پشاور: اسلامیہ کالج یونیورسٹی میں اساتذہ کے ہاتھوں طالبات کو ہراساں کیے جانے کے واقعات پر گورنر خیبر پختونخوا نے انکوائری کا حکم دے دیا۔
گورنر خیبر پختونخوا شاہ فرمان نے اسلامیہ کالج یونیورسٹی کی طالبات کا ادارے میں ہراسمنٹ واقعات کے خلاف احتجاج کا نوٹس لیتے ہوئے گورنر انسپکشن ٹیم کو شفاف انکوائری کی ہدایت کرتے ہوئے 3 دن میں رپورٹ جمع کرانے کا حکم دیا۔
گورنر خیبر پختونخوا شاہ فرمان نے کہا کہ تعلیمی اداروں میں ہراسانی کے واقعات کسی صورت برداشت نہیں کر سکتا، ہراسانی میں ملواث افراد کے خلاف سخت کارروائی کی جائے گی، اسلامیہ کالج سمیت تمام اعلی تعلیمی جامعات میں طالبات کو مکمل تحفظ فراہم کیا جائے گا، اپنی بچیوں کی عزت و وقار پر کسی قسم کا سمجھوتہ نہیں کیا جا سکتا۔
گزشتہ دنوں اسلامیہ کالج یونیورسٹی کی طالبات نے ادارے میں ہراسمنٹ واقعات کیخلاف وائس چانسلر کے دفتر کے باہر احتجاج کیا جس میں طلباء بھی شریک ہوئے۔ مظاہرین نے یونیورسٹی انتظامیہ اور اساتذہ کیخلاف نعرے بازی کی۔
مظاہرین نے کہا کہ اساتذہ پرچوں کی چیکنگ اور تحقیقی مقالوں کے دوران طالبات کو ہراساں کرتے ہیں، کالج میں انتظامیہ کی جانب سے طالبات کو کوئی تحفظ نہیں دیا جارہا، انہوں نے اسلامیہ کالج میں زیر تعلیم طالبات کو تحفظ فراہم کرنے کا مطالبہ کیا۔
اسلام آباد: این سی او سی نے کورونا وائرس کے بڑھتے کیسز کے باعث تعلیمی اداروں میں مثبت کیسز کا تناسب بڑھ رہا ہےجسے روکنے کی ضرورت ہے
وفاقی وزیر اسد عمر کی زیرصدارت این سی او سی کا اجلاس ہوا جس میں کورونا وبا کا پھیلاؤ روکنے کے لیے نیشنل کمانڈ اینڈ آپریشن سینٹر نےسخت اقدامات تجویز کرتے ہوئے بڑے عوامی اجتماعات پر پابندی کی سفارش کی ہے۔ اجلاس میں کہا گیا ہے کہ بیماری میں 3 گنا اضافہ ہوا ہے لہذا زیادہ خطرے والے علاقوں میں پابندیاں بڑھائی جائیں۔
اجلاس میں تعلیمی اداروں میں موسم سرما کی تعطیلات پیشگی شروع کرنے کی تجویز بھی سامنے آئی تاہم 16 نومبر کو وفاقی وزیر تعلیم این سی او سی میں صوبائی وزرائے تعلیم کے ساتھ ملاقات کریں گے، مشاورتی مباحثے کے بعد سفارشات صوبوں کے ساتھ شیئر کی جائیں گی۔
بین الصوبائی وزرا ءتعلیم کانفرنس کاخصوصی اجلاس
سماجی رابطے کی سائٹ ٹوئٹر پر وفاقی وزیر منصوبہ بندی اسد عمر کا کہنا ہے کہ کورونا وائرس کے بڑھتے کیسز کے باعث این سی او سی نے ایک بار پھر ملک میں بڑے اجتماعات پر پابندی کی تجویز دی ہے، ملک میں تیزی سے بڑھتے کورونا کے مثبت کیسز کے باعث زندگیاں بچانے کے لیے فوری اقدامات کی ضرورت ہے۔
کراچی: انٹر بورڈ کمیٹی آف چیئر مین (آئی بی سی سی) نے دستاویزات کی تصدیق کے لئے ون ونڈو آپریشن کی پیش کش کرنے کا فیصلہ کیا ہے۔
یہ فیصلہ طلباء اور ان کے والدین کی سہولت کے لئے وزیر تعلیم شفقت محمود کی خصوصی ہدایت پر اٹھائے جانے والے خصوصی اقدامات کا ایک حصہ ہے۔
