ایمز ٹی وی (تعلیم /اسلام آباد ) تہذیب، تعمیر اور ترقی کی بنیادتعلیم ہے ۔ پاکستان کا مستقبل تعلیم سے مشروط ہے۔ معیاری تعلیم کا مطلب پاکستان کا درخشندہ مستقبل ہے ۔

ان خیا لات کا اظہار میئر اسلام آباد ا ور چیئرمین سی ڈی اے شیخ انصر عزیز نے سی ڈی اے ماڈل اسکول کے تیسویں سالانہ دن کے موقع پر بطور مہمان خصوصی خطاب کر تے ہوئے کیا ۔

انہوں نے کہا کہ پاکستان میں تعلیم اور اس کے معیار کی بہتری وزیراعظم میاں محمد نواز شریف کی خواہش ہے۔ سی ڈی اے ماڈل اسکول کے ملازمین کے اپ گریڈیشن کے معاملات کو ترجیحی بنیادوں پر دیکھا جائے گا ۔

ایمز ٹی وی (تعلیم /پشاور) چیف منسٹر ایجوکیشن انڈومنٹ فنڈ کے تحت پی ایچ ڈی، ایم فل اور ایم ایس کیلئےاسکالرشپ کی فراہمی کیلئے اسکالرشپ مینجمنٹ کمیٹی (ایس ایم سی) کے پینل نے امیدواروں سے انٹرویو لیا،جس میں صوبے کے مختلف تعلیمی اداروں کے شارٹ لسٹ 11امیدواروں نے انٹرویو دیا۔

انٹرویو لینےوالےپینل میں کنوینئر سیکرٹری انڈسٹریزفرح حامد خان، ڈاکٹر فدا یونس خٹک، ڈائریکٹر پی اینڈ ڈی ایگریکلچریونیورسٹی، ڈاکٹر حسب اللہ خان، چیئرمین اکنامکس ڈاکٹر ذلاقت خان، پر اجیکٹ ڈائریکٹر پی ایم یو ہائیر ایجوکیشن ڈیپارٹمنٹ ، ڈپٹی ڈائریکٹر ہائیرایجوکیشن خیبرپختونخوا حیات اور دیگر موجود تھے۔ چیف منسٹر ایجوکیشن انڈومنٹ فنڈ کے تحت ملکی وغیر ملکی جامعات میں ٹاپ کرنیوالے گریجویٹس اورانڈرگریجویٹس کواسکالرشپ کے علاوہ مفت قیام و طعام کی سہولیات بھی فراہم کی جاتی ہیں۔

ایمز ٹی وی (تعلیم /خیرپور ) خیرپور میں گورنمنٹ لاکالج کے انٹر ی ٹیسٹ میں فیل امیدواروں نے مظاہرہ کیا ،شہمیرخان پھلپوٹو، علی شیر ،شفیق احمد اور دیگر مظاہرین نے صحافیوں کو بتایا کہ کالج میں سال کے داخلہ کے لیے منعقدہ انٹری ٹیسٹ میں من پسند امیدواروں کو کھلے عام نقل کرائی گئی مظاہرین ٹیسٹ کے دوران کرائے جانے والے نقل کے ویڈیو اپنے ہمراہ لائے تھے جو انہوں نے صحافیوں کو دکھائی انہوں نے انٹر ی ٹیسٹ دوبارہ لینے کا مطالبہ کیا۔

ایمز ٹی وی (تعلیم /جامشورو)تحقیق کے بغیر سماجی تبدیلی ممکن نہیں،پاکستانی جامعات میں ریسرچ کلچر کو ابھی فروغ نہیں مل سکا۔ سندھ کی جامعات کو معاشرے کی بہتری اور لوگوں کا معیار زندگی بہتر بنانے کے لیے ریسرچ کلچر کو فروغ دلا کر کردار ادا کرنا پڑے گا۔ ان خیالات کا اظہار جامعہ سندھ کے ایریا اسٹڈی سینٹر میں ہائیر ایجوکیشن کمیشن اسلام آباد کے تعاون سے ”معاشرتی تحقیقی طریقے“ کے موضوع پر منعقدہ دو ہفتوں پر مبنی تربیتی ورکشاپ کی

