K2 - Results from #16352

جرگے کا فیصلہ، سپریم کورٹ حرکت میں آگئی

ایمزٹی وی (اسلام آباد) چیف جسٹس آف پاکستان میاں ثاقب ںثار نے ملتان کے علاقے مظفر آباد میں جرگے کے حکم پر لڑکی سے زیادتی سے متعلق الیکٹرانک میڈیا اور اخبارات میں نشر اور شائع ہونے والی خبروں کا نوٹس لے لیا ہے، چیف جسٹس نے آئی جی پنجاب واقعے سے متعلق رپورٹ طلب کرلی ہے۔

دوسری جانب خاتون سے زیادتی کے واقعہ پر گزشتہ روز 20 افراد کو گرفتارکیا تھا جب کہ اب پولیس نے مرکزی ملزمان سمیت مزید 4 افراد کوگرفتارکرلیا جس کے بعد گرفتارہونے والے ملزمان کی تعداد 24 ہوگئی۔ گرفتار ہونے والوں میں مرکزی ملزم اشفاق کا والد اورعمروڈا بھی شامل ہے۔ اس کے علاوہ وزیر اعلیٰ شہباز شریف بھی آج ملتان پہنچ رہے ہیں۔

واضح رہے کہ ملتان میں 16 جولائی کوعمر وڈا نامی شخص نے 12 سالہ لڑکی کو زیادتی کا نشانہ بنایا تھا جس پرپنچایت نے بدلے میں عمروڈا کی 17 سالہ بہن کو زیادتی کا نشانہ بنانے کا حکم سنایا جس پرمتاثرہ لڑکی کے بھائی اشفاق نے 18 جولائی کوعمر وڈا کی بہن کے ساتھ زیادتی کی۔

کرکٹ اسٹیڈیم میں پہلی بار مرمت اورآرائش

ایمز ٹی وی (اسپورٹس )پاکستان کرکٹ بورڈ نے نیشنل اسٹیڈیم کراچی کی آرائش اور مرمت پر ایک ارب روپے سے زائد اخراجات کرنے کی منظوری دے دی ہے۔ پی سی بی نے ایک ارب روپے کے اخراجات اور تعمیراتی کام کے لئے تعمیراتی کمپنیوں سے اظہار دلچسپی کی درخواستیں بھی طلب کر لی ہیں۔ پاکستان کی تاریخ میں پہلی مرتبہ کسی کرکٹ اسٹیڈیم کی مرمت اور آرائش پرایک ارب روپے سے زائد کے فنڈز خرچ کئے جائیں گے ۔

پی سی بی کے انتظامات سنبھالنے والے نجم سیٹھی کی خصوصی دلچسپی سے ایک ارب روپے کرکٹ اسٹیڈیم پر خرچ ہوں گے۔پی سی بی ذرائع نے بتایا ہے کہ کراچی میں نیشنل کرکٹ اسٹیڈیم پر اخراجات کے بارے میں ایک ارب روپے کے فنڈز کی پی سی بی حکام نے منظوری دے دی ہے جس کے بعد جو کمپنی اس کام کا ٹھیکہ لے گی اس کو گارنٹی کے نام پر 2 کروڑ روپے ڈیپازٹ کرانا ہوں گے یا بینک انشورنس سرٹیفکیٹ دینا ہو گا۔ اس پورے مرحلہ میں شفافیت بھی رکھی جائے گی، تاہم پی سی بی حکام نے ایک ارب روپے خرچ کرنے پر متعلقہ وفاقی وزارت بین الصوبائی کو مکمل اندھیرے میں رکھا ہوا ہے ا

س حوالے سے جب وزارت بین الصوبائی رابطہ سے رابطہ کیا گیا تو حکام اس بھاری اخراجات بارے مکمل طور پر لاعلم تھے

