ایمز ٹی وی(صحت) شہر میں بارشوں کے بعد جلدی امراض میں اضافہ ہوا ہے جس پر ماہرین امراض جلد نے ہدایت کی ہے کہ صفائی کا خاص خیال رکھا جائے ،صاف پانی زیادہ پیا جائے ، صاف کپڑے پہنے جائیں ، دن میں ایک سے دو بار غسل کیا جائے اور خود کو گرمی سے دور رکھا جائے تو ان امراض سے محفوظ رہا جاسکتا ہے ۔ انسٹیٹیو ٹ آ ف اسکن ڈیزیز سندھ کے ڈائریکٹر اور ماہرامراض جلدڈاکٹر اقبال نبی سومرو نے بتایا کہ شہر میں بارشوں کے بعد اسپتال میں مریضوں کی تعداد میں اضافہ ہوا ہے اور زیادہ تر وہ مریض آرہے ہیں جنہیں فنگس اور بیکٹیریل انفیکشن ہور ہاہے ۔ انہوں نے بتایا کہ بارش سے قبل شدید گرمی کے باعث شہریوں کوگرمی دانے ہو رہے ہیں جس میں اضافے سے انفیکشن ہو جاتاہے اور انفیکشن میں اضافے سے پھوڑیاں نکل آتی ہیں ۔
انہوں نے بتایا کہ بارش اور ہیومیڈٹی سے فنگس کا مرض بھی بڑھ گیا ہے ۔ جو ایک سے دوسرے کو منتقل ہوتاہے اور اس کا علاج 6ہفتوں تک جاری رہتا ہے لیکن شہری صرف ایک ہفتے کی دوا لے کر چلے جاتے اور مکمل علاج نہیں کراتے جس سے یہ مرض ان کے گھر کے دیگر افراد کو بھی لگ جاتا ہے ۔ ان کا کہنا تھاکہ یہ جلدی امراض قابل علاج ہیں اور مرہم اور ادویات کے استعمال سے ٹھیک ہوجاتے ہیںتاہم شہریوں کی یہ ذمہ داری ہے کہ وہ صفائی ستھرائی کا خیال رکھیں ، صاف کپڑے پہنیں ، دن میں ایک سے دوبار نہائیں،صاف پانی زیادہ سے زیادہ پئیں ، اینٹی بیکٹیریل صابن استعمال کریں اور گرمی میں کام نہ کریں ۔ ان کا کہنا تھا کہ محکمہ صحت کے تحت اسکن ڈیزیز اسپتال میں تمام ادویات اور مرہم مریضوں کو مفت فراہم کیے جاتے ہیں جلدی امراض کی صورت میں شہری اسپتال سے رجوع کریں ۔
ایمز ٹی وی(تعلیم) میٹرک کے امتحانات میں ہر قسم کی کرپشن کے امکانات ختم کردیئے جائیں گے ، امتحانی کاپی میں صفحات کی تعداد بڑھا کر کاپی کو سی دیا جائے گا تاکہ نقل شدہ صفحات نہ جوڑیں جاسکیں۔
ان خیالات کا اظہار چیئرمین میٹرک بورڈ ڈاکٹر سعید الدین نے پرائیویٹ اسکولز مینجمنٹ ایسوسی ایشن (پسما) کے ایک وفد سے ملاقات کرتے ہوئے کیا۔ وفد میں چیئرمین (پسما) شرف الزماں ، سیکرٹری سید اسرار علی ، سید حسان شہید ، اختر آرائیں ، غلام ربانی ، محمد شکیل ، شعیب قیوم اور محمد عمر شامل تھے ۔ چیئرمین پسما شرف الزماں نے چیئرمین میٹرک بورڈ کے اقدامات کوسراہتے ہوئے کہا کہ امسال امتحانات میں بوٹی مافیا کا مکمل خاتمہ کردیا جائے گا۔
ایمزٹی وی (اسلام آباد)مسلم لیگ (ن) کے رہنماﺅں کی پریس کانفرنس کے دوران صحافیوں نے گذشتہ دنوں پمز ہاسپٹل میں خاتون صحافی کو ہراساں کرنے اور اس کے ساتھ بدتمیزی کے خلاف شدید نعرے بازی کی اور شیم شیم کے نعرے لگائے۔