افتتاحی تقریب سے خطاب کرتے ہوئے شیخ الجامعہ سندھ پروفیسر ڈاکٹر فتح محمد برفت نےکیا۔ تربیتی ورکشاپ 17فروری تک جاری رہے گا جس میں ایم فل و پی ایچ ڈی اسکالرز کو تحقیق کے مختلف طریقہ کار اور اہمیت کے حوالے سے یونیورسٹی آف ملائیشیا پرلس کے پروفیسر ڈاکٹر زریدہ محمد زین اور ڈاکٹر ہوزلی حسین تفصیلی طور پر آگاہ کریں گے۔

ایمز ٹی وی (تعلیم /کراچی ) این ای ڈی یونیورسٹی کے شعبہ پیڑولیم اسٹڈیز میں حکومت پاکستان کی وزارت ترقیات و ریفارم کے زیر نگرانی پاک ناروے انسٹی ٹیوشنل کو آپریشن پروگرام کے تحت ایکسی لینسی سینٹر قائم کیا گیا ہے ۔ ایکسی لینسی سینٹر کے قیام میں ناروے کی یونیورسٹی ا نجینئرنگ و ٹیکنالوجی نے تعاون کیا ہے۔ سینٹر کے قیام کے سلسلہ میں این ای ڈی یونیورسٹی میں سنگ بنیاد کی تقریب منعقد ہوئی جس میں پاکستان میں ناروے کے سفیر نے بحیثیت مہمان خصوصی شر کت کی۔

کراچی میں اعزازی قونصل جنرل محمد مونس ، وائس چانسلر پروفیسر محمد افضال حق،این ای ڈی یونیورسٹی کے ڈین پروفیسر سروش حشمت لودی ، ، این ای ڈی پیٹرولیم ڈپارٹمنٹ کے سربراہ پروفیسر عابد مرتضیٰ خان، ڈاکڑ خالد عزیز، مسعود ایچ سہیل، پلاننگ کمیشن آف پاکستان پاکستان پیٹرولیم انڈسٹری، این ای ڈی یونیورسٹی فیکلٹی کے ارکان، ناروے کی یونیورسٹیٖ انجینئرنگ و ٹیکنالوجی کے پروفیسر ز اور دیگر نے شر کت کی ۔

وائس چانسلر این ای ڈ ی یو نیورسٹی نے اس موقع پر ایکسی لینس سینٹر کے قیام کو خوش آئند قرار دیا انھوں نے کہا کہ اس سے شعبہ پیٹرولیم کو بہتر بنانے اور این ای ڈی یونیورسٹی میں پیٹرولیم کے تعلیم کو جد ید تقاضو ں سے ہم آہنگ کر نے میں مدد ملے گی ۔ پروفیسر سروش حشمت لودی نے کہا کہ سینٹر کے قیام سے نہ صرف پاکستان بلکہ ریجن کے دیگر ممالک کے اساتذہ اور طلبہ بھی مستفید ہوں سکیں گے ۔

ایمز ٹی وی( تعلیم / کراچی ) پاکستانیز ہیروز ویلفیئر آرگنائزیشن کے سیکرٹری جنرل ایس ایم سبطین نقوی اور پیک پرائیویٹ اسکول ایسوسی ایشن کے اشتراک سے قائد اعظم تقریری مقابلہ کا انعقاد کیا گیا۔ مہمان خصوی ڈائریکٹر جنرل کے ڈی اے سید ناصر عباس، صدارت حاجی جاوید کربلائی، مہمان خصوصی ممبر بورڈ میٹرک غلام عباس بلوچ، پیک کے صدر سید شہزاد اختر نے شرکت کی۔

