سکھر: ای ٹرانسفر پالیسی اور آئی ٹی ڈیٹا سینٹر کے حوالےسے ایک میٹنگ وزیر تعلیم سید سردار علی شاہ کی صدارت میں منعقد ہوئی۔

اجلاس میں ڈائیریکٹر آئی ٹی سینٹر تحسین فاطمہ نےنے ای ٹرانسفر پالیسی اور آئی ٹی ڈیٹا سینٹر کی مجموعی پیش رفت کے حوالے سے تفصیلی بریفنگ دی۔

اس حوالے سے وزیرتعلیم سندھ سردار علی شاہ اور سیکریٹری غلام اکبر لاغاری سندھ ایجوکیشن اینڈ لٹریچر ڈیپارٹمنٹ نےڈیٹا سینٹرکی ٹیم کی کوششوں کو سراہا اوربلخصوص ای ٹرانسفر کے ڈیٹا کو ڈیجیٹل کرنے کے حوالے سے مزید بہتری لانے کے لیے ضروری اقدامات کئے جائیں اس سلسلے میں فیلڈ افسران کی میٹنگ جلد طلب کی جائے گی۔

انہوں نے فیلڈ سے اساتذہ کے موضوع وار ڈیٹا اکٹھا کرنے کو بھی کہا۔ وزیر تعلیم نے مانیٹرنگ اسسٹنٹ اور چیف مانیٹرنگ افسران کی سرگرمیوں پر نظر رکھنے کی بھی ہدایت کی اس سلسلے میں مسٹر خالد رانجھا کو ڈی جی ایم اینڈ ای کی مشاورت سے ٹاسک دیا گیا ہے۔

اجلاس میںسیکریٹری غلام اکبر لاغاری،ایڈیشنل سیکرٹری جناب عبدالقدیر انصاری، محترمہ تحسین فاطمہ ڈائریکٹر آئی ٹی ڈیٹا سینٹر،ا سپیشل سیکرٹری جناب خالد رانجھا،مسٹر کشور کمار ڈپٹی ڈائریکٹر ایچ آر ،
جناب پرویز علی تونیو، مسٹر فرخ وارثی اورمسٹر مدن لال اے ڈی آئی ٹی نے میٹنگ میں شرکت کی

سکھر:  سندھ اسکول ایجوکیشن ڈیپارٹمنٹ کے اساتذہ کی بھرتی کے حوالے سے ایک اہم اجلاس منعقد ہوا۔

محکمہ تعلیم سندھ کے تحت ستمبر میں اساتذہ کی بھرتی کے لیےہونے والے ٹیسٹ کے حوالے سےوزیر تعلیم سندھ سردار علی شاہ نےآئی بی اے سکھر انتظامیہ کے ساتھ بریفنگ میٹنگ کی۔

اجلاس میں فیصلہ کیا گیا ہے کہ یہ ٹیسٹ ڈویژنل اور ضلعی سطح پر ہوگااوربھرتی کی پالیسی 2021 کے مطابق ہر مضمون کے لیے کاغذ کی سطح اور نمبروں کی تقسیم کو درست کیا جائے گا۔

اجلاس کے دوران وزیر تعلیم سردار علی شاہ نے ہدایت جاری کرتے ہوئے کہاکہ ہم چاہتے ہیں کہ تمام اساتذہ کی بھرتی مکمل میرٹ پر ہو تاکہ ہم مثبت نتائج حاصل کر سکیں۔ ٹیسٹ اور نتائج کو شفاف بنانے کے لیے تمام اقدامات کیے جائیں اور اس سلسلے میں جدید ٹیکنالوجی کا استعمال کیا جائے۔ شفافیت اور میرٹ پر کوئی سمجھوتہ نہیںکیاجائےگا۔

اساتذہ کی بھرتی کے لئے ٹیسٹ کاآغاز 13 ستمبر سے پہلے جے ایس ٹی اس کے بعدپی ایس ٹی کےلئے منعقد کیاجائےگا۔

تفصیلی شیڈول کا اعلان سکھر آئی بی اے کرے گا اور نتائج کا اعلان جلد از جلد کیا جائے گا۔

لاہور: لاہور کے سرکاری کالجز میں دوسوسےتین سو بسوں کی کمی کا انکشاف ہوا ہے ۔

تفصیلات کے مطابق ڈائریکٹر کالجز کی جانب سےلاہور ڈویژن کے ایک سو دس سے زائد کالجز میں کرائے گئے سروے میں اس بات کا انکشاف ہوا ہے کہ کالجز میں دو سو سے تین سو بسوں کی قلت ہے ۔

