ایمزٹی وی(مظفرآباد) بھارتی فوج کی جانب سے ایک بار پھر لائن آف کنٹرول کی خلاف وزری کی گئی جب کہ پاک فوج کی جانب سے بھی بھارتی جارحیت کا بھرپور جواب دیا گیا۔

پاک فوج کے شعبہ تعلقات عامہ آئی ایس پی آر کے کے مطابق بھارتی فوج کی جانب سے لائن آف کنٹرول پر صبح 4 بجے سے فائرنگ کا سلسلہ وقفے وقفے سے جاری ہے، بھارتی فوج کی جانب سے افتخار آباد سیکٹر میں بلا اشتعال فائرنگ کی گئی جس کا پاک فوج کی جانب سےمنہ توڑ جواب دیاگیا۔ دوسری جانب ذرائع کا کہنا ہے کہ بھارتی فوج کی جانب سے کسی جانی نقصان کی اطلاعات موصول نہیں ہوئی ہیں۔

واضح رہے کہ بھارتی فوج کی جانب سے گزشتہ 5 روز میں تیسری بار لائن آف کنٹرول پر سیز فائر کی خلاف ورزی کی جا چکی ہے، پہلے بھارتی فوج نے پونچھ بٹل سیکٹر میں بلا اشتعال فائرنگ کر کے پاک فوج کے دو جوانوں کو شہید کیا اور دو روز قبل بھی بھارتی فوج کی جانب سے ایل او سی کی خلاف ورزی کی گئی۔

پاک فوج کی جانب سے بھی بھارتی خلاف ورزی کا بھرپور جواب دیا گیا اور ترجمان پاک فوج کے مطابق پاکستان کی جوابی کارروائی میں بھارت کا کافی جانی و مالی نقصان ہوا۔ ان کا کہنا تھا کہ یہ پاک فوج ہے، کوئی سرحد پار کر کے 5 کلو میٹر اندر آ جائے اور بچ کر دکھائے۔

ایمز ٹی وی (کراچی ) انجمن اساتذہ عبد الحق کیمپس ہنگامی اجلاس میں ایچ ای سی کی جانب سے اردو یونیورسٹی کے قائم مقام وائس چانسلر ڈاکٹر سلیمان ڈی محمد کی ڈگری کو عالمی سرقہ قرار دینے اور قومی اسمبلی کی پبلک اکاﺅنٹس کمیٹی کی جانب سے ان کے خلاف مقدمہ درج کرنے اور ان کی بر طرفی کے احکامات پر گہری تشویش کا اظہار کرتے ہوئے صدر پاکستان اور وفاقی اردو یونیورسٹی کے چانسلر ممنون حسین سے اپیل کی ہے کہ وہ اس معاملے میں فوری طور پر مداخلت کریں، تحقیقات جلد مکمل کروائیں اور یونیورسٹی میں طویل عرصے سے جاری انتظامی بحران کے دیرپا حل کے لئے اپنا آیئنی کردار ادا کریں۔

انجمن اساتذہ عبد الحق کیمپس کا اجلاس صدر ڈاکڑ اسمائیل موسیٰ کی زیر صدارت منعقد ہوا ، جس میں جنرل سیکرٹری ڈاکٹر عرفان عزیز، خازن اقرار قریشی، سینیٹر اردو یونیورسٹی پر وفیسر نجم العارفین، نامزد کمیٹی کے رکن پروفیسر ناصر عباس ، ڈین فیکلٹی آف اسلامک لرننگ پروفیسر عبد الغفور، ڈین فیکلٹی تعلیمات پروفیسر اشرف خرم، چیئر مین شعبہ اسلامیات پروفیسر صادق بلوچ، صدر شعبہ نفسیات پروفیسر شاہین اختر، صدر شعبہ اسلامک ہسٹری پروفیسر عبدالرحمان،صدر شعبہ تجارت پروفیسر اقبال نقوی، پروفیسر زین العابدین اور دیگر نے شرکت کی۔

ایمزٹی وی(اسلام آباد) وزیراعظم نواز شریف کی زیرصدارت سیاسی قائدین کا اجلاس آج ہو رہا ہے جس میں لائن آف کنٹرول پر بھارتی فوج کی جانب سے بلا اشتعال فائرنگ کے بعد کی صورتحال اور آئندہ کے ردعمل پر تبادلہ خیال کیا جائے گا۔

وزیراعظم نواز شریف کی زیرصدارت ہونے والے اجلاس میں شرکت کے لئے سیاسی جماعتوں کے رہنماؤں کی آمد کا سلسلہ جاری ہے۔