ججز کے فرائض قاری محمد ادریس، شہزادی کنول، ڈاکٹر عنبرین، ڈاکٹر سمانہ مظہر نے انجام دیئے اور نظامت کے فائرض مریم کوثر اور حرمین وارثی نے انجام دیئے۔ مہمان خصوصی سید ناصر عباس نے خطاب کرتے ہوئے کہا کہ قائد اعظم کے اصولوں کو اپنا کر طلباء و طالبات اپنا مستقبل بناسکتے ہیں قائد اعظم کے پیغام کو طلباء و طالبات عام کرنے میں نمایاں کردار ادا کررہے ہیں۔

غلام عباس بلوچ نے خطاب کرتے ہوئے کہا آرگنائزیشن کی جانب سے ڈسٹرکٹ سطح پر تقریبات کا انعقاد قابل تحسین اقدام ہے اور ہم آرگنائزیشن کی کوششوں کو سراہتے ہوئے اپنا بھرپور تعاون کریں گے۔ عرفان عابدی نے کہا کہ موجودہ دور میں طالبات طلباء پر فوقیت حاصل کررہی ہیں۔

ایمز ٹی وی ( تعلیم /حیدرآباد ) گورنمنٹ کالج حیدرآباد سمیت دیگر کالجز میں اساتذہ اور ملازمین کی حاضری کے لیے بائیو میٹرک سسٹم کا آغاز ہوگیا ہے۔

گورنمنٹ کالج کے پرنسپل پروفیسر ڈاکٹر ناصر الدین شیخ نے سسٹم کا افتتاح کیا۔ لیکچررز اور پروفیسرز صبح ساڑھے 8 اور چھٹی کے لیے دوپہر ڈیڑھ بجے اور غیر تدریسی عملہ صبح 8اور 3بجے چھٹی کے لیے بائیومیٹرک سسٹم کے ذریعے حاضری لگاسکیں۔

ایمز ٹی وی (تعلیم /جامشورو) جامعہ سندھ میں سیکورٹی کے نام پر مختلف شعبہ جات و انتظامی دفاتر کو ملانے والے رستوں کو بند کردیا گیا ہے۔ لیاقت میڈیکل یونیورسٹی اسپتال اور کالونی کو جامعہ سندھ اور اسکی کالونی کو ملانے روڈز کو دیواریں چنواکر مستقل طور پر بند کردیا گیا ہے ۔ جبکہ چند ماہ قبل طلبا و طالبات اور مریضوں کی سہولت کیلئے وہاں لوہے کا گیٹ لگایا گیا تھا جسے رات گیارو بجے بند اور صبح چھ بجے کھول دیا جاتا تھا اور وقت ضرورت ایمرجنسی کی صورت میں کھلوالیا جاتا تھا ۔

مذکورہ گیٹ بند ہونے سے یونیورسٹی میں کسی بھی حادثاتی اور ایمرجنسی کی صورت میں زخمی اور شدیدبیمار طلبا و طالبات کو بروقت اسپتال لے جانے کیلئے مختصر راستے معدوم ہوچکے ہیں۔ جامعہ سندھ کے مختلف کلیات سے تعلق رکھنے والے طلبہ وطالبات نے بتایا کہ نئے وائس چانسلر پروفیسر فتح محمد برفت کے آنے کے بعد سیکورٹی خدشات کو جواز بناکراپنے ہی شاگردوں اوراساتذہ کے لئے مشکلات پیدا کر دی گئی ہیں۔

رابطہ کرنے پر لیاقت میڈیکل یونیورسٹی کے کیمپس ایڈ منسٹریشن آفیسر اور کالونی چیئرمین کرنل ریٹائرڈ عباس مہرنے بتایا کہ لیاقت میڈیکل یونیورسٹی کالونی اور سندھ یونیورسٹی کو ملانے والے مختصر راستے کو سندھ یونیورسٹی انتطامیہ نے سیکورٹی وجوہات کی بنا پر بند کردیا ہے ۔