بسوں کی کمی پوری کرنے کے لیے ڈائریکٹر کالجز نے ہائر ایجوکیشن ڈیپارٹمنٹ کو سمری بھجوا دی ہے ۔

ٹرانسپورٹ کی زیادہ شارٹیج طالبات کے کالجز میں ہے ۔کالجز طلبہ سے ٹرانسپورٹ کی مد میں فیس بھی وصول کررہے ہیں۔

لاہور: محکمہ غیر رسمی تعلیم کے اساتذہ کی تنخواہوں میں اضافہ کردیا گیاہے۔

محکمہ غیر رسمی تعلیم کے اساتذہ کی تنخواہ میں 1ہزار روپیہ کا اضافہ کرکے7 ہزار سے8ہزار کردی گئیں ہے۔

واضح رہے غیر رسمی تعلیم کے اساتذہ کی تنخواہوں میں کئی سال سے اضافہ نہیں کیا گیا تھا۔

دبئی: شاہین شاہ آفریدی صف اول کے 10 بہترین بولرزکی فہرست میں جگہ بنانےمیں کامیاب ہوگئےہیں۔

انٹرنیشنل کرکٹ کونسل کی جانب سے نئی ٹیسٹ رینکنگ جاری کردی گئی ہے جس کے تحت پاکستان کے شاہین شاہ آفریدی پہلی دس بہترین بولرز کی فہرست میں جگہ پانےمیں کامیاب ہوگئے۔ بائیں ہاتھ کے پیسر ویسٹ انڈیز کے خلاف سیریز میں شاندار پرفارمنس کے بعد رینکنگ میں دس درجے ترقی پاکر آٹھویں پوزیشن پر پہنچ چکےہیں۔

بولرز میں پیٹ کمنز پہلے نمبر پر ہیں، ٹم ساوتھی کا دوسرا اور جوش ہیزل ووڈ کی تیسری پوزیشن ہے۔ حسن علی 17ویں جب کہ محمد عباس کی 18ویں پوزیشن ہے۔

بیٹنگ میں پاکستانی ٹیم کےکپتان بابر اعظم ایک درجے بہتری کے ساتھ ساتویں پوزیشن پر آگئے ہیں، کین ویلیمسن کی پہلی پوزیشن برقرارہے۔ جو روٹ کا دوسرا نمبر ہے۔ محمد رضوان انیسویں، فواد عالم بھی چھلانگ لگاکر اکیس ویں اور اظہر علی بائیس نمبر پر ہیں پاکستان کی مجموعی ٹیم رینکنگ پانچویں ہے۔

اسلام آباد:وزیراعظم عمران خان نےرکھ جھوک اسمارٹ جنگل کاافتتاح کردیا۔

وزیر اعظم عمران خان نےشیخوپورہ میں رکھ جھوک اسمارٹ جنگل کے افتتاحی تقریب سے خطاب کرتے ہوئے کہا کہ کہ ہمیں اپنے ملک کو سرسبز کرنے کا عزم کرنا ہے اور اپنی نسلوں کے لیے بہتر پاکستان چھوڑنا ہے۔

تفصیلات کے مطابق وزیر اعظم عمران خان نے شیخوپورہ میں رکھ جھوک اسمارٹ جنگل کاافتتاح کردیا۔افتتاحی تقریب سے خطاب کرتے ہوئے عمران خان کا کہنا تھاکہ ہم نے اپنے 3 سال میں ایک ارب سے زائد پودے لگائے، ہمیں اب 10کروڑ درخت اگانے ہیں،درخت اگانے سے ماحولیات میں بہتری آئے گی۔

انہوں نے کہاکہ ملک میں خود جنگلات کو تباہ ہوتے دیکھا ہے، پاکستان سے جیسے جیسے جنگلات کا خاتمہ ہوا جانور بھی ناپید ہوتے چلے گئے، عالمی حدت پاکستان کو بہت متاثر کررہی ہے، ہمارے گلیشئرز تیزی سے ختم ہورہے ہیں، ہم سیوریج کا پانی دریاؤں میں ڈال رہے ہیں، لاہور میں آلودگی اور سیوریج کے سنگین مسائل کا سامناہے، اس شہر کو تباہ کیا گیا، لاہور میں میٹھا پانی تھا، لوگ نلکوں سے پانی پیتے تھے، لاہور میں ماحولیاتی تبدیلی سے پانی کا لیول نیچے جا رہا ہے۔

پہلی دفعہ منصوبہ بندی کرکے رکھ جھوک جنگل میں ایک کروڑ درخت لگائیں گے دنیا نے کورونا سے متعلق ہمارے اقدامات کو سراہا، اسمارٹ لاک ڈاوَن کی پالیسی اب سب اپنا رہے ہیں، اسمارٹ فوریسٹ کی مثال بھی پورے پاکستان میں دی جائے گی۔

