ایمز ٹی وی (تجارت) شہر کے بیشترپمپس پرپیٹرول اور ڈیزل دستیاب ہے تاہم کچھ پمپس پر پیٹرول ختم ہونا شروع ہوگیا ہے۔ چند بند پمپس کے اسٹاف نے میڈیا سے گفتگو کرتے ہوئے بتایا کہ گزشتہ رات زائد فروخت کے سبب پیٹرول ختم ہوا۔ کراچی کے اکا دکا پمپس کے علاوہ اسٹیشنز پر معمول کے مطابق پیٹرول سپلائی جاری ہے۔انڈسٹری ذرائع کاکہنا ہے کہ مختلف آئل کمپنیوں کی جانب سے تیل سپلائی بحال رکھنے کی کوششیں جاری ہیں۔

واضح رہے کہ آئل ٹینکرزمالکان اورمختلف ایسوسی ایشنزکی ہڑتال دوسر ے روز بھی جاری ہے، ہڑتال کے باعث کیماڑی ،پورٹ قاسم اور مختلف ڈپوز سے تیل کی ترسیل متاثر ہوئی ہے جبکہ وزارت پیٹرولیم میں حکام اور آئل ٹینکرز مالکان کے مذاکرات آج اسلام آباد میں ہوں گے۔

ایمز ٹی وی (کراچی)لاہور کے علاقے میں دھماکے کے تناظر میں آئی جی سندھ اے ڈی خواجہ نے سندھ بھر میں سکیورٹی ہائی الرٹ کے احکامات جاری کردیئے ہیں،آئی جی سندھ نے جاری کی گئی ہدایات میں کہا کہ تمام سرکاری، غیرسرکاری عمارتوں،دفاتر، رہائشی علاقوں ، تمام پبلک مقامات بشمول شاپنگ سینٹرز،بچت بازاروں، صرافہ مارکیٹس وغیرہ کے ساتھ ساتھ ائرپورٹس،ریلوے اسٹیشنز بس ٹرمینلزاور ان کے علاوہ مساجد، امام بارگاہوں، مدارس،مزارات، درگاہوں پر بھی حفاظتی انتظامات کو ہر سطح پر مؤثر اور غیرمعمولی بنایا جائے،آئی جی سندھ نے ہدایات جاری کیں کہ تمام شہروں کے داخلی وخارجی راستوں کے علاوہ تھانوں کی سطح پر ناکہ بندی، کڑی نگرانی کے ساتھ ساتھ رینڈم اسنیپ چیکنگ، پیٹرولنگ، پکٹنگ اور علاقہ انٹیلی جینس کلیکشن سسٹم کو مزید مربوط اور مؤثر بنایا جائے

ایمزٹی وی (اسپورٹس) گورننگ بورڈ کے اجلاس میں نجم سیٹھی پاکستان سپر لیگ2018 میں چھٹی ٹیم ملتان کی شمولیت اور دیگر معاملات کے بارے میں اپ ڈیٹ دیں گے۔ بورڈ نیشنل اسٹیڈیم سمیت ملک کے کئی سینٹرز پر کام کا آغاز کرا چکا جس پر بھاری رقم خرچ ہو گی، پچز کو بھی عالمی معیار کے مطابق بنایا جا رہا ہے، پی سی بی نے ریجنل کوچز اور سپورٹ اسٹاف کی کارکردگی کا گزشتہ دنوں تجزیہ کرایا تھا اس کی رپورٹ بھی میٹنگ میں پیش ہوگی جبکہ گراؤنڈز اور پچز کی اپ گریڈیشن کے بارے میں رپورٹ بھی پیش ہونی ہے۔ علاوہ ازیں گزشتہ اجلاس میں پیش کردہ قراردادوں کے سرکلرز میں اگر کوئی غلطی پائی گئی تو اسے بھی ٹھیک کیا جائے گا، ڈسٹرکٹ چاغی اور پاک پتن کو ایسوسی ایٹ ممبر شپ دینے کا معاملہ بھی زیرغور آئے گا۔

ایمزٹی وی (اسپورٹس) سابق ٹیسٹ کرکٹر محسن خان کا کہنