پشاور: پشاور ہائیکورٹ نے رویت ہلال کمیٹی سے متعلق کیس میں وفاقی حکومت، چیئرمین رویت ہلال کمیٹی مفتی منیب الرحمن کو نوٹس جاری کر دیے۔

پشاور ہائیکورٹ میں ایک درخواست دائر کی گئی ہے جس میں رویت ہلال کمیٹی کو چاند دیکھنے سے روکنے کی استدعا کی گئی ہے ۔

درخواست میں کہا گیا ہے کہ ملک میں چاند کی رویت پر مسائل پیدا ہورہے ہیں دو دو عیدیں منائی جاتی ہیں۔

درخواست کی سماعت چیف جسٹس وقار احمد سیٹھ اور جسٹس عبد الشکور نے کی۔

عدالت نے وفاقی حکومت،چیئرمین رویت ہلال کمیٹی مفتی منیب الرحمن کو نوٹس جاری کرکےجواب طلب کرلیا۔

پاکستان میں ایک طویل عرصے سے عید ین کے چاند کی رویت کے حوالے سے اختلاف پایا جاتا ہے اور ہر سال ملک کے دو عیدیں منائی جاتی ہیں

  کراچی:اسٹیٹ بینک آف پاکستان نے شرح سود میں 1.5 فیصد اضافہ کردیا جس کے بعد پالیسی ریٹ 12.25 فیصد ہوگیا۔

ذرائع کے مطابق اسٹیٹ بینک نے آئندہ 2 ماہ کے لیے نئی مانیٹری پالیسی کا اعلان کردیا جس کا اعلامیہ بھی جاری کردیا گیا ہے۔ نئی پالیسی میں اسٹیٹ بینک نے شرح سود بڑھادی، شرح سود میں 150 بیسس پوائنٹس کا اضافہ کیا گیا ہے جس کے بعد پالیسی ریٹ 12.25 فیصد ہوگیا۔

اسٹیٹ بینک کے اعلامیہ کے مطابق  جولائی تا اپریل مہنگائی کی رفتار گزشتہ سال سے دگنی ہوگئی، جولائی اپریل افراط زر کی شرح 7 فیصد تک پہنچ گئی،  مالی سال 2019 میں افراط زر کی شرح 6.5 سے 7 فیصد تک رہے گی جب کہ شرح سود 12.25 فیصد مقرر کر دی گئی۔

ہواوے کی جانب سے گزشتہ سال کے پی 20 لائٹ کو پہلے سے بہتر بناکر دوبارہ متعارف کرایا جارہا ہے۔ پی 20 لائٹ 2019 کی لیکس سامنے آئی ہیں جس میں نوچ ڈسپلے کی بجائے پنچ ہول کیمرا دیکر بیزل کو پہلے سے کم کیا گیا ہے جبکہ ایک بڑی تبدیلی بھی کی جارہی ہے۔ جی ایس ایم ایرینا کی ایک رپورٹ کے مطابق پی 20 لائٹ 2019 میں گزشتہ سال کے 5.84 کی بجائے 6.4 انچ اسکرین دی جارہی ہے جس میں 1080x2310 ریزولوشن دیا جاسکتا ہے۔ پنچ ہول سیلفی کیمرا 16 میگا پکسل کا ہے جس میں ایف 2.2 آپرچر دیا گیا ہے۔ گزشتہ سال کے فون کے مقابلے اس بار 33 فیصد بڑی 4000 ایم اے ایچ بیٹری دی جارہی ہے مگر اس بار بھی وائرلیس چارجنگ سپورٹ دیئے جانے کا امکان نہیں۔ گزشتہ سال کے ماڈل میں بیک پر ڈوئل کیمرا سیٹ اپ تھا مگر اس بار یہ 4 کیمرں کا سیٹ اپ ہوگا جس میں سے ایک 24 میگا پکسل مین سنسر ہوگا، دوسرا 8 میگا پکسل شوٹر، جبکہ باقی دونوں کیمرے 2، دو میگاپکسل کے ہوں گے جن میں سے ایک ڈیپتھ سنسر ہوگا مگر چوتھا کیمرا کا مقصد ابھی واضح نہیں۔ اس فون میں اینڈرائیڈ پائی آپرٹینگ سسٹم کا امتزاج کمپنی کے ای ایم یو آئی 9.1 سے کیا جائے گا جبکہ 4 جی بی ریم کے ساتھ 64 سے 128 جی بی اسٹوریج دیئے جانے کا امکان ہے۔ اس فون میں ہواوے کا تیار کردہ کیرین 710 پراسیسر دیا جائے گا جبکہ فنگرپرنٹ ریڈر بیک پر دیا جائے گا، ہائیبرڈ ڈوئل سلاٹ کو مائیکرو ایس ڈی کارڈ کے لیے بھی استعمال کیا جاسکے گا۔ یہ فون آئندہ چند ہفتوں میں متعارف کرائے جانے کا امکان ہے جس کے 64 جی بی اسٹوریج والا فون 280 یورو (46 ہزار پاکستانی روپے سے زائد) جبکہ 128 جی بی اسٹوریج والا ماڈل 330 یورو (54 ہزار پاکستانی روپے سے زائد) میں فروخت کیا جاسکتا ہے۔

