کراچی: آئی سی سی بی ایس جامعہ کراچی کے تحت گزشتہ روز سلیم الزماں صدیقی آڈیٹوریم میں ایم فل اورپی ایچ ڈی پروگرام برائے2020کے نئے طالب علموں کے لئے تعارفی پروگرام منعقد کیا گیا۔
تقریب سے خطاب کرتے ہوئےبین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے سربراہ پروفیسر ڈاکٹر محمد اقبال چوہدری کا کہنا ہے کہ نئے اآنے والےمحققین کو ڈاکٹر پنجوانی سینٹر برائے مالیکیو لر میڈیسن اور ڈرگ ریسرچ (پی سی ایم ڈی) اور ایچ ای جے ریسرچ انسٹی ٹیوٹ آف کیمسٹری میں خوش آمدید کہتے ہیںیہ آپ کی خوش قسمیتی ہے کہ آپ ایک بین الاقوامی ادارے میں حصولِ تعلیم کے لیے داخل ہوئے ہیں، یہ ادارہ اپنی نوعیت کا واحد پاکستانی تحقیقی ادارہ ہے جہاں متعدد غیر ملکی محقیقین سمیت600سے زیادہ پی ایچ ڈی اور ایم فل طالب علموں پر مشتمل اعلیٰ معیار کا پی ایچ ڈی پروگرام کامیابی سے چل رہا ہے۔
موجودہ عالمی وباء (کویڈ19)نے معاشی بحالی کے تناظر میں مقامی سائینس کی اہمیت کو اُجاگر کیا ہے، پاکستانی قوم کو مستقبل کے چیلنج کے لیے تیار ہونے کی ضرورت ہے۔اس تقریب میں طلبہ و طالبات، ریسرچ آفیسرز اور اساتذہ کی بڑی تعداد شریک ہوئی، جبکہ سینئر پروفیسر ڈاکٹر شائق علی، ڈاکٹر سیدغلام مشرف، ڈاکٹر مقصود احمد چھوٹانی، ڈاکٹر ظہیر الحق قاسمی سمیت دیگرآفیشل نے بھی طلبہ و طالبات سے خطاب کیا۔
بین الاقومی مرکز کا ایم فل، پی ایچ ڈی پروگرام میرٹ پر اُستوار ہے، انھوں نے کہا کہ اس پروگرام کے تحت نئے محقیقین نامیاتی کیمیاء، تجزیاتی کیمیاء، طبعیاتی کیمیاء، غیر نامیاتی کیمیاء، حیاتی نامیاتی کیمیاء، ٹیکسٹائل کیمسٹری، فارماکولوجی، اور مالیکیولر میڈیسن جیسے اہم شعبہ جات میں تحقیق کرنے کے مجاز ہوں گے۔
اسلام آباد: ہائرایجوکیشن کمیشن نے طلبا و طالبات سمیت اساتذہ کو خبردار کیا ہے کہ سوشل میڈیا پر جعلی خبریں گردش کررہی ہے جس میں یہ دعوی کیا جارہا ہے کہ جامعات کو کیمپس بند کرنے اور طلباء کی تعداد کو داخلے کے 30 فیصد تک محدود رکھنے کی ہدایت کی گئی ہے۔
ایچ ای سی کا کہناہے کہ ایسی کوئی ہدایت جاری نہیں کی گئی ہر ادارہ اپنی مخصوص صورتحال کے مطابق کام کرنے یا بند کرنے کا فیصلہ کرے گا۔ وائس چانسلرز طلباء کی صحت اور حفاظت کے ساتھ ساتھ فیکلٹی اور عملہ کی حفاظت کے لئے ضرورت کی بنیاد پر طلبہ کی حاضری یا گردش کے متعلقہ امور کا فیصلہ کرنے کے لئے پوری طرح بااختیار ہیں۔
اگر صحت سے متعلق واقعات ایک اہم حد سے اوپر ہوجاتے ہیں تو صرف صحت کے حکام ہی جامعات کو بند کرنے کی ہدایت کرسکتے ہیں۔کوڈ - 19 بحران سے متعلق ایچ ای سی کی پالیسی رہنمائی کی تمام دستاویزات ایچ ای سی کی ویب سائٹ پر دستیاب ہیں اور انھیں دیکھا اور ڈاؤن لوڈ کیا جاسکتا ہے۔
