ایمز ٹی وی ( تعلیم) تین سائنس دانوں نے مادے کی غیرمعمولی حالتوں پر کام کرکے طبیعات کا نوبل انعام مشترکہ طور پر اپنے نام کر لیا۔ طب میں جاپانی محقق یوشینوری اوسومی انسانی خلیاتی نظام پر کام کرکے نوبل انعام کے حق دار قرار پائے ہیں ۔

طبیعات میں نوبیل انعام حاصل کرنے والے سائنسدانوں میں برطانوی نژاد ڈیوڈ تھولیس، ڈنکن ہالڈین اور مائیکل کوسٹر لیٹز شامل ہیں، مادے کی غیرعمومی حالتوں مثلاً سپر کنڈکٹرز سے متعلق تحقیق پر تینوں سائنسدانوں کو انعام کا حقدار ٹھہرایا گیا ہے۔
نولاکھ تیس ہزار ڈالر کی انعامی رقم آدھی ڈیوڈ تھولیس کو باقی آدھی رقم ڈنکن ہلڈین اور مائیکل کوسٹر لٹیز میں برابر تقسیم کی جائیگی، گذشتہ روز طب کا نوبیل انعام جاپانی محقق یوشینوری اوسُومی کو دینے کا اعلان کیا گیا، یوشینوری نے خلیات میں موجود جسم کو تندرست رکھنے والے نظام پر تحقیق کی ہے۔

ایمز ٹی وی (تعلیم) پشاور یونیورسٹی کے اساتذہ نے نو دن سے جاری کلاسوں کا بائیکاٹ ختم کرنے کا اعلان کر دیاہے۔ بائیکاٹ ختم کرنے کا فیصلہ پشاور ٹیچرز ایسوسی ایشن کی جنرل باڈی اجلاس میں کیا گیا تھا۔

اجلاس کی صدارت ڈاکٹر جمیل چترالی نے کی اور اجلاس میں فیصلہ کیا گیا کہ پشاور یونیورسٹی کے تمام شعبہ جات اور ملحقہ کالجز میں کلاسز بدھ سے معمول کے مطابق ہوں گی۔

پشاور یونیورسٹی کے اساتذہ نے مطالبات کے حق میں گزشتہ پیر سے کلاسزکا بائیکاٹ شروع کیا تھا۔

ایمزٹی وی(اسلام آباد) امریکا میں متعین پاکستانی سفیر جلیل عباس جیلانی نے امریکی صدر کے نمائندہ خصوصی رچرڈ اولسن کو مقبوضہ کشمیرمیں بھارتی مظالم کے دستاویزی ثبوت دے دیئے۔

تفصیلات کے مطابق امریکا میں متعین پاکستانی سفیر جلیل عباس جیلانی نے امریکی صدر کے نمائندہ خصوصی برائے پاکستان و افغانستان رچرڈ اولسن سے ملاقات کی جس میں رچرڈ اولسن کو مقبوضہ کشمیرمیں بھارتی مظالم کے دستاویزی ثبوت پیش کیے گئے، ثبوتوں اورڈوزیئرمیں مقبوضہ کشمیر میں بھارت کی انسانی حقوق کی خلاف ورزیوں کی تفصیلات شامل ہے۔

رچرڈ اولسن سے ملاقات کے دوران جلیل عباس جیلانی کا کہنا تھا کہ حق خود ارادیت کشمیریوں سے اقوام متحدہ کا وعدہ ہے لہذا بھارت اس سے انکار نہیں کر سکتا۔عالمی برادری اور امریکا مقبوضہ کشمیر میں بھارتی مظالم کا نوٹس لے، امریکا عالمی انسانی حقوق اور امدادی تنظیموں کو مقبوضہ کشمیر تک رسائی دلوائے اور بھارت پر کشمیریوں کے خلاف ریاستی دہشت گردی بند کرنے پر زور دے۔ پاکستان کشمیریوں کی اخلاقی، سیاسی اور سفارتی حمایت جاری رکھے گا۔

