کراچی: جامعہ اردو نے بی اے، بی کام پرائیوٹ کےامتحانی فارم جمع کرانے کی تاریخ میں توسیع کردی۔

تفصیلات کے مطابق جامعہ اردو نے بی اے سال اوّل ،دوم بی اے سال اوّل و دوم باہم، بی کام سال اوّل،بی کام سال دوم، بی کام سال اوّل و دوم مشترکہ کے

امتحانی فارم 6 ستمبر پیر سے جمعہ تک صبح 00:9 بجے سے شام 00:5 بجے تک جامعہ ہٰذا کی ویب سائٹ پر آن لائن جمع کراسکتے ہیں۔

امتحانات روایتی طریقے کار اور ایس اوپیز پالیسی کے تحت کراچی اور اسلام آباد کیمپس میں منعقد کئے جائیں گے۔

لاہور: پنجاب یونیورسٹی نے داخلہ فارم جمع کرانے کی تاریخ میں توسیع کردی۔

یونیورسٹی آف پنجاب نے ایم اے /ایم ایس سی پارٹ ون اورپارٹ ٹو سالانہ امتحان2021کے لئے آن لائن داخلہ فارم ڈبل فیس کے ساتھ جمع کرانے کی تاریخ میں توسیع کر دی ہے۔

ریگولر،لیٹ کالج،پرائیویٹ اورامپروڈویژن کے امیدوار ڈبل فیس کے ساتھ اپنے فارم31اگست تک جمع کرا سکتے ہیں۔

اسلام آباد : این سی اوسی اجلاس کے بعد اسد عمر اور ڈاکٹر فیصل سلطان کی پریس کانفرنس کرتے ہوئےکہاہے کہ تعلیمی اداروں میں 89فیصد اساتذہ اور عملے کی ویکسی نیشن ہوچکی ہے

این سی او سی کے سربراہ اسد عمر کی سربراہی میں این سی او سی کااجلاس منعقدہوا۔اجلاس کے بعداسد عمرنےمیڈیابریفنگ دیتے ہوئےکہاہےکہ 31اگست کےبعداسکول میں آنےوالےبچوں کےٹرانسپورٹ عملےکےلیےویکسینیشن لازمی ہوگی والدین طلبا کی ویکسی نیشن لازمی کرائیں۔

30ستمبرسےاندرون اوربیرون ملک سفرکرنےوالوں پرمکمل ویکسی نیشن لازمی ہوگی۔ہوٹل،گیسٹ ہاؤسزاورشادی ہالز میں آنےوالوں کےلیے30ستمبرتک ویکسی نیشن لازمی قرار دے دی گئی ہے۔

انہوں نے مزید کہا کہ کورونا وبا کی وجہ سے جو بندشیں لگائی جارہی ہیں وہ عوام کے مفاد میں ہیں حکومت کے لیے ہر پاکستانی کی صحت اہم ہے، ہزاروں ویکسی نیشن سینٹرز کھلے ہیں، موبائل سینٹرز بھی فعال ہیں ، 30ستمبر کے بعد مکمل ویکسی نیشن نہ کرنے والے پاکستان نہیں آسکتے۔ فیک کورونا سرٹیفکیٹ بنانے اوربنوانے والوں کے خلاف کارروائی ہوگی۔

کراچی: سندھ بھرمیں تعلیمی اداروں کی بندش کے خلاف ہیومن رائٹس لائرز فورم کی درخواست پر سماعت ہوئی۔

سماعت میں نجی اسکول کے طلبا ء وطالبات اور درخواست گذار انچرج ٹاسک فورس فرزین سلیم عدالت میں پیش ہوئے۔

دورانِ سماعت سندھ ہائی کورٹ کاکہنا ہے کہ تعلیم کی زمہ داری حکومت پر لاگو ہوتی ہے،کورونا سے متاثر تمام ادارے ہوتے ہیں نہ صرف تعلیمی ادارےلیکن صرف تعلیمی اداروں کو بندش کا سامنا ہے،سندھ میں پرائیوٹ اسکولوں کو کھولنے کی اجازت دی جائے،پرائیویٹ اسکولوں کے اساتذہ کو تنخواہوں کی فراہمی بھی متاثر ہے۔

عدالت نےچیف سیکرٹری سندھ،سیکرٹری ایجوکیشن اور دیگر کو نوٹس جاری کرتے ہوئے سماعت 15 ستمبر تک ملتوی کردی ہے۔