واضح رہےایچ ای سی نے 30 فیصد حاضری کے لئے کوئی ہدایت جاری نہیں کی ہے۔
کراچی : عثمان انسٹیٹیوٹ آف ٹیکنالوجی میں داخلے کے خواہشمند طلبہ کو ایک اور سنہری موقع دیا جا رہا ہے وہ طلبا و طالبات جو کسی بھی وجوہات کی بنا پر انسٹیٹیوٹ میں داخلہ حاصل کرنے سے قاصر رہے ہیں وہ 14 نومبر بروز ہفتہ کو این ای ڈی یونیوروسٹی کے ٹیسٹ میں شرکت کر سکتے ہیں۔
این ای ڈی یونیورسٹی کی بنیاد پر طلبہ عثمان انسٹیٹیوٹ آف ٹیکنالوجی میں داخلہ حاصل کر سکتے ہیں گریجویٹ کرنے والے طلبہ کو این ای ڈی کی ڈگری دی جائے گی ۔
داخلوں کےخواہش مند طلبہ 12 نومبر 2020 تک داخلہ فارم آن لائن www.uit.edu پرجمع کروا سکتے ہیں۔ طلبہ تمام معلومات بمعہ آن لائن داخلہ فارم کے حصول کے لئے ویب سائیٹ دیکھ سکتے ہیں۔
بیچلرز پروگرام میں الیکٹریکل انجینئرنگ (کمپیوٹر سسٹم، الیکٹرانکس، ٹیلی کمیونیکیشن، پاور )اور سائنسز میں کمپیوٹر سائنس اور سافٹ ویئر انجینئرنگ کے شعبہ جات شامل ہیں۔ پری میڈیکل کے طلبہ سائنسز پروگرام میں داخلے کے اہل ہیں داخلہ فارم کامیابی سے بھرنے والے طلبہ کے لئے ایڈمٹ کارڈز بھی آن لائن ہی موجود ہوں گے۔
بین الصوبائی وزرائے تعلیم کانفرنس میں کورونا کی دوسری لہر کے باوجود تعلیمی ادارے کھلے رکھنے کا فیصلہ کیا گیا ہے۔
وفاقی وزیر تعلیم شفقت محمود کی صدارت میں بین الصوبائی وزرائے تعلیم کانفرنس کا اہم اجلاس ہوا جس میں چاروں صوبائی اور آزاد کشمیر و گلگت بلتستان کے وزرائے تعلیم اور حکام نے ویڈیو لنک کے ذریعے شرکت کی۔
وزرائے تعلیم کانفرنس میں تین نکاتی ایجنڈے کورونا کی صورتحال، موسم سرما کی تعطیلات اور تعلیمی سال اپریل سے اگست منتقل کرنے پر مشاورت ہوئی۔
وزرائے تعلیم کانفرنس میں شرکا نے موسم سرما کی تعطیلات معمول سے کم کرنے، آئندہ اجلاس دسمبر کے پہلے ہفتے میں بلانے اور اس میں تعلیمی سال بڑھانے سے متعلق مزید گفتگو پر اتفاق کیا ہے۔
اجلاس سے قبل ایک تقریب کے دوران میڈیا سے بات کرتے ہوئے شفقت محمود کا کہنا تھا کہ اچھی یونیورسٹی صرف عمارت سے نہیں بنتی بلکہ اس کے لیے بہترین اساتذہ اور سہولیات کی ضرورت ہوتی ہے، تعلیمی معیار میں بہتری کے لئے کوششیں کر رہے ہیں۔
تعلیمی ادارے بند ہونے سے بہت نقصان ہوا، فی الحال اسکول بند کرنے کی نوبت نہیں آئی، وزارت صحت کی ایڈوائزری ہمارے لیے مقدم ہے، وزارت صحت سے ایڈوائس آنے تک تعلیم کا سلسلہ جاری رہے گا۔
اسلام آباد: وفاقی وزیر تعلیم شفقت محمود کی زیرصدارت بین الصوبائی وزرائے تعلیم کا اجلاس ہوا۔ اجلاس میں چاروں صوبوں سمیت گلگت بلتستان اور آزاد کشمیر کے وزراء تعلیم نے بذریعے وڈیو لنک شرکت کی۔
