محمد علی جناح یونیورسٹی کراچی ( ماجو ) کے صدر پروفیسر ڈاکٹر زبیر شیخ کی صدارت میں گزشتہ روز یونیورسٹی کانفرنس روم میں میڈیا کمیٹی کااجلاس منعقدہوا۔اجلاس میں شریک میڈیا کمیٹی سےخطاب کرتے ہوئے ماجو کے صدر پروفیسر ڈاکٹر زبیر شیخ کہا کہ یونیورسٹی کے میڈیا سینٹر میں ایک انتہائی جدیدریکارڈنگ اسٹوڈیو اور ایف ایم ریڈیو سٹیشن کی موجودگی سے اساتذہ اور طلباء کو اپنی صلاحیتوں کے اظہار اور شاندار کارکردگی کا مظاہرہ کرنے کے بھرپور مواقع حاصل ہو گئے ہیں اور اب وہ تعلیمی سرگرمیوں کو اجاگر کرنے کے ساتھ ساتھ ملک کو درپیش سماجی و اقتصادی مسائل کے حل کے لیے بہترین پروگرام پیش کر سکتے ہیں جن میں زندگی کے ہر شعبے سے تعلق رکھنے والی نمایاں شخصیات کو مدعو کیا جا سکتا ہے ۔

ڈاکٹر زبیر شیخ نے اپنے خطاب میں کہا کہ پرنٹ و الیکٹرانک میڈیا کے ساتھ ساتھ آج کے دور میں سوشل میڈیا مارکیٹنگ کو بھی بڑی اہمیت حاصل ہوچکی ہے جسے نظر انداز نہیں کیا جا سکتا ہے ، اس لیے ہمیں اپنی سرگرمیوں کو سوشل میڈیا پر بھی بہتر طور پر پیش کرنا ہوگا۔

اجلاس میں میڈیا کمیٹی کے اراکین ڈاکٹر غضنفر منیر، علی ناصر ، بابر سلیم، حسن آفتاب، محمد سمیع گوہر اور رومیسہ عقیل نے شرکت کی۔
انہوں نے کہا کہ ماجو کے میڈیا سینٹر کو ایک ایسے مرکز کے طور پر سامنے لایا جائے جس کے ذریعہ ہم اپنی پالیسیوں اور پروگراموں کی بہترین تشہیر، جدت پسندی اور احساسات کو بہتر انداز میں پیش کرسکیں ۔ انہوں نے اس توقع کا بھی اظہار کیا کہ ہمارے طلبا کو چاہئے کہ وہ اپنی فطری صلاحیتوں کو اظہار کے لئے میڈیا سینٹر کے ذریعے اپنے آئیڈیاز کو بہتر انداز میں پیش کریں اور اس ضمن میں پہلے وہ چھوٹے قدم اٹھا کر ہی بڑے کام کر سکتے ہیں ۔

میڈیا کمیٹی کی اجلاس سے خطاب کرتے ہوئے سیکریٹری علی ناصر نے کہا کہ ماجو کو یہ اعزاز حاصل ہے کہ نجی شعبے کی یونیورسٹیوں کی وہ واحد یونیورسٹی ہے جس کا اپنا ریڈیو اسٹیشن اور ٹی وی پروگرام ریکارڈنگ اسٹوڈیو موجود ہے جس کے ذریعے ہم نیوز، انگیجمنٹ، مذاکرے ، ٹاک شوز اور ڈاکومنٹریز فلموں کے پروگرام پیش کرسکتے ہیں جن میں شرکت کے لیے زندگی کے مختلف شعبوں کی نمایاں شخصیات کو مدعو کیا جائے گا۔

انہوں نے کہا ہم نے اوپن میڈیا سنٹر کے قیام کا بھی فیصلہ کیا ہے جس میں میڈیا کے شعبے سے تعلق رکھنے والے مممتاز صحافیوں اور میڈیا تنظیموں کے عہدیداروں کو اظہار خیال کے لئے بلایا جائے گا ۔

