Reporter SS
ایمز ٹی وی (انٹرٹینمنٹ)کیا کوئی ایسا بھی ہوگا جو غالب کو نہ جانے، اپنی مثال آپ جیسی شخصیت رکھنے والے اردو شاعر مرزا غالب کی آج 148ویں برسی منائی جارہی ہے۔مرزا غالب کا اصل نام اسد اللہ بیگ تھا، وہ 27 دسمبر 1797 کو آگرہ میں پیدا ہوئے.
غالب اردو کے عظیم شاعر تھے، ان کی عظمت کا راز صرف ان کی شاعری کے حسن اور بیان کی خوبی میں ہی نہیں بلکہ وہ زندگی کے حقائق اور انسانی نفسیات کو گہرائی میں جا کر سمجھتے تھے اور اسے بڑی ہی سادگی سے عام لوگوں کے لیے بیان کردیتے تھے۔
غالب بچپن ہی میں یتیم ہوگئے تھے، ان کی پرورش ان کے چچا مرزا نصر اللہ بیگ نے کی لیکن 8 سال کی عمر میں ان کے چچا بھی فوت ہوگئے۔
نواب احمد بخش خاں نے مرزا کے خاندان کا انگریزوں سے وظیفہ مقرر کرا دیا، 1810 میں 13 سال کی عمر میں ان کی شادی نواب احمد بخش کے چھوٹے بھائی مرزا الہٰی بخش خاں معروف کی بیٹی امراء بیگم سے ہو گئی، شادی کے بعد انہوں نے اپنے آبائی وطن کو خیر باد کہہ کر دہلی میں مستقل سکونت اختیار کر لی۔
غالب کی شاعری میں انسان اور کائنات کے مسائل کے ساتھ محبت اور زندگی سے وابستگی بھی بڑی شدت سے نظر آتی ہے، جس نے اردو شاعری کو بڑی وسعت دی ہے۔
ان کے کچھ مقبول اشعار یہ ہیں:
عشق نے غالب نکما کر دیا
ورنہ ہم بھی آدمی تھے کام کے
ہیں اور بھی دنیا میں سخن ور بہت اچھے
کہتے ہیں کہ غالب کا ہے انداز بیاں اور
نقشِ فریادی ہے کس کی شوخی تحریر کا
کاغذی ہے پیرہن ہر پیکر تصویر کا
یہ مسائل تصوف یہ تیرا بیان غالب
تجھے ہم ولی سمجھتے جو نہ بادہ خوار ہوتا
ہزاروں خواہشیں ایسی کہ ہر خواہش پر دم نکلے
بہت نکلے میرے ارمان لیکن پھر بھی کم نکلے
ہم نے مانا کہ تغافل نہ کروگے لیکن
خاک ہوجائیں گے ہم تم کو خبر ہونے تک
ہیں اور بھی دنیا میں سخن ور بہت اچھے
کہتے ہیں کہ غالب کا انداز بیاں اور
آخری عمر میں غالب شدید بیمار رہنے لگے اور بالآخر پندرہ فروری 1869 کو خالق حقیقی سے جاملے۔اردو شاعری کو نئے رجحانات سے روشناس کرانے والے یہ شاعر اردو ادب میں ہمیشہ غالب رہیں گے۔
پاکستان میں 1969 میں غالب کی زندگی پر دستاویزی فلم بھی بنائی گئی جبکہ پاکستان میں غالب پر ڈرامہ بھی بنایا گیا جس میں قوی خان نے غالب کا کردارا دا کیا۔
ایمز ٹی وی(صحت) ذیابیطس ایک موذی مرض ہے او ر اس کا شکار ہونے والے افراد اس سے چھٹکارا نہیں پاسکتے۔ اس کی وجہ سے دیگر بیماریاں پیدا ہوتی ہیں جن میں دل، گردے ، آنکھوں اور پٹھوں کے مسائل شامل ہیں۔
میڈیکل کی دنیا میں ابھی تک ذیابطیس کا کوئی علاج دریافت نہیں کیا جاسکا اور ڈاکٹروں کا کہنا ہے کہ صرف احتیاط کرکے ذیابیطس کے نقصانات سے بچا جاسکتا ہے۔
