ایمزٹی وی(گلگت بلتستان) انسپکٹر جنرل پولیس گلگت بلتستان ظفر اقبال اعوان کی سر براہی میں سیکورٹی کے حوالے سے ایک اہم میٹنگ منعقد ہوئی۔ اجلاس میں آئی جی ظفراقبال اعوان نے کہا کہ چہلم کے ماتمی جلوس کے حفاظتی انتظامات بالکل اس طرح ترتیب دیں جس طرح یوم عاشورہ کو ترتیب دئیے گئے تھے۔

فورتھ شیڈول والوں کی نگرانی مزید سخت کی جائے۔اہم مقامات کی حفاظت کےلئے سیکورٹی آڈٹ کی روشنی میں پلان ترتیب دین تمام اضلاع میں موجود افغانیوں کے مکمل انخلاءتک کاروائی جاری رکھی جائے۔ عارضی رہائشی ایکٹ 2016پر عملدار آمد کو یقینی بنایا جائے۔

نیشنل ایکشن پلان کے تحت کاروائی مزید بہتر بنائی جائے اور روزانہ کی بنیاد پر متعلقہ اداروں کو اطلاع کیا جائے۔سی پیک روٹ پر ملحقہ اہم مقامات پل، عطاءآباد ٹنل، سست ڈرائی پورٹ اور چائنیز کی حفاظت کےلئے تما م وسائل بروئے کار لائی جائیں۔شاہراہ قراقرم پر چیکنگ کے نظام میں مزید بہتری لائی جائے اور مسافروں کو بے جا تنگ نہ کیا جائے۔

غیر قانونی اسلحہ اور منشیات کے خلاف جاری مہم میں مزید تیزی لائی جائے۔،زیر تفتیش مقدمات کو جلد ازجلد نمٹاکر چالان عدالتوں میں پیش کئے جائیں۔ اشتہاری ملزمان اور دیگر مطلوب ملزمان کی گرفتاری کےلئے کاروائیوں کو تیز کیاجائے۔یکم دسمبر سے PTCمیں اپر اور انٹر کے کورسز کا اجراءکیا جائے۔ فورس کے کسی آفیسر اور جوان کی ترقی کے دوران لیت و لعل برداشت نہیں کیاجائے گا۔

تمام اضلاع میں کوئیک رسپانس فورس کو ایکٹیو کیا جائے۔ اجلاس مین تمام اضلاع کے ایس ایس پیز نے اپنے اپنے ضلع کے مختلف امور کے حوالے سے آئی جی پی کو بریفنگ دی،اجلا س تمام ڈی آئی جیز ، سی پی او کے اے آئی جیز ، سپیشل برانچ ، سی ٹی ڈی اور پی ٹی سی کے زمہ دارن سمیت تمام اضلاع کے ایس ایس پیز نے شرکت کی۔

ایمزٹی وی(گلگت بلتستان)تحریک انصاف کے رکن قانون سازاسمبلی راجا جہانزیب نے کہا ہے کہ حکمرانوں کو احتساب سے بھاگنے نہیں دیں گے۔
ذرائع کے مطابق ان کا کہنا ہے کہ کرپٹ حکمرانوں کے دن گنے جا چکے ہیں اور گلگت بلتستان کے سینکڑوں لوگوں نے اسلام آباد آکرثابت کردیا ہے کہ وہ کرپٹ حکمرانوں کےخلاف ہے۔

انہوں نے کہا کہ اسلام آبادھرنے کےلئے گلگت بلتستان کے تمام اضلاع سے لوگ آئیں اور میرے حلقے یاسین سے سینکڑوں کارکن اسلام آباد میں موجود ہے جس پر میں ان کا مشکور ہوں انہوں نے کہا کہ گلگت بلتستان میں تحریک انصاف مضبوط ہورہی ہے اور آنے والے دنوں میں مزید لوگ تحریک انصاف کا حصہ بنیں گے۔

ایمزٹی وی(چترال)ضلعی انتظامیہ چترال نے موسم سرما کے دوران برفبار ی کے نتیجے میں لواری ٹاپ روڈ کی بندش کے بعد لواری ٹنل کو عام پبلک کے لئے کھولنے کے شیڈول کا اعلان کردیا ہے جس کے مطابق ٹنل کوہفتے میں صرف جمعہ کے دن صبح 7سے لے کر شام 7بجے تک پبلک کے لئے کھلا رکھا جائے گا۔