محمد علی جناح یونیورسٹی کراچی ( ماجو ) کے صدر پروفیسر ڈاکٹر زبیر شیخ کی صدارت میں گزشتہ روز یونیورسٹی کانفرنس روم میں میڈیا کمیٹی کااجلاس منعقدہوا۔اجلاس میں شریک میڈیا کمیٹی سےخطاب کرتے ہوئے ماجو کے صدر پروفیسر ڈاکٹر زبیر شیخ کہا کہ یونیورسٹی کے میڈیا سینٹر میں ایک انتہائی جدیدریکارڈنگ اسٹوڈیو اور ایف ایم ریڈیو سٹیشن کی موجودگی سے اساتذہ اور طلباء کو اپنی صلاحیتوں کے اظہار اور شاندار کارکردگی کا مظاہرہ کرنے کے بھرپور مواقع حاصل ہو گئے ہیں اور اب وہ تعلیمی سرگرمیوں کو اجاگر کرنے کے ساتھ ساتھ ملک کو درپیش سماجی و اقتصادی مسائل کے حل کے لیے بہترین پروگرام پیش کر سکتے ہیں جن میں زندگی کے ہر شعبے سے تعلق رکھنے والی نمایاں شخصیات کو مدعو کیا جا سکتا ہے ۔

ڈاکٹر زبیر شیخ نے اپنے خطاب میں کہا کہ پرنٹ و الیکٹرانک میڈیا کے ساتھ ساتھ آج کے دور میں سوشل میڈیا مارکیٹنگ کو بھی بڑی اہمیت حاصل ہوچکی ہے جسے نظر انداز نہیں کیا جا سکتا ہے ، اس لیے ہمیں اپنی سرگرمیوں کو سوشل میڈیا پر بھی بہتر طور پر پیش کرنا ہوگا۔

اجلاس میں میڈیا کمیٹی کے اراکین ڈاکٹر غضنفر منیر، علی ناصر ، بابر سلیم، حسن آفتاب، محمد سمیع گوہر اور رومیسہ عقیل نے شرکت کی۔
انہوں نے کہا کہ ماجو کے میڈیا سینٹر کو ایک ایسے مرکز کے طور پر سامنے لایا جائے جس کے ذریعہ ہم اپنی پالیسیوں اور پروگراموں کی بہترین تشہیر، جدت پسندی اور احساسات کو بہتر انداز میں پیش کرسکیں ۔ انہوں نے اس توقع کا بھی اظہار کیا کہ ہمارے طلبا کو چاہئے کہ وہ اپنی فطری صلاحیتوں کو اظہار کے لئے میڈیا سینٹر کے ذریعے اپنے آئیڈیاز کو بہتر انداز میں پیش کریں اور اس ضمن میں پہلے وہ چھوٹے قدم اٹھا کر ہی بڑے کام کر سکتے ہیں ۔

میڈیا کمیٹی کی اجلاس سے خطاب کرتے ہوئے سیکریٹری علی ناصر نے کہا کہ ماجو کو یہ اعزاز حاصل ہے کہ نجی شعبے کی یونیورسٹیوں کی وہ واحد یونیورسٹی ہے جس کا اپنا ریڈیو اسٹیشن اور ٹی وی پروگرام ریکارڈنگ اسٹوڈیو موجود ہے جس کے ذریعے ہم نیوز، انگیجمنٹ، مذاکرے ، ٹاک شوز اور ڈاکومنٹریز فلموں کے پروگرام پیش کرسکتے ہیں جن میں شرکت کے لیے زندگی کے مختلف شعبوں کی نمایاں شخصیات کو مدعو کیا جائے گا۔

انہوں نے کہا ہم نے اوپن میڈیا سنٹر کے قیام کا بھی فیصلہ کیا ہے جس میں میڈیا کے شعبے سے تعلق رکھنے والے مممتاز صحافیوں اور میڈیا تنظیموں کے عہدیداروں کو اظہار خیال کے لئے بلایا جائے گا ۔

لاہور : محکمہ اسکول ایجوکیشن کی جانب سے اسکول سربراہان کو اضافی الاؤنس دینے کی منظوری دے دی گئی

اضافی الاؤنس پرنسپلز، ہیڈ ٹیچر اورسینئر کو ملے گا ۔

پرائمری اسکول کے ہیڈ کو پانچ ہزار ، مڈل کے ہیڈ کو 8 ہزار ملے گا۔ہائی اور ہائرسیکنڈری اسکول کے سربراہ کو 10 سے 12 ہزار روپے دیا جائیگا۔

اسکول ایجوکیشن ڈیپار ٹمنٹ کا کہنا ہے کہ چارج الاؤنس کی فراہمی سے اسکول سربراہان کی کارکردگی بہتر ہوگی۔

اضافی الاؤنس سے محکمہ خزانہ پر کروڑوں روپے کا اضافی بوجھ پڑنے کا امکان ہے

کراچی: جامعہ اردو کے تحت ہونے والے فارم ڈی کے انٹری ٹیسٹ کے دوران جامعہ کے ڈائریکٹر ایڈمیشن سید اخلاق حسین نے مرکز کا دورہ کرتے ہوئے بتایا کہ اس سال کمپیوٹر سائنس، بی بی اے اورفارم ڈی میں 4000طلباء و طالبات نے شفاف اور منظم طور پر انٹری ٹیسٹ دیئے۔