اس وقت دنیا میں سب سے زیادہ ذیابیطس کے مریض فلپائن میں پائے جاتے ہیں اور اسی ملک کے ایک ڈاکٹر نے دعویٰ کیا ہے کہ اس نے اس خطرناک مرض کا علاج دریافت کرلیا ہے۔ڈاکٹر جیمی ڈائی لیاکو کا کہنا ہے کہ اس نے اپنی زندگی موذی امراض کے علاج کے لئے وقف کردی ہے اور اب اسے ذیابیطس کا علاج مل چکا ہے۔آئیے آپ کو اس کے طریقہ علاج سے روشناس کرواتے ہیں۔
اجزاء
مرچوں کو12 ٹکڑے
دو انڈے
آدھا چائے کا چمچ سمندری نمک
بنانے کا طریقہ
مرچوں کو کاٹیں اور انڈے میں شامل کرکے اچھی طرح پھینٹیں۔اب اس میں آدھا چمچ سمندری نمک شامل کریں،اب اس مشروب کو پی لیں۔ڈاکٹر جیمی کا کہنا ہے کہ اس کی وجہ سے خون میں انسولین کی مقدار کنٹرول میں رہے گی اور ساتھ ہی یہ مرض ختم ہونے لگے گا۔
ایمز ٹی وی(تجارت) پاکستان نے متحدہ عرب امارات کوچین پاکستان اقتصادی راہداری (سی پیک) سے پیدا ہونے والے مواقعوں سے فائدہ اٹھانے کی پیشکش کردی۔ ابوظہبی میں پاکستانی سفیر معظم احمد خان نے ایک انٹرویو میں کہا کہ چین پاکستان اقتصادی راہداری میں خطے کے تمام ملکوں کیلئے سازگار مواقع موجود ہیں اور اگر متحدہ عرب امارات اس منصوبے سے فائدہ ا ٹھائے تو پاکستان کو خوشی ہوگی۔
انہوں نے کہا کہ پاکستان اور چین بنیادی ڈھانچے، شاہراﺅں، ریلوے نیٹ ورکس کے بڑے منصوبوں پر کام کررہے ہیں اس کے علاوہ توانائی کے شعبے میں بھی سرمایہ کاری کی جارہی ہے۔ انہوں نے کہا کہ متحدہ عرب اماراتپاکستان کو دوسرا بڑا جی سی سی تجارتی شراکت دار ہے اور امارات کے سرمایہ کار پاکستان میں سرمایہ کے سازگار مواقعوں سے فائدہ اٹھاسکیں۔ اس موقع پر انہوں نے گوادر بندرگاہ کی اہمیت کو بھی اجاگر کیا۔
ایمز ٹی وی(مانیٹرمگ ڈیسک) آپ ناخن کترنے کی عادت میں مبتلا ہوں یا آپ کے آس پاس موجود کسی شخص میں یہ عادت پائی جاتی ہو۔ بعض نفاست پسند لوگ اس عادت سے نہایت کراہیت اور الجھن میں مبتلا ہوجاتے ہیں۔
آئیے آج اس عادت کے بارے میں کچھ حقائق جانیں۔
طبی ماہرین کا کہنا ہے کہ دانتوں سے ناخن کترنے والے افراد عموماً کاملیت پسند ہوتے ہیں۔ وہ اپنے ہر کام کو نہایت خوبصورتی، توجہ اور بغیر کسی غلطی کے انجام دیتے ہیں۔
ماہرین کے مطابق لوگ عموماً اس وقت ناخن کترتے ہیں جب وہ ذہنی تناؤ یا دباؤ کا شکار ہوتے ہیں۔ ایسے وقت میں وہ لاشعوری طور پر دانتوں سے ناخن چبانے لگتے ہیں اور انہیں اس کا احساس بھی نہیں ہوتا۔
ایک اور تحقیق کے مطابق ناخن کترنے کے عادی افراد اگر کسی چیز پر توجہ مرکوز کرنا چاہیں یا بہت گہری سوچ میں ڈوبے ہوں تب بھی وہ بے اختیار ناخن کھانے لگتے ہیں۔
دانتوں سے ناخن کترنا دراصل ’نروس ہیبٹ‘ قرار دی جاتی ہے یعنی دماغی الجھن اور پریشانی کے وقت اختیار کی جانے والی عادت۔