تفصیلات کے مطابق مسلم لیگ(ن) کے رہنماﺅں دانیال عزیز اور طارق فضل چوہدری پی آئی ڈی میں پریس کانفرنس کرنے آئے تو وہاں موجود صحافیوں نے بھرپور احتجاج کیا، شیم شیم ، ظلم کے یہ ضابطے، نواز تیرے ضابطے ، ہم نہیں مانتے کے نعرے بلند کئے۔ اس دوران رہنماءمسلم لیگ طارق فضل چوہدری کا کہنا تھا کہ خاتون کے ساتھ بدتمیزی کرنے والے اہلکاروں کے خلاف کارروائی کریں گے ، وزرات داخلہ سے مکمل رابطے میں ہیں ایف آئی اے اہلکاروں کے خلاف کارروائی بھی کریں گے۔ پمز انتظامیہ نے جو کیا وہ سراسر زیادتی ہے انتظامیہ کے خلاف بھی بھرپور کارروائی کی جائے گی۔اگلے24گھنٹوں کے دوران ایف آئی آر درج کر لی گئی ہے۔ پمز انتظامیہ سے واقعے کی فوٹیج منگوا لی ہے۔ زیادتی کرنے والوں کے خلاف کارروائی کریں گے۔
ایف آئی اے اہلکاروں کے خلاف پمز کے دائرہ کار میں کارروائی نہیں کرسکتے، وزارت داخلہ سے مکمل رابطے میں ہوں ان کے خلاف ضرور کروائی ہوگی۔
احتجاج کے دوران صحافی کھڑے ہوگئے انہوں نے لیگی رہنماﺅں کو گھیر لیا، صحافیوں کا کہنا تھا کہ اگر اگلے 24گھنٹوں میں اہلکاروں کے خلاف کارروائی نہ کی گئی تو مسلم لیگ کی کسی بھی پریس کانفرنس میں شریک نہیں ہوں گے ۔ بد ازاں طارق فضل چوہدری کی یقین دہانی کے بعد صحافی پریس کانفرنس کے لئے بیٹھ گئے۔
ایمزٹی وی (کراچی)آئی جی سندھ اے ڈی خواجہ نے وزیر اعلیٰ سندھ مراد علی شاہ کو پولیس کے انتظامی معاملات کے حوالے سے خط لکھا ہے جس میں کہا گیا ہے کہ سروسز اینڈ جنرل ایڈمنسٹریشن کی جانب سے پولیس ملازمین کو چھٹیاں دی جارہی ہیں جب کہ وزیر داخلہ کی جانب سے بھی متعدد ملازمین پر غیر ضروری طور پردباؤ ڈالا جارہا ہے، اس صورتحال کے منفی اثرات امن و امان کی صورتحال پر بھی پڑ رہے ہیں جب کہ ایسے اقدامات آئی جی کے کنٹرول کو کم کرنے کے مترادف ہیں۔
خط میں کہا گیا ہے کہ اے آئی جی آپریشن سمیت دیگر اہم عہدوں پر تبادلوں پر بھی آئی جی کواعتماد میں نہیں لیاگیا، افسران کے تبادلوں کے لیے آئی جی کی سفارشات کو مکمل طور پر نظرانداز کیاگیا جب کہ بعض افسران کو تو عہدے کے لیے متعین دورانیہ بھی مکمل نہیں کرنے دیا گیا لہذا ان اقدامات سےسینٹرل پولیس آفس میں معمول کے کام نہیں ہوپا رہے۔
آئی جی سندھ نے خط میں لکھا کہ وزیراعلی کی توجہ گزشتہ ایپکس اجلاس کے فیصلوں کی جانب مبذول کرانا چاہتا ہوں جس میں پولیس کو انتظامی طور پر خودمختار بنانے کا فیصلہ کیا گیا تھا تاہم بدقسمتی سے تقرریوں اور تبادلوں سے متعلق فیصلے اپیکس کمیٹی کےفیصلوں کی نفی ہے لہذا بطور آئی جی سندھ ذمہ داری ہے کہ آپ کی توجہ ان مسائل کی جانب مبذول کراؤں۔
اے ڈی خواجہ نے خط میں مزید لکھا کہ اپیکس کمیٹی کے فیصلوں کو مکمل طور پر نظرانداز کیا جارہا ہے اور فیصلوں پر کسی قسم کا کوئی عملدرآمد نہیں ہورہا، یہ صورتحال ماتحت ملازمین پر انتظامی کنٹرول کو کمزورکرنے کی طرف جارہی ہے جب کہ پولیس ایکٹ 1861 کے مطابق آئی جی سندھ محکمہ پولیس کا انتظامی سربراہ ہے لہذا مجھے امید ہے کے آپ اس معاملے پر مداخلت کریں گے۔