اس مقصد کے لئے ، چیئر مین سکریٹری ڈاکٹر غلام علی ملیہ کی انٹر بورڈ کمیٹی نے ٹی سی ایس کے ساتھ کسی ونڈو آپریشن کے تحت کسی بھی ٹی سی ایس سنٹر میں طالب علم کی سہولت کے لئے معاہدے پر مہرلگائی۔
380 سے زائد شہروں اور 850 قصبوں میںطلبا اس سہولت سے فائدہ اٹھاسکتے ہیں۔
وفاقی وزیر کی ہدایت پرسیکرٹری تعلیم طلبہ کی سہولت کے لئےحرکت میں آگئے۔
کراچی: کورونا کیسز مثبت آنے پرکورنگی میں قائم جی بی پی ایس اسکول کوبند کردیاگیاجسکا نوٹیفکیشن محکمہ تعلیم سندھ نے جاری کردیا۔
جاری کردہ نوٹیفکیشن کے مطابق اسکول کو ایک ہفتے کے لئے بند کیا گیا ہے۔
اعلامیہ میں یہ بھی کہا گیا ہے کہ ایسے تمام کلاس رومز، اسٹاف رومزکو بھی پانچ دنوں کے لئے بند کردیا گیا ہے جہاں کوروناکےمشتبہ اساتذہ یا طالب علم موجودرہاہو
جبکہ وہ طلبا وطالبا ت اور اساتذہ جنہوں نے
مریضوں سے ملاقات کی ہو انہیں خود کو قرنطینہ کرنے کااحکامات بھی جاری کردیئے گئے۔
اسکول محکمہ صحت کی ایڈوائزری کو مد نظر رکھتےہوئے بند کیا گیا ہے۔
کراچی: سندھ ہائی کورٹ میں جسٹس محمد علی مظہر کی سربراہی میں دو رکنی بینچ کے روبرو وفاق اور صوبے میں میڈیکل کالجز میں داخلے سے متعلق سماعت ہوئی، جسٹس محمد علی مظہر نے ریمارکس دیتے ہوئے کہا کہ سندھ کی نشستوں پر پہلے سندھ کے بچوں کو جگہ ملنی چاہیے، پہلے مقامی پھر دیگر صوبوں کے طلبا کوداخلہ ہونا چاہیے۔
پی ایم سی وکیل نے دلائل میں کہا کہ اگر یہ قانون کیخلاف ہے تو ہمیں اعتراض ہو گا، نئے قوانین کے تحت ڈومیسائل کی حد ختم کردی ہے، عدالت نے ریمارکس دیے سندھ میں پنجاب اور پنجاب میں کے پی کے طلباکو داخلہ دیں گے؟، اس طرح متعلقہ صوبے کے بچے کہاں جائیں گے؟، پہلے مقامی طلبا کو داخلہ ملنا چاہیے پھر دیگر صوبوں کے بچوں کو ایڈجسٹ کیا جائے۔
پی ایم سی کے وکیل نے دلائل میں کہا کہ کونسل کی ری اسٹرکچرنگ کے وزیر اعظم کے اختیارات پر اعتراض مناسب نہیں، وزیر اعظم کو یہ اختیار ایک آف پارلیمنٹ کے تحت ملا ہے۔ کونسل کے ارکان کی تقرری پر اعتراض کا بھی کوئی جواز نہیں، جسٹس قاضی فائز عیسی کیس میں بھی سپریم کورٹ نے شہزاد اکبر کی تعئناتی کو غیرقانونی نہیں کہا، سپریم کورٹ نے قرار دیا یہ تقرری انتظامی معاملہ ہے۔
اسسٹنٹ ایڈووکیٹ جنرل بیرسٹر شہریار مہر نے دلائل میں کہا کہ یہ بنیادی حقوق اور آئین کی خلاف ورزی کا معاملہ ہے، یہ صوبائی معاملہ ہے وفاق مداخلت کررہا ہے، صوبے کے میڈیکل کالجز میں سندھ کے طلبا کا داخلے کا حق پہلے ہے، جسٹس محمد علی مظہر نے ریمارکس دیے کہ آپ نے اپنا کوئی سسٹم بنایا ہے؟، اسسٹنٹ ایڈووکیٹ جنرل نے دلائل میں کہا کہ ہمارا اپنا سلیبس ہے اور پورا سسٹم قائم ہے، کورونا کے بعد تمام صوبوں میں ایف ایس سی کا سلیبس تبدیل ہوگیا ہے۔