اکثر بچوں میں بھی یہ عادت ہوتی ہے اور یہ ان کی اندرونی بے چینی، بوریت، پریشانی یا گھبراہٹ کو ظاہر کرتی ہے۔
ماہرین اس عادت کے ساتھ چند اور عادتوں کو بھی منسلک قرار دیتے ہیں جیسے انگوٹھا چوسنا، ناک کو پکڑنا، سامنے کے بالوں کو گھمانا یا ان سے کھیلنا، اور دانت پیسنا۔ یہ تمام عادتیں دراصل بے چینی اور ذہنی انتشار کی علامت ہیں ۔
ناخن کترنے کے کئی نقصانات ہیں۔ سب سے پہلے تو آپ کے ناخنوں میں موجود جراثیم آپ کے اندر جا کر آپ کو ہاضمے سمیت مختلف انفیکشنز اور بیماریوں میں مبتلا کرسکتے ہیں۔
یہ عادت دانتوں اور مسوڑھوں کو مختلف تکالیف میں مبتلا کرنے کا سبب بنتی ہے۔
مستقل دانت کترنے رہنے سے آپ کے ہاتھ کے ناخن بے ڈھب اور انگلیاں اور ہاتھ بدنما نظر آںے لگتے ہیں۔ بعض اوقات ناخن کو گہرائی تک کترنے کے باعث انگلیاں زخمی بھی ہوجاتی ہیں اور زخمی انگلیوں کو پھر سے منہ میں لے جانا مزید انفیکشن اور بیکٹریا منتقل کرنے کا سبب بن سکتا ہے۔
ایمزٹی وی(اسپورٹس)سابق صدر پرویز مشرف نے کہا ہے کہ سرفراز احمدایک کامیاب کپتان ثابت ہو گا ، میری ہمدردیاں کوئٹہ گلیڈی ایٹرز کے ساتھ ہیں ۔
تفصیلات کے مطابق اپنے ٹی وی انٹرویو کے دوران پرویز مشرف سے پوچھا گیا کہ پی ایس ایل میں انکی پسندیدہ ٹیم کون سی ہے جس پر انہوں نے مسکراتے ہوئے جواب دیا کہ “میری ہمدردیاں کوئٹہ گلیڈی ایٹرز کے ساتھ ہیں “کیونکہ مجھے بلوچستان اور وہاں کے لوگوں سے پیار ہے ، بلوچستان ایک عرصے سے محرومیوں کا شکار رہا ہے تاہم ہمیں بطور قوم بلوچستان کے لوگوں کی محرومیاں دور کرنے کیلئے اپنا بھرپور کردار ادا کرنا چاہئیے
ان کا کہنا تھا کہ کرپشن میں ملوث کرکٹرز کے خلاف کارروائی سخت کارروائی ہونی چاہئیے اوران پر پابندی لگنی چاہئیے کیونکہ وہ ملک کیلئے بدنامی کا باعث بنے ۔
ایمز ٹی وی(صحت) پشاورکی ضلعی انتظامیہ کا پولیو سے انکاری والدین کےخلاف 3ایم پی اوکےتحت کارروائی کاآغازآج سےہوگا۔ انسدادپولیو مہم کے دوران بچوں کو قطرے یا ٹیکے نہ لگوانےوالے والدین کو گرفتارکیاجائےگا۔
قائم مقام ڈپٹی کمشنر پشاور شاہد محمود نے بتایا کہ دس روزہ خصوصی انسدادپولیومہم کا آج آخری دن ہے۔ جن بچو ں کے والدین نے آج پولیو سے بچاؤ کے انجیکشن یا قطرے بچوں کو نہیں پلائے تو انہیں گرفتارکرلیں گے۔
انہوں نے بتایا کہ شہر میں پولیوقطروں سے انکاری والدین کے بچوں کی تعداد ساڑھے آٹھ ہزار سے زیادہ ہے۔ محکمہ صحت، یونیسف، ڈبلیو ایچ او، پولیس اور ضلعی انتظامیہ کے اہلکارں پر مشتمل بارہ سو ٹیمیں پولیو مہم چلارہی ہیں۔
شاہد محمودنے کہا کہ دیہہ بہادر، یکہ توت، کاکشال، شاہین مسلم ٹاؤن ون ، ٹو اورملحقہ علاقوں میں والدین بچوں کو پولیو ٹیکے اور قطرے پلانے سے انکاری ہیں۔