صحافیوں کے بلاجواز برطرفیوں، تنخواہوں کی ادائیگی میں تاخیر

ایمز ٹی وی (کراچی) پریس کلب میں تمام صحافی تنظیموں کا اجلاس قائم مقام صدر کراچی پریس کلب سید منہاج الرب کی زیرصدارت ہو ا جس میں کراچی یونین آف جرنلسٹس کے تینوں گروپوں کے نمائندوں نے شرکت کی۔ اجلاس میں میں مختلف ٹی وی چینلزسے صحافیوں کے بلاجواز برطرفیوں، تنخواہوں کی ادائیگی میں تاخیر اور واجبات کی عدم ادائیگی پر سخت تشویش کا اظہار کرتے ہوئے صحافیوں کے مسائل کے حل کیلئے مشترکہ جہدوجہد پر اتفاق کیا گیا۔ اس سلسلے میں کراچی یونین آف جرنلسٹس کے تمام گروپوں کے صدور، جنرل سیکرٹریز سمیت پاکستان پریس فوٹوگرافر ایسوسی ایشن اور کیمرامین ایسوسی ایشن کے صدور اورجنرل سیکرٹریز پر مشتمل جوائنٹ ایکشن کمیٹی تشکیل دی گئی جس کےکوارڈی نیٹر کراچی پریس کلب کے سیکرٹری ہوں گے۔ اجلاس میں نجی ٹی وی چینلز سے صحافیوں کی برطرفیوں، تنخواہوں میں تاخیر اور واجبات کی عدم ادائیگی کی سخت مذمت کی گئی۔

اجلاس میں کراچی پریس کلب کے سیکرٹری مقصود یوسفی، پاکستان فیڈرل یونین آف جرنلسٹس کے سیکرٹری جنرل ایوب جان سرہندی ، کے یو جے کے صدر حسن منصور، کے یو جے دستور کے قائم مقام صدر ثاقب صغیر، جنرل سیکرٹری حامد الرحمٰن ، پی ایف یو جے کے رکن مرکزی مجلس عاملہ سعید جان بلوچ، پی ایف یو جے دستور کے نائب صدر افسر عمران، اسسٹنٹ سیکرٹری جنرل شعیب احمد، رکن مرکزی مجلس عاملہ پی ایف یو جے جاوید اصغر چوہدری، رکن مرکزی مجلس عاملہ پی ایف یو جے دستور طارق ابولحسن،کراچی پریس کلب کے جوائنٹ سیکرٹری نعمت خان، رکن مجلس عاملہ کراچی پریس کلب لیاقت علی خان، طاہر حسن خان،علاء ا لدین خانزادہ، خورشید عباسی، صدر پاکستان پریس فوٹوگرافر ایسوسی ایشن سید حامد حسین اور سیکرٹری جنرل کیمرامین ایسوسی ایشن شہادت بلوچ نے شرکت کی

ڈاکٹرعاصم کا نام ای سی ایل سے نکالنے کی درخواست

ایمز ٹی وی (کراچی)ڈاکٹر عاصم کا نام ای سی ایل سے نکالنے سے متعلق درخواست میں سپریم کورٹ نے وزارت داخلہ سے ایک ہفتے میں جواب طلب کرلیا۔ جسٹس اعجاز افضل خان کی سربراہی میں تین رکنی بنچ نے کیس کی سماعت کی۔

اس موقع پر عدالت نے کہا کہ معاملے پر وزارت داخلہ کا موقف جاننا چاہتے ہیں۔ عدالت کا کہنا تھا کہ دیکھنا چاہتے ہیں ای سی ایل میں نام شامل کرنے کے لیے قانون کا اطلاق یکساں ہوتا ہے کہ نہیں، جاننا چاہتے ہیں کہ کیا پسند ناپسند کی بنیاد پر تو نام ای سی ایل میں شامل نہیں کیے جاتے۔ کیس کی مزید سماعت ایک ہفتے کے لیے ملتوی کردی گئی

دماغی طور پر صحت مند رہنا ہے تو آپ کو یہ کام کرنا ہوگا

ایمزٹی وی (مانیٹرنگ ڈیسک)برطانیہ میں یونیورسٹی آف ایکسیٹر کے اعصابی ماہرین نے دریافت کیا ہے کہ جو لوگ روزانہ لفظی معمے (کراس ورڈ پزل) حل کرتے ہیں وہ دماغی بیماریوں میں بھی کم ہی مبتلا ہوتے ہیں۔

50 سال سے 96 سال تک کے 17,000 سے زائد افراد پر کیے گئے اس آن لائن سروے میں شریک ہونے والے رضاکاروں سے پہلے ان کی روزمرہ مصروفیات اور دلچسپیوں کے بارے میں پوچھا جاتا۔ اس سوال نامے کے ذریعے بطورِ خاص یہ معلوم کیا گیا کہ شرکاء لفظی معمے کھیلتے تھے یا نہیں، اور اگر کھیلتے تھے تو کتنا کم یا کتنا زیادہ۔ اس کے بعد مختلف آن لائن ٹیسٹ شروع کردیئے جاتے جن کا مقصد ان لوگوں کی یادداشت، اکتسابی صلاحیتوں اور ارتکازِ توجہ کے بارے میں جاننا تھا۔