تفصیلات کے مطابق گزشتہ دنوں ڈویژنل ہیڈ کوارٹرز سوا ت میں کمشنر کے دفتر میں منعقدہ ایک اجلاس کے حوالے سے ڈپٹی کمشنر چترال اسامہ احمد وڑائچ کے دفتر سے جاری شدہ شیڈول میں کہا گیاہے کہ اس دن ٹرک اور دوسری بھاری گاڑیوں کو گزرنے کی اجازت نہیں ہوگی جبکہ روزمرہ ضرورت کی اشیاء لانے والی مزدا گاڑیوں کو چترال کے سائیڈ میں دروش اور میرکھنی کے درمیاں اور دیر سائیڈ میں اخاگرام میں پارک کرنی ہوگی جس کے بعد وہ 20گاڑیوں کی کنوائی کی صورت میں ٹنل سے گزریں گے تاکہ مسافر بردار گاڑیوں کے گزرنے میں کوئی دشواری پیش نہ ہو۔

اسی طرح اس دن عام تجارت کے سامان ، ماربل، لکڑی، ناکارہ گاڑیاں، نازک حالت میں مریض یا زخمی، دھماکہ خیز مواد بھی ٹنل سے گزارنے کی اجازت نہیں ہوگی۔ عام مسافروں کو ٹنل سے بحفاظت گزارنے کے لئے ٹنل کے دونوں اطراف میں ایمبولنس گاڑیوں کو اسٹینڈ بائی رکھنے ، ٹنل کے اندر خراب ہونے والی گاڑیوں کے لئے ریکوری کا بندوبست کرنے اور ٹنل کے دونوں طرف مناسب انتظار گاہوں کا انتظام شامل ہیں۔

اس بات کا فیصلہ تاہم بعد میں کیا جائے گا کہ ٹنل کو پہلے چترال سے جانے والے مسافروں کے لئے کھول دیا جائے گایا آنے والوں کے لئے۔ درین اثناء چترال کے عوامی اور سیاسی حلقوں نے ہفتے میں صرف ایک دن کے لئے لواری ٹنل کو پبلک کے لئے کھولنے پر شدید مایوسی کا اظہار کرتے ہوئے اسے قطعی طور پر ناکافی قرار دی ہے۔

ایمزٹی وی(گلگت بلتستان)پیپلزپارٹی گلگت بلتستان کے صدر امجد حسین ایڈووکیٹ نے کہا ہے کہ یکم نومبر کو (ن)لیگ کے تمام دعوﺅں کا پول کھل جائے گا، 26اکتوبر کو چین سے جو کنٹینرز آ رہے ہیں ان کا سی پیک سے کوئی تعلق نہیں، کچھ کاروباری افراد کے کنٹینرز آ رہے ہیں جسے گورنر سی پیک سے جوڑنا چاہتے ہیں۔
انہوں نے کہا کہ گلگت بلتستان میں ریڑھی بانوں ، موچیوں اور تندور مالکان پر بھی ٹیکس لگایا گیا ہے جو غریب عوام پر ظلم کی انتہا ہے۔ امجد ایڈووکیٹ نے میڈیا سے گفتگو کرتے ہوئے کہا کہ یکم نومبر کے جلسے میں شرکت کیلئے تمام سیاسی جماعتوں کو دعوت دی گئی ہے ۔
ہم عوامی ایشوز کی بات کر رہے ہیں اور عوام کے حقوق کیلئے سڑکوں پر نکلنے کا فیصلہ کیا ہے یکم نومبر کا جلسہ تاریخی ہو گا اس جلسے میں گلگت بلتستان کے تمام اضلاع سے جیالے شرکت کریں گے۔
جلسے میں گلگت بلتستان کے حقوق کیلئے آواز اٹھائی جائے گی اور حکومت سے ٹیکس کے نفاذ کا فیصلہ واپس لینے کا بھی مطالبہ کیا جائے گا۔ انہوں نے کہا عوامی تحریک اب رکنے والی نہیں حکومت کی ناانصافیوں کے خلاف عوام کمربستہ ہو چکے ہیں اب عوام کسی قسم کا سمجھوتہ کرنے کیلئے تیار نہیں ہیں، حکومت کو اب اپنی پوزیشن واضح کرنی ہو گی اور عوام کے مسائل کے حل کیلئے عملی اقدامات اٹھانا ہونگے۔