ایمزٹی وی (سندھ)سکھر میں میڈیا نمائندوں سے گفتگو کرتے ہوئے رہنماءپیپلز پارٹی اور قومی اسمبلی میں قائد حزب اختلاف سید خورشید شاہ کا کہنا تھا کہ پانامہ کیس کا فیصلہ آنے تک پاکستان پیپلز پارٹی کچھ نہیں کہے گی کیوں دریا ابھی بہت دور ہے تو پہلے ہی کپڑے اتازنے سے کوئی فائدہ نہیں ہے ، پی ٹی آئی کو بھی خاموش رہنا چاہئے ، اگر نواز شریف نااہل ہو تے ہیں تو اگلا نمبر عمران خان کا ہوگا۔عدالت میں وزیر اعظم کا کیس زیر سماعت ہے اس کا فیصلہ پیر یا منگل تک آنے کی توقع ہے مگر یہ بھی خیال رکھنا چاہیے کہ بولنا اور اسے ثابت کرنے دونوں الگ الگ ہیں۔ جے آئی ٹی کی رپورٹ کے والیم10میں کیا ہے مجھے معلوم نہیں ہے۔ ریلوے بحران کے حوالے سے ان کا کہنا تھا کہ ریلوے ڈرائیورز کے ساتھ حکومت نے جو کچھ کیا تکلیف ہے تاہمان حالات میں سیاست نہیں کرنی چاہئے، حکومت سے درخواست ہے کہ ڈرائیوروں سے مذاکرات کریں اور وہ ڈرائیورز سے اپیل کرتے ہیں کہ ریلوے ڈرائیورز عوام کو ان کے گھروں تک پہنچائے۔ ریلوے ڈرائیورزاپنی ہڑتال 3دن تک موخرکریں۔
سندھ میں نیب اختیارات پر گفتگو کرتے ہوئے قائد حزب اختلاف کا کہنا تھا کہ نیب کے سارے کیسز سندھ میں چل رہے ہیں اور نیب اہلکار سندھ کے افراد کو اٹھا رہے تھے، پنجاب میں نیب جب کارروائی کرتی تھی وہاں کے سارے سیاستدان بول پڑتے تھے جبکہ سپریم کورٹ کے نیب سے متعلق ریمارکس سب کے سامنے ہیں۔جب سندھ سے لوگ اٹھائے گئے تو مسلم لیگ(ن) کے وزرا اور سیاست دان پیپلز پارٹی کے خلاف زہر فشانی کرتے تھے۔گورنرسندھ کے پاس بل کو مسترد کرنے کا اختیار ہےخیبرپختونخوامیں نیب نہیں اب سندھ میں بھی ایسا ہی ہوجائے گا۔ سندھ حکومت نے نیب کے خلاف بل کا مسودہ منظور کیا ہے۔ اب تیسری مرتبہ بل جائے گاتوخودہی قانون بن جائے گا۔
ایمزٹی وی (صحت) طبی ماہرین کا کہنا ہے کہ پاکستان میں 90 لاکھ سے زائد افراد فالج کے مرض میں مبتلا ہیں۔
مہر میڈیکل کالج سکھر کے شعبہ نیورولوجی کے اسسٹنٹ پروفیسر ڈاکٹر لال چند، پیما کے رکن ڈاکٹر مجید میمن، ڈاکٹر الطاف حسین شیخ اور الخدمت فاؤنڈیشن سکھر کے صدر مامون الرشید نے گزشتہ روز عالمی یوم دماغ کے موقع پر سکھر پریس کلب میں ورلڈ فیڈریشن آف نیورولوجی اور الخدمت فاؤنڈیشن کے اشتراک سے پریس کانفرنس سے خطاب کرتے ہوئے کہا کہ پاکستان میں 90 لاکھ سے زائد افراد فالج کے مرض میں مبتلا ہیں، ہر سال ہزاروں لوگ فالج کی وجہ سے موت کے منہ چلے جاتے ہیں اور لاکھوں افراد معذوری کی زندگی گزارنے پر مجبور ہیں۔
طبی ماہرین کا کہنا تھا کہ امسال عالمی یوم دماغ کا موضوع فالج ہے، فالج دماغ کے دورے کی وجہ سے ہوتا ہے، اس سے بچاؤ کیلیے حفاظتی تدابیر اور بروقت علاج ضروری ہے