ریاستی ہائر ایجوکیشن کمیشن میں چیئرپرسن کی غیر موجودگی میں تبادلے اور تقرریاں کی جاتی ہیں۔19 گریڈ کے ڈائریکٹر سلمان احمدکو محکمہ ٹیکنالوجی سےہٹا کر انچارج کوالٹی اشورینس ڈویژن کو منتقل کر دیا گیا ہے۔

گریڈ 19 کے سلیم اللہ سوہو کو کامیاب نوجوانوں / کھیلوں سے تحقیقی تجزیہ بھیجا گیا ہے۔ ڈائریکٹر طاہر علی شاہ کو ایچ آر ڈویژن سے ایچ ای سی فاٹا منتقل کردیا گیا ہے۔

ڈائریکٹر عقیل اختر خان کو معیار کی یقین دہانی بھیجی گئی ہے۔ نعمان احمد خان اور قاضی عابد اقبال کو اسٹڈیز اور حبیب اللہ ناصر کو ریسرچ اینڈ انوویشن میں بھیج دیا گیا ہے۔ جی سکالرشپ کی ایک اضافی ترجمان عائشہ اکرام کی فراہم کردہ ایچ ای سی کی معلومات کے مطابق کراچی اور لاہور کے ضلعی ڈائریکٹرز کو گریڈ 18 جونیئر انچارج اور گریڈ 19 کے ریجنل ڈائریکٹر کے عہدے پر تبدیل اور تعینات کیا گیا ہے۔

کراچی ریجنل سنٹر کے گریڈ 19 کے ڈائریکٹر حکیم تالپور کو انچارج مبشر احمد ، انچارج ڈپٹی ڈائریکٹر ، انچارج شہباز عباسی ، ڈائریکٹر گریڈ 19 لاہور سینٹر کو رابطہ ڈویژن اور گریڈ 18 کے ڈپٹی ڈائریکٹر کو تبدیل کر دیا گیا ہے۔ بشیر احمد کو انچارج مقرر کیا گیا ہے۔

احسن حمید ، اسسٹنٹ ڈائریکٹر گریڈ 17 کو ریجنل سنٹر کوئٹہ میں تعینات کیا گیا ہے۔

میران شاہ: جی جی ہائی اسکول میران شاہ آج 9 سال بعد دوبارہ کھل گیا

وزیرتعلیم کے پی کے شاہرام خان تارکئی نے مائیکرو بلاگنگ کی ویب سائٹ ٹوئیٹر پر کہناہے کہ یہ تاریخ کا ایک اہم موڑ ہے جب جی جی ہائی اسکول میران شاہ کو 9سال بعد دوبارہ کھول دیا گیا ہے۔اسکول میران شاہ کا دوبارہ کھلنا ایک فتح ہے۔

انہوں نے مزید کہاکہ2013 میں عسکریت پسندوں نے تباہ کر دیا تھا خواتین سے تعلیم کا حق کوئی بھی نہیں لے سکتا

اسکولوں کو تباہ کرنا انہیں اس سے خوفزدہ نہیں ہونے دیں گے۔میران شاہ میں دوبارہ تعمیر ہونے والا واحداسکول ظلم کےخلاف مزاحمت کانشان ہے

اسلام آباد: وزیر اعظم عمران خان کی زیر صدارت قومی یکساں نصاب تعلیم پر عملدرآمد کے حوالے سے جائزہ اجلاس منعقد ہوا۔

اجلاس میں وفاقی وزیر شفقت محمود، معاون خصوصی ڈاکٹر شہباز گل،پارلیمانی سیکریٹری محترمہ وجیہہ اکرم اور وفاقی وزارت تعلیم کے سینئر افسران نے شرکت کی۔

وفاقی وزیر شفقت محمود نے اجلاس کو نصاب تعلیم میں شامل سیرت آلنبی ﷺکی تعلیمات کے حوالے سے تفصیلی بریفنگ دی ۔

بریفنگ دیتے ہوئے شفقت محمودکاکہنا تھاکہ اس ضمن میں تمام مکاتب فکر خصوصا علماء کرام سے تفصیلی مشاورت کی گئی ہے۔ اساتذہ کی ٹریننگ اور امتحانات کے معیار پر توجہ دی گئی ہے۔

وزیر اعظم نے وزارت تعلیم کی قومی نصاب پر عملدرآمد کی اب تک کی کارکردگی پر اطمینان کا اظہار کیا۔ انہوں نے کہا کہ سیرت النبی ﷺ ہی ہماری نئی نسل کے لئے مشعل راہ ہے۔ نبی آخر الزماں ﷺکی سیرت کا سب سے اہم پہلو اخلاق و آداب اور حسن معاشرت ہے۔ تمام معاشرتی مسائل کا بہترین حل سیرت آلنبی ﷺ کی تعلیمات میں موجود ہے۔