پاکستان تحریک انصاف کی جانب سے شاہ محمود قریشی اور شیریں مزاری جب کہ پیپلز پارٹی کی جانب سے بلاول بھٹو، خورشید شاہ اور اعتزاز احسن اجلاس میں شرکت کریں گے۔ اس کے علاوہ اجلاس میں محمود خان اچکزئی،غلام احمد بلور، میرحاصل بزنجو، سراج الحق، پرویز الہٰی چوہدری شجاعت حسین، مولانا فضل الرحمان، فاروق ستار اور پارلیمنٹ میں فاٹا کے پارلیمانی رہنما بھی شریک ہوں گے۔

سیکرٹری خارجہ اعزاز احمد چوہدری اجلاس میں تمام جماعتوں کو ایل او سی پر ہونے والی بھارتی جارحیت سے متعلق تفصیلی بریفنگ دیں گے جب کہ مسلح افواج کی جوابی کارروائی کے حوالے سے بھی اراکین کو آگاہ کیا جائے گا۔ اجلاس میں تمام سیاسی جماعتوں کے قائدین ملک کی موجودہ صورتحال پر اپنی آراء کا اظہار کریں گے۔

حکومت کی جانب سے کانفرنس میں عوامی مسلم لیگ کے سربراہ شیخ رشید احمد کو دعوت نہیں دی گئی جس پر عمران خان نے شدید ناراضگی کا اظہار کیا اور اپنی ٹویٹ میں کہا کہ شیخ رشید کے ساتھ جو امتیاز برتا گیا وہ ایک تنگ نظر اور عدم برداشت پر مبنی ذہنیت کو ظاہر کرتا ہے جس سے قومی اتفاق رائے پیدا نہیں ہوسکتا۔

ایمزٹی وی(لاہور) آرمی چیف جنرل راحیل شریف کا کہنا ہے کہ ایل او سی اور ورکنگ باؤنڈری پر فوج تیار ہے دشمن کی کسی بھی جارحیت کا منہ توڑ جواب دیا جائے گا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے لاہور گیریژن میں فوج کے تربیتی مرکز کا دورہ کیا، آرمی چیف کے ہمراہ کورکمانڈر لاہور لیفٹیننٹ جنرل صادق علی بھی تھے۔
آرمی چیف جنرل راحیل شریف نے تربیتی مرکز میں افسروں اور جوانوں سے ملاقات کی اور ان کا کہنا تھا کہ لائن آف کنٹرول اور ورکنگ باؤنڈری پر کڑی نظر رکھے ہوئے ہیں پاک فوج کسی بھی جارحیت کا مقابلہ کرنے کے لئے ہروقت تیار ہیں ۔
سربراہ پاک فوج کا کہنا تھا کہ پاکستان کو کسی بھی منفی پروپیگنڈے کے ذریعے بدنام اور دباؤ میں نہیں لایا جاسکتا، دشمن کی کسی بھی مہم جوئی کا منہ توڑ جواب دیا جائے گا۔

ایمزٹی وی(کوئٹہ) بلوچستان میں علیحدگی پسند تحریک کو ہوا دینے والے بھارت کیخلاف صوبے کے محب وطن عوام نے ’بھارت مردہ باد‘ ریلی نکالی جس دوران مودی کا پتلا اور بھارتی ترنگا بھی نذرآتش کیاگیا۔
ذرائع کے مطابق لائن آف کنٹرول پربھارتی جارحیت کیخلاف قلات اور بلوچستان کے دیگر علاقوں سے نکلنے والی ریلیاں کوئٹہ پریس کلب کے سامنے پہنچ کر ختم ہوگئیں ،گاڑیوں ، موٹرسائیکل اور سائیکلوں پر سوار ریلیوں کے شرکاءبھارت مردہ باد ، مودی مردہ باد کے نعرے لگاتے رہے ۔

ایمز ٹی وی (کھیل) قانونی چپقلش کے سبب بھارتی کرکٹ بورڈ پر معطلی کا خطرہ منڈلانے لگا ہے، اگر سپریم کورٹ نے لودھا کمیٹی کی سفارشات قبول کرلیں تو آئی سی سی، بی سی سی آئی پر پابندی عائد کر سکتی ہے۔