ایمزٹی وی (اسلام آباد)چیئرمین تحریک انصاف عمران خان نے کہا ہے کہ وہ اپنی منی ٹریل عدالت میں پیش کر چکے ہیں، آج کے اخبارات دیکھے تو یوں لگا کہ جیسے میری منی ٹریل بھی نہیں ہے، اگر کوئی شخص میری دستاویزات اور منی ٹریل کی تصدیق کرنا چاہتا ہے تو اسے مکمل سہولت فراہم کروں گا تاکہ وہ با آسانی برطانیہ سے ریکارڈ حاصل کر سکے۔ پاناما کیس میں عدالت کے روبرو مریم نواز لندن فلیٹس کی بینی فیشل آنر نکلیں، نواز شریف ایف زیڈای کمپنی کے چیئرمین نکلے ، انہوں نے وزیر اعظم ہوتے ہوئے اقامہ پر ویزہ لیا ہوا تھا، گلف اسٹیل مل کے بارے میں دبئی کی وزارت انصاف نے کہہ دیا ہے کہ وہ خسارے میں چل رہی تھے، عدالت میں یہ بھی ثابت ہوگیا کہ انہوں نے عدالت کے روبرو جھوٹ بولا اور جعلی دستاویزات جمع کرائے، اب عدالت نے پاناما کیس کا فیصلہ سنانا ہے۔
بنی گالہ میں ہنگامی پریس کانفرنس سے خطاب کرتے ہوئے چیئرمین تحریک انصاف عمران خان نے کہا کہ اخبارات میں یہ تاثر دیا گیا کہ میرا اور نواز شریف کا کیس ایک ہی جیسا ہے حالانکہ ایسا کچھ نہیں ہے ۔ ان پر منی لانڈرنگ ، ٹیکس چوری جیسے سنگین الزامات ہیں جبکہ میں نے کوئی منی لانڈرنگ نہیں کی کیونکہ میں پاکستان سے پیسہ لے کر نہیں گیا بلکہ پیسہ پاکستان میں لے کر آیا ، اور نہ ہی میں نے ٹیکس چھپایا کیونکہ انگلینڈ میں ٹیکس ادا کرتا رہا ہوں۔
انہوں نے کہا کہ یہ تاثر بھی دینے کی کوشش کی جا رہی ہے کہ میری منی ٹریل نہیں ملی لیکن میں بتانا چاہتا ہوں کہ میری تمام ٹرانزیکشنز سپریم کورٹ میں پڑی ہیں، سپریم کورٹ میں لندن فلیٹ کی مورگیج تک فراہم کردی ہے جبکہ انہوں نے تو لندن فلیٹس کی خریداری کے دستاویزات بھی جمع نہیں کرائے۔
عمران خان نے کہا کہ کیری پیکر سیریز کے ڈائریکٹر آسٹرن رابرٹس کا لیٹر قطری خط نہیں ہے کیونکہ اس نے اس میں تمام تفصیلات فراہم کی ہیں ۔ میں نے پیسہ دکھانا تھا وہ بتادیا ہے اور منی ٹریل پیش عدالت میں جمع کرا دی ہے، جو بھی میرے اثاثے چیک کرنا چاہتا ہے میں اسے خود لیٹر لکھ کر دوں گا جس سے وہ انگلینڈ کے ریونیو ڈیپارٹمنٹ میں جا کر میرے ٹیکس کی معلومات لے سکتا ہے۔میں نے صرف یہ بتانے کیلئے مشتاق احمد کا کنٹریکٹ دیا کہ اگر مشتاق احمد کو 70 ہزار پاﺅنڈ مل سکتے ہیں تو مجھے بطور آل راﺅنڈر کتنے ملتے ہوں گے۔
انہوں نے خواجہ آصف پر تنقید کرتے ہوئے کہا کہ خواجہ آصف کو دنیا کا بھی دھیان رکھنا چاہیے اور آخرت کا بھی خیال ہونا چاہیے ، یہ خود پھنسنے والے ہیں کیونکہ انہوں نے آتے ہی 480 ارب روپے سرکلر ڈیٹ میں دیے اس میں سے 180 ارب روپے کا فراڈ ہے اور یہ معاملہ سینیٹ کی کمیٹی میں پڑا ہوا ہے۔
اسے شرم آنی چاہیے کہ اس کے پاس چوری کرکے پیسہ اکٹھا ہوگیا ہے لیکن جو لوگ باہر نہیں جا سکتے ان کا شوکت خانم میں مفت علاج ہوتا ہے لیکن یہ پھر بھی اپنے آقاﺅں کو خوش کرنے کیلئے شوکت خانم پر تنقید کرتا ہے۔ ان کا کرپشن کا کاروبار ہے، خواجہ آصف جیسے لوگوں کو ہڈیاں ملتی ہیں جو یہ مل کر کھاتے ہیں، آپ کیوں کارروائی نہیں کرتے؟ میں تو خیراتی ادارے میں کرپشن کرنے والے کو فوری طور پر جیل میں ڈال دوں گا۔جو لوگ نواز شریف کی حمایت میں نکل رہے ہیں یہ سب مجرم ہیں، کیونکہ جو لوگ مجرم کی حمایت کرتے ہیں اسے بھی قانون میں مجرم کہتے ہیں۔
