کراچی: وزیر تعلیم و محنت سندھ سعید غنی ڈی جے سائنس کالج پہنچ گئے.صوبائی وزیر نے وہاں تدریسی اور غیر تدریسی عملہ کو ماسک نہ پہننے پر انہیں ایس او پیز پر عملدرآمد کی ہدایات کی۔
صوبائی وزیر نےدورے کےدوران کالج میں جاری تدریسی عمل کا جائزہ لیا اور لیبارٹری میں جاری پریکٹیکلز کرنے والے بچوں سے معلومات حاصل کی۔
اس موقع پر وزیر تعلیم سعید غنی کاکہنا تھاکہ تمام طلبہ و طالبات ایس او پیز پر عمل کرکے نہ صرف اپنے آپ کو بلکہ اپنے اہل خانہ کو بھی اس وبا سے محفوظ رکھ سکتے ہیں۔اساتذہ ہر کلاس سے قبل طلبہ و طالبات کو ایس او پیز کے حوالے سے آگاہی فراہم لازمی کریں۔
کراچی: اعلیٰ ثانوی تعلیمی بورڈ کراچی کل انٹر کے نتائج کااعلان کرےگاجس کا باقاعدہ نوٹیفکیشن بھی جاری کردیا گیا ہے
جاری کردہ اعلامیہ کے مطابق انٹر بورڈکراچی ہوم اکنامکس انٹر پارٹ ٹو کےنتیجہ کااعلان کل صبح 11:00بجے سیکٹریٹ کانفرنس ہال میں کرے گا ۔ جس کے بعد نتیجہ ویب سائٹ پر جاری کردیا جائے گا۔
اسلام آباد: فیڈرل بورڈ آف انٹرمیڈیٹ اینڈ سیکنڈری ایجوکیشن نے ہائیر سیکنڈری اسکول سرٹیفکیٹ پارٹ- I اور II کےخصوصی سالانہ امتحان 2020کےشیڈول کااعلان کردیا۔
امتحانات کاآغاز 15اکتوبر2020 سے شیڈول کے مطابق شروع ہوگا اور 7 نومبر تک جاری رہےگا۔
جبکہ عملی امتحانات کآغاز 9 نومبر سےہو گا۔
کراچی: وزیر تعلیم و محنت سندھ سعید غنی نے نجی اسکول کی سیڑھیوں سے گرکرجاں بحق ہونے والی طالبہ کی خبر پر فوری نوٹس لے لیا ہے۔
صوبائی وزیر نے ڈی جی پرائیویٹ اسکولز منصوب صدیقی سے فوری طور پر واقعہ کی رپورٹ طلب کرلی ہے۔ اس حوالے سے وزیر تعلیم سعید غنی کا کہناہے کہ اس بات کی مکمل تحقیقات کی جائے کہ سانحہ کیسے ہوا اور سانحہ کے بعد اسکول کی انتظامیہ نے کیوں فوری طور پر بچی کو اسپتال نہیں پہنچایا؟
اسکول کی سیڑھیوں سے گر کر نویں جماعت کی طالبہ جاںبحق
جبکہ دوسری جانب صوبائی وزیر سعید غنی کی ہدایات پر فوری طور پر ڈپٹی ڈائریکٹرز پر مشتمل 2 رکنی تحقیقاتی کمیٹی تشکیل دے دی ہے. ڈی جی منصوب صدیقی متعلقہ ڈپٹی ڈائریکٹرز اسکول پہنچ گئے ہیں اور سانحہ کے حوالے سے تمام حقائق کی تحقیقات کررہے ہیں.
ڈی جی پرائیویٹ اسکولزمنصوب صدیقی کاکہنا ہے کہ نجی اسکول سانحہ میں جاں بحق طالبہ کے حوالے سے مکمل رپورٹ جلد ہی وزیر تعلیم کو پیش کی جائے گی
کورونا وائرس کے باعث ملک بھر میں تعلیمی ادارے کھول دیئے گئے۔وزیر تعلیم و محنت سندھ سعید غنی کھارادر میں مختلف سرکاری اور نجی اسکولز کے دورے پر پہنچ گئے
صوبائی وزیر نے ایرانیان گورنمنٹ اسکول، کے ایم اے اسکول، رونق اسلام گرلز کالج سمیت دیگر کا دورہ کیا.
اس موقع پر وزیر تعلیم سعید غنی نے اسکول کے ایس او پیز کے حوالے سے اقدامات کوسراہتے ہوئے کہا کہ ایس او پیز پر عمل درآمد کرکے ہم اپنے آپ کو اور اپنوں کو اس وبا سے محفوظ رکھ سکتے ہیںاور اسکول کے اساتذہ اور طلبہ و طالبات مل کر اس عزم کا اعادہ کریں کہ ہمیں کرونا کو شکست دینا ہے
کراچی : اعلی ثانوی تعلیمی بورڈ کراچی میں سیکیورٹی کےحوالے سے رینجرز اور پولیس کی مشترقہ ریہرسل کاانعقاد کیاگیا.
