ایمز ٹی وی(کراچی) سابق صدر آصف علی زرداری کی 62 ویں سالگرہ آج منائی جائے گی اس سلسلے میں ملک بھر میں تقریبات منعقد کی جائیں گی جن میں سالگرہ کے کیک کاٹے جائیں گے اور آصف علی زرداری کیلئے صحت و تندرستی اور درازی عمر کی دعائیں مانگی جائیں گی۔آصف علی زرداری 26جولائی 1955کو کراچی میں پیدا ہوئے وہ 18 دسمبر 1987ءکو محترمہ بے نظیر بھٹو شہید سے رشتہ ازدواج سے منسلک ہوئے۔
ایمز ٹی وی(تعلیم) صوبائی محکمہ کالج ایجوکیشن نے انٹر سال اول کے داخلوں کے لئے مرکزی داخلہ کمیٹی کا نوٹفیکیشن جاری کردیا ہے، داخلہ کمیٹی کا چیئرمین ڈائریکٹر جنرل کالجز کو مقرر کیا گیا ہے یہ عہدہ 20روز سے خالی پڑا ہے،ریجنل ڈائریکٹر کالجز، کراچی، حیدرآباد، لاڑکانہ، میرپورخاص، نواب شاہ اور سکھر وائس چیئرمین ہوں گے، ڈی جی کالجز کے ڈائریکٹر معائنہ بطور سکریٹری/ رکن ہوں گے، ڈپٹی ڈائریکٹر پرائیویٹ انسٹی ٹیوشن محمد افضال فوکل پرسن ہوں گے، داخلہ کمیٹی کے چیئرمین کو یہ اختیار حاصل ہوگا وہ کالجوں کے پرنسپلز کو کمیٹی بطوراراکین شامل کرسکے۔ مرکزی داخلہ کمیٹی کے تحت کراچی کے طلبہ کے لئے داخلہ فارم آن لائن دستاب ہونگے۔
ایمز ٹی وی (تعلیم) مہران یونیورسٹی آف انجنیئرنگ اینڈ ٹیکنالوجی جامشورو اور برٹش کونسل پاکستان کے مابین مشترکہ تربیتی اور تدریسی سرگرمیاں کرنے کا معاہدہ ہوا ․ معاہدے پر مہران یونیورسٹی کے وائس چانسلر پروفیسر ڈاکٹر محمد اسلم عقیلی اور برٹش کونسل کے نمائندے حسن خٹک نے دستخط کئے ․ معاہدے کے مطابق برٹش کونسل مہران یونیورسٹی کے طلبہ کے لئے وقتاََ با وقتاََ IELTSکے آگاہی پروگرام کرائے گی ․ اور مہران یونیورسٹی کے استاتذہ کے لئے بھی تربیتی ورکشاپ منعقد کرائے جائینگے ․
معاہدے میں یہ بھی طے کیا گیا کہ IELTS کے ٹیسٹ مہران یونیورسٹی میں بھی لی جائینگے ․ یاد رہے کہ دنیا کے 140ممالک کے 9000سرکاری اور نجی اداروں میں روزگار اور تعلیم کے لئے IELTSکے سرٹیفکیٹ کو لازمی قرار دیا گیا ہے ، جس کی سہولت مہران یونیورسٹی کے طلبہ کو اب آسانی سے حاصل ہوگی ․ مہران یونیورسٹی کا برٹش کونسل سے معاہدہ کرانے میں انگلش لینگویج ڈولپمینٹ سینٹر ( ای ایل ڈی سی) کے ڈائریکٹر ڈاکٹر حبیب اللہ پٹھان کی کوششیں شامل ہیں ․جنہیں وائس چانسلر پروفیسر ڈاکٹر محمد اسلم عقیلی ، پرووائس چانسلرپروفیسر ڈاکٹر طحہٰ حسین علی، رجسٹرار پروفیسر ڈاکٹر عبدالوحید عمرانی ، چاروں فیکلٹیز کے ڈینز سے سراہا ہے۔
