ایمزٹی وی ( تعلیم) پشاور یونیورسٹی کی چار سٹر کیں کار پارکنگ میں تبدیل ہو گئیں جبکہ یونیورسٹی کے رابطہ سٹرکوں پر متعدد اسٹیڈیم قائم ہیں مگر پرسان حال کوئی نہیں یونیورسٹی کیمپس میں انجینئرنگ یو نیورسٹی چوک تا پوسٹ مال چوک، وائس چانسلر چوک تا بینظیر گرلزہاسٹل، آئی ایم ایس روڈ اور لاءکالج چوک سے شعبہ امتحانات کے گیٹ تک کار پارکنگ میں تبدیل ہو گئی ۔ جس کے باعث ٹریفک کا مسئلہ آئے روز گھمبیر ہوتا جارہا ہے اسی طرح اندرونی رابطہ پارکنگ سٹرکوں پرپک اینڈ ڈراپ سمیت دوسری پرائیوٹ گاڑیوں نے قبضہ جمالیا ہے

ایمزٹی وی(آزاد کشمیر)پی ٹی آئی کشمیر کے صدر بیرسٹر سلطان محمود چودھری نے 27 اکتوبرکو برسلز میں ملین مارچ کا اعلان کردیا ۔
ذرائع کے مطابق رہائشگاہ پر پریس کانفرنس سے خطاب کرتے ہوئے انہوں نے کہا کہ برسلز میں ملین مارچ اسلئے بھی ضروری ہو گیا ہے کیونکہ مقبو ضہ کشمیر میں بھارتی مظالم اور مودی سرکار کا جنگی جنون بڑھ گیا ہے ،برسلز ملین مارچ کی قیادت میں خود کرونگا اورلندن، نیویارک اور دنیا کے دیگرممالک میں بھی ملین مارچز کئے جائیں گے ،ملین مارچز کا بنیادی مقصد یہی ہے کہ لوگوں کو اس کے لئے تیار کیا جائے کہ ایک دن دونوں اطراف کے کشمیری عوام لائن آف کنٹرول کو دیوار برلن کی طرح روند ڈالیں گے ،اس روز کشمیر کے دونوں اطراف ملین مارچ ہو نا چاہئے ،مودی کو جنگی جنون ہے ،اسے بتا نا چاہتے ہیں اس نے لائن آف کنٹرول پر کوئی جارحیت کی تو آزاد کشمیر کے عوام پاک فوج کے شانہ بہ شانہ اسی طرح مقابلہ کریں گے جیسے مقبوضہ کشمیر کے عوام بھارتی فوج کا مقابلہ کر رہے ہیں۔

ایک سوال کے جواب میں انہوں نے مطالبہ کیا کہ 2018 ء میں پاکستان کے انتخابات کے ساتھ آزاد کشمیر میں بھی انتخابات ہونے چاہئیں

ایمزٹی وی(آزاد کشمیر) ایل او سی پر لیپہ اور باغ کے علاقہ جگلڑی میں عوامی اجتماعات سے خطاب کرتے ہوئے وزیراعظم آزادکشمیر راجہ محمد فاروق حیدر خان نے کہا ہے کہ بھارتی گولہ باری سے کشمیری ڈرنے والے نہیں،ایل او سی پر آباد لوگ مقبوضہ کشمیرکے حریت پسند وں کی طرح جذبہ جہاد سے سرشار ہیں ، ان کے حوصلے بلند ہیں ،بھارت کا سرجیکل اسٹرائیک کا ڈرامہ فلاپ ہو چکا ،وہ لائن آف کنٹرول کراس کرنے کی جر ات نہیں کرسکتا ،اگرکسی نے لائن آف کنٹرول کراس کی تو زندہ نہیں جائیگا ،

ذرائع کے مطابق لیپہ میں خطاب کرتے ہوئے انہوں نے کہا کہ بھارت کے حکمران جان لیں کہ کشمیریوں کے جذبہ حریت کو سرد نہیں کیا جاسکتا، آزادکشمیرپاکستان کا دفاعی حصار ہے ،یہاں کابچہ بچہ مسلح افواج کے شانہ بشانہ ہے ،بھارت نے اب کوئی جارحیت کی توآزادکشمیرکو بھارتی فوج کا قبرستان بنا دیں گے ،انہوں نے چکوٹھی ،نوسیری میں امن کمیٹیوں اور ایل او سی پر آباد سویلینز سے ملاقاتیں کی ہیں اور وہ بہت جلد برنالہ ،سماہنی ،باغ ، راولاکوٹ کے ایل او سی پر واقع علاقوں کا دورہ کریں گے۔