لودھا پینل کی سفارشات میں کہا گیا تھا کہ بھارتی بورڈ ہر قدم پر اصلاحات کیلیے رکاوٹ کھڑی کرتا تھا،وہ عدالت کی جانب سے جاری کیے گئے احکامات کی کھلی خلاف ورزی کررہا ہے، پینل نے صدر انوراگ ٹھاکر سمیت بورڈ کے اعلیٰ حکام کیخلاف کارروائی کی سفارش بھی کی تھی، یاد رہے کہ آئی سی سی قوانین کی شق 2.9 کے مطابق کسی بھی بیرونی حکومتی یا سیاسی مداخلت کی صورت میں کونسل ایکشن لینے کی مجاز ہے۔ بدھ کو سپریم کورٹ نے احکامات پر عمل نہ کرنے پر بی سی سی آئی کو شدید تنقید کا نشانہ بناتے ہوئے کہا تھا کہ ہم عمل درآمد کروانا جانتے ہیں، بہتر ہے کہ بورڈ خود سدھر جائے یا ہم سدھاریں گے۔

عدالت نے بی سی سی آئی کو لودھا پینل سفارشات کی تعمیل نہ کرنے کے حوالے سے اپنا جواب دینے کیلیے 6 اکتوبر 2016 تک مہلت دی ہے، ممکنہ طور پر عدالتی حکم نامے کی روشنی میں اسی دن بورڈ کی قسمت کا فیصلہ بھی ہو گا۔

ایمز ٹی وی (کھیل) لاہور قلندرز جاز رائزنگ اسٹارز کرکٹ ٹورنامنٹ کی سیمی فائنل لائن اپ مکمل ہو گئی ہے۔ دونوں سیمی فائنلز آج کھیلے جائیں گے۔

پہلے سیمی فائنل میں راولپنڈی کا مقابلہ فیصل آباد سے ہوگا، جبکہ دوسرے میں گجرانوالہ اور لاہور کی ٹیمیں مدمقابل ہوں گی۔

قذافی اسٹیڈیم لاہور میں آخری روز ملتان نے سرگودھا کو پانچ رنز سے ہرادیا، ملتان نے 176رنز اسکور کیے تھے۔ سرگودھا رائزنگ اسٹارز نے دلچسپ مقابلہ کیا، لیکن 5رنز کی کمی سے شکست کھاگئے۔

ایونٹ کے دونوں سیمی فائنل آج کھیلے جائیں گے۔پہلے سیمی فائنل میں راولپنڈی کا مقابلہ فیصل آباد سے ہوگا، دوسرے سیمی فائنل میں گجرانوالہ اور لاہور کی ٹیمیں مدمقابل ہوں گی۔

ایمزٹی وی(تعلیم/ اسلام آباد) فاطمہ جناح ویمن یونیورسٹی نے نیب اسلام آباد کے تعاون سے بدعنوانی سے اِنکار پر لیکچر کا اِنعقاد کیا ۔

عالیہ رشید ڈائریکٹر جنرل نیب مہمانِ خصوصی تھیں انہوں نے اینٹی کرپشن مہم میں شامل ہونے کے لئے خواتین کے کردار پر زور د یتے ہوئے کہا کہ عورت اپنے مالیاتی سماجی دبائو کو کم کر کے بڑھتی ہوئی کرپشن کا خاتمہ کر سکتی ہے ۔ کرپشن سے پاک معاشرے کے لئے عورت کا با شعور اور بیدار ہونا ضروری ہے ۔

اس موقع پر ڈ اکٹر ثمینہ قادر وائس چا نسلر ـفاطمہ جناح ویمن یونیورسٹی نے بھی خطاب کیا ۔

ایمز ٹی وی (پشاور) خیبر پختونخواحکومت کے اصلاحاتی ایجنڈے کو عوام تک پہنچانے کیلئے صوبہ بھر میں بل بورڈز کی تیاری کا کام بہت جلد شروع کر دیا جائیگا۔اس ضمن میں متعلقہ محکموں کااجلاس ایڈشنل سیکرٹری اطلاعات و تعلقات عامہ محمد بشیر خان مروت کی زیرصدارت ان کے دفتر میں منعقدہ ہوا جس میں ڈائریکٹراطلاعاتو تعلقات عامہ خیبر پختونخواشعیب الدین اور ڈپٹی ڈائریکٹر اطلاعات فرووس خان کے علاوہ ابتدائی و ثانوی تعلیم،پشاور ڈویلپمنٹ اتھارٹی ،پولیس اور صحت کے نمائندے نے شرکت کی۔اجلاس میں صوبائی حکومت کے مزکورہ اہم شعبوں میں اٹھانے والے نمایاں اقدامات کوبل بورڈ کی تشہیری کے ذریعے عوام تک پہنچانے کے سلسلہ میں مختلف امور پر غور و حوض ہوا اور مقرہ وقت میں اس منصوبہ کو مکمل کرنے کیلئے ہر پہلو سے جائزہ لیا گیا ۔