ایمزٹی وی(کوئٹہ)سپریم کورٹ میں سانحہ سول اسپتال سے متعلق ازخود نوٹس کیس کی سماعت سپریم کورٹ کوئٹہ رجسٹری میں چیف جسٹس انورظہیرجمالی کی سربراہی میں 3 رکنی بنچ نے کی۔کیس کی سماعت کے حوالے سے چیف سیکرٹری،آئی جی پولیس اور ایم ایس سول اسپتال نے سانحہ سے متعلق رپورٹس پیش کیں تو عدالت نے ایڈووکیٹ جنرل سے کہا کہ وہ انکوائری رپورٹ پڑھ کر سنائیں، رپورٹ میں واضح لکھا گیا ہے کہ ایم ایس نے تعاون نہیں کیا،رپورٹ کے بعد ایم ایس ابھی تک معطل کیوں نہیں ہوا،وہ جرم کا مرتکب ہوا ہے۔اسے فوری معطل کرنا چائیے تھا، ایم ایس کو آپ ہٹا رہے ہیں،یا ہم نکالیں؟۔ان کا یہ بھی کہناتھا کہ سول اسپتال کے سیکورٹی گارڈز کے پاس اسلحہ تک نہیں تھا،ڈاکٹرز کی لسٹ مانگی تھی، ایم ایس نے اپنے پاس کیوں رکھی ہوئی تھی.

اسپتال میں ٹراما سینٹر کے حوالے سے عدالت نے ریمارکس دئیے کہ وہ خود ٹراماسینٹر دیکھ کر آئے ہیں، وہاں سوئی تک نہیں،الٹرا ساونڈ روم میں 6 کمپیوٹرز تھے،انتظار گاہ میں کرسیاں ہی نہیں تھیں، اس طرح دھوکہ نہیں دیا جا سکتا۔اس پر چیف جسٹس نے ریمارکس دئیے کہ گزشتہ ماہ کی 20 تاریخ کر ٹراما سینٹر کی فعالی کا حکم دیا تھا،ابھی تک کیوں غیر فعال ہے۔

ایک موقع پر عدالت نے چیف سیکرٹری سے استفسار کیا کہ سیکرٹری صحت کیڈرکی پوسٹ ہے تو نان کیڈر کو کیوں لگایاگیا، جس پر چیف سیکرٹری نے کہا کہ ہم نوٹیفکیشن کی سمری وزیر اعلیٰ کو بھجواتے ہیں، اس پر عدالت کے ریمارکس تھے کہ کیوں نہ ہم آپ کو توہین عدالت کا نوٹس بھجوائیں۔چیف جسٹس نے استفسار کیا کہ جب ٹراماسینٹر میں سامان ہی تیار نہیں تھا تو افتتاح کی کیا ضرورت تھی۔عدالت کے ریمارکس تھے کہ ٹراما سینٹرتب تک فعال نہیں ہوسکتا جب تک سارا سامان مکمل نہیں ہوتا،جس پر سیکرٹری صحت نےٹراماسنٹرکی مکمل بحال نہ ہونے کے باوجود افتتاح کئے جانے پر معذرت کرلی۔عدالت کے ریمارکس تھے کہ آپ کے پاس صرف ایک میڈیکل سیل ہے جو محض دکھاوا ہے.

عدالت نے یہ استفسار بھی کیا کہ چیف سیکرٹری اور پولیس کی رپورٹ میں ڈپٹی کمشنراور ضلعی انتظامیہ کاذکرنہیں،ان کاکیاکردارہے،ڈی سی کہاں تھے۔ کون ہیں اور اس وقت وہ کہاں ہیں؟، ڈی سی،سیکرٹری صحت،کمشنر بتائیں کہ انہوں نے اتنے اشتہارات کیوں لگوائے؟اس دوران عدالت کی طلبی پر کمشنر اور ڈپٹی کمشنر کوئٹہ بھی عدالت میں پیش ہوئے اور انہوں نے اپنے بیان ریکارڈ کرائے،سماعت کے دوران آئی جی پولیس کی درخواست پر واقعہ کی تفتیش سے متعلق آن کیمرہ بریفنگ کی اجازت دے دی۔