نتائج کے تجزیئے سے انکشاف ہوا کہ جو لوگ روزانہ لفظی معمے حل کرتے تھے وہ ذہنی طور پر نہ صرف اپنی جسمانی عمر کے مقابلے میں 10 سال جوان تھے بلکہ ان میں ڈیمنشیا سمیت متعدد دماغی امراض میں مبتلا ہونے کے خطرات بھی نمایاں طور پر کم تھے۔

الزائمرز ایسوسی ایشن انٹرنیشنل کانفرنس 2017 میں پیش کیے گئے اس تحقیقی مطالعے سے پتا چلتا ہے کہ معمے حل کرنے کی عادت لوگوں کے دماغی طور پر صحت مند رہنے میں بہت مددگار ثابت ہوتی ہے کیونکہ معمے حل کرتے دوران دماغ کو مشقت اٹھانا پڑتی ہے جو دماغی صحت پر اچھے اثرات مرتب کرتی ہے۔

وہ لوگ جو باقاعدگی سے لفظی معمے حل کیا کرتے تھے ان میں سے 15 فیصد میں دماغی انحطاط کی اوّلین علامات دیگر افراد کے مقابلے میں تقریباً ڈھائی سال بعد نمودار ہوئی تھیں۔

اگرچہ اس سے پہلے بھی مختلف مطالعات میں ایسی ہی باتیں دریافت کی جاچکی ہیں تاہم یہ پہلا موقعہ ہے کہ اتنے وسیع پیمانے پر دماغی صحت اور ذہنی مشقت میں باہمی تعلق پر کوئی کام کیا گیا ہے۔

ایکسیٹر یونیورسٹی کا مذکورہ مطالعہ 10 سال کےلیے ترتیب دیا گیا ہے اور اس میں مزید افراد کی رجسٹریشن اور آزمائش جاری ہے جبکہ اب تک اس کے شرکاء کی تعداد 22000 سے زیادہ ہوچکی ہے۔

بچوں کا پسندیدہ سافٹ ائیر "متروک فیچرز "میں شامل

ایمزٹی وی (مانیٹرنگ ڈیسک)مائیکروسافٹ نے 32 برس تک ونڈوز میں استعمال ہونے والے اہم سافٹ ویئر ایم ایس پینٹ کو ختم کرنے کا باقاعدہ اعلان کردیا ہے۔

میڈیا رپورٹس کے مطابق جن سافٹ ویئر کو ونڈوز کے آئندہ ورژن میں شامل نہیں کیا جانے گا ان میں مائیکروسافٹ پینٹ، آؤٹ لک ایکسپریس، مائیکروسافٹ ریڈر اور ریڈنگ لسٹ شامل ہیں۔ مائیکرو سافٹ کا کہنا ہے آخری دو سافٹ ویئر کو مائیکروسافٹ کے ایج (edge) براؤزر میں ضم کر دیا جائے گا۔

مائیکروسافٹ ونڈوز استعمال کرنے والے صارفین کو سب سے زیادہ حیرانی مائیکروسافٹ پینٹ کو ختم کیے جانے کی خبروں پر ہوئی ہے کیوں کہ گزشتہ 32 برس سے یہ صارفین کے لیے تصویریں ایڈٹ کرنے کا آسان ترین اور مؤثر ٹول ثابت ہوا ہے جبکہ یہ بچوں میں بھی خاصا مقبول ہے۔

اب یہ خبریں سامنے آئی ہیں کہ مائیکرو سافٹ نے مذکورہ سافٹ ویئر کو ’’متروک فیچرز‘‘ کی فہرست میں ڈال دیا ہے جس کا مطلب یہ ہے کہ مستقبل میں انہیں ونڈوز میں شامل کرنے کا امکان کم ہے۔ پینٹ ٹول پہلی بار 1985 میں ونڈوز 1.0 میں اس وقت شامل کیا گیا تھا جب یہ خود صرف ایک ایپلی کیشن سافٹ ویئر تھا۔ مائیکرو سافٹ کا کہنا ہے کہ گزشتہ برس کے اعداد و شمار کے مطابق اس ٹول کے صارفین کی تعداد ماہانہ 10 کروڑ رہی تھی۔ تاہم خوشی کی بات یہ ہے کہ پینٹ کا پرانا ورژن اگر ختم بھی ہوگیا تو مائیکروسافٹ پہلے ہی پینٹ تھری ڈی سافٹ ویئر متعارف کراچکا ہے جس میں پہلے سے زیادہ بہتر آپشنز موجود ہیں۔

عمران خان کی سپریم کورٹ سے درخواست

ایمزٹی وی (اسلام آباد)چیرمین تحریک انصاف عمران خان نے سپریم کورٹ سے پاناما کیس کا فیصلہ جلد سنانے کی درخواست کرتے ہوئے کہا کہ پوری قوم عدالت عظمیٰ کے فیصلے کا انتظار کررہی ہے۔