لاہور: چیف سلیکٹر انضمام الحق نے کرکٹ ورلڈ کپ کے لیے 15 رکنی قومی اسکواڈ کا اعلان کردیا، محمد عامر، آصف علی اور وہاب ریاض ٹیم کا حصہ ہوں گے، چیف سلیکٹر نے کہا کہ آصف علی کوعابد علی پرپاور ہٹنگ کی وجہ سے فوقیت دی گئی۔ تفصیلات کے مطابق مشن ورلڈ کپ کے لیے پاکستان کی 15 رکنی ٹیم کو حتمی شکل دے دی گئی، پاکستان کرکٹ بورڈ کے چیف سلیکٹر انضمام الحق نے ورلڈ کپ 2019 کے لیے سرفرازاحمد کی قیادت میں 15 رکنی قومی ٹیم کا اعلان کردیا۔ چیف سلیکٹرنے نیوزکانفرنس میں کہا کہ فخر زمان، امام الحق، محمد حفیظ، بابر اعظم، سرفراز احمد، حارث سہیل، شعیب ملک، عماد وسیم، شاداب خان، حسن علی، شاہین شاہ آفریدی اور محمد حسنین اسکواڈ میں شامل ہیں۔ انضمام الحق نے کہا کہ انگلینڈ کے ساتھ جو سیریز ہوئی اس کے بعد قومی ٹیم میں بڑی تبدیلی کا فیصلہ کیا، وہاب ریاض، محمد عامر، آصف علی کو واپس لے لیا، شاداب کی ٹیم میں واپسی ہوئی، ڈاکٹروں نے شاداب کو کلیئر کر دیا ہے، تجربہ کار عامر اور وہاب کو ٹیم میں شامل کیا گیا، فاسٹ بالرز کو ون ڈے سیریز میں کارکردگی کے بعد شامل کیا گیا، انھوں نے کہا کہ عابد علی کو ٹیم میں شامل نہ کرنا ایک مشکل فیصلہ تھا، پاور ہٹنگ کی وجہ سے ان پر آصف علی کو فوقیت دی، وہاب ریاض کو ہم نے نظر انداز نہیں کیا تھا، انھوں نے ڈومیسٹک ٹورنامنٹ میں اچھی کارکردگی دکھائی، 90 کی اسپیڈ جس کی نہیں ہے وہ بھی میچ میں کھیلتے ہیں، برطانوی کھلاڑی کو بھی ویسی مار پڑی ہے جیسے پاکستانی کو۔ انضمام الحق کا کہنا تھا کہ فخر زمان اور امام الحق فارم میں ہیں، حسنین کو اتنا تجربہ نہیں لیکن اللہ کرے ورلڈ کپ میں اچھی پرفارمنس دیں، ان کے پاس اسپیڈ ہے، ٹیم کی ضرورت کے مطابق کوچ اور کپتان سے بات کی، بولنگ کے ساتھ فیلڈنگ کو بھی دیکھنا ہے۔ چیف سلیکٹر نے کہا کہ جنید اور فہیم بھی اچھے بولر ہیں لیکن کنڈیشن میں تجربہ کار کھلاڑی چاہیے، آگے کیا ہوگا میں نہیں بتا سکتا، ٹیم نے انگلینڈ میں فائٹ کی کچھ چیزیں بری تو کچھ اچھی بھی ہیں، ہماری ٹیم ورلڈ کپ میں بہتر پرفارمنس دے گی۔ انضام کا کہنا تھا کہ ٹیم پر زیادہ تنقید اچھی چیز نہیں، اچھا کھیلنے والوں کو بھی سراہنا چاہیے، شعیب اور حفیظ سینئر کرکٹرز ہیں اور تجربہ کار کھلاڑیوں کی ضرورت ہے، ہم 23 مئی تک ٹیم میں تبدیلی کر سکتے ہیں تو فائدہ کیوں نہ اٹھائیں، پاکستان ٹیم کو جس کی ضرورت ہے ہم نے وہ فیصلہ کیا ہے۔ انھوں نے مزید کہا کہ ہماری ینگ کھلاڑیوں کی ٹیم ہاری بھی ہے لیکن فتح بھی ملی ہے، رضوان، عابد اور فہیم کو انگلینڈٖ ہی میں روک رہے ہیں، اگر کسی کی ضرورت پڑے گی تو ہمارے پاس بیک اپ ہوگا۔ چیف سلیکٹر کا کپتان کے متعلق کہنا تھا کہ سرفراز جتنا اوپر آ کر کھیلتے ہیں اتنی اچھی کارکردگی دیتے ہیں، سرفراز احمد کی کارکردگی انگلینڈ سے سیریز میں بہتر ہے۔