عدالت نے ریمارکس دیے کہ اس کا مطلب ہے اس کا اطلاق تو اگلے سال ہوگا، سندھ نے سلیبس کی تیاری میں اپنا نمائندہ کیوں نہیں بھیجا؟، اسسٹنٹ ایڈووکیٹ جنرل نے دلائل میں کہا کہ ہم نے کونسل کی تشکیل کو چیلنج کیا تھا، ہمارا بنیادی اختلاف اس قانون سے ہے خلاف آئین کونسل میں کیسے شرکت کرتے؟
کراچی : اعلیٰ ثانوی تعلیمی بورڈ کراچی نے کامرس پرائیوٹ اور ہومینٹیز ریگولر و پرائیویٹ کے 386طلبہ کے نتائج مختلف وجوہات کی بناء پر روک لیے ۔
ہومینٹیز ریگولرکے 3امیدواروں کے نتائج بورڈ کی کمیٹی کی منظوری کے بعد جاری کئے جائیں گے ۔ کمپیوٹرائرڈ انرولمنٹ کے عدم اجراء پر 259طلبہ کے نتائج روکے گئے جبکہ انرولمنٹ کی تجدید نہ ہونے کے باعث 1امیدوارکا نتیجہ روکا گیا، مطلوبہ دستاویزات کے جمع کرانے کے بعد نتائج جاری کردئیے جائیں گے ۔
ہیومینیٹیز پرائیویٹ کے 1امیدوارکا نتیجہ بورڈ کی کمیٹی کی منظوری کے بعد جاری کیا جائے گا۔ کمپیوٹر ائرڈ انرولمنٹ کے عدم اجراپر 54طلبہ کے نتائج روکے گئے جبکہ انرولمنٹ کی تجدید نہ ہونے کے باعث 11امیدواروں کے نتائج روک لیے گئے ۔ مطلوبہ دستاویزات جمع کرانے کے بعد نتائج جاری کردئیے جائیں گے ۔
کراچی: محکمہ صحت سندھ نے تعلیمی اداروں میں کورونا کیسز کی تفصیلات جاری کردی۔ سندھ کے تعلیمی اداروں میں گزشتہ 2 ماہ کے دوران ایک ہزار 317 کورونا کیسز رپورٹ ہوچکے ہیں۔
رپورٹ کے مطابق گزشتہ 2 ماہ کے دوران ایک لاکھ 45 ہزار 859 ٹیسٹ کئے گئے، جن میں سے، 1317 افراد میں کورونا وائرس کی تصدیق ہوئی، ایک لاکھ 31 ہزار 913 ٹیسٹس کے نتائج منفی آئے جب کہ 12 ہزار 629 کورونا ٹیسٹس کے نتائج کا انتظار ہے۔ اس طرح سندھ کے تعلیمی اداروں میں یومیہ 22.3 کورونا کے مریض سامنے آئے ہیں اور تعلیمی اداروں میں مثبت کیسز کی شرح ایک فیصد رہی ہے۔
رپورٹ کے مطابق کراچی کے ضلع شرقی کے تعلیمی ادارے کورونا سے سب سے زیادہ متاثر ہیں جہاں 251 افراد میں اس وائرس کی تصدیق ہوئی، اس کے علاوہ ضلع وسطی میں 208، کورنگی میں 127 ، جنوبی میں 40، غربی میں 29 اور ملیر میں 25 کیسز رپورٹ ہوئے۔
محکمہ صحت کی رپورٹ میں کہا گیا ہے کہ حیدرآباد کے تعلیمی اداروں سے 85، ٹھٹہ میں 62 ، جامشورو میں 61، مٹیاری میں 49، سکھر میں 45، میر پور خاص سے 35، تھرپارکر میں 20 ، ٹنڈو محمد خان میں 11 اور ٹنڈوالہیار کے تعلیمی اداروں سے 4 کورونا کیسز سامنے آئے ہیں۔
راولپنڈی : ڈسٹرکٹ ایجوکیشن اتھارٹی راولپنڈی کے ڈی ای اوز نے چیف ایگزیکٹو آفیسر (ڈی ای اے ) سے ڈیپارٹمنٹل پروموشن کمیٹی کا اجلاس بلانے کی درخواست کردی،اساتذہ تنظیموں نے بھی ڈی پی سی کااجلاس بلانے کا مطالبہ کردیا ۔