یمزٹی وی(اسلام آباد)وزیراعظم میاں نوازشریف کی زیر صدارت نیشنل ایکشن پلان پر عملدرآمد کاجائزہ لینے کیلئے اجلاس ہوا،جس میں قومی اور صوبائی سطح پر نیشنل ایکشن پلان پر عملدرآمد کی رفتار تیز کرنے کیلئے تعاون پر اتفاق کیا گیا،قومی ایکشن پلان کے اہداف کے بروقت حصول کیلئے مستقبل کے لائحہ عمل اور دشمن کے مذموم عزائم ناکام بنانے کیلئے انٹیلی جنس اداروں کی استعداد کار بڑھانے پر اتفاق کیا گیا،اجلاس میں سیکیورٹی فورسز کی قربانیوں کو خراج عقیدت پیش کرتے ہوئے وفاقی اور صوبائی انٹیلی جنس اداروں کی خدمات کو سراہا گیا،وزیراعظم میاں نوازشریف نے کہا ہے کہ دہشتگردی کیخلاف جنگ ہمارے بقاء کی جنگ ہے،ہم نے ہر قیمت پر نیشنل ایکشن پلان پر عملدرآمد یقینی بنانا ہے،ملک سے دہشتگردی اور انتہاپسندی کا خاتمہ حکومت کی اولین ترجیح ہے،سیکیورٹی اداروں کے عزم اور قربانیوں سے امن امان قائم ہوا،قوم دہشتگردی اور انتہا پسندی کے مکمل خاتمے کیلئے ہم سے توقعات رکھتی ہے،ہم ہر صورت میں قوم کی توقعات پر پورا اتریں گے۔

اس موقع پر ناصر خان جنجوعہ نے اجلاس کو بتایا کہ نیشنل ایکشن پلان پر عملدرآمد کیلئے صوبوں کا کردار اہم ہے،قومی ایکشن پلان کی تکمیل کیلئے قومی جذبے کے تحت کام کرنا ہوگا،اس موقع پر اجلاس میں قومی ایکشن پلان کے اہداف کے بروقت حصول کیلئے مستقبل کے لائحہ عمل پر اتفاق کیا گیا۔اجلاس کے شرکاء نے دہشتگردی کے خلاف جنگ میں سیکیورٹی فورسز کی قربانیوں کو خراج عقیدت پیش کیا۔اجلاسے کے شرکاء نے واضح کیا کہ انٹیلی جنس اداروں نے دہشتگردوں کی کئی کوششوں کو ناکام بنایا۔ اس پر شرکاء نے وفاقی اور صوبائی انٹیلی جنس اداروں کی خدمات کو سراہا۔اس موقع پر وزیراعظم کے سیکرٹری نے انسداد جرائم کے نظام میں اصلاحات پر شرکاء کو پریزینٹیشن دی،تحقیقات،استغاثہ عدالتی طریقہ کار میں اصلاحات سے متعلق تجاویز پیش کیں۔اجلاس کے شرکا نے اہداف کے حصول کیلئے وفاقی اور صوبائی حکومتوں میں مربوط راوبط کی ضرورت پر زور دیا اور دشمن کے مذموم عزائم کو ناکام بنانے کیلئے انٹیلی جنس اداروں کی استعداد کار بڑھانے پر اتفاق کیا گیا۔

اجلاس میں گورنرخیبرپختونخوااقبال ظفر جھگڑا،وزیراعلیٰ پنجاب شہباز شریف،وزیراعلیٰ سندھ مراد علی شاہ،وزیراعلیٰ خیبرپختونخوا پرویز خٹک،وزیراعلیٰ بلوچستان ثناء اللہ خان زہری،وزیراعلیٰ گلگت بلتستان حافظ حفیظ الرحمان،وفاقی وزیرخزانہ سینیٹر اسحاق ڈار،وفاقی وزیرداخلہ چوہدری نثار علی خان،وزیراطلاعات و نشریات پرویز رشید،چیف آف آرمی سٹاف جنرل راحیل شریف،وزیراعظم کے مشیر طارق فاطمی،وزیراعظم کے مشیر برائے قومی سلامتی امور لیفٹیننٹ جنرل (ر)ناصرخان جنجوعہ،ڈی جی آئی ایس آئی لیفٹیننٹ جنرل رضوان اختر،سیکرٹری خارجہ اعزاز احمد چوہدری،ڈی جی آئی بی آفتاب سلطان، فواد حسن فواد،ڈی جی ایم او میجرجنرل شیرشمشاد مرزا اور ڈی جی ایم آئی میجر جنرل ندیم زکی نے شرکت کی۔

ایمز ٹی وی (کوئٹہ)کوئٹہ اور اندرون صوبہ فائرنگ کے مختلف واقعات میں 4افراد جاں بحق اور5زخمی ہوگئے،کوئٹہ درویش آباد کے علاقے سے 7افغان باشندوں سمیت 19مشتبہ افراد کو گرفتار کر کے اسلحہ بر آمد کر لیا گیا،