اجلاس میں سارے متعلقہ محکموں کی مشاورت سے متعدد فیصلے کئے گئے جس کے مطابق صحت ،پولیس ،اعلیٰ تعلیم اور ابتدائی و ثانی تعلیم کے محکمے پہلے مرحلہ میں ڈویژ نل ہیڈ کوارٹرزمیں بل بورڈز کی تعصب کیلئے 2،نمایاںاور موزوں مقامات کی نشاندہی کرکے محکمہ اطلاعات اور پشاور ڈویلپمنٹ اتھارٹی کو ارسال کریں گے اور اس منصوبے کا آغاز سب سے پہلے صوبائی صدر مقام پشاور سے کیا جائیگا۔اس منصوبے کو چار ماہ کے مختصر عرصہ میں پایہ تکمیل تک پہنچایا جائےگا۔اجلاس کو بتایا گیا کہ بل بورڈز کی تیاری کے ٹینڈرہوچکے ہیں اور ٹھیکہ آئندہ چند دنوں میں دینے کے بعد ان بل بورڈز کی تیاری کاکام شروع ہو جائیگا۔

ایمز ٹی وی ( کوئٹہ) جمعیت علمااسلام نظریاتی کے قائدین نے کہا کہ حکومت پاکستان اور آرمی چیف بھارت کے خلاف فوری طور پر اعلان جہاد اور امریکہ کی نام نہاد دہشتگردی مہم سے علیحدگی اختیار کریں، تحریک طالبان افغانستان کے سابق امیر ملابرادر سمیت بلوچستان کے صوبائی امیر مولانا عبدالقادر لونی ، قاری مہر اللہ ، مولانا محموالحسن قاسمی، سید عبدالستار چشمی،ملک امان اللہ ، مولانا عبدالستار آزادی، مولانا ابراھیم قاسمی ، مولوی رحمت اللہ حقانی ،سیف الدین، مولوی عمر شاہ ، مولانا عبدالرحیم ، مولانا نیاز محمد، عبید اللہ نادر خان، حاجی عبدالقیوم ، مولوی عبدالقادر اور دیگر نے میزان چوک پر انڈیا مردہ باد ریلی کے بعد جلسہ عام سے خطاب کرتے ہوئے کہا،

صدارت قاری مہر اللہ نے کی اس سے قبل ضلعی دفتر سے انڈیامردہ باد ریلی نکالی گئی جو مختلف شاہراہوں سے ہوکر میزان چوک پر بڑے جلسہ میں تبدیل ہوگی ،عوام نے ریلی کا خیر مقدمی نعروں سے استقبال کیا ، قائدین نے کہا کہ پاکستان کوئی لقمہ نہیں نہ ہی کوئی کمزور ملک ہے۔جس سے بھارت اور مودی جیسی دھمکیوں سے مر عوب ہوگا بلکہ پاکستان مجاہدین اسلام اور شیروں کا ملک ہے اور ایٹمی قوت ہے

پاکستان کے خلاف بھارت نے کوئی جارحیت کی تو اعوام اپنے افواج کے ساتھ ہونگے اور بھارت کو ایسا سبق سکھائیں گے جو ہندو کا بچہ بچہ یاد رکھے گا انہوں نے کہا کہ آج ہماری غلط پالیسوں کی وجہ سے بھارت ہم پر حملہ کی باتیں کرتا ہے انہوں نے کہا کہ کشمیر کمیٹی اخراجات مراعات اور پروٹوکول کے حصول تک محدود ہے اور مفلوج ہر چکی ہے اس پر آزاد حریت رہنما کو چیئر مین بنا یا جا ئے انہون نے کہا کہ

بھارتی درند گیت پر عالمی قوتوں کی خاموشی لمحہ فکریہ ہے اب تک سیکڑوں کشمیروں کو شہید خواتین کی عصمت دری بوڑھوں اور عورتوں کو معاف نہیں کیا گیا 90دن سے کر فیو سے خوراک اور ادوےات کی کمی کے باعث مظلوم کشمیروں کی جانوں سے کھیلا جا رہا ہے بھارت نے امریکہ کے بل بوتے پر کشمیریوں پر مظالم کی انتہا کر دی ، انہوں نے کہا کہ طالبان کی اسلامی حکومت میں بھارت کا کوئی سفار تخانہ تھا ، اگر مودی نے جنگ کا اعلان کیا تو پھر ہندوستان صفحہ ہستی پر نہیں رہے گا نہ صرف کشمیر بلکہ پاکستان بن جائے گا ، انہوں نے کہا کہ چیف آف آرمی اسٹاف اور وزیر ا عظم کشمیر پر انٹر نیشنل کا نفرنس طلب کریں