وزیر اعظم کا کہنا تھا کہ ملک میں 10 ڈیمز تعمیر ہوں گے، دریائے راوی پر3 نئے بیراج بنائیں گے، دریائے راوی پر بیراج بنانے سے زیر زمین پانی کی سطح بلند ہوگی، راوی پراجیکٹ لاہور کے لئے پاکستان کے لئے بہت ضروری ہے، راوی پراجیکٹ کے راستے میں کوئی رکاوٹ نہیں آنی چاہیے۔

مانیٹرنگ ڈیسک: سماجی رابطے کی ویب سائٹ انسٹاگرام اسٹوریزپر ایک نیا فیچر متعارف کروارہاہے

جسے انسٹاگرام کے مطابق تمام صارفین کے لیے متعارف کرانے کے لیے اس کی جانچ جاری رہے گی۔

بین الاقوامی ویب سائٹ کے مطابق سماجی رابطے کی ویب سائٹ انسٹاگرام میں کہانیوں کے ساتھ فراہم کردہ لنک سوائپ اپ فیچر کو ہٹایا جارہا ہے۔

30 اگست سے ، لنکس کو سوائپ کرنے کے بجائے ، لنک اسٹیکرز اب اس مقصد کے لیے استعمال کیے جائیں گے۔
انسٹاگرام نے تصدیق کی ہے کہ ٹیبل ایبل اسٹیکرز اب آپ کو بیرونی ویب سائٹس پر لے جانے کے لیے استعمال کیے جائیں گے۔

کمپنی نے جون میں لنک اسٹیکرز کی جانچ شروع کی ، اور انسٹاگرام کے سابق پروڈکٹ ہیڈ وشال شاہ نے کہا کہ اس ٹیسٹ میں یہ بھی دیکھا جائے گا کہ لوگ سپیم اور گمراہ کن ہوتے ہوئے لنکس کیسے پوسٹ کرتے ہیں۔ مواد کے لنکس کی نگرانی کی جائے گی

انہوں نے کہا کہ اسٹیکرز اس پلیٹ فارم میں لوگوں کا ترجیحی طریقہ ہے اور اس لیے لنکس کو مجموعی نظام کا حصہ بنایا جا رہا ہے ، جو اسے آسان بنا دے گا۔

دونوں خصوصیات کے مابین بنیادی فرق یہ ہے کہ صارفین اسٹیکرز کو لنک کرنے پر بھی رد عمل ظاہر کرسکتے ہیں جو سوائپ اپ اسٹورز پر ممکن نہیں ہے۔

انسٹاگرام کے مطابق ، جو صارفین فی الحال سوائپ اپ استعمال کر رہے ہیں وہ اسٹیکر آپشن بھی استعمال کر سکیں گے ، لیکن اسے تمام صارفین کے لیے متعارف کرانے کے لیے اس کی جانچ جاری رہے گی۔

اسلام آباد: میٹرک کےسالانہ امتحانات کے نتائج پرفیڈرل بورڈ نےتردید کردی ۔

تفصیلات کے مطابق فیڈرل بورڈ کے تحت میٹرک پارٹ ٹو کےنتائج کی خبر گزشتہ روز سوشل میڈیا پرگردش کررہی ہے جس کےباعث طلبا و طالبا ت میں بےچینی پھیل گئی ہے خبروں کے حوالے سے تردید کرتے ہوئے بورڈکاکہناہےکہ نتائج کی تیاری کاکام جاری ہے۔

ہم نتائج کی تاریخ کو حتمی شکل دینےکے بارے میں کچھ نہیں
کہہ سکتے۔نتائج کی تیاری کے بعد ہی حتمی تاریخ کااعلان کیا جائے۔

اسلام آباد: وزیراعظم عمران خان آج لاہور میں پنجاب ایجوکیشن کنونشن 2021 سے خطاب کریں گے۔

تفصیلات کے مطابق وزیراعظم عمران خان آج لاہور کا دورہ کریں گے ، جہاں وہ لاہور میں پنجاب ایجوکیشن کنونشن 2021 میں شرکت کریں گے۔ کنونشن کا اہتمام اسکول ایجوکیشن ڈیپارٹمنٹ پنجاب کر رہا ہے۔

کنونشن حکومت کی جانب سے گزشتہ تین سالوں میں تعلیم اور تدریس کے لیے اٹھائے گئے اقدامات کو اجاگر کرے گا ، جن میں اسکولوں کی تعمیر و مرمت ، ایجوکیشن ہاؤس پروگرام اور اساتذہ کی تربیت کے اقدامات شامل ہیں۔ وزیراعظم عمران خان پنجاب ایجوکیشن کنونشن سے بھی خطاب کریں گے۔