پولیس کے مطابق پیر کو اوستہ محمد کے علاقے ڈنب شاخ میں نامعلوم مسلح افراد نے فائرنگ کر کے فدا حسین کو قتل کردیااور فرار ہوگئے ،لورالائی مرغی خانہ محلّہ میں نا معلوم افراد نے فائرنگ کر کے خاتون انیسہ کو قتل کر دیا اور اس کے شوہر نعیم کو زخمی کردیا،خضدار کے علاقے سراپ میں مسلح افراد کی فائرنگ سے گل محمد جاں بحق ہو گیا ،آواران کے علاقے سے پولیس کو اختر کی لاش ملی جسے مبینہ طور پر فائرنگ کر کے قتل کیا گیا تھا، سوئی میں فائرنگ سے قمر الدین زخمی ہوگیا ،مچھ کوئلہ کان کے علاقے میں نامعلوم افراد نے ڈنڈوں سے حملہ کر کے تین بھائیوں محمد حسن،کرم خان اور کریم بخش کو زخمی کر دیا جنہیں ہسپتال منتقل کر دیا گیا ،کوئٹہ ایئر پورٹ کے علاقے درویش آباد میں ایس پی صدر احمد فراز،ایس ایچ او ایئر پورٹ پولیس اس ٹیسن شوکت جدون نے کاروائی کرتے ہوئے 7افغان باشندوں سمیت 19مشتبہ افراد کو گرفتار کر کے اسلحہ برآمد کر لیا،دشت لیویزنے قتل کے مقدمے میں مطلوب 3ملزمان اللہ داد،نوازاور شاہنواز کو گرفتار کرلیا گیا،مچھ کے مقام پر ٹکا خان کو گرفتار کر کے 5کلو20گرام چرس بر آمد کر لی

ایمز ٹی وی (گلگت)ضلعی انتظامیہ نے مجلس وحدت المسلمین کے سربراہ علامہ راجہ ناصر عباس جعفری،اہل سنت والجماعت کے سربراہمولانا احمد لدھیانوی سمیت 5علماءکے گلگت داخلے پر پابندی لگادی گئی ۔ڈپٹی کمیشنر گلگت محمد حمزہ سالک جو ضلع مجسٹریٹ بھی ہیں کہ جانب سے جاری ہونے والے ایک نوٹیفیکیشن کے مطابق گلگت شہر میں امن وامان کی صورتحال برقرار رکھنے کی غرض سے پنجاب سے تعلق رکھنے والے مولانا محمد احمد لدھیانوی،مولانا مسعود الرحمن عثمانی،علامہ راجہ ناصر عباس جعفریاسلام آباد سے مولاناآصف وعثمان جبکہ کراچی سے تعلق رکھنے والے مولانااورنگ  فاروقی پر ضلع گلگت میں اگلے پیتالیس دن تک داخل ہونے پر پابندی لگادی ہے اور اس پابندی کا اطلاق یکم اکتوبر سے ہوگا اور 15نومبر تک یہ پابندی سیکشن 5(1)Aکے تحت حاصل اختیارات استعمال کرتے ہوئے لگادی ہے۔ان علماءپر اضلع گلگت میں داخلے پر پابندی محرم الحرام کے دوران امن وامان برقرار رکھنے کیلئے لگادی ہے۔

ایمز ٹی وی(گلگت)سکردو انتظامیہ اور پولیس نے شہر میں کتے کے گوشت کی فروخت کے معاملے کی تحقیقات شروع کردی ہے انتظامیہ کو خفیہ اداروں نے اطلاع دی تھی کہ سکردو میں کتے کا گوشت فروخت ہونے کا انکشاف ہوا ہے اور سندوس سے کتے کی کھال،ٹانگیں اور سربوری میں بند کئے ہوئے مل گئے ہیں بوری میں چھپا ئے ہوئے کھال ،ٹانگوں اور کتے کے سرسے شبہ ہوتا ہے کہ کتے کو باقاعدہ ذبح کیا گیا ہے اور گوشت فروخت کیا گیا ہے

خفیہ اداروں کے اہلکاروں نے سندوس کے علاقے میں نالے کے کنارے سے برآمدہونے والے کتے کے سر،ٹانگوں اور کھال کی تصاویر بھی بنائی ہیں ،دوسری جانب سکردوشہر میں کتے کے گوشت کی فروخت کے انکشافات کے بعدشہری سخت پریشان ہیں۔