عوامی مسلم لیگ کے سربراہ شیخ رشید احمد نے کہا ہے کہ دنیا بھر میں کرپشن کے خلاف آواز اٹھ رہی ہے اور سپریم کورٹ سے بھی کرپشن کے تابوت نکلیں گے ۔
پاناما کیس کی سماعت سے قبل سپریم کورٹ کے باہر میڈیا سے گفتگو کرتے ہوئے انہوں نے کہا کہ بھارت میں کرپشن پر نامزد وزیر اعلیٰ کو 4سال قید ہوئی ، دنیا میں بھی کرپشن کے بارے میں سوالات ہو رہے ہیں اور آواز یں بلند ہو رہی ہیں ۔ ”پاناما کیس حقیقت کی جانب بڑھ رہا ہے “۔
شیخ رشید نے مزید کہا کہ وزیر اعظم کے صاحبزادوں کے وکیل سلمان اکرم راجہ رواں ہفتے اپنے دلائل مکمل کر لیں گے ۔
ایمز ٹی وی(مانیٹرنگ ڈیسک) دنیا کی معروف موبائل فون ساز کمپنی ’’نوکیا‘‘ اس سال جہاں اسمارٹ فونز کی دنیا میں قدم رکھ چکی ہے وہیں یہ اپنے سب سے مشہور اور انتہائی سخت جان موبائل فون ’’نوکیا 3310‘‘ کو ایک بار پھر سے پیش کرنے کی تیاریوں میں بھی مصروف ہے۔
رپورٹ میں ان کا کہنا ہے کہ برسوں تک دنیا بھر کی موبائل مارکیٹ پر راج کرنے والا ’’نوکیا 3310‘‘ اس ماہ ’’موبائل ورلڈ کانگریس‘‘ (ایم ڈبلیو سی) کے موقع پر ایک بار پھر پیش کرنے کی تیاریاں مکمل کرلی گئی ہیں۔ یہ پہلے کی طرح سخت جان اور لمبی بیٹری کا حامل ہوگا لیکن رپورٹ میں یہ نہیں بتایا گیا کہ نوکیا 3310 کو جدید تقاضوں سے ہم آہنگ کرنے کےلیے اس میں کون کونسی تبدیلیاں کی جائیں گی۔ اس کی متوقع قیمت 60 ڈالر (6000 پاکستانی روپوں سے کچھ زیادہ) بتائی جارہی ہے۔
واضح رہے کہ موبائل ٹیکنالوجی کی سالانہ عالمی نمائش یعنی ایم ڈبلیو سی، رواں ماہ اسپین کے شہر بارسلونا میں منعقد ہوگی جس میں موبائل ٹیکنالوجی کے شعبے سے وابستہ سیکڑوں بین الاقوامی کمپنیاں اپنی نت نئی مصنوعات کے ساتھ شرکت کریں گی جن میں ایپل، سام سنگ، ایچ ٹی سی اور اوپو کے علاوہ نوکیا بھی شامل ہوگا۔
نوکیا نے مائیکروسافٹ کارپوریشن سے اسمارٹ فون فروخت نہ کرنے کے معاہدے کی مدت گزشتہ سال پوری ہونے کے بعد بڑی تیزی سے اسمارٹ فونز کی دنیا میں قدم رکھ دیا ہے اور اب تک چین میں نوکیا 6 اسمارٹ فون پیش کرچکا ہے جو غیرمعمولی طور پر کامیاب ثابت ہوے ہیں جبکہ ایم ڈبلیو سی 2017 میں نوکیا 5 اور نوکیا 3 کے عنوان سے مزید دو نئے اسمارٹ فونز پیش کرنے کی منصوبہ بندی بھی مکمل ہے۔
ایمز ٹی وی(تجارت) ایف بی آر کے ماتحت ادروں ڈائریکٹوریٹ انٹیلی جنس اینڈ انویسٹی گیشن ان لینڈ ریونیو اور ماڈل کسٹمز کلکٹریٹ پورٹ قاسم کے درمیان لاکھوں روپے کی مس ڈکلیریشن کے حوالے سے خرم اسٹیل ملز گوجرانوالہ کیس میں پورٹ قاسم کے اہلکاروں کیخلاف مقدمہ درج کرانے پر تنازع شدت اختیار کر گیا جبکہ فیڈرل بورڈ آف ریونیو نے چیف کلکٹر آف کسٹمز اپریزمنٹ ساؤتھ کسٹمز ہاؤس کراچی سے معاملے کی رپورٹ طلب کرلی ہے۔