بعدازاں باغ میں جگلڑی کے مقام پر عوام کے اجتماع سے خطاب کرتے ہوئے وزیراعظم آزاد کشمیر نے کہا کہ انتخابات میں جس انتخابی منشور کا اعلان کیاتھا اس کو100فیصد عملی جامہ پہنائیں گے ،آزاد کشمیر سے استحصالی کلچر کاخاتمہ کرینگے ،ماضی میں ہونیوالی ناانصافیوں اور محرومیوں کا ازالہ کیاجائیگا،اس مواقع پر ممبر قانون ساز اسمبلی ڈاکٹر مصطفی بشیر ، سیکرٹری سیاحت ظہور الحسن گیلانی،کمشنر مظفرآباد محمد طیب ، ڈی آئی جی راشد نعیم ، ڈپٹی کمشنر حمید کیانی، ایس ایس پی چودھری مشتاق اوروزیر جنگلات سردار میراکبر ،سردار طاہر اقبال خان ،سردارمشتاق نیئر اور دیگر بھی موجود تھے ۔

ایمز ٹی وی (تعلیم) کامسیٹس انسٹیٹیوٹ آف انفارمیشن اینڈ ٹیکنالوجی کے 100طلبہ میں وزیراعظم فیس واپسی اسکیم کے تحت چیک تقسیم کئے گئے، مخدوم عدیل الرحمٰن، چیف کوآرڈینیٹر وزیراعظم یوتھ پروگرام اور مسٹر وسیم ہاشمی سید ہائیرایجوکیشن کمیشن کے ہیومن ریسورس ڈویلپمنٹ کے مشیر نے اسلام آباد کے پی ایچ ڈی کے طلبہ میں چیک تقسیم کئے، تقریب میں ڈاکٹر اظہار حسین رجسٹرار، سی آئی آئی ٹی اور پروفیسر ڈاکٹر راحیل قمر، انچارج سی آئی آئی ٹی کیمپس اسلام آباد نے مہمانوں کو خوش آمدید کہا۔

ایمزٹی وی(مظفرآباد) بھارتی فوج نے ایک بار پھر ایل او سی پر سیز فائر کی خلاف ورزی کرتے ہوئے بلا اشتعال فائرنگ کی ہے جب کہ پاک فوج کی جانب سے بھارتی جارحیت کا بھرپور جواب دیا گیا۔

پاک فوج کا منہ توڑ جواب

پاک فوج کے شعبہ تعلقات عامہ آئی ایس پی آر کے مطابق بھارتی فوج کی جانب سے صبح 4 بجے ایل او سی پرباغ سر اور بھمبھر سیکٹر کے خنجار اور بروح کےعلاقوں میں بلا اشتعال فائرنگ کا سلسلسہ شروع کیا گیا جو صبح 6 بجے تک جاری رہا۔ آئی ایس پی آر کے مطابق پاک فوج کی جانب سے بھرپور جوابی کارروائی کے باعث بھارتی توپیں خاموش ہو گئیں۔ ذرائع کا کہنا ہے کہ بھارتی فوج کی جانب سے بلا اشتعال فائرنگ کے باعث تاحال کسی جانی نقصان کی اطلاعات نہیں ملی ہیں۔

بھارت نے سیز فاِئر کی خلاف ورزی کردی

واضح رہے کہ بھارتی فوج کی جانب سے گزشتہ 5 روز سے مسلسل لائن آف کنٹرول پر سیز فائر کی خلاف ورزی کی جارہی ہے، پہلے بھارتی فوج نے پونچھ بٹل سیکٹر میں بلا اشتعال فائرنگ کر کے پاک فوج کے دو جوانوں کو شہید کیا تاہم پاک فوج کی جوابی کارروائی میں بھارتی افواج کو شدید نقصان کا سامنا کرنا پڑا تھا۔

ایمزٹی وی(اسلام آباد)ضلع میونسپل، میٹرو پولیٹن کارپوریشن مخصوص نشتوں پر انتخابات 8 نومبر کو ہونگے،الیکشن کمیشن نے پنجاب بلدیاتی مخصوص نشستوں کے انتخابات کا شیڈول جاری کردیا ہے۔

ذرائع کے مطابق ضلع میونسپل، میٹرو پولیٹن کارپوریشن مخصوص نشتوں پر انتخابات 8 نومبر کو ہونگے،الیکشن کمیشن نے پنجاب بلدیاتی مخصوص نشستوں کے انتخابات کا شیڈول جاری کردیا ہے،امیدواروں کی حتمی فہرست 25 اکتوبر کو جاری کی جائے گی، امیدواروں کی اپیلوں پر فیصلے 22 اکتوبر کو ہوں گے، ریٹرننگ افسر کے فیصلے کے خلاف اپیلیں 20 اکتوبر تک دائر ہوں گی۔