ایمزٹی وی(کراچی) ذرائع کے مطابق پاکستان میں سیر کیلئے آئے کار ریلی کے شرکاءکراچی میں مزار قاند پر حاضری کیلئے پہنچ گئے جہاں انہوں نے مزار پر پھول بھی چڑھائے۔

ذرائع کا کہنا ہے کہ اس موقع پر مزار قائد پر سیکیورٹی کے سخت ترین انتظامات کیے گئے ہیں جبکہ ریلی کے ساتھ رینجرز اور پولیس کے جوان سیکیورٹی کے فرائض سر انجام دے رہے ہیں ۔پاک چین دوستی کارریلی کے شرکاءکی مزار قائد پر آمد کے موقع پر عام افراد کا داخلہ بند کر دیا گیا ۔

یاد رہے پاک چین دوستی کار ریلی کے 52شرکاءگلگت بلتستان کے راستے پاکستان داخل ہوئے تھے

جس کے بعد وہ لاہور بھی آئے اور گزشتہ روز سکھر سے سندھ کے تاریخی مقام موہنجو داڑو بھی گئے
چینی نوجوان 22کاروں کے قافلے کے صورت میں پاکستان کے مختلف شہریوں کی سیر کر رہے ہیں ، انہوں نے مزار قائد پر حاضری کے موقع پر پاکستان زندہ با دکے نعرے بھی لگائے ، شرکاءنے اپنے ہاتھوں میں سبز ہلالی پرچم بھی اٹھا رکھے تھے ۔

ایمزٹی وی(گلگت بلتستان)پاکستان پیپلز پارٹی کے سینئر رہنماءو سابق مشیر جنگلات آفتاب حیدر نے کہا ہے کہ یکم نومبر کو دنیور میں تاریخی احتجاج ہو گا اور موجودہ حکومت کے چہرے سے نقاب ہٹا یا جا ئے گا ۔ شاہراہ قراقرم دنیور کو بلاک کر کے حق ملکیت سمیت حق حا کمیت کے لیئے بھر پور احتجاجی مظاہر ہ ہو گا حکومت نے ایکشن پلان اور انسداد دہشت گردی کے نام پر عوام کو ڈرایا دھمکا یا تو اس کے سنگین نتا ئج بر آمد ہو نگے ۔

ہم جمہوری طر ز عمل سے عوام کے حقوق کے لیئے میدان عمل میں آئے ہیں جو کہ ہمارا قانونی و آئینی حق ہے اپنی مر کزی قیادت کو اس بارے میں مکمل اعتماد میں لیا گیا ہے اور سی پیک سمیت گلگت بلتستان کے بنیادی مسائل کے حل کے لیئے اس مر تبہ پاکستان پیپلز پارٹی مکمل عوامی طاقت کا مظاہرہ کرے گی ۔

میڈیا سے گفتگو کرتے ہوئے انہوں نے کہا کہ ہم نے پہلے ہی کہا تھا کہ سی پیک میں گلگت بلتستان کو مٹی اور آلودگی کے علاوہ کچھ نہیں دیا گیا ہے جس کی تا ئید آج خود حکومتی نمائندے کر رہے ہیں کم سے کم گلگت بلتستان میں پاور پرا جیکٹس لگا ئے جا تے جس سے عوام کو فائدہ ہو تا زونز بناناتودور کی بات ایک رو پیہ کا بھی کو ئی اہم منصو بہ گلگت بلتستان میں نہیں رکھا گیا ہے جو کہ گلگت بلتستان کے عوام کے ساتھ زیادتی ہے حکومت ایڑی چوٹی کا زور لگا ئے لیکن اس بار پی پی پی (ن) لیگ کی تمام کرپشن کے حوالے سے وائٹ پیپرز جا ری کر ے گی۔

