ایمزٹی وی(اسلام آباد) وزیراعظم نواز شریف سے ایئر چیف مارشل سہیل امان نے ملاقات کی جس میں پاک فضائیہ کے پیشہ ورانہ امور پر تبادلہ خیال کیا گیا۔

وزیراعظم ہاؤس کے ترجمان کی جانب سے جاری بیان کے مطابق پاک فضائیہ کے سربراہ ایئر چیف مارشل سہیل امان نے وزیراعظم نوازشریف سے اسلام آباد میں ملاقات کی اور ان سے پیشہ ورانہ امور پر تبادلہ خیال کیا۔

وزیراعظم نے پاک فضائیہ کی ضروریات پوری کرنے کے لئے ہر ممکن تعاو ن کا یقین دلایا اور ملک کے دفاع اور دہشت گردی کے خلاف جنگ میں پی اے ایف کی خدمات کو سراہا۔

ایمزٹی وی(اسلام آباد) چند ماہ قبل روس نے بھارتی خواہشات کے برعکس پاکستان کے ساتھ جنگی مشقوں میں حصہ لیا اور اب روس نے پاک چین اقتصادی راہداری منصوبے میں یورایشین اکنامک یونین کو بھی شامل کرنے کی خواہش کا اظہار کیا ہے جس نے مودی سرکار کی نیندیں اڑا کر رکھ دی ہیں۔

روس کی پاک چین اقتصادی راہداری میں بڑھتی دلچسپی اور پاکستان کے ساتھ گہرے ہوتے تعلقات نے بھارتی حکام کی نیندیں اڑا دی ہیں، بھارت خطے میں اپنے استحکام اورمفادات کے حصول کے لیے پریشانی کا شکار ہوگیا ہے۔ پاک چین دوستی کو مضبوط بنانے اور تجارت کے فروغ کے لیے اقتصادی راہداری کا منصوبہ شروع کیا گیا جو نہ صرف رابطے مضبوط بنا رہا ہے بلکہ خطے میں پاکستان کے ایک اور دوست کو منظرعام پر لایا جو کھل کر سی پیک کی حمایت کر رہا ہے۔

روس نے سی پیک کی کھلم کھلا حمایت کرتے ہوئے اب یہ اعلان کیا ہے کہ وہ چاہتا ہے سی پیک میں یورایشین اکنامک یونین بھی شامل ہو جائے، 2015 میں بنائے گئے اس تجارتی فورم میں روس، بیلاروس، قازکستان اور ارمینیا سمیت کرغزستان شامل ہیں۔

روس کی سی پیک میں شامل ہونے کی خواہش نے مودی سرکار کی نیندیں اڑا دی ہیں اور بھارتی حکام روس کی پاکستان کے منصوبے میں گہری دلچسپی پر پریشان ہیں، انہیں یہ فکر ستانے لگی ہے کہ روس اب بھارت کو قابل اعتماد دوست نہیں سمجھتا اور بنیادی مفادات کو چیلنج کر رہا ہے اس صورتحال نے بھارت کی بوکھلاہٹ میں مزید اضافہ کردیا ہے۔

ایمزٹی وی (کراچی)آئی جی سندھ اے ڈی خواجہ کو ان کے عہدے سے ہٹا دیا گیا کبہ اس حوالے سے باقاعدہ کوئی نوٹیفکیشن جاری نہیں ہواہے۔

اس حوالے سے ان کا کہنا تھا کہ میں نے سندھ کے وزیراعلٰی مراد علی شاہ سے بھی بات کی ہے کہ مجھے گزشتہ 2 ماہ سے غیر قانونی کام کرنے کے لئے مجبور کیا جا رہا ہے لہذاٰ میں اس عہدے پر مزید کام نہیں کر سکتا تاہم وزیراعلیٰ سندھ کی جانب سے اس حوالے سے کسی قسم کی مدد کی یقین دہانی نہیں کرائی گئی۔
اے ڈی خواجہ کو عہدے سے ہٹانے کے بعد قائم مقام آئی جی سندھ کے عہدے پر پولیس کے سینئر ترین افسر ذاکر حسین کو فائز کئے جانے کا امکان ہے جو اس وقت ایڈیشنل آئی جی سندھ ٹریفک پولیس ہیں۔