الیکشن کمیشن کے جاری کردہ شیڈول کے مطابق کاغذات نامزدگی کی جانچ پڑتال 17 اور 18 اکتوبر کو ہو گی، امیدوار کاغذات نامزدگی 14 اور 15 اکتوبر کو جمع کروا سکیں گے، یونین کونسل کی مخصوص نشستوں پر انتخابات 12 نومبر کو ہوں گے، میونسپل کمیٹیز مخصوص نشستوں پر انتخابات 10 نومبر کو ہوں گے۔

ایمزٹی وی(اسلام آباد)چیئرمین پیپلز پارٹی بلاول بھٹو نے اجلاس کے بعد میڈیا سے گفتگوکرتے ہوئے کہا کہ کشمیر کے معاملے پر تمام سیاسی جماعتیں متحد ہیں، وزیراعظم سے کہا تھا کہ یہ پاکستان کے لیے ٹرننگ پوائنٹ ہے ،ہندو قوم پرستوں کے رد عمل سے بھارت کی پوزیشن کمزور ہوئی ہے ۔

انہوں نے کہا کہ اگر متحد ہو کر بھارت کو جواب نہیں دیا تو ہماری پوزیشن کمزور ہوگی،جارحیت کے باعث بھارت اخلاقی جواز کھوچکا ہے ،سی پیک حقیقت ہے ،اس کا وژن سابق صدر زرداری نے دیا تھا ،صرف اور صرف کشمیر کے ایشو پر حکومت کا ساتھ دیا ہے،قومی یکجہتی ہوتی تو سی پیک جیسا منصوبہ متنازع نہ ہوتا ،تمام معاملات کے حل کا پلیٹ فارم پارلیمنٹ ہے،وزیراعظم نواز شریف نے خود کہا ہے کہ احتساب ہونا چاہیے،میں نہیں سمجھتا کہ حکومت احتساب بل میں رکاوٹ ڈالے گی۔

بلاول کا کہنا تھا کہ عمران خان نے بہت اچھے نکات اٹھائے ہیں،ان کا نوجوانوں کو متحرک کرنا قابل ستائش ہے لیکن جب وہ سولو فلائٹ کرتے ہیں تو دیگر پارٹیوں کے لیے مشکل ہوجاتا ہے۔

انہوں نے کہا کہ پیپلز پارٹی کامیاب اسٹریٹجک سیاست کرتی ہے ،پیپلز پارٹی بالکل احتجاج کرے گی اور اس کا حجم بھی بڑا ہوگا ، کبھی بھی جمہوریت کے خلاف کسی چیز میں شامل نہیں ہوسکتا، مسئلہ کشمیر پر پاکستانی قوم کوئی سمجھوتا نہیں کرسکتی،اچھے ، برے طالبان میں فرق نہیں کرتے ،دنیا کو بتانا ہے ہم دہشت گردی کے خلاف ہیں ۔

بلاول بھٹو نے یہ بھی کہا کہ وزیرا عظم نےخود کہا ہے کہ احتساب ہو اور وزیر اعظم سے شروع ہو، وزیر اعظم نواز شریف سے ذاتی اختلافات نہیں،بلاول بھٹونواز شریف جسے چاہیں دوست بنائیں،ان کا ذاتی معاملہ ہے،امن ذاتی سطح پر نہیں ریاستوں کے درمیان قائم ہوتاہے

ایمزٹی وی(گلگت بلتستان)صوبائی وزیر اقبال حسن نے کہا ہے کہ تعلیم جیسے پیغمبرانہ پیشے کو بدنام کرنے والے عناصر کو چوراہوں پر لٹکایا جانا چاہیے ایسے لوگ شرعی اور قانونی لحاظ سے ناقابل معاف ہیں کرپٹ عناصر کے خلاف بڑے پیمانے پر کارروائیاں ہونی چاہئیں ایک دفعہ کرپٹ عناصر کو لٹکایا جائیگا تو ہمیشہ کیلئے نظام ٹھیک ہو جائیگا اور پورا گلگت بلتستان کرپشن سے بالکل پاک صاف ہو جائیگا کے پی این سے بات چیت کرتے ہوئے انہوں نے کہا کہ نیب اور ایف آئی اے کو کرپشن میں ملوث عناصر کے خلاف سخت ایکشن لینا ہو گا، ہمارا کام اداروں کو لانا تھا ہم نے ادارے لائے ہیں اب ان اداروں کی ذمہ داری ہے کہ وہ کرپٹ عناصر کا کڑا احتساب کریں ہم نیب اور ایف آئی اے کی کارروائی میں کبھی رکاوٹ نہیں بنیں گے کرپٹ عناصر حکومتی ہو یا غیرحکومتی ان کے خلاف سخت ایکشن لیا جانا چاہیے اگر ہم نے کرپشن کے خلاف تحقیقات میں کسی قسم کی رکاوٹ ڈالنی تھی تو تحقیقاتی اداروں کو ہی گلگت بلتستان میں نہ لاتے۔