ایمز ٹی وی(لاہور)پنجاب حکومت نے لاہور میں ارفع کریم ٹاور کے قریب خود کش دھماکے پر جے آئی ٹی بنانے کا فیصلہ کیا ہے۔ ایکسپریس نیوز کے مطابق گزشتہ روز لاہور میں ارفع کریم ٹاور کے قریب ہونے والے خود کش دھماکے پر پنجاب حکومت نے جے آئی ٹی بنانے کا فیصلہ کیا ہے جس کے بارے میں نوٹی فیکیشن جلد جاری کیا جائے گا، جے آئی ٹی میں پولیس کے علاوہ ایم آئی، آئی ایس آئی اور آئی بی کے نمائندے شامل ہوں گے جب کہ کمیٹی اپنی رپورٹ وزیر اعلی کو پیش کرے گی واضح رہے کہ گزشتہ روز فیروزپور روڈ پر ارفع کریم ٹاور کے قریب خودکش دھماکے کے نتیجے میں 9 پولیس اہلکاروں سمیت 26 افراد شہید اور 52 سے زائد زخمی ہوگئے تھے۔
ایمز ٹی وی (تعلیم) معروف ماہر تعلیم ، دانشوراور سابق ڈائریکٹر ایجوکیشن پروفیسر انوار احمد زئی نے ڈاکٹر ضیاءالدین یونیورسٹی کے گروپ آف ایجوکیشن میں بطور ایگزیکٹو ڈائریکٹر اپنی ذمہ داریاں سنبھال لی ہیں، اس طرح وہ ضیاءالدین یونیورسٹی کے تحت چلنے والے کالجوں، اسکولوں اور دیگر تعلیمی اداروں کی نگرانی کریں گے، اپنے نئے پروجیکٹ کے بارے میں تفصیل بتاتے ہوئے پروفیسر انوار احمد زئی کا کہنا تھا کہ ضیاءالدین یونیورسٹی کےبینرتلے چلنے والے اور نئے قائم ہونے والے تعلیمی اداروں کو مختلف انداز میں سامنے لانے کا عمل شروع کردیا گیا ہے جس میں جدید خطوط پر تعلیم کے علاوہ غیرتجارتی بنیاد پر طلباءکی کردارسازی پر زور ہوگا۔ انہوں نے بتایا کہ اس کا ثبوت یہ ہے کہ ضیاءالدین کالج برائے اعلیٰ تعلیم میں نئے سیشن کی کلاسیں 27جولائی سے شروع کی جارہی ہیں۔
ایمز ٹی وی(تعلیم) گورنر سندھ محمد زبیر نے پرو فیسر ڈاکٹر محمد یوسف کو سندھ میڈیکل کالج ، جناح سندھ میڈیکل یونیورسٹی کی بیسک میڈیکل سائنس فیکلٹی کا ڈین مقر ر کردیا ہے۔ تقرری ان کی ریٹائر منٹ کی تاریخ 7 اگست 2018ءتک ہوگی۔دریں اثناءگورنر سندھ / چانسلر محمد زبیر نے پروفیسر ڈاکٹر گلشن علی میمن کو پیپلز یونیورسٹی آف میڈیکل اینڈ ہیلتھ سائنسز برائے خواتین ، شہید بینظیر آباد کی فیکلٹی سرجری اینڈ الائیڈ سائنسز کا ڈین مقرر کردیا ہے۔
تقرری ان کی ریٹا ئر منٹ کی تاریخ 26 مارچ 2020ءتک ہوگی۔علا وہ ازیں گورنر سندھ / چانسلر محمد زبیر نے پروفیسر ڈاکٹر ناہید قادر میمن کو پیپلز یونیورسٹی آف میڈیکل اینڈ ہیلتھ سائنسز برائے خواتین ، شہید بینظیر آبادکی فیکلٹی بیسک میڈیکل سائنس کا ڈین مقرر کردیا ہے۔تقرری ان کی ریٹا ئر منٹ کی تاریخ 18 مئی 2018 ءتک ہوگی۔
ایمز ٹی وی(تعلیم)روس میں دنیا کی پہلی برفانی لائبریری کا افتتاح کردیا گیا۔ اس انوکھی لائبریری میں برف کی دیواروں پر مختلف جملے لکھے گئے ہیں۔ اپنی نوعیت کی منفرد اس لائبریری کے لیے دنیا بھر سے ہزاروں افراد نے اپنے پسندیدہ عبارات و منتخب جملے بھیجے جنہیں برف سے بنی دیواروں پر کندہ کیا گیا۔ اس لائبریری میں انگریزی، روسی اور چینی زبان میں مختلف کتابوں سے لی گئی عبارتیں درج ہیں