اسلام آباد میں میڈیا کے نمائندوں سے بات کرتے ہوئے چیرمین تحریک انصاف عمران خان کا کہنا ہے کہ پوری قوم کو پاناما کیس کے فیصلے کا انتظار ہے لہذا سپریم کورٹ سے درخواست ہے کہ کیس کا فیصلہ جلد سنایا جائے تاکہ قوم آگے بڑھ سکے۔ انہوں نے کہا کہ ملک میں حالات بگڑ رہے ہیں، معیشت تباہ ہوگئی ہے لیکن ساری حکومت وزیراعظم کی کرپشن بچانے میں مصروف ہے لیکن 4 میں سے 2 صوبے اور وکلا وزیراعظم سے استعفیٰ مانگ رہے ہیں جب کہ لاہور کا اتنا بڑا حادثہ ہوا وزیراعظم مالدیپ چلے گئے حالانکہ ملک کو اس وقت چیف ایگزیکٹو کی ضرورت ہے اور وہ ملک میں موجود ہی نہیں ہیں۔

عمران خان کا کہنا تھا کہ حکمرانوں نے ابھی تک ایک بینکنگ ٹرانزیکشن نہیں دی اور جو دستاویزات دیں وہ فراڈ نکلیں، یہ لوگ بجائے اپنی صفائی پیش کرنے کے کہہ رہے ہیں کہ ملک میں باقی بھی سب کرپٹ ہیں جب کہ لوگوں کو خریدنے کیلیے پیسا استعمال ہورہا ہے، یہ قوم کو پاگل سمجھتے ہیں اور 30 سال سے بیوقوف بنا رہے ہیں۔ انہوں نے کہا کہ اسحاق ڈار کے دبئی میں ڈیڑھ ڈیڑھ ارب روپے کے گھر ہیں اور ان کے وزیر اقامے لیے پھر تے ہیں، یہ سارے قوم کے مجرم ہیں اور واقعی گاڈ فادر ہیں جب کہ کسی جمہوریت میں کبھی نہیں ہواہوگا کہ کسی ملک کا وزیراعظم اقامہ لیکردوسرے ملک کا سیلز منیجربنا ہو۔

چیرمین پی ٹی آئی نے کہا کہ فلیٹ لینے کی منی ٹریل جو ناممکن تھی وہ بھی عدالت میں دکھادی جب کہ ایک کھلاڑی 60 لاکھ روپے کا فلیٹ لیتا ہے اور اس کا مقابلہ چوری کے پیسا باہر بھیجنے والے سے کرایا جارہا ہے، میرے باہر کمائے پیسے پر ٹیکس وہاں لگنا تھا مگر برطانیہ نے اس حوالے سے کچھ نہیں کہا جب کہ میں اگر نااہل ہوا تو یہ بہت چھوٹی قیمت ہوگی۔ انہوں نے کہا کہ اس وقت خورشید شاہ اور پیپلزپارٹی اچھا کام کررہے ہیں کیوں کہ پیپلزپارٹی فرینڈلی اپوزیشن کی راہ سے ہٹ گئی ہے۔

پاکستانی دفاعی سازوسامان سےبھارت سےبہتر،بھارتی نائب آرمی چیف کا اعتراف

ایمزٹی وی(نئی دہلی) بھارتی نائب آرمی چیف لیفٹنٹ جنرل ساراتھ چند نے پاکستانی دفاعی سازوسامان کی صنعت کو بھارت سے بہتر قرار دے دیا۔

نئی دلی میں کانفرنس سے خطاب کے دوران بھارتی نائب آرمی چیف لیفٹیننٹ جنرل ساراتھ چند نے کہا کہ پاکستانی دفاعی سازوسامان کی صنعت نہ صرف بھارت سے بہتر ہے بلکہ پاکستان بھارت سے زیادہ دفاعی سامان ایکسپورٹ کرتا ہے۔ جنرل ساراتھ چند نے کہا کہ بھارتی دفاعی واسلحہ ساز کمپنیاں اس قابل نہیں کہ وہ تیزی سے بدلتی ہوئی ٹیکنالوجی کے ساتھ چل سکیں بلکہ بھارت کا کسی کے بھی ساتھ کوئی مقابلہ ہی نہیں ہے۔