اس موقع پر وزیر اعظم کو اسکول ایجوکیشن ڈیپارٹمنٹ کی کارکردگی پر بریفنگ دی جائے گی۔ وزیر تعلیم ڈاکٹر مراد راس محکمہ کی تین سالہ کارکردگی رپورٹ پیش کریں گے۔

رپورٹ میں کہا گیا ہے کہ تین سالوں میں پنجاب کے 7000 پرائمری اسکولوں کو ابتدائی اسکولوں میں اپ گریڈ کیا گیا ، 48 ہزار سے زائد سرکاری اسکولوں کا ریکارڈ اور تقریبا 400،000 اساتذہ مرتب کیے گئے جبکہ اساتذہ کے تبادلے ، ریٹائرمنٹ ، پروموشن ، پنشن اور چھٹیاں ریکارڈ کی گئیں۔ آن لائن درخواستیں وصول کرنے کے لیے ایک نظام ترتیب دیں۔

رپورٹ کے مطابق آن لائن سسٹم کے تحت اب تک اساتذہ کے مسائل سے متعلق 68 ہزار سے زائد آن لائن آرڈرز جاری کیے جا چکے ہیں اور آن لائن ٹرانسفر پالیسی کے تحت 3 ارب روپے سے زائد کی کرپشن روک دی گئی ہے۔

انہوں نے بتایا کہ دوپہر کے بعد صوبے کے 22 اضلاع کے 557 اسکولوں میں 22 ہزار طلباء کو کلاسیں فراہم کی گئیں۔ انصاف اکیڈمی کے زیراہتمام طلباء کو اسکول کے بعد آن لائن لیکچرز کی سہولت دی گئی اور طلباء کی غذائی کمی کو پورا کیا گیا۔ اس کے لیے 100 پرائمری اسکولوں میں 23 ہزار طلبہ کو دوپہر کا کھانا فراہم کیا گیا۔

رپورٹ میں کہا گیا ہے کہ 21 فروری سے تعلیم سے محروم دس لاکھ طلباء اسکولوں میں داخل ہوئے ہیں ، ملتان میں خواجہ سراؤں کے لیے ایک ووکیشنل اسکول قائم کیا گیا ہے اور ملتان کے علاوہ نو دیگر ضلعی ہیڈ کوارٹرز میں خواجہ سراؤں کے لیے مفت ووکیشنل اسکول قائم کیے گئے ہیں۔ جا رہے ہیں .

رپورٹ کے مطابق پانچویں اور آٹھویں جماعت کے بورڈ امتحانات کو ختم کر دیا گیا ہے اور اسکول کی سطح پر پرفارمنس ٹیسٹنگ کا نظام قائم کیا گیا ہے۔ صوبہ بھر کے سرکاری اسکولوں میں 40 لاکھ اسکولوں میں 2 ہزار نئے کمرے اور ایک ہزار نئے اسکولوں میں اردو کو ایک ذریعہ تعلیم کے طور پر متعارف کرایا گیا ہے۔ سائنس اور آئی ٹی لیبز بنائیں۔

عثمان انسٹیٹوٹ آف ٹیکنالوجی میں پاکستان ریڈ کریسنٹ سوسائٹی ہلال احمر کے تعاون سے کوویڈ-19 ویکسینیشن سینٹر قائم کر دیا گیا ہے،

جہاں انسٹیٹیوٹ کے تمام تدریسی و غیر تدریسی عملہ سمیت موجودہ و سابقہ طلبہ و طالبات، اور انکے اہل خانہ کو بھی مفت ویکسین لگائی جائے گی۔

قائم مقام ڈائریکٹرعثمان انسٹیٹیوٹ آف ٹیکنالوجی ڈاکٹر شعیب زیدی نے ریڈ کریسنٹ کے اس اقدام کو سراہتے ہوئےکہا ہے کہ انسٹیٹیوٹ میں کرونا ویکسینیشن کروانے کا مقصد یہ ہے محکمہ تعلیم اور حکومت سندھ کی جانب سے کئے جانے والے اعلان پر جلدازجلدعمل کرواتےہوئےتمام عملےکے ساتھ ساتھ طلبہ اور انکے خاندانوں کو بھی کرونا فری بنایا جائے تاکہ تعلیمی سلسلہ بنا کسی رکاوٹ جاری رہ سکے۔

وہ طلبہ ، تدریسی اور غیر تدریسی عملہ جنہیں ویکسینیشن میں کسی بھی قسم کی پریشانی کا سامنہ تھا اب بنا کسی رکاوٹ اپنے ہی ادارے میں با آسانی ویکسینیشن کروا سکیں گے۔