ایمزٹی وی(کراچی)وفاق نے آئی جی سندھ اللہ ڈنو خواجہ کو فوری طور پر عہدے کا چارج چھوڑنے کا حکم دے دیا ہے جبکہ وفاق یا سندھ حکومت کی جانب سے آئی جی سندھ کو عہدے سے ہٹانے کے حوالے سے ابھی تک باقاعدہ طور پر کوئی نوٹیفکیشن جاری نہیں ہوا

تاہم چند روز قبل میڈیا سے خصوصی بات کرتے ہوئے اے ڈی خواجہ کا کہنا تھا کہ میں گزشتہ 8 ماہ سے اس عہدے پر فائز ہوں لیکن پولیس میں موجود اعلیٰ عہدوں پر فائز افسران اور سندھ کی اہم سیاسی شخصیات مجھے اس عہدے سے ہٹانے کی کوشش میں ہیں۔ اگر مجھے وفاق یا سندھ حکومت کی جانب سے عہدہ چھوڑنے کا حکم دیا گیا تو میں فوری طور پر عہدے کا چارج چھوڑنے کے لئے تیار ہوں۔

آئی جی سندھ کا کہنا تھا کہ اس حوالے سے میں نے سندھ کے وزیراعلٰی مراد علی شاہ سے بھی بات کی ہے کہ مجھے گزشتہ 2 ماہ سے غیر قانونی کام کرنے کے لئے مجبور کیا جا رہا ہے لہذاٰ میں اس عہدے پر مزید کام نہیں کر سکتا تاہم وزیراعلیٰ سندھ کی جانب سے اس حوالے سے کسی قسم کی مدد کی یقین دہانی نہیں کرائی گئی۔
اے ڈی خواجہ کو عہدے سے ہٹانے کے بعد قائم مقام آئی جی سندھ کے عہدے پر پولیس کے سینئر ترین افسر ذاکر حسین کو فائز کئے جانے کا امکان ہے جو اس وقت ایڈیشنل آئی جی سندھ ٹریفک پولیس ہیں۔

ایمزٹی وی(اسپورٹس)برسبین ٹیسٹ میں آسٹریلیا کے خلاف شاندار کارکردگی کا مظاہرہ کرنے پر اسد شفیق کو مین آف دی میچ قرار دیدیا گیا ۔

تفصیلات کے مطابق میزبان آسٹریلیا کے خلاف تین میچوں کی سریز کے پہلے ٹیسٹ میچ میں کڑا مقابلے کے بعد قومی ٹیم39رنز کے فرق سے شکست سے دوچار ہو گئی تاہم 207گیندوں پر 137رنز بنا کر میچ میں پاکستان کی پوزیشن مستحکم کرنے والے اسد شفیق کو مین آف دی میچ قرار دیا گیا ہے ۔ پاکستان نے 490 کے تعاقب میں 450 رنز بنائے

ان کی شاندار اورجارحانہ بیٹنگ کی وجہ سے میچ میں نہ صرف پاکستان کی پوزیشن مستحکم ہو ئی بلکہ ایک وقت میں قومی ٹیم جیت کے قریب پہنچ گئی تھی مگر پھر وہ مچل اسٹارک کی گیند پر137 سکور بنا کر کیچ آﺅٹ ہو گئے جس کے بعد یاسر شاہ بھی 33کے انفرادی سکور پر رن آﺅٹ ہو گئے اور یوں پاکستان پہلا ٹیسٹ 39سکور سے ہار گیا ۔

ایمزٹی وی(اسپورٹس) آسٹریلیا نے سنسنی خیز مقابلے کے بعد برسبین ٹیسٹ میں پاکستان کو 39 رنز سے شکست دے کر 3 میچوں کی سیریز میں 1-0 کی برتری حاصل کر لی ہے۔ 490 رنز کے ہدف کے تعاقب میں پاکستان نے انتہائی شاندار کھیل پیش کرتے ہوئے 450 رنز بنائے اور 39 رنز کی کمی سے ٹیسٹ کرکٹ کی تاریخ کا ریکارڈ ہدف حاصل کرنے میں ناکام رہے۔