تفصیلات کےمطابق رینجرز اور پولیس کےچاق و چوبند دستے نےاعلی ثانوی تعلیمی بورڈ کراچی میں غیر متوقع ہنگامی صورتحال سےنمٹنےکےلئے ریہرسل کی . اس موقع پر انٹر بورڈ سیکیوٹی کا جائزہ بھی لیاگیا.اورکسی بھی ہنگامی صورتحال پرقابو پانے کےلئے احتیاطی تدابیر اپنانےکی ریہرسل کی اور اس عزم کا بھی اعادہ کیاگیا کہ پاکستان کئ عسکری قیادت کسی بھی وقت مشکلات سے لڑنے کےلئے تیار ہیں.
سارک کے آٹھ ممالک کے اشتراک سے نئی دہلی میں قائم ساؤتھ ایشین یونیورسٹی (ایس اے یو) میں مالی بے قاعدگیاں اوربے ضابطگیاں عروج پر ہیں اور بھارت یونیورسٹی کو اپنے مذموم مقاصد کے لئے استعمال کررہا ہے۔
کروڑوں روپے پاکستان کی جانب سے فراہم کرنے کے باوجود پاکستانی طلبہ کی تعداد انتہائی کم جبکہ فیکلٹی میں ایک استاد بھی پاکستانی نہیں، صرف ایک غیرتدریسی ملازم پاکستانی ہے جسے مستقل ملازم ہونے کے باوجود 24 گھنٹے میں واپس پاکستان بھیج دیا گیا تھا۔
بھارت میں جاری ہندواتوا لہر کے باعث بھارتی جنتا پارٹی کی طلبہ تنظیم اے بی وی پی نے یونیورسٹی میں اپنی شاخ کھول لی ہے جس کی وجہ سے مسلمان بالخصوص پاکستانی طلبہ کو شدید مشکلات کاسامنا کرنا پڑرہا ہے اور بعض اوقات تو ان کو نماز کی ادائیگی سے بھی روک دیا جاتا ہے۔
گزشتہ 10 برسوں کے دوران صرف 45 پاکستانی طلبہ گریجویٹ ہوسکے۔ 2017ء میں یونیورسٹی میں پاکستانی طلبہ کو داخلے دینے کے باوجود ان کو ویزے نہیں دیئے گئے جس کی وجہ سے پاکستانی طلبہ کی تعداد صرف 11 رہ گئی ہے۔
طلباء نے بتایا کہ لاک ڈاؤن کے باعث پچھلے مہینے سے یونیورسٹی انتظامیہ انہیں اپنے اپنے ملکوں کو واپس جانے پر مجبور کررہی ہے اور ان کی صحت کا بھی خیال نہیں رکھا جا رہا ہے۔ یونیورسٹی نے ان سے کہا ہے کہ وہ اپنا انتظام خود کریں ، ریٹرن ٹکٹ خریدیں جو عام قیمت سے کم سے کم چار یا پانچ گنا زیادہ قیمت پر دستیاب ہیں۔
ہوائی اڈے جانے تک سواری کا انتظام خود کریں جبکہ اس وقت کیمپس میں 22 کے قریب نیپالی ،11 پاکستانی، 9 سری لنکن ، 75 افغانی اور 60 بنگلہ دیشی طلباء موجود ہیں اور ان میں سے بیشتر نے اس صورتحال کو قابو میں کرنے تک قیام کی خواہش کا اظہار کیا ہے۔
انہوں نے یونیورسٹی انتظامیہ اور (قائم مقام) صدر ، اے وی ایس ایس سے اپیل بھی کی ہے مگر انھیں کوئی جواب نہیں ملا ہے۔
پاکستان کی طرف سے وزیر خارجہ خورشید قصوری نے دستخط کئے جس میں بھارت نے یقین دلایا تھا کہ اس میں کام کرنے والے اسٹاف اور طلبہ کی ضرورت کے مطابق بلاامتیاز ویزوں کا اجراء کرے گا لیکن صورتحال اس کے برعکس ہے ۔
پاکستانی طلبہ اور اسٹاف کے لئے ویزوں کا خیال نہیں رکھا جاتا، 10 فیصد کوٹا جو 21 طالبعلم بنتا ہے وہ کوٹا بھی بنگلہ دیش، افغانسان اور بھوٹان کے طلبہ کو مل جاتا ہے جن کا کوٹا بالترتیب دس چار چار فیصد ہے۔