پاکستان کی دفاعی سازوسامان میں برتری کو تسلیم کرتے ہوئے جنرل ساراتھ چند نے کہا کہ پاکستان اسلحہ سازی کےمیدان میں بھارت سے بہت آگے ہے جب کہ بھارتی دفاعی صنعتوں میں تحقیق اور ترقی کا عمل تقریباً نہ ہونے کے برابر ہے، یہاں تک کہ بھارتی دفاعی صنعتیں باہر ممالک سے درآمد شدہ سامان کو جوڑنے میں بھی ناکام ہوئی ہیں جب کہ اس کی وجہ احتساب کا نہ ہونا ہے۔

بھارت میں مسلمان غیر محفوظ

ایمزٹی وی (نئی دہلی)بھارت میں بی جے پی کے کارکنوں اور ہندو انتہا پسندوں نے گائے ذبح کرنے کے شبہ میں مسلمانوں کو سرعام زندہ جلانے کی دھمکی دے دی۔

بھارتی ریاست ہریانہ میں بجرنگ دل کے کارکنوں نے مسلمانوں کے قتل عام کا اعلان کردیا۔ جنونی ہندوؤں نے مسلمانوں کو علاقہ چھوڑنے کا الٹی میٹم دیتے ہوئے کہا کہ گائے ذبح کی تو زندہ جلادیا جائے گا۔

نریندر مودی کے برسراقتدار آنے کے بعد سے بھارت میں مسلمانوں پر عرصہ حیات مزید تنگ کردیا گیا ہے۔ ایک طرف مقبوضہ کشمیرمیں انسانیت سوزمظالم کی تاریخ رقم ہورہی ہے تو دوسری جانب باقی ریاستوں میں بھی مسلمانوں کا بےدردی سے قتل عام جاری ہے۔ چند روز قبل مہاراشٹرمیں انتہا پسندوں نےدن دیہاڑے تلواروں کے وار کرکے مسلمان نوجوان کوبڑی بےرحمی سے قتل کیا تھا۔

سب سے بڑی جمہوریت کےجھوٹےدعویداربھارت میں مسلمانوں کےساتھ ساتھ دیگراقلیتیں بھی مظالم کی چکی میں پس رہی ہیں۔ تجزیہ کاروں کے مطابق بھارتی حکومت نے ہندو انتہا پسندی کے اس جن کو بوتل میں بند نہ کیا تو خود بھارتی ریاست کا اپنا وجود بھی خطرے پڑسکتا ہے

ایم کیوایم لندن کے حق میں وال چاکنگ کرنے والے ملزمان رینجرز کی حراست میں

ایمز ٹی وی (کراچی)سندھ ریجنرز کے ترجمان کرنل قیصر خان نے میڈیا سے بریفنگ کی، بریفنگ کے دوران ان کا کہنا تھا رینجرز نے آپریشن کے دوران دو ٹارگڈ کلر گرفتار کئےہیں جنکا تعلق ایم کیو ایم لندن سے ہے، دونوں ملزمان موٹر سائیکل پر سوار تھے۔انہوں نے میڈیا کوبتایا کہ تفتیش کے دوران انکشاف ہوا ہے کہ ملزمان جلاﺅ گھیراﺅ اور لوٹ مار میں بھی ملوث تھے اوربانی ایم کیو ایم لندن کے حق میں وال چاکنگ بھی کر رہے تھے۔ ملزمان بینک اکاﺅنٹ میں 50 ہزار روپے بھی جمع کرائے گئے ہے جبکہ بانی ایم کیو ایم لندن نے کاروائی کرنے پر ملزمان کو شاباشی دی۔ پریس کانفرنس کے دوران ترجمان رینجرزنے بانی ایم کیو ایم لندن کی ٹارگٹ کلرز کو شاباشی دیتے وقت آڈیو بھی سنوائی۔ د

ونوں ملزمان کے حوالے سے انہوں نے مزید بتایا کہ 17 جولائی کو 2 افراد کو اورنگی ٹاﺅن میں قتل کیا ۔ملز مان کے نام محمد رحیم اور محمد دانش ہیں،جبکہ ملزمان نے اپنے مزید ساتھیوں کے نام بھی بتائے ہیں اور سوشل میڈیو کے ذریعے ساﺅتھ افریقہ کے سیٹ اپ کے کے ساتھ مسلسل رابطے میں تھے، ٹارگٹ کلر نے اس بات کا اعترافِ جرم بھی کرلیا ہے۔

ترجمان رینجرز کا کہنا تھااب وہ وقت گیا جب ایک کال پر شہر بند ہو جایا کرتا تھا کراچی کے حالات اب بہتر ہو گئے ہے۔ انکا مزید کہنا تھا کہ شر پسندوں پر نظر رکھی ہوئی ہیں اور ایسے ش پسند عناصر سے سختی سے نپٹا جائیگا