راولپنڈی بھر کے اساتذہ کو 2014 کی پالیسی کے تحت کوٹہ ملنے کا امکان ہے ، اس اقدام سے راولپنڈی ضلع کے 300 سے زائد اساتذہ مستفید ہوں گے ،ذرائع نے بتایاکہ ڈسٹرکٹ ایجوکیشن اتھارٹی راولپنڈی کے ڈی ای او(سیکنڈری )،ڈی ای او (ایلمینٹری ) اور ڈی ای او ( زنانہ) نے ضلع بھر کے اساتذہ کی سنیارٹی لسٹیں مکمل کرلیں۔
اس سلسلے میں تینوں ڈی ای اوز نے کمیٹی کا اجلاس بلانے کے لئے تحریری طورپر مراسلہ بھجوایا ہے کہ ایک سال سے زائد عرصہ گزرگیا اجلاس نہیں ہوسکا ۔دوسری جانب اساتذہ تنظیموں نے بھی اجلاس بلانے کامطالبہ کردیا ، اجلاس ہر مہینے ہو ناتھا لیکن ستمبر 2019 سے تاحال نہیں ہو سکا، اجلاس میں پی ایس ٹی سے ای ای ٹی اور ای ایس ٹی سے ایس ای ایس کی ترقی کی منظوری لی جائے گی ۔
کراچی: ڈاکٹر پنجوانی سینٹر برائے مالیکیور میڈیسن اور ڈرگ ریسرچ، جامعہ کراچی نےاپنے وسائل بروئے کارلاتے ہوئے کچھ عرصہ توقف کے بعدمحدود پیمانے پر کورونا وائرس ٹیسٹ سروس کا آغاز دوبارہ کردیا ہے۔ یہ ٹیست ڈاکٹر پنجوانی سینٹر کے نیشنل انسٹی ٹیوٹ آف وائرولوجی کی جدید بائیو سیفٹی لیول تھری لیبارٹری میں کیے جائیں گے، اگر صوبائی حکومت کی جانب سے فری ٹیسٹوں کے لیے بنیادی فنڈنگ جاری کی گئی تو ان ٹیسٹوں کی تعداد ۲ہزار یومیہ ہوجائے گی
پروفیسر اقبال چوہدری ہفتے کو نیشنل انسٹی ٹیوٹ آف وائرولوجی جامعہ کراچی میں منعقدہ ایک اجلاس سے خطاب کرتے ہوئےکہا کہ عالمی وباء کے خلاف بین الاقوامی مرکز کی جانب سے محدود پیمانے پر کرونا وائرس ٹیسٹ سروس کادوبارہ آغاز قومی مفاد میں ایک مستحسن عمل ہے۔ انھوں نے کہا چند ماہ قبل سندھ حکومت نے ڈاکٹر پنجوانی سینٹر کے نیشنل انسٹی ٹیوٹ آف وائرولوجی کی جدید بائیو سیفٹی لیول تھری لیبارٹری کی تکمیل کے لیے خطیر رقم مختص کی تھی۔ انھوں نے کہا ڈاکٹر پنجوانی سینٹر پہلے بھی ا س وبائی صورتِ حال میں ایک لاکھ دس ہزار سے زیادہ پی سی آر پر مبنی کرونا وائرس کے ٹیسٹ کرکے اپنی اعلیٰ تحقیقی استعداد ثابت کرچکا ہے،
انھوں نے وزیر اعلیٰ سندھ سید مراد علی شاہ، صوبائی وزیر صحت ڈاکڑ عذرا فضل پیچو کے مسلسل تعاون کو بھی سراہا اور ان کا شکریہ ادا کیا۔ انھوں نے کہا نیشنل انسٹی ٹیوٹ آف وائرولوجی ایک جدیدتحقیقی ادارہ ہے جو ڈاکٹر پنجوانی سینٹر جامعہ کراچی کے زیر انتظام کام کرتا ہے، اس کی تمام تجربہ گاہیں صحت کے عالمی ادارے کے معیار کے عین مطابق ہیں جہاں وائرولوجی سے متعلق تقریباً تمام ٹیسٹ انجام دینے کی صلاحیت موجود ہے، انہوں نے کہاماہرین اور جدید پی سی آر مشینیں و دیگر جدید ساز وسامان اس دارے کی خصوصیات میں شامل ہے۔
کراچی: اعلیٰ ثانوی تعلیمی بورڈکراچی انٹرمیڈیٹ پارٹ ٹو کے نتائج کااعلان پیر سہہ پہر3 بجےکرے گا۔
انٹر بورڈ کی جاری کردہ نوٹیفکیشن کے مطابق نتائج کااعلان انٹرمیڈیٹ کامرس وآرٹس پروائیوٹ ، خصوصی امیدوار اورآرٹس ریگولر کاکیاجائےگا۔اعلان کے فوراً بعد ہی نتائج بورڈ کی ویب سائٹ https://biek.edu.pk/ پراپ لوڈ کردیئے جائیں گے