ایف بی آرکی جانب سے چیف کلکٹر کسٹمز اپریزمنٹ کو لکھے جانے والے لیٹر نمبر 3(18)E&C/2016/156665 میں کہا گیا ہے کہ خرم اسٹیل گوجرانوالہ کی درآمدی کنسائنمنٹ کی مس ڈکلیئریشن کیس میں مبینہ طور پر ملوث متعلقہ کلکٹریٹ کے افسران و اہلکاروں کے کردار کے بارے میں تفصیلات سے آگاہ کیا جائے۔
دوسری طرف ڈائریکٹوریٹ انٹیلی جنس اینڈ انویسٹی ان لینڈ ریونیو کراچی نے مذکورہ کیس میں تحقیقات کا دائرہ وسیع کردیا جبکہ کیس میں مبینہ طور پر ملوث متعلقہ کلکٹریٹ کے اہلکاروں نے بھی کورٹ آف اسپیشل جج (کسٹمز) سے ضمانت قبل ازگرفتاری کراکر خود کو تحقیقاتی ٹیم کے سامنے پیش کردیا، ان کے بارے میں بھی تحقیقات ہورہی ہیں۔ دستاویز کے مطابق کسٹم ہاؤس کراچی سے مذکورہ کیس کی تفصیلات مانگی گئی ہیں۔
دستاویز میں بتایا گیا کہ میسرز خرم اسٹیل ملز گوجرانوالہ کی درآمدی کنسائنمنٹ پورٹ قاسم کراچی پر آئیں جنہیں متعلقہ کلکٹریٹ کی ملی بھگت سے ڈیوٹی و ٹیکس بچانے کیلیے مس ڈکلریشین کے ذریعے کلیئر کرانے کی کوشش کی گئی مگر ڈائریکٹوریٹ انٹیلی جنس اینڈ انویسٹی گیشن ان لینڈ ریونیو نے یہ کوشش ناکام بنادی اور مذکورہ اسٹیل ملز کے 4 کنٹینر پکڑ کر بلاک کردیے، جب محکمے کی ٹیم نے مذکورہ درآمدی کنسائنمنٹ کی چیکنگ کی تو مس ڈکلریشن پائی گئی ہے۔
واضح رہے کہ ڈائریکٹوریٹ انٹیلی جنس اینڈ انویسٹی گیشن ان لینڈ ریونیو نے لاکھوں روپے کی مس ڈکلیریشن پرخرم اسٹیل ملز گوجرانوالہ کے خلاف مقدمہ درج کرلیا ہے جس میں متعلقہ کلکٹریٹ کے اہلکاروں کو بھی نامزد کیا گیا ہے جنہوں نے کورٹ آف اسپیشل جج(کسٹمز) سے ضمانت قبل از گرفتاری کرارکھی ہے۔
ایمزٹی وی(اسلام آباد) سپریم کورٹ میں پاناما کیس کی سماعت 2ہفتے کے بعد دوبارہ شروع ہو گئی جہاں وزیرا عظم کے صاحبزادوں کے وکیل سلمان اکرم راجہ اپنے دلائل دے رہے ہیں ۔بینچ کے رکن جسٹس عظمت سعید شیخ کی علالت کے باعث سماعت ملتوی کی گئی تھی ۔
تفصیلات کت مطابق جسٹس آصف سعیدکھوسہ کی سربراہی میں جسٹس اعجاز افضل خان ، جسٹس گلزار احمد ، جسٹس عظمت سعید اور جسٹس اعجاز الحسن پر مشتمل 5رکنی لارجر بینچ کیس کی سماعت کررہا ہے،جسٹس عظمت سعیدکے اچانک علیل ہونے کے باعث کیس کی سماعت روک دی گئی تھی،اب وہ صحتیاب ہیں اور ڈاکٹروں نے انہیں اپنی معمول کی سرگرمیاں جاری رکھنے کی اجازت دے دی ہے۔
پاناما کیس کے حوالے سے درخواست گزار پاکستان تحریک انصاف ، عوامی مسلم لیگ ، جماعت اسلامی جبکہ وزیر اعظم نوازشریف اور مریم صفدر کے وکلاءاپنے دلائل مکمل کر چکے ہیں اور اب وزیراعظم کے بچوں حسن نوازاورحسین نواز کے وکیل سلیمان اکرم راجہ اپنے دلائل دے رہے ہیں۔