ایمزٹی وی (اسپورٹس)ہال آف فیم ٹینس ٹورنامنٹ میں پاکستانی اسٹار اعصام الحق اور ان کے پارٹنر راجیو رام نے ڈبلز فائنل اپنے نام کرلیا۔
ایونٹ میں ٹاپ سیڈنگ پانیوالی اعصام الحق اور راجیو رام کی جوڑی نے فائنل میں آسٹریلوی جوڑی میٹ ریئڈ اور جان اسمتھ کوچھ ۔ چار، چار۔ چھ اور دس۔ سات سے شکست دی۔
قبل ازیں اعصام الحق اور ان کے پارٹنر راجیو رام نے سیمی فائنل میں آسٹریلیا کے سام گروتھ اور بھارتی حریف لینڈرپیس کا قصہ تمام کیا تھا۔
ایمزٹی وی (اسلام آباد)وزیر داخلہ چوہدری نثار علی خان کی جانب سے آج شام 5 بجے منعقد کی جانے والی پریس کانفرنس ناساز ی طبیعت کی وجہ سے کل تک کے لیے ملتوی کر دی گئی۔ ڈاکٹرز کی ہدایت پر شدید کمر درد کے عارضے کی وجہ سے وزیر داخلہ کو مکمل آرام دیا گیا ہے ، آج ملتوی کی جانے والی پریس کانفرنس کل پانچ بجے منعقد کی جائے گی۔
ترجمان وزارت داخلہ نے مزید کہا میڈیا سے درخواست ہے کہ اس حوالے سے قیاس آرائی سے گریز کیا جائے اور اس کو کوئی اور معنی نہ پہنائے جائیں، پریس کانفرنس ملتوی ہونے کی وجہ محض طبیعت کی ناسازی ہے۔
واضح رہے کہ چوہدری نثار علی خان پاناما کیس پر وزیر اعظم اور پارٹی سے ناراض ہیں، انہوں نے کابینہ سمیت پارٹی کے کئی اہم اجلاسوں میں بھی شرکت نہیں کی ۔ ان کی کمر میں بھی تکلیف ہے تاہم ان کی پارٹی سے ناراضی بھی انہیں اجلاسوں میں شرکت سے روکتی رہی ہے۔
مسلم لیگ ن کے اہم وزرا اور رہنماﺅں کی جانب سے چوہدری نثار کو منانے کی کوششیں کیں لیکن سب بے سود رہیں۔ انہوں نے اصولی موقف اپنا رکھا ہے کہ وہ پریس کانفرنس میں ہی اپنے گلے شکوے کریں گے ۔ دوسری جانب میڈیا میں قیاس آرائیوں کا سلسلہ بھی جاری ہے اور کہا جا رہا ہے کہ چوہدری نثار اپنی پریس کانفرنس میں وزارت یا پارٹی چھوڑنے کا اعلان کر سکتے ہیں۔
ایمزٹی وی (اسلام آباد)پاکستان تحریک انصاف کے چیئرمین عمران خان کی آئین کی آرٹیکل 62,63کے تحت نااہلی کا بھی خطرہ پیداہوگیاکیونکہ 30سال پرانا ایک ایسا خط منظرعام پر آگیا ہے جوان کے موجودہ بیانات کی نفی کرتاہے ۔
تفصیلات کے مطابق عمران خان کی اپریل 1987ءمیں وزیراعلیٰ پنجاب کو لکھی گئی ایک درخواست سوشل میڈیا پر وائرل ہوگئی جس میں لکھا ہے کہ ان کے پاس اپناذاتی گھر نہیں ہے لہٰذا انہیں ایک فلیٹ الاٹ کیا جائے تاکہ ان کی مشکلات آسان ہوجائیں لیکن سپریم کورٹ میں جمع کرائے گئے جواب میں لکھاکہ 1983ءمیں اُنہوں نے لندن فلیٹ خریدا۔
آئین کا آرٹیکل 62,63کسی بھی امیدوار یا رکن اسمبلی کے سچا اور امانت دار ہونے سے متعلق ہے اور اس خط کو مدنظر رکھیں تو دونوں میں سے ایک بات غلط ہے اور یوں عمران خان کیلئے بھی نااہلی کی تلوار لٹک گئی ۔