Reporter SS
اسلام آباد:ترجمان وزارت مذہبی امورکا کہنا ہے کہ اضافی حج کوٹے کی قرعہ اندازی 3 جون کو صبح 10 بجے ہوگی۔
ترجمان وزارت مذہبی امورکے مطابق اضافی حج کوٹے کی قرعہ اندازی 3 جون کو ہوگی۔ اضافی کوٹے میں 9 ہزار 474 افراد سرکاری حج پر جائیں گے اور ان خوش نصیبوں کے لیے قرعہ اندازی پیرکی صبح 10 بجے ہوگی۔
ترجمان وزارت مذہبی امور کا کہنا ہے کہ پہلی قرعہ اندازی میں ناکام ہونے والے درخواست گزار دوبارہ قرعہ اندازی میں شامل ہوں گے۔
کے الیکٹرک کے صارفین کے لئے بجلی کے ترمیم شدہ نرخوں (ٹیرف) کااعلان کردیا گیا ہے ، آئندہ صارفین سے بینک چارجز اور میٹر رینٹ کی مد میں کوئی علیحدہ رقم وصول نہیں کی جائے گی،ایسے تمام گھریلو صارفین جو ماہانہ 300 یونٹ تک بجلی استعمال کرتے ہیں، ان اضافی نرخوں سے مستثنیٰ رہیں گے ۔تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے 22 مئی 2019 کو وزارت توانائی (پاور ڈویژن) کی جانب سے جاری کردہ ایس آر او میں درج ٹیرف کے شرائط و ضوابط کے مطابق کے الیکٹرک کے صارفین کے لئے بجلی کے نرخوں میں اضافہ کا اعلان کر دیا ہے ۔
نئے ٹیرف کا اطلاق بجلی کے بلوں کے اگلے مرحلے سے ہو گا۔ ایسے تمام گھریلو صارفین جو ماہانہ 300 یونٹ تک بجلی استعمال کرتے ہیں، ان اضافی نرخوں سے مستثنیٰ رہیں گے۔ نئے ٹیرف اور قواعد کے تحت چند شرائط و ضوابط میں ترامیم کی گئی ہیں، مثلاً بجلی کے استعمال کے اوقات، یعنی ٹائم آف یوز کے مطابق بجلی کی قیمت وصول کی جائے گی۔لہٰذا اہلیت رکھنے والے تمام صارفین پر جو نرخ لاگو ہوں گے ، ان کا حساب، دن کے مصروف ترین اوقات میں بجلی استعمال کرنے پر مبنی ہو گا، یا غیر مصروف اوقات میں بجلی استعمال کرنے کے مطابق ہو گا۔ مزید برآں آئندہ صارفین سے بینک چارجز اور میٹر رینٹ کی مد میں کوئی علیحدہ رقم وصول نہیں کی جائے گی۔ (A3) یعنی عمومی سہولت ٹیرف کیٹیگری بھی متعارف کروائی گئی ہے ۔
اسلام آباد: سابق صدر آصف زرداری نے چیئرمین نیب ویڈیو میں پیپلزپارٹی کے ملوث ہونےکی تردید کردی۔
سابق صدر آصف علی زرداری جعلی بینک اکاوٴنٹس کیس میں ضمانت کے لیے اسلام آباد ہائی کورٹ میں پیش ہوئے تو اس موقع پر صحافی نے ان سے پوچھا کہ شیخ رشید کہتے ہیں چیئرمین نیب کی متنازع ویڈیو کے پیچھے پیپلزپارٹی کا ہاتھ ہے؟۔ اس پر سابق صدر آصف زرداری نے قہقہہ لگاتے ہوئے جواب دیا کہ ہم ایسے کام نہیں کرتے۔
آصف زرداری سے پوچھا گیا کہ کیا آپ چیئرمین نیب کا متبادل ڈھونڈ رہے ہیں تو انہوں نے جواب دیا کہ جس سرکار نے ڈھونڈنا ہے وہ خود ڈھونڈے۔
دنیائے کرکٹ کا سب سے بڑا میلہ کل سے انگلینڈ میں سجنے جارہا ہے جس کا باقاعدہ آغاز میزبان انگلینڈ اور جنوبی افریقا کے درمیان میچ سے ہوگا۔
ورلڈکپ کے لیے 10 ٹیمیں ایونٹ میں مدمقابل ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔
افغانستان کے لیے یہ دوسرا موقع ہے کہ وہ ورلڈکپ میں کوالیفائی کرنے کے لیے کامیاب رہا جب کہ دیگر ٹیموں میں دفاعی چیمپئن آسٹریلیا، پاکستان، بھارت، انگلینڈ، ویسٹ انڈیز، نیوزی لینڈ، جنوبی افریقا، سری لنکا اور بنگلادیش شامل ہیں۔
ایونٹ میں مجموعی طور پر 48 میچز کھیلے جائیں گے، فائنل اور سیمی فائنل سے قبل تمام ٹیمیں اپنے اپنے 9، 9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی اور 14 جولائی کو فائنل مقابلہ ہوگا۔
پاکستان اپنا ایونٹ کا پہلا میچ 31 مئی کو ویسٹ انڈیز کے خلاف کھیلے گا جو پاکستانی وقت کے مطابق دوپہر ڈھائی بجے شروع ہوگا۔
پاکستان اپنا دوسرا میچ 3 جون کو انگلینڈ، 7 جون کو سری لنکا، 12 جون کو آسٹریلیا، 16 جون کو بھارت، 23 جون کو جنوبی افریقا، 26 جون کو نیوزی لینڈ، 29 جون کو افغانستان اور 5 جولائی کو بنگلادیش کے خلاف کھیلے گا۔
کراچی: پاکستان اسٹاک ایکسچینج میں آج کاروبار کے دوران زبردست تیزی دیکھی جارہی ہے۔
پاکستان اسٹاک ایکسچینج میں اتار چڑھاؤ کا سلسلہ جاری ہے اور گزشتہ روز کی مندی کے بعد آج اسٹاک ایکسچینج کے 100 انڈیکس میں زبردست تیزی دیکھی جارہی ہے۔
بدھ کے روز کاروبار کا آغاز مثبت انداز میں ہوا اور ابتدا میں 100 انڈیکس 449 پوائنٹس اضافے سے 35399 پر پہنچ گیا۔
کاروبار کے دوران 100 انڈیکس میں 950 سے زائد پوائنٹس کااضافہ ہوگیاجس سےانڈیکس 35900 پوائنٹس سے تجاوز کرگیا۔
قراقرم انٹرنیشنل یونیورسٹی کانواں کانووکیشن تین جولائی بروز بدھ کو منعقد کیا جائے گا، اس بات کا فیصلہ قراقرم یونیورسٹی کے وائس چانسلر پروفیسر ڈاکٹر عطاء اللہ کی سربراہی میں ہونے والے اجلاس میں کیاگیا۔ کانو و کیشن میں بی ایس 2013، ماسٹر 2015سے 2018تک کے طلبا و طالبات شریک ہونگے ۔