انہوں نے کہا کہ داخلہ ٹیسٹ کا مقصد میرٹ کوپروان چڑھانا ہے جو طلبہ اس ٹیسٹ میں اچھی کارکردگی کا مظاہرہ کریں گے وہی داخلے کے اہل ہوں گے۔ انہوں نے تمام انتظامات کا جائزہ لیا اور اس پر تسلی کا اظہارکیا۔

داخلہ ٹیسٹ منتظمین میں رئیس کلیہ سائنس پروفیسر ڈاکٹر محمد زاہدپروفیسر ڈاکٹر زرینہ علی،ڈاکٹر زاہد خان،ڈاکٹر توقیر راؤ،ڈاکٹر عبید کورائی،سید نعمان علی،ڈاکٹرحق نواز عباسی اورعدیل طاہر شامل ہیں۔

داخلہ ٹیسٹ جامعہ کے بی ایس سی اوراکیڈمک بلاک میں قائم54امتحانی مراکز میں Covid-19کی تمام ایس او پیز کے ساتھ لئے گئے۔

کراچی :ثانوی تعلیمی بورڈ کراچی نے نویں اور دسویں جماعت کے سائنس گروپ کےبعد دوسرے مرحلے میں جنرل گروپ کے ماڈل پیپرز کا اجرا کر دیا ہے۔

ان ماڈل پیپرز کا اطلاق جماعت نہم 2021 آئندہ اور جماعت دہم 2022 و آئندہ کیلئے ہوگا۔ صوبہ سندھ کے تمام تعلیمی بورڈز میں سب سے پہلے میٹرک بورڈ کراچی کو یہ اعزاز حاصل ہے کہ اس نے ماڈل پیپرز تیار کئے ہیں۔

تفصیلات کے مطابق میٹرک بورڈ کے چیئرمین پروفیسر سید شرف علی شاہ نے کہا ہے کہ بورڈکے ریسرچ سیکشن نے نیشنل اسکیم آف اسٹیڈیز کے مطابق ماڈل پیپرزتیار کئے ہیں تاکہ اساتذہ اور طلباء و طالبات کو امتحان کی تیاری کیلئے رہنمائی مل سکے۔

انہوں نے کہا کہ بورڈ کے ریسرچ سیکشن نے گورنمنٹ اور پرائیویٹ اسکولوں کے سینئر اساتذہ کی نگرانی میں ماڈل پیپرز تیار بنوائے ہیں،اس سے پہلے باقاعدہ ورکشاپ کا انعقاد کرایا گیا تھا جس میں اساتذہ کرام نے بھرپور شرکت کی تھی۔

ڈائریکٹر ایجوکیشنل ریسرچ حور مظہر کے مطابق پہلے مرحلے میں ہم نے نویں اور دسویں سائنس گروپ کے مضامین کے ماڈل پیپرز جاری کئے تھے جبکہ دوسرے مرحلے میں جنرل گروپ کے ماڈل پیپرز کا اجرا کر دیا ہے۔

نہم جماعت جنرل گروپ ریگولر و پرائیویٹ 2021 و آئندہ انگریزی پراچہ اول، اردو (لازمی) نارمل کورس، سندھی (لازمی) نارمل کورس(سندھی میڈیم طلبہ کیلئے)، اسلامیات لازمی، اخلاقیات (غیر مسلم طلبہ کیلئے) جنرل سائنس، جنرل ریاضی (اختیاری مضامین) اختیاری (I)، اختیاری (II) دیگر اختیاری مضامین کے پرچہ جات ماڈل پیپرز میں موجود ہیں۔

اس سال 2021ء نہم جماعت کا امتحان تخفیف شدہ نصاب کے مطابق لیا جائے گا جو کہ نئے ماڈل پیپرز کے طرز پر ہوگا جبکہ 2021 میٹرک کا تخفیف شدہ نصاب کے مطابق ہوگا، امتحان پرانے ماڈل پیپرز کے طرز پر ہوگا۔ ماڈل پیپرز بورڈ کی آفیشل ویب سائٹ  www.bsek.edu.pk  سے ڈاؤن لوڈ کیا جا سکتا ہے۔

