Reporter SS
Congratulations to @maroof_bismah who today at the #WWC17 qualifier became the first Pakistan woman to reach 2,000 ODI runs! pic.twitter.com/JViJzoW8V9
— ICC (@ICC) February 8, 2017
ایمز ٹی وی (صحت)وہ دن دور نہیں جب صرف ایک انجیکشن ہی سے خاص جین بدل کر کسی شخص کو عمر بھر کے لیے مضر کولیسٹرول سے بچا کر اسے جان لیوا امراض سے محفوظ رکھا جاسکے گا۔ بہت سے لوگ ایک ایسے خاص جین کے ساتھ پیدا ہوتے ہیں جو پوری زندگی ان کا مضر کولیسٹرول بڑھنے نہیں دیتا۔ لیکن اب ماہرین نے ایک انجکشن کے ذریعے جانوروں میں اسی جین کو بدل کر اس کا سوئچ آف کرنے میں کامیابی حاصل کی ہے۔ اس علاج سے انسانی جسم کے خلیات میں موجود خاص جین ہمیشہ کے لیے تبدیل کیا جاسکتا ہے اور اس سے ہزاروں نہیں بلکہ لاکھوں اور کروڑوں افراد کو دل، بلڈ پریشر اور کولیسٹرول سے ہونے والے امراض سے بچایا جاسکے گا۔
چند روز قبل لندن میں ایک دواساز کمپنی کے سرجن نے بتایا کہ ’’کرسپر‘‘ (CRISPR) نامی تکنیک کے ذریعے ڈی این اے بہ آسانی تبدیل کیا جاسکتا ہے اور اسے انسانوں پر بھی آزمانا ممکن ہے۔ اس کے لیے صرف ایک انجکشن لگانا ہوگا جو مستقل طور پر تبدیلی پیدا کرے گا۔ سرجن نے بتایا کہ امیر ممالک کی ایک چوتھائی آبادی کی اموات فالج، امراضِ قلب اور بلڈ پریشر سے ہوتی ہیں جن کی بنیادی وجہ ایل ڈی ایل کولیسٹرول ہے جسے ’’مضر‘‘ کولیسٹرول بھی کہا جاتا ہے۔
اس لیے آبادی کا بڑا حصہ کولیسٹرول گھٹانے والی دوائیں کھاتا ہے۔ 2005 میں معلوم ہوا کہ بعض افراد میں مضر کولیسٹرول کی سطح بہت کم رہتی ہے جس کی وجہ یہ ہے کہ ان کا جگر ایک پروٹین ’’پی سی ایس کے 9‘‘ نہیں بناتا ۔ اس پروٹین کی غیرموجودگی ان لوگوں کو فالج اور دل کے امراض سے دور رکھتی ہے۔ پی سی ایس کے 9 خون میں گردش کرتا رہتا ہے اور انسانی رگوں میں موجود ایک دوسرے پروٹین کو ختم کردیتا ہے جو کولیسٹرول بڑھنے نہیں دیتا۔
اب ثابت ہوا کہ بعض لوگوں میں پی سی ایس کے 9 نہیں ہوتا اور دوسرا پروٹین متاثر ہوئے بغیر اپنا کام کرتے ہوئے خون میں کولیسٹرول کم کرتا رہتا ہے۔ کمپنی نے PCSK9 کے انسانی ورژن والا جین چوہوں میں کامیابی سے غیرمؤثر کیا ہے یعنی اس کا سوئچ آف کردیا ہے۔ ٹیکہ لگانے کے بعد چوہوں میں کولیسٹرول نمایاں طور پر کم ہوا۔ ماہرین نے چوہوں کے 26 مختلف ٹشوز پر اسے آزمایا ہے اور اس میں کامیابی ملی ہے تاہم اس پر مزید تحقیق کی ضرورت ہے کیونکہ جین سوئچ آف کرنے کے عمل کو اچھی طرح سمجھنے کی ضرورت ہے۔
ایمز ٹی وی (صحت)مظفرگڑھ میں محکمہ لائیواسٹاک نے مختلف علاقوں میں کارروائی کرتے ہوئے ڈیڑھ من مضرصحت گوشت اور 2بیمار جانور برآمد کرلیے۔ کارروائی میں 4قصابوں کو بھی گرفتارکیاگیا۔
ڈسٹرکٹ آفیسر لائیواسٹاک ڈاکٹرآصف کے مطابق پولیس کے ہمراہ محلہ قیوم نگر اور گارڈن روڈ پر چھاپے مارےگئے۔
اس دوران ڈیڑھ من مضرصحت گوشت اور 2بیمار جانور برآمدکرلیے۔ پولیس کاکہناہےکہ گرفتار افراد کےخلاف تھانہ سول لائن میں مقدمہ درج کرلیاگیاہے۔
ایمز ٹی وی (صحت)لیموں کے یوں تو بے شمار فوائد ہیں۔ یہ خاص طور پر گردوں اور جگر کی صفائی کے لیے بہترین ہیں۔ لیکن اگر لیموں کا صرف رس نکال کر استعمال کیا جائے تو ہم اس کے کئی فوائد سے محروم ہوسکتے ہیں۔ لیموں کو استعمال قبل اسے جما دینے سے اس کے فوائد تادیر محفوظ رہ سکتے ہیں۔ لیکن کیا آپ جانتے ہیں لیموں کے چھلکے اپنے اندر کیا فوائد رکھتے ہیں؟ ماہرین کا کہنا ہے کہ لیموں کے چھلکے میں اس کے گودے سے زیادہ وٹامن سی موجود ہوتا ہے۔
ماہرین کے مطابق لیموں کا چھلکا قوت مدافعت میں اضافہ کرتا ہے۔ کولیسٹرول میں کمی کرتا ہے۔ لیموں کا چھلکا کینسر سے بچاؤ میں بھی معاون ثابت ہوتا ہے۔ یہ جسم کے کئی اقسام کے انفیکشن کو ٹھیک کرتا ہے۔ لیموں کا چھلکا آنتوں سے نقصان دہ جراثیم کا خاتمہ کرتا ہے۔ ماہرین کی تجویز ہے کہ لیمن جوس کے بجائے لیمن سموتھی کا استعمال زیادہ فائدہ مند ثابت ہوگا کیونکہ اس میں چھلکے بھی ملائے جاتے ہیں۔ طبی ماہرین کا کہنا ہے کہ لیموں کے باقاعدہ استعمال سے دمہ سے بچاؤ اور ذہنی دباؤ اور ڈپریشن میں کمی لائی جاسکتی ہے۔ علاوہ ازیں یہ بلڈ پریشر کی سطح کو بھی معمول کے مطابق رکھتا ہے۔