یکم نومبر کے احتجاج کو مکمل کامیاب بنانے کے لیئے پانچ رکنی کمیٹی بھی بنائی گئی ہے جس کا آرگنا ئزر میں خود ہوں اور دنیور کے اس احتجاج کو تاریخی طور پر کامیاب بنانے کے لیئے دیگر تمام سیا سی سماجی مذہبی تنظیموں سمیت اسٹیک ہولڈرز کو مکمل اعتماد میں لیا جا ئے گا اور اس پروگرام کو مکمل کا میاب بنا یا جا ئے گا ۔

ایمزٹی وی(گلگت بلتستان) وفاقی وزیر برائے اُمور کشمیر و گلگت بلتستان چوہد ری محمد برجیس طاہر نے کہا ہے کہ وزیراعظم نوازشریف کے پاکستان کی ترقی کے وژن کو پورے خطے میں بے پناہ پذیرائی حاصل ہورہی ہے ۔

انہوں نے یہ بات ضلع ننکانہ کی تحصیل شاہ کوٹ میں نو تعمیر شدہ کالج روڈ کے افتتاح کے موقع پر کی۔ انہوںنے کہاکہ آج محمد نواز شریف کا وژن پورے خطے کے لئے باعث تقلید بن چکا ہے اور خطے کے دیگر ممالک بھی اس وژن کو اپنا کر ترقی کے سفر میں شامل ہونا چاہتے ہیں ۔وفاقی وزیر نے کہاکہ پاک چین اقتصادی راہداری کا منصوبہ درحقیقت محمد نواز شریف کے ہی اُس وژن کا حصہ ہے جس کے تحت انہوں نے 90کی دہائی میں اس خطے کو وسطی ایشیائی ریاستوں سے ملانے کے لئے موٹر ویز کا منصوبہ شروع کیا ۔

انہوں نے کہا اُس وقت اس منصوبے کو تنقید کا نشانہ بنانے والے آج اسی منصوبے کو اپنے علاقوں تک توسیع دینے کے لئے کوشاں ہیں ۔ انہوں نے کہاکہ نہ صرف اندرون ملک بلکہ اس خطے کے دیگر ممالک بھی پاک چین اقتصادی راہداری کا حصہ بننا چاہتے ہیں تاکہ وہ بھی اس منصوبے سے بھرپور فائدہ اٹھا کر اپنے ممالک میں ترقی و خوشحالی کے ایک روشن باب کا آغاز کر سکیں ۔

چوہدری محمد برجیس طاہر نے کہاکہ یہ عظیم منصوبہ پاکستان کی معیشت کو ایک لازوال ترقی کی بنیاد فراہم کرے گا اور اس منصوبے سے پورے پاکستان کو مستفید کرنے کے لئے پورے ملک میں انفراسٹرکچر اور سڑکوں کی تعمیر پر بھرپور توجہ دی جارہی ہے ۔انہوں نے کہا کہ حکومت پسماندہ علاقوں کی ترقی پر بھرپور توجہ دے رہی ہے تاکہ ترقی و خوشحالی کی ان کرنوں سے پورا ملک روشن ہوسکے ۔

ایمز ٹی وی (گلگت بلتستان)وزیر اعلیٰ گلگت بلتستان حافظ حفیظ الرحمن نے کہاہے کہ گلگت بلتستان ہیلتھ ڈیپارٹمنٹ میں 1500خالی پوسیٹیں مشتہر ہو چکی ہیں اوربہت جلد ان خالی اسامیوں پر میرٹ کی بنیاد پر بھرتیوں کا عمل پورا ہوگا سرکاری ہسپتالوں میں نظام کو ٹھیک کیاگیا ہے ادویات کی خریداری کے لئے بجٹ میں اضافہ کیاگیا ہے جبکہ پنجاب حکومت ساڑھے آٹھ کروڑ روپے مالیت کی ادویات گلگت بلتستان کو دینے کا اعلان کر چکی ہیں ان ادویات کی خریداری کے لئے باقاعدہ کمیٹی بھی تشکیل دی جاچکی ہے اس کمیٹی کی سفارشات کی روشنی میں ادویات کی خریداری کی جائےگی یہ بات انہوں نے اتوار کے روز گلگت بلتستان کے سینئر صحافیوں سے گفتگو کرتے ہوئے کیا ۔

انہوں نے کہا کہ گلگت بلتستان میں خدمات انجام دینے والے ڈاکٹروں کو اضافی مراعات دینے کےلئے ساڑھے چارکروڑ روپے کاریگولر بجٹ مختص کیاگیا ہے جبکہ ہسپتال میں نصب مشینری کی دیکھ بھال کےلئے بائیو میڈیکل انجینئر کی تعیناتی بھی عمل میں لائی گئی ہے صوبائی حکومت نے پی ایچ ڈی سی سفارش کی ہے کہ گلگت بلتستان کے بڑے ہسپتالوں میں نئے ڈاکٹروں کو ہاﺅس جاب کرنے کی اجازت دی جائے.