پاکستان اگرچہ یہ میچ ہار گیا ہے لیکن 490 رنز کے پہاڑ جیسے ہدف کے تعاقب میں اسد شفیق، محمد عامر، وہاب ریاض اور یاسر شاہ نے ذمہ دارانہ بلے بازی کر کے آسٹریلیا کو ناکوں چنے چبوا کر میچ کو یادگار بنا دیا اور پاکستان کوناصرف شرمناک شکست سے بچا لیا بلکہ قوم کے دل بھی جیت لئے ہیں اور یہ ثابت کر دیا ہے کہ پاکستانی ٹیم کہیں بھی، کبھی بھی، کچھ بھی کر سکتی ہے جس کا اعتراف میچ ختم ہونے کے بعد ناصرف کپتان مصباح الحق نے کیا بلکہ آسٹریلوی کپتان بھی مانے بغیر نہ رہ سکے

اسد شفیق، محمد عامر، یاسر شاہ اور وہاب ریاض کی ذمہ دارانہ بلے بازی نے آسٹریلین ٹیم کی ہوائیاں اڑا دیں۔ کیرئیر بیسٹ 139 رنز کی ذمہ دارانہ اور انتہائی جاندار اننگز کھیلنے پر اسد شفیق کو مین آف دی میچ قرار دیا گیا۔ محمد عامر نے بھی خوب جان لڑائی اور کیرئیر بیسٹ 48 رنز بنائے تاہم صرف 2 رنز کی کمی سے نصف سنچری مکمل کرنے میں ناکام رہے۔

تفصیلات کے مطابق پاکستان نے پانچویں روز 382 رنز 8 کھلاڑی آﺅٹ سے کھیل کا آغاز کیا تو اسد شفیق 100 اور یاسر شاہ 4 کے انفرادی سکور پر تھے۔ دونوں نے آسٹریلوی باﺅلرز کی ایک بھی تدبیر کارگر نہ ہونے دی اور ویں وکٹ کی شراکت میں 71 رنز جوڑ کر میچ کو یادگار بنا دیا اور 490 رنز کا پہاڑ کھڑا کر کے بڑے مارجن سے میچ فتح کرنے کا خواب دیکھنے والی آسٹریلوی ٹیم کو میچ بچانے کی فکر لاحق ہو گئی۔

کپتان سٹیو سمتھ سمیت تمام کھلاڑیوں کے چہروں سے ہوائیاں اڑ گئیں اور اپنی ہے گھر میں ’یادگار شرمندگی‘ سے بچنے کیلئے ہر پینترا آزما ڈالا۔ آخری روز میچ میں فتح کیلئے آسٹریلیا کو اگرچہ 2 وکٹوں کی ضرورت تھی تاہم اس کیلئے انہیں سخت جدوجہد کا سامنا کرنا پڑا اور اسد شفیق کے بلے سے تیزی سے نکلتے رنز نے انہیں شدید اضطراب کا شکار کئے رکھا جو اس وقت دور ہوا جب 449 کے مجموعی سکور پر اسد شفیق 137 رنز بنا کر مچل سٹارک کی گیند پر ڈیوڈ وارنر کے ہاتھوں کیچ ہو گئے۔

اسد شفیق نے مشکل وقت میں انتہائی شاندار بلے بازی کرتے ہوئے صرف 337 گیندوں پر 1 چھکے اور 13 چوکوں کی مدد سے کیرئیر بیسٹ اور یادگار 137 رنز بنائے۔ پاکستان کی آخری وکٹ 450 کے مجموعی سکور پر گری جب اسد شفیق کا بھرپور ساتھ دیتے ہوئے 39 رنز بنانے والے یاسر شاہ سٹیو سمتھ کی تھرو پر رن آﺅٹ ہو گئے اور یوں آسٹریلیا نے میچ 39 رنز سے جیت لیا۔

ایمزٹی وی(مٹیاری)مشیر اطلاعات سندھ مولا بخش چانڈیو کا کہنا ہے کہ وزیرداخلہ چوہدری نثار چئیرمین پیپلز پارٹی کی شہرت سے خوفزدہ ہو کر بہکی بہکی باتیں کر رہے ہیں اور گزشتہ روز کی تقریر کے بعد وزیراعظم اور وزیر داخلہ دونوں کو مستعفی ہو جانا چاہیئے۔

شاہ عبدالطیف بھٹائی کے مزار پر حاضری کے بعد میڈیا سے بات کرتے ہوئے مشیر اطلاعات سندھ مولا بخش چانڈیو کا کہنا تھا کہ ہم بلاول بھٹو کے ایک ایک لفظ کو ٹھیک سمجھتے ہیں، اگر ان کے 4 مطالبات نہ مانے گئے تو ملک بھر میں تحریک چلائیں گے اور اگر سندھ میں سیاسی زلزلہ آیا تو پورے ملک میں اس کے اثرات مرتب ہوں گے، 27 دسمبر کے بعد پیپلز پارٹی کے لاکھوں کارکن (ن) لیگ کے خلاف میدان میں ہوں گے۔