اجلاس میں وزارت صحت کے حکام نے کورونا کی مجموعی صورتحال پر بریفنگ دی اور حالات کا بغور جائزہ لیا ۔
جس کے بعد تمام صوبائی وزرات تعلیم کے حکام ، تعلیمی بورڈز سربراہوں اور دیگرنے متفقہ فیصلہ کیا ہےکہ موجودہ صورتحال میں تعلیمی اداروں کو بند کرنے کی ضرورت نہیں۔
کوروناصورتحال فی الحال قابو میں ہے لہذا تعلیمی ادارے کھلے رہیں گے۔تمام تعلیمی اداروں کو ہدایت کی جاتی ہے کہ وہ حکومت کی جانب سے جاری کردہ ایس او پیز پر عمل درآمد کریں بصورت دیگر ان کے خلاف کارروائی کی جائے گی۔
کراچی : ثانوی تعلیمی بورڈ کراچی نے جماعت نہم سائنس و جنرل گروپ ریگولر اور پرائیویٹ کے سالانہ امتحانی فارم برائے سال 2021 جمع کرانے کا شیڈول جاری کر دیا گیا ہے ۔
ناظم امتحانات عبدالرزاق ڈیپر نے کہا ہے کہ یہ امتحانی فارم بغیر لیٹ فیس کے 3 نومبر سے 15 دسمبر2020تک جمع کرائے
جا سکتے ہیں۔
انہوں نے مزید کہا کہ سائنس وجنرل گروپ ریگولر کے امتحانی فارم بورڈ ہذا کے اکاؤنٹ سیکشن میں جمع ہوں گے اور فارم کے ساتھ پریکٹیکل سیکشن سے جاری کردہ سوالنامہ کی فوٹو کاپی منسلک کرنا ضروری ہے جبکہ پرائیویٹ طلبا وطالبات کے امتحانی فارم متعلقہ بینکوں میں جمع کئے جائیں گے ۔
انہوں نے تمام الحاق شدہ تعلیمی اداروں کے سربراہان سے کہا کہ وہ امتحانی فارم نیشنل بینک، عسکری کمرشل بینک ، یونائیٹڈ بینک لمیٹڈ بورڈ آفس بوتھ سے حاصل کر سکتے ہیں جبکہ یہ فارم بورڈ کے امتحانی اسٹور پر بھی دستیاب ہوں گے جو سیکرٹری بورڈ کے نام فارم کی قیمت کے پے آرڈر کے ذریعے حاصل کئے جا سکتے ہیں ۔
امتحانی فارم بغیر لیٹ فیس کے 3نومبر سے 15دسمبر تک جمع کئے جائیں گے ، اس کے بعد 16دسمبر سے 31دسمبر تک 200 روپے لیٹ فیس کے ساتھ، یکم جنوری2021 سے 15جنوری تک500 روپے، 18جنوری سے 29جنوری تک 800 روپے، یکم فروری سے 12فروری تک 1200 روپے لیٹ فیس کے ساتھ فارم جمع کئے جائیں گے۔
کراچی: پی اے ایف (KIET) یونیورسٹی کے طلباء کے لئے ایس ایس یو ہیڈ کوارٹرز میں سیلف ڈیفنس اینڈ فائر آرمز سیفٹی کورس کا انعقادکیا گیا۔
ڈی آئی جی پولیس سیکیورٹی اینڈ ایمرجنسی سروسز ڈویژن مقصود احمد کی ہدایات پر ایس ایس یو ہیڈ کوارٹرز میں سیلف ڈیفنس اینڈ فائر آرمزسیفٹی کورس کا انعقاد کیا گیا جس میں پی اے ایف (KIET) یونیورسٹی کے 30 طلباء نے شرکت کی۔
کورس کا مقصدکسی بھی ہنگامی صورت حال یا دہشت گردانہ حملے کی صورت میں طلباء کو مختلف احتیاطی تدابیر سے آگاہ کرنا تھا۔ ٹریننگ کے دوران طلباء کو مارشل آرٹس،فائرنگ اور مختلف قسم کے اسلحہ کے استعمال کے بارے میں آگاہ کیا گیا۔