نصاب تعلیم پر عملدرآمد کا مسلسل جائزہ لیا جائے اور ضرورت کے مطابق اس میں تبدیلیاں لائی جائیں ۔ تاریخ اسلام کے ساتھ ساتھ رسول اللہ ﷺکی حیات مبارکہ سے ماخذ سنہرے اصول بچوں کو پڑھائے اور سمجھائے جائیں۔انہوں نے اجلاس کے دوران ہدایت کی کہ قومی یکساں نصاب تعلیم پر عملدرآمد کے عمل کو صوبائی حکومتوں کے اشتراک سے جلد مکمل کیا جائےاورچھٹی تا بارہویں جماعت کے لیے نصاب کو اس سال کے آخر تک حتمی شکل دے دی جائے۔

کراچی: کراچی سمیت سندھ بھر میں انٹرمیڈیٹ کے سالانہ امتحانات کے دوسرے مرحلے کا آغاز ہوگیا ہے۔

ذرائع کے مطابق کراچی میں انٹر میڈیٹ کے سالانہ امتحانات کے دوسرے مرحلے میں آج سے گیارہویں جماعت کے پرچے لئے جارہے ہیں۔ پرچے صبح اور دوپہر کی شفٹوں میں لئے جائیں گے، صبح کی شفٹ میں پری میڈیکل سائنس، جنرل سائنس اور ہوم اکنامکس گروپس جب کہ شام کی شفٹ میں کامرس، ہیومینٹیس اور اسپیشل اسٹوڈنٹس گروپ کے پرچے لئے جائیں گے۔

چیئرمین بورڈ آف انٹر میڈیٹ ایجوکیشن کراچی کا کہنا ہے کہ رواں سال امتحانات میں مجموعی طور پر ایک لاکھ 36 ہزار 833 سے زائد طلبا و طالبات امتحان میں شریک ہوں گے، صبح کی شفٹ میں 56 ہزار 678 جبکہ شام کی شفٹ میں 80 ہزار 155 امیدوار شرکت کریں گے،مجموعی طور پر 221 امتحانی مراکز بنائے گئے ہیں 113 صبح جبکہ 108 شام کی شفٹ میں ہوں گے۔۔

کراچی :جناح سندھ میڈیکل یونیورسٹی کے ماسٹرز ان پبلک ہیلتھ کےپروگرام میں داخلےکےلیےٹیسٹ منعقدکیاگیا

ٹیسٹ میں 152 امیدواروں نے شرکت کی۔

ڈائریکٹر ایڈمیشن ڈاکٹر فاطمہ عابد کے مطابق پروگرام میں 56 نشستیں ہیں جن کے لیے انٹرویوز بھی ٹیسٹ کے فوراً بعد مکمل کر لیے گئے۔

جے ایس ایم یو کے ایپنا انسٹیٹیوٹ آف پبلک ہیلتھ کی سربراہ پروفیسر لبنیٰ انصاری بیگ نے بتایا کہ یہ ماسٹرز پروگرام ہائیر ایجوکیشن کمیشن سے تسلیم شدہ ہے اور اس وقت ساتویں بیچ میں داخلے دیے جا رہے ہیں۔

قائم مقام وائس چانسلر پروفیسر شاہد رسول نے امتحان گاہوں کا دورہ کیا اور بتایا کہ حکومت کی ہدایات کے مطابق امتحان گاہوں میں امیدواروں کے درمیان فاصلے کو یقینی بنایا گیااور ماسک اور سینیٹائزر کی شرائط پر سختی سے عمل درآمد کیا گیا۔

لاہور: یکساں نصابی کتب میں غلطیوں کودورکرنےکےلیےمحکمہ اسپیشل ایجوکیشن نےکمیٹی قائم کردی ـ

تفصیلات کے مطابق محکمہ ا سپیشل ایجوکیشن نے پہلی سے پانچویں جماعت کے نصاب کا جائزہ لینے کے لیے کمیٹی بنا دی ۔

کمیٹی نصاب میں موجود غلطیوں کا جائزہ لیکر سفارشات پیش کرے گی ،کمیٹی کے ٹی او آر زبھی بتا دیے گئے ۔

نصاب میں تبدیلی کے ساتھ ساتھ اسیسمنٹ کے طریقہ کار میں بھی تبدیلی کی جائے گی ،کمیٹی نصاب کو پڑھانے کے لیے مختلف طریقہ کار بھی بتائے گی۔