لاہور: وزیر تعلیم پنجاب مراد راس نے وڈیو لنک کے ذریعے والدین کو پیغام دیتے ہوئے کہا ہے کہ حکومت تعلیمی اداروں میں پہلے سے زیادہ کورونا وائرس ایس او پیز کی سخت تعمیل کو یقینی بنائے گی اور اپنے بچوں کو اسکول بھیجنے کی تاکید کریں۔
'
تفصیلات کے مطابق مراد راس نے ایک ویڈیو پیغام میں کہا: "ہم 18 جنوری سے اسکول دوبارہ کھول رہے ہیں اور پہلے مرحلے میں ، ہائی اسکول کے طلباء دوبارہ کلاسیں شروع کریں گے۔ دوسرے مرحلے میں ، پرائمری اور ایلیمنٹری اسکولوں کے طلباء فرد فرد سیکھنے کا آغاز کریں گے جبکہ یونیورسٹیاں یکم فروری سے کلاسز کا آغاز کریں گی۔

صوبائی وزیر نے کہا کہ COVID-19 SOPs کو نافذ کرنے میں اسکولوں کے مقابلے میں کسی دوسرے شعبے نے زیادہ نظم و ضبط کا مظاہرہ نہیں کیا اور والدین کو بتایا کہ حکومت اس عرصے میں اس پر چوکس رہی۔

انہوں نے مزید کہا ، "میں والدین سے درخواست کرتا ہوں کہ وہ اپنے بچوں کو اسکول بھیجیں۔کورونا ایس او پیز کی پیروی پہلے سے زیادہ سختی سے کی جائے گی اور ہم بچوں کی حفاظت کے لئے بہترین انتظامات کررہے ہیں۔"

4 جنوری کو وفاقی وزیر تعلیم شفقت محمود نے کہا کہ حکومت بچوں کی صحت سے متعلق کوئی سمجھوتہ نہیں کرے گی اور ملک میں کورونویرس کی تازہ ترین صورتحال کا جائزہ لینے کے لئے ایک اور اجلاس منعقد کیا جائے گا۔

واضح رہےوفاقی حکومت نے اس سے قبل 18 جنوری سے تعلیمی اداروں کو دوبارہ کھولنے کے لئے مرحلہ وار منصوبے کا اعلان کیا تھا جو کورونا وائرس کو پھیلانے کے لئے 26 نومبر کو بند کردیئے گئے تھے۔

لاہور: تعلیمی بورڈز کے پرچوں کا پیٹرن تبدیل کرنے کا ورکنگ پیپر تیارکرلیا گیا۔

امتحانی پیٹرن تبدیل کرنے کیلئے سات رکنی اعلٰی سطحی کمیٹی قائم ہوگی،کمیٹی میں ایڈیشنل سیکرٹری بورڈز، محکمہ اسکولز کا نمائندہ، پی ایچ ای سی، ٹیکسٹ بک بورڈ، چیئرمین بورڈ، ڈپٹی سیکرٹری بورڈ کو شامل کیا جائے گا۔

رٹا سسٹم ختم کرنے کیلئے امتحانی پیٹرن تبدیل کرنے کی تجویز رکھی گئی ہے ورکنگ پیپر کی حتمی منظوری سیکرٹری محکمہ ہائر ایجوکیشن سے حاصل کی جائے گی۔

اسلام آباد: اسکول ایجوکیشن ڈیپارٹمنٹ پنجاب کی ہدایت پر راولپنڈی سمیت صوبہ بھر میں کنٹریکٹ اساتذہ کو مستقل کرنے کا فیصلہ، 2017میں بھرتی ہونے والے اساتذہ مستفید ہوں گے۔

راولپنڈی ضلع کے 2300مرد و خواتین اساتذہ تین سال مدت سروس مکمل ہونے پر ریگولر کر دیئے جائیں گے۔ ذرائع نے بتایا کہ اسکول ایجوکیشن ڈیپارٹمنٹ پنجاب کی ہدایت پر راولپنڈی سمیت صوبہ بھر میں کنٹریکٹ پر بھرتی ہونے والے اساتذہ کو ریگولر کرنے کا فیصلہ کیا گیا ہے۔

ڈسٹرکٹ ایجوکیشن اتھارٹی راولپنڈی نے راولپنڈی کےکنٹریکٹ اساتذہ کی سمری تیار کرلی جو منظوری کیلئے سیکرٹری اسکول ایجوکیشن ڈیپارٹمنٹ کو بھجوائی جارہی ہے جن کی باضابطہ منظوری کے بعد نوٹیفکیشن جاری کر دیا جائے گا۔