بعد ازاں طلباء نے ازخود فائرنگ کرنے کی عملی مشق بھی کی۔ طلباء نے ایس ایس یو ہیڈ کوارٹرز کے مختلف شعبوں کا دورہ بھی کیا اور ایس ایس یو میں اعلیٰ پیشہ وارانہ معیار برقرار رکھنے اور اس میں مزید اضافہ کرنے کی کوششوں کو سراہا۔
کورس کے شرکاء نے اپنے تاثرات کا اظہار کرتے ہوئے کہا کہ طلباء کے لئے سیلف ڈیفنس ٹریننگ کا آغاز وقت کی ضرورت ہے ایس ایس یو نے ہمیں ایک پلیٹ فراہم مہیا کیا ہے جہاں طلباء اب تعلیمی سرگرمیوں کے ساتھ سیلف ڈیفنس کی تربیت بھی حاصل کر سکتے ہیں تاکہ وقت پڑھنے پر ہم اپنی ذات اور دوسرے لوگوں کوقیمتی جانیں بچا سکیں۔
اس موقع پر ڈی آئی جی پولیس سیکیورٹی اینڈ ایمرجنسی سروسز ڈویژن کا کہنا تھا طلباء کا سیلف ڈیفنس مشقوں میں دلچسپی لینا خوش آئین ہے اورطلباء کو سیکیورٹی ڈویژن اور ایس ایس یو کا بھرپور تعاون حاصل رہے گا۔
کراچی: ثانوی تعلیمی بورڈ کراچی نے میٹرک بورڈ سے الحاق شدہ اسکولوں کی رجسٹریشن 21-2020اور نئے اسکول کی رجسٹریشن کےلئے درخواست فارم جمع کرانے کانیا شیڈول جاری کردیاہے۔
تفصیلات کے مطابق بورڈ کے سیکرٹری سید محمد علی شائق نے اسکولوں کے سربراہان سے کہا ہے کہ نئے شیڈول کے مطابق فارم بورڈ آفس کے متعلقہ اکاؤنٹس سیکشن سے سکیرٹری بورڈ کے نام فارم کی قیمت کی مالیت کے پے آرڈر کے ذریعے حاصل کرکے 13 نومبر 2020 تک بغیر لیٹ فیس کے اپنے اتھارٹی لیٹر اور شناختی کارڈ کی فوٹو کاپی کے ساتھ جمع کرواسکتے ہیں جبکہ پہلے سے الحاق شدہ اسکول اپنی رجسٹریشن رسید کی فوٹو کاپی کے ساتھ جمع کروائیں گے
اس ضمن میں واضح کیا گیاہے کہ 16 نومبر 2020 سے شیڈول کے مطابق لیٹ فیس کے ساتھ فارم وصول کئے جائیں گے اور بغیر لیٹ فیس کی وصولی کی تاریخ میں کسی بھی قسم کی توسیع نہیں کی جائے گی
لاہور : پاکستان سری لنکا ہائر ایجوکیشن کوآپریشن پروگرام کے تحت ایچ ای سی نےخزاں 2020اور بہار 2021کیلئے 91سری لنکن طلباکو علامہ اقبال سکالرشپس کیلئے منتخب کر لیا ہے
سری لنکن طلباپاکستانی جامعات میں اپنے متعلقہ شعبوں میں اعلٰی تعلیم حاصل کریں گے ۔ منتخب طلبامیں سے 27طلبااسلام آباد، لاہور، کراچی اور سکھر پہنچ گئے ہیں اور باقی طلباکی اپنی متعلقہ جامعات آمد کا سلسلہ جاری ہے ۔
لاہور: ایچ ای سی لاہور نے جامعات بند ہونے کے حوالے سے ہدایت جاری کردی۔
لاہور سمیت صوبے بھر میں کوئی بھی جامعہ بند نہیں کی جارہی طلبہ کسی بھی قسم کی فواہوں پر دھیان نہ دھریں
ایچ ای سی کی جانب سے جاری مراسلےمیں وضاحت کی گئی ہے کہ جامعات بند کرنے کے حوالے سے کوئی ہدایات نہیں دی گئیں
مراسلے میں کہا گیا ہے کورونا سے بچاؤ کے لیے ایس او پیز تمام جامعات کو دئیے جاچکے ہیں طلبہ جھوٹی خبروں پر دھیان نہ دیں۔