مولابخش چانڈیو کا کہنا تھا کہ وفاقی وزیرداخلہ چوہدری نثار چئیرمین پیپلزپارٹی بلاول بھٹو زرداری کی شہرت سے خوفزدہ ہوکر بہکی بہکی باتیں کررہے ہیں اور گزشتہ روز کی پریس کانفرنس کے بعد ثابت ہوگیا ہے کہ وزیراعظم کے ساتھ بہت سے وزیر ایسے ہیں جو طالبان کے حامی ہیں، وزیرداخلہ نا اہل ہیں اور اب وزیراعظم نواز شریف اور وفاقی وزیرداخلہ دونوں کو ہی مستعفی ہو جانا چاہیئے۔

ایمزٹی وی(اسلام آباد) پی آئی اے نے طیاروں کی محفوظ پروازکے لیے بکروں کا صدقہ دینا شروع کردیا۔
میڈیا ذرائع کے مطابق پی آئی اے نے جدید ٹیکنالوجی کے استعمال کے بجائے نیا طریقہ ایجاد کرلیا ہے اور طیاروں کی پرواز محفوظ بنانے کے لیے کالے بکروں کا صدقہ دینا شروع کردیا ہے۔ اسلام آباد سے ملتان جانے والی پرواز سے پہلے کالے بکرے کا صدقہ دیا گیا جس کا مقصد یہ تھا کہ جہاز اپنی منزل پر خیر وعافیت سے پہنچ جائے۔

واضح رہے کہ چند روز قبل چترال سے اسلام آباد جانے والی پی آئی اے کی پرواز ایبٹ آباد میں حویلیاں کے قریب گر کر تباہ ہوگئی تھی جس کے نتیجے میں معروف نعت خواں جنید جمشید، ان کی اہلیہ، ڈپٹی کمشنر چترال، ان کی اہلیہ، بیٹی اور3 غیرملکیوں سمیت 47 افراد جاں بحق ہوئے۔

ایمزٹی وی(اسپورٹس) وزیر مملکت برائے اطلاعات مریم اورنگزیب نے کہا ہے کہ بلاول بھٹو کے غیر اخلاقی بیان نے آکسفورڈ کی تعلیم کو شرمندہ کردیا ہے۔

اپنے ایک بیان میں مریم اورنگزیب کا کہنا تھا کہ بلاول کے سیاسی استاد شاید ان کی بھلائی نہیں چاہتے ، ان کی جانب سے کی جانے والی اخلاق سے گری ہوئی بات کو لوگ بچہ سمجھ کر نظر انداز ہی کریں گے۔

انہوں نے کہا کہ بلاول کو ان کا میڈیا سیل یہ بتادے کہ وزیر اعظم نواز شریف کا نہیں بلکہ بھٹو خاندان کا نام پاناما میں آیاہے، اپنے دور میں کوئی جلسہ نہ کرسکنے والے آج کھلے عام جلسے کر رہے ہیں۔

ایمزٹی وی(اسپورٹس) آسٹریلیا کے 490 رنز کے ہدف کا تعاقب کرنے والی پاکستانی ٹیم نے بھرپور مزاحمت کرتے ہوئے 8 وکٹ پر 382 رنز جوڑ لیے جب کہ انہونی کو ہونی میں بدل کر کامیابی پانے کے لیے گرین کیپس کو مزید 108 رنز درکار ہیں، سنچری میکر اسد شفیق ناقابل شکست پویلین لوٹے۔
تفصیلات کے مطابق برسبین میں جاری سیریز کے پہلے ٹیسٹ میں 490 رنز کے ہدف کا تعاقب کرنے والی پاکستان ٹیم نے میچ کے چوتھے روز 2 وکٹ پر 70 رنز سے اپنی نامکمل اننگزکا دوبارہ آغازکیا تو اظہر علی 41 اور یونس خان کھاتہ کھولنے کا ارادہ لیے کریز پر آئے، دونوں کھلاڑیوں نے پہلے سیشن کے دوران عمدہ بیٹنگ کرتے ہوئے آسٹریلوی بولرز کو وکٹ سے محروم رکھا، موسم کی مداخلت بھی جاری رہی، ایک وقت میں دونوں بیٹسمین سنچریاں بنانے کے موڈ میں نظر آتے تھے لیکن دوسرے سیشن میں اظہر علی (71) نے مچل اسٹارک کی ایک گیند پر غیر ضروری شاٹ کھیلتے ہوئے وکٹ کیپر میتھیوویڈ کو کیچ دیدیا، یوں تیسری وکٹ کیلیے 91 رنز کی شراکت کا خاتمہ ہو گیا، اوپنر کے آؤٹ ہونے کے بعد ایک بار پھر خراب موسم کے سبب کھیل کو روک دیا گیا، میچ دوبارہ شروع ہوا تو کچھ ہی دیر بعد مصباح الحق بھی وکٹ گنوا بیٹھے، کپتان 5 پر تھے کہ جیکسن برڈ کی گیند پر ایل بی ڈبلیو کیلیے میزبان ٹیم کا ریویو بیکار گیا لیکن پیسر نے اپنے اگلے ہی اوور میں اسی سکور پر انھیں میتھیو ویڈ کا کیچ بنوا دیا۔