بہت افسوس کی بات ہے کہ ماضی میں محکمہ تعلیم کو تباہ و برباد کر دیا گیا اور نوکریاں لاکھوں روپے میں فروخت کی گئیں، ہم نے عوام سے وعدہ کیا تھا کہ ہم محکمہ تعلیم میں کرپشن ختم کریں گے اور نئے اضلاع کا قیام عمل میں لائیں گے ہم نے دونوں وعدے پورے کر دیئے ہیں ہم کرپشن کریں گے اور نہ ہی کسی کو کرپشن کرنے دیں گے کرپشن پر کسی سے کوئی سمجھوتہ نہیں کریں گے ہم یہ بڑے دعوے کے ساتھ کہتے ہیں کہ اس وقت گلگت بلتستان میں ایک فیصد کرپشن نہیں ہو رہی ہے ہمارے اوپر لوگوں کے کام نہ ہونے کا الزام لگ سکتا ہے لیکن ایک پیسے کی کرپشن کا الزام نہیں لگایا جا سکتا۔ انہوں نے کہا کہ محکمہ تعلیم کو کرپشن سے پاک کرنے کا پختہ عزم کر لیا ہے۔ انشاءاللہ اس محکمے میں بڑی تبدیلیاں لائیں گے اور قوم کے بچوں کے مستقبل کو محفوظ بنایا جائیگا ، ایک سوال کے جواب میں انہوں نے کہا کہ ایسا ہرگز نہیں ہے کہ سی پیک میں گلگت بلتستان کو کوئی حصہ نہیں مل رہا ہے آئینی پیچیدگیاں ہیں ان کو دور کر لیا جائیگا پھر ہمیں بھی ملک کے دوسرے حصوں کے برابر حصہ مل جائیگاانہوں نے کہا کہ تمام اراکین اسمبلی چاہتے ہیں کہ سکردو روڈ بنے کوئی رکن اسمبلی روڈ کی مخالفت نہیں کر رہا انشاءاللہ روڈ ہر صورت میں بنے گا عوام ہمیں مسائل کے حل کیلئے تھوڑا وقت دیں کیونکہ ہمارے مسائل بہت ہی پیچیدہ ہیں ان کے حل کیلئے وقت درکار ہے 

ایمزٹی وی (تعلیم)آئی سی سی بی ایس جامعہ کراچی کے زیرِاہتمام تقسیم اسناد کی ایک تقریب منعقد کی گئی۔ تقریب سے خطاب کرتے ہوئے ماہرین کا کہنا تھا کہ تربیت یافتہ افرادی قوت سے پاکستان کی مطلوبہ تعمیر وترقی ممکن ہے ،موجودہ دنیا میں اب صرف قدرتی وسائل ہی ترقی کا وسیلہ نہیں ہیں ،تعلیم اورنئی دریافتوں نے انسان کے جینے کااندازبدل دیاہے ، تعلیم افرادی قوت کے لئے سرمایہ کاری کی صورت ہے جس کے نتائج اعلیٰ پیداواری صلاحیت کی صورت میں سامنے آتے ہیں،بین الاقوامی مرکزبرائے کیمیائی وحیاتیاتی علوم (آئی سی سی بی ایس) جامعہ کراچی افرادی قوت کی تربیت کے لئے سرگرم عمل ہے تاکہ ملک ترقی کرسکے جبکہ اس مقصد کے حصول کے لئے سمر انٹرن شپ پروگرام ایک وسیلہ ہے جس کے تحت طالب علموں کوسائنسی تربیت دینااوراعلیٰ سائنسی مستقبل کی طرف متوجہ کرناہے -

تقریب سے اعلیٰ تعلیمی کمیشن پاکستان کے سابق سربراہ اورسابق وزیربرائے سائنس اورٹیکنالوجی پروفیسرڈاکٹرعطاالرحمن،آئی سی سی بی ایس جامعہ کراچی کے سربراہ پروفیسرڈاکٹرمحمداقبال چوہدری، نجی بینک کے سربراہ عاطف باجوہ اورڈاکٹرپنجوانی سینٹربرائے مالیکیور میڈیسن اورڈرگ ریسرچ جامعہ کراچی کی سائنسدان اورسمر انٹرن شپ پروگرام کی منتظم ڈاکٹرعصمت سلیم نے خطاب کیا۔ پروفیسرعطا الرحمن نے کہا طالب علموں کو سیکھنے کے عمل سے عشق ہوناچاہیے ،یہ حکمت ودانائی بڑھانے کاسب سے معتبراورمستندوسیلہ ہے ،ایک داناشخص سیکھنے کاعمل کبھی ترک نہیں کرتا ہے ۔ ڈاکٹراقبال چوہدری نے کہاکہ پاکستان قدرتی وسائل کاحامل ہونے کے باوجود مطلوبہ ترقی سے محروم ہے۔