قوائد کے تحت یونیورسٹی کے صدر اور ایگزیکٹو بورڈ کے سربراہ کو باری باری ہرملک میں تبدیل ہونا ہے مگر گزشتہ 10 سال سے بھارت کا قبضہ ہے۔
ڈھاکا میں 2004ء میں 13 ویں سارک کانفرنس کے دوران اس یونیورسٹی کی منظوری دی گئی تھی۔
قوائد کے تحت صدر، نائب صدر، رجسٹرار، ڈائریکٹر فنانس اور رجسٹرار ایک ملک کے نہیں ہوسکتے لیکن ساؤتھ ایشین یونیورسٹی میں یہ سارے عہدے بھارتیوں کے پاس ہیں۔
کراچی کی ایک مشہور یونیورسٹی کے ڈائریکٹر فنانس بھی امیدوار تھے انہیں انٹرویو کے لیے دو بار دہلی بلایا اور انٹرویو بھی اچھا اور طویل ہوا مگر انھیں پاکستانی ہونے کی وجہ سے بھرتی نہیں کیا۔
پاکستان ساؤتھ ایشیاء یونیورسٹی کو اب تک 8 لاکھ ڈالر دے چکا ہے اور51 لاکھ ڈالر فراہم کرنے ہیں جبکہ 2019ء میں صرف 6 پاکستانی طلبہ کو داخلہ ملا تھا۔
پاکستانی طلبہ کا کہنا تھا کہ اگر سارک یونیورسٹی کو سری لنکا یا مالدیپ نہ منتقل کیا گیا تو آئندہ چند برسوں میں ایک بھی پاکستانی طلبہ داخل نہیں ہوسکے گا۔ سری لنکا میں ہونے والی صحت کانفرنس میں سری لنکا نے میڈیکل یونیورسٹی کولمبو میں قائم کرنے کی تجویز دی تھی چنانچہ اس سارک یونیورسٹی کو سری لنکا منتقل کردیا جائے اور وہاں میڈیکل کا شعبہ قائم کردیا جائے تو بہتر ہوجائے گا کیوں کہ سری لنکا کے کوئی سیاسی عزائم نہیں۔
لاہور : پنجاب بھر میں میٹرک اور انٹرمیڈیٹ کے سالانہ امتحانات کےشیڈول جاری کردیئے گئے.میٹرک اور انٹرمیڈیٹ کے امتحانات صرف تھیوری کےپرچے لئے جائیں گے جبکہ پریکٹیکل نہیں ہوگا.
شیڈول کےمطابق دہم کےسالانہ امتحانات مکمل ہیں جبکہ نتائج کااعلان جولائی کے تیسرے ہفتے ہوگا. نہم کلاس کے تھیوری امتحانات18 سے 27 جون تک جاری ہونگے.جبکہ نتائج کااعلان ستمبر میں کیاجائےگا.
انٹرمیڈیٹ سیکنڈ ایئر امتحانات 29جون سے 27 جولائی تک جاری رہےگا جبکہ نتیجہ ستمبر کےدوسرے ہفتے میں ہوگا. جبکہ فرسٹ ایئر امتحانات 10 جولائی سے 20 جولائی تک جاری رہے گا اورنتائج کااعلان اکتوبر کےپہلے ہفتے میں ہوگا . نوٹیفیکشن میں یہ بھی کہا گیا ہے کہ اگر 4جون تک کورونا کی صورتحال یہی رہی تو شیڈول منسوخ تصور کیا جائے گا.
اسلام آباد:وزیراعظم عمران خان کی معاون خصوصی برائے اطلاعات و نشریات فردوس عاشق اعوان کاکہنا ہےکہ ٹیلی اسکول کاآغاز وزیر اعظم کی تعلیمی فروغ کےوژن کامظہر ہے.
فردوس عاشق اعوان نےسماجی رابطے کی ویب سائٹ ٹوئٹر پرٹوئٹ کرتے ہوئے کہا ہے کہ کورونا وبا کےباعث بچوں کاتعلیمی عمل معطل ہے گھر بیٹھے طالبعلم سمیت دیگر افراد تدریسی عمل سےاستعفادہ حاصل کرسکتے ہیں. نشریات کاآغاز صبح 8 بجے سےشام 6 بجے تک ہوگا جس سے جماعت اول سے بارہویں جماعت کےطالب علم مستفید ہوسکیں گے.
فردوس عاشق اعوان کاکہنا تھا ٹیلی اسکول سےوہ بچے بھی فائدہ اٹھاسکتے ہیں اسکول نہیں جاسکتے. منصوبہ ملک بھر شرح خواندگی کےفروغ میں بھی اہم ثابت ہوگا.
ٹیلی اسکول کئ نشریات سیٹلاٹٹ اور اینٹینا کےذریعے بھی دیکھی جاسکے گی.