گزشتہ 6 اننگز میں ناکامی کے بعد پہلی ففٹی داغنے والے یونس خان نے 65 رنز بنانے کے بعد انتہائی غفلت کا مظاہرہ کرتے ہوئے ناتھن لیون کو ریورس سوئپ کھیلنے کی کوشش میں وکٹ گنوادی، سلپ میں اسٹیون سمتھ نے کیچ لیا، کینگروزنے 80 اوورز مکمل ہوتے ہی نئی گیند لینے میں تاخیر نہیں کی لیکن ڈنر تک سرفراز احمد اور اسد شفیق نے وکٹیں بچائے رکھیں، اس وقت پاکستان کا ٹوٹل 5 وکٹ پر 203 رنز تھا، وقفے کے بعد وکٹ کیپر بیٹسمین کو 19 پر موقع ملا، جوش ہیزل ووڈ کی گیند بیٹ کا کنارہ لینے کے بعد اسٹیون اسمتھ کے ہاتھوں سے پھسل گئی لیکن سرفراز اس کا زیادہ فائدہ نہ اٹھاسکے، انھیں 24 رنز پر مچل اسٹارک نے ان سوئنگر پر بولڈ کردیا۔

محمد عامر نے اسد شفیق کے ہمراہ مثبت انداز میں بیٹنگ کرتے ہوئے تیزی سے رنز بٹورتے ہوئے سب سے بڑی 92 کی شراکت قائم کی لیکن جیکسن برڈ کی ایک اچھی گیند ان کی اننگز کا 48 پر اختتام کرگئی، پیسر کی معاونت میتھیوویڈ نے کی، اس دوران اسد شفیق کو 62 پر ایک موقع ملا جب عثمان خواجہ نے کیچ ڈراپ کرتے ہوئے جیکسن برڈ کو وکٹ سے محروم کیا، اسد کو دوسری بار نئی زندگی 72 پر اسٹیون اسمتھ نے دی، بدقسمت بولر مچل اسٹارک تھے، وہاب ریاض کا انداز خاصا جارحانہ رہا، انہوں نے 21 رنز بنائے تھے کہ جوش ہیزل ووڈکی گیند پرایل بی ڈبلیو ریویو کے باوجود وکٹ بچانے میں کامیاب ہوئے، دن کے آخری اوورمیں اسد شفیق نے مزاحمتی سنچری 140 گیندوں پر مکمل کر لی، تاہم جیکسن برڈ نے باہرجاتی گیند پر وہاب ریاض (30) کو قابو کرلیا، یاسر شاہ نے ایک چوکے سے کھاتہ کھول لیا۔

پاکستان نے 8وکٹ پر 382 رنز بنائے اور انہونی کو ہونی میں بدل کر فتح پانے کیلیے مزید 108رنز درکار ہیں، اسد شفیق اپنا اسکور 100رنز سے آگے بڑھائیں گے، مشکل ترین امتحان میں ان کو صرف 2 بیٹسمین ساتھ دینے کیلیے میسر ہیں، آسٹریلیا کی جانب مچل اسٹارک، جیکسن برڈ 3،3 ، ناتھن لیون 2 شکار کرنے میں کامیاب ہوئے، ہیزل ووڈ اور میک میڈنسن وکٹ سے محروم رہے۔