2017میں پانچ سالہ کنٹریکٹ پر اساتذہ کو بھرتی کیا گیا تھا ایکٹ 2018کے تحت ایسے ملازمین جن کی سروس مدت تین سال پوری ہوئی ہو انہیں ریگولر کر دیا جائے گا جس کے تحت جنوری 2017 میں بھرتی ہونے والے اساتذہ کو تین سال جنوری 2020میں مکمل ہو چکے تھے جس کے پیش نظر ان اساتذہ کو ریگولر کیا جائے گا، اس اقدام سے راولپنڈی کے 1500خواتین اور 800مرد اساتذہ مستفید ہوں گے۔

اسلام آباد: قراقرم انٹرنیشنل یونیورسٹی نےداخلہ برائے فال سیمسٹر 2020 کااعلان کردیا۔

جاری کردہ اعلامیہ کے مطابق ، ایم اے/ایم ایس سی/ایم بی اے کے دوسالہ پروگرام میں داخلہ فارم جمع کرائے جاسکتے ہیں داخلہ فارم جمع کرانے کی آخری تاریخ 28 جنوری 2021 مقرر کی گئی ہے۔

داخلہ فارم جمع کرانے والے امیدواروں کی لسٹ 2 فروری 2021 کو جاری کردی جائےگی جس کے بعد امیدواروں کو 9سے 11 فروری 2021 کے دوران انٹرویو کےلئے بلایا جائے گا۔

داخلے کی پہلی میرٹ لسٹ 15 فروری اور داخلہ فیس 19فروری 2021 کو جمع ہونگےجبکہ دوسری میرٹ لسٹ 24فروری 2021کو جاری کردی جائے گی ۔

کلاسز کا باقاعدہ آغازیکم مارچ 2021 سے ہوگا۔آخری تاریخ کے بعد کسی کا داخلہ فارم قابل قبول نہیں ہوگا طلبہ مزید معلومات کے لئے قراقرم انٹرنیشنل یونیورسٹی کی آفیشل ویب سائٹ  www.kiu.edu.pk  پر دیکھ سکتے ہیں۔

مانیٹرنگ ڈیسک : لاس ویگاس میں سی ای ایس ٹیکنالوجی نمائش کے دوران لیناوو نے اپنا سب سے پتلا لیپ ٹاپ ٹھنک پیڈ ایکس 1 ٹائیٹینیم یوگا متعارف کرادیا ہے، جس کی موٹائی محض 0.43 انچ ہے۔

لیناوو نے متعارف کرائے گئے 4 تھنک پیڈز لیپ ٹاپس جن میں تھنک پیڈ ایکس 1 ٹائیٹینیم یوگا،ایکس 1 ، ایکس 1 کاربن یوگا اور ایکس 12 ڈی اٹیچ ایبل شامل ہیں۔

تھنک پیڈ ایکس 1 ٹائیٹینیم یوگا میں 2K ڈسپلے کے ساتھ 13.5 انچ اسکرین دی گئی ہے، جبکہ انٹیل کا نیا آئرس ژی (xe) گرافکس اس کا حصہ ہیں۔

لیپ ٹاپ کے اندر انٹیل کا 11 جنریشن کور آئی 7 وی پرو پراسیسر چھپا ہوا ہے۔

اس ٹو ان ون لیپ ٹاپ میں 16 جی بی فاسٹ ایل پی ڈی ڈی آر 4 ریم اور ایک ٹی بی ایس ایس ڈی اسٹوریج دی گئی ہے۔

ویڈیو میٹنگز کے لیے کمپنی نے لیپ ٹاپ میںر ایک ایچ ڈی کیمرا ، 4 مائیکرو فونزاور 2 اسپیکرز فراہم کیا ہے۔

اس لیپ ٹاپ کا وزن محض 1.15 کلوگرام ہے جبکہ صرف 2 تھنڈر بولٹ 4 پورٹس اور ایک ہیڈفون جیک دیا گیا ہے۔

یہ ڈیوائس وائی فائی 6 سپورٹ فراہم کرتا ہے جبکہ 5 جی موبائل کنکٹویٹی آپشنل ہے۔

انٹیل 11 جنریشن کور وی پراسیسر والے اس لیپ ٹاپ میں انٹیل ہارڈویئر شیلڈ ڈیوائس کے تحفظ کے لیے دی گئی ہے۔

یہ لیپ ٹاپ جنوری کے آخر میں پری آرڈر میں 1899 ڈالرز میں دستیاب ہوگا۔

اس کے مقابلے میں ایکس 1 کاربن اور ایکس 1 یوگا فروری میں بالترتیب 1429 اور 1569 ڈالرز میں دستیاب ہوں گے۔

ایکس 12 ڈی اٹیچ ایبل کی قیمت 1149 ڈالرز رکھی گئی ہے اور یہ بھی جنوری میں دستیاب ہوگا۔