انہوں نے کہا کہ صوبائی حکومت نے امسال ہی گلگت میں میڈیکل کالج چلانے کا پروگرام بنایا تھا لیکن بعض حلقوں کی جانب سے عمارت پر اعتراض اٹھنے کی بعد عملدرآمد روک دیا ہے انہوںنے کہا کہ اس مقصد کےلئے پی ایس ڈی پی میں ساڑھے تین ارب روپے مختص کئے گئے ہیں جبکہ رواں مالی سال کے لئے 50کروڑ روپے جاری بھی ہو چکے ہیں وزیر اعلیٰ نے اپنی گفتگو میں کہا کہ وزیر اعظم ہیلتھ انشورنس سکیم کے تحت ضلع شگر ، کھرمنگ،دیامراور سکردو میں 60فیصد آبادی کو مفت طبی سہولیات فراہم کی جارہی ہیں صوبائی حکومت کی کوشش ہے کہ یہ اسکیم گلگت بلتستان کے دیگر اضلاع میں بھی متعارف کرایا جائے جبکہ بہت جلد گلگت کے عملہ کو ایم آرآئی کی سہولت بھی میسرہوگی ۔

ایمزٹی وی(گلگت بلتستان) پیپلز پارٹی گلگت بلتستان کے صوبائی صدر امجد حسین ایڈووکیٹ نے پی پی پی کے اہم اجلاس سے خطاب کرتے ہوئےکہا کہ یکم نومبر کو دنیور میں سی پیک،حق ملکیت، حق حکمرانی اور اپنے حقوق کیلئے جلسہ کرینگے۔ اسی دن ہی جی بی حکومت کے کرپشن اور نا انصافیوں کا وائٹ پیپر بھی جاری کرینگے۔ اب فیصلہ عوامی عدالت میں ہو گا۔ مزید برداشت نہیں کرینگے۔ حقوق لے کر دم لینگے۔

انہوں نے کہا کہ ہمارے چیئر مین بلاول بھٹو نے پالیسی دے دی ہے اب پالیسی پر چلتے ہوئے اپنے حقوق کیلئے سڑکوں پر نکلیں گے اور اس وقت تک سڑکوں پر ہونگے جب تک ہمارے مطالبات پورے نہیں ہوتے ہیں۔ انہوں نے کہا کہ حکومت نے سی پیک میں ہمیں مکمل نظر انداز کر دیا ہے ہم نے بار ہا حکومت کو متنبہہ کیا کہ ہمارے مطالبات حل کرے مگر کرپٹ حکومت ٹس سے مس نہیں ہے لہٰذا غور و خوص کے بعد یہ فیصلہ کیا ہے کہ اب تمام مطالبات عوامی عدالت میں پیش کرینگے اور عوامی عدالت سے بل پاس کرائینگے،جلسہ اس سڑک پرکریں گے، جس سے ہمیں محروم رکھا جا رہا ہے۔ گلگت جلسے کے بعد ہر ضلع میں جلسے کرینگے اور اب کمر کس چکے ہیں۔ گلگت بلتستان کے حقوق کو کسی صورت پامال نہیں ہونگے دینگے۔

اس موقع پر خطاب کرتے ہوئے جمیل احمد، محمد موسیٰ، سید رضی الدین، امیر محمد خان، افتاب حیدر، فدا اللہ، عمران ایڈووکیٹ، منظور بگورو، حسن پاشا و دیگر نے کہا کہ جی بی کے حقوق ھق ملکیت اور حق حاکمیت و سی پیک میں حصہ اور آئینی حقوق کیلئے سڑکوں پر نکلنے کیلئے تیار ہیں اور دنیور شاہراہ قراقرم پر عوام کا سمندر ہو گا حکمران ٹھیکے بیچنے اور کرپشن کرنے میں مصروف ہیں جبکہ صوبائی کابینہ کے بیانات کھل کر سامنے آ چکے ہیں۔ سی پیک میں ہمیں کچھ نہیں مل رہا ہے یکم نومبر سے جیالے بتائینگے کہ عوامی طاقت کیا ہوتی ہے اور اپنے حقوق لئے بغیر گھر واپس نہیں جائینگے۔

صوبائی صدر امجد ایڈووکیٹ نے جلسے میں وائٹ پیپر اور ریلی کیلئے کمیٹیاں بھی تشکیل دیدی۔ جس میں وائٹ پیپر کمیٹی کے سربراہ ڈاکٹر علی مدد شیر، آرگنائزنگ کمیٹی کے سربراہ آفتاب حیدر، فنانس کمیٹی کے سربراہ جاوید حسین اور رابطہ کمیٹی میں رضی الدین، فدا اللہ، جمیل احمد، محمد موسیٰ، انجینئر اسماعیل اور امیر محمد شامل ہونگے جو دیگر جماعتوں کو بھی جلسے میں شمولیت کیلئے دعوت دینگے۔ جبکہ ریلی کے انتظامات کی نگرانی جمیل قریشی کرینگے۔

ایمزٹی وی(گلگت بلتستان)پاک چین فرینڈشپ کار ریلی کا بیس گاڑیوں پر مشتمل قافلہ پاکستان پہنچ گیا۔

گلگت بلتستان کے وزیرتعمیرات ڈاکٹر محمد اقبال، رکن گلگت بلتستان کونسل ارمان شاہ،کمشنر گلگت ڈویژن سبطین احمداور دیگر حکام نے پاک چین سرحدپر خنجراب زیروپوائنٹ میں فرینڈ شپ کار ریلی کا استقبال کیا۔

اس موقع پر پرچم کشائی کی مختصر تقریب منعقد ہوئی جس میں دونوں ملکوں کے قومی ترانے بجائے گئے۔ قراقرم سیکورٹی فورس کے چاق وچوبند دستے نے سلامی بھی پیش کی۔

تقریب سے خطاب کرتے ہوئے صوبائی وزیرتعمیرات ڈاکٹر محمد اقبال نے ریلی کو پاک چین اقتصادی راہداری منصوبے کے حوالے سے ایک مثبت پیش رفت قرار دیا اور کہا کہ اس ریلی سے ناصرف سیاحت کو فروغ ملے گا بلکہ دونوں ملکوں کے مابین تعلقات کو مزید بہتر بنانے میں بھی مدد ملے گی۔

اس طرح کی ریلی سے دونوں ممالک کے مابین سفارتی ، تجارتی او ر ثقافتی روابط کو مضبوط بنانے میں مدد ملتی ہے۔ انہوں نے اس امید کا بھی اظہار کیا کہ چینی مہمان اپنے دورے میں گلگت بلتستان کی خوبصورتی اور دلکشی کو بین الاقوامی سطح پر روشناس کرانے میں اپنا بھرپور کر دار ادا کریں گے۔

ریلی کے انچارج مسٹر لی نے کہا کہ پاکستان اور چین کی دوستی ہمالیہ اور کے ٹو سے بلند ہے اور دونوں ملکوں کے عوام آپس میں تعلقات کو فروغ دینے کے لئے ہمیشہ کردار ادا کرتے رہے ہیں۔ انہوں نے کہا کہ فرینڈشپ کار ریلی کا مقصد دونوں ملکوں میں روابط کو مزید مضبوط اور پاک چین اقتصادی منصوبے کو اجاگر کرنا ہے۔

واضح رہے کہ پاک چین کارریلی نے چھ ہزار کلو میٹر کا فاصلہ طے کر لیا ہے اوراب وہ پاکستان میں خیبر پختون خوا،پنجاب،سندھ اور بلوچستان سے ہوتے ہوئے متحدہ عرب امارات جا ئے گی۔پاک چین فرینڈشپ کار ریلی ہفتہ کی صبح گلگت سے اسلام آباد کے لئے روانہ ہوگی۔