیلئے تھوڑا وقت دیں کیونکہ ہمارے مسائل بہت ہی پیچیدہ ہیں ان کے حل کیلئے وقت درکار ہے۔ وزیراعظم اور وزیراعلیٰ نے جو ذمہ داریاں عائد کی ہیں ان کو احسن طریقے سے پورا کریں گے۔

ایمزٹی وی(گلگت بلتستان)وزیراعلیٰ گلگت بلتستان حافظ حفیظ الرحمن نے کہا ہے کہ سابقہ حکومت کی نا اہلی اور مجرمانہ غفلت کی وجہ سے وفاقی حکومت کے منصوبوں کے اخراجات کا بوجھ صوبے کو اٹھانا پڑا جس کی وجہ سے صوبے کا بجٹ وفاقی منصوبوں پر استعمال ہوا اورصوبے کے ترقیاتی منصوبے مکمل نہیں ہوئے اور وفاقی حکومت کے منصوبے بھی التوء کا شکار رہے ۔

انہوں نے یہ بات سیکرٹری پلاننگ کی طرف سے دی گئی بریفنگ کے موقع پر کہی انہوں نے کہا کہ پولیٹیکل انسٹالیشن ، اسپیشل ایجوکیشن سمیت دیگر منصوبوں کو مکمل کرنے کے لیے تقریباً 14 ارب روپے کا بوجھ صوبے کے بجٹ پر پڑ گیا۔ اٹھارویں ترمیم کا اطلاق گلگت بلتستان پر نہیں ہو تا لیکن سابقہ حکومت کی نا اہلی کی وجہ سے یہ منصوبے مالی وسائل کے بغیر صوبے کو منتقل کیے گئے ۔

وزیراعلیٰ نے صوبائی سیکرٹری پلاننگ کو ہدایت کی ہے کہ اٹھارویں ترمیم کے نام پر جن محکموں کے منصوبے مالی وسائل کے بغیر گلگت بلتستان کو دیئے گئے ہیں ان منصوبوں کی رقم وفاقی حکومت سے لینے کی سفارش کی جائیگی۔ اس سلسلے میں وزیراعظم پاکستان محمد نواز شریف کو بھیجنے کیلئے سمری تیار کی جائے کیونکہ تقریباً 14 ارب روپے کی رقم صوبے کے بجٹ سے ادا کرنا ممکن نہیں ۔

وزیر اعظم پاکستان و قائد عوام محمد نواز شریف گلگت بلتستان کی تعمیر و ترقی میں خصوصی دلچسپی لے رہے ہیں اور وفاقی حکومت بھی صوبائی حکومت کے ساتھ بھر پور تعاون کر رہی ہے ۔ وزیراعلیٰ نے کہا کہ صوبائی وزراءکو ہدایت کی ہے کہ متعلقہ محکموں کا ماہانہ اجلاس طلب کر کے ترقیاتی منصوبوں اور بجٹ کے استعمال کا جائزہ لیں تا کہ محکموں کی کارکردگی کو بہتر بنایا جا سکے ۔ وزیراعلیٰ نے کہا کہ وسائل اور اختیارات کی نچلی سطح تک منتقلی سے عوام کو ریلیف ملے گا اور منصوبے بروقت مکمل کیے جاسکیں گے ۔ منصوبوں کی مانیٹرنگ اور بروقت تکمیل کو یقینی بنانے کے لیے ڈویژنل سطح پر پلاننگ کے دفاتر قائم کیے جائیں۔

۔ وزیراعلیٰ نے کہاکہ حکومت کی انتہاپسند ی اور جرائم کے خلاف زیرو ٹالرنس کی پالیسی ہے جس پر سختی سے عمل درآمد یقینی بنایا جائے۔ سرکاری ملازمین تما م تر وابستگیوں سے بالا تر ہوکر اپنے فرائض کی انجام دہی یقینی بنائیں ۔ ماضی میں تعصبات کی وجہ سے گلگت بلتستان کی ترقی جمود کا شکار رہی ۔ ہم نے علاقے اور عوام کے مفاد میں تمام فیصلے اپنی ذات اور خواہشات سے بالاتر ہو کر میرٹ اور قا نون کے مطابق کیے جس کی وجہ سے گلگت بلتستان کے گورننس کے نظام میں بہتری آئی ہے کرپشن کا خاتمہ اور میر ٹ کی بالادستی ممکن ہوئی ہے ۔ وزیراعلیٰ نے کہا کہ مالی وسائل نہ رکھنے والوں کو مفت قانونی معاونت یقینی بنائینگے تاکہ انصاف کے تقاضوں کو پورا کیا جاسکے ۔ بار کونسل کی مشاورت سے شفاف نظام قائم کر کے وکلاءکی بہتری کے لیے بھرپور اقدامات کیے جائینگے وکلاءکی ہیلتھ انشورنس کے حوالے سے بھی غور کیا جا رہا ہے

ایمزٹی وی(تعلیم/ اسلام آباد)قراقرم انٹرنیشنل یونیورسٹی کے شعبہ امتحانات نے ایف اے پارٹ ون کے سالانہ امتحانات کے نتائج کا اعلان کردیا ہے ۔

نتائج کے مطابق ریگولر امیدواروں کا مجموعی نتیجہ 26.04اور پرائیویٹ امیدواروں کا نتیجہ 5.96فیصد رہا۔ امتحانات مین کل6386ریگولر امیدوار شریک ہوئے جن میں سے 1663امیدوار کامیاب قرار پائے ۔جبکہ 1577پرائیویٹ امیدواروں میں سے 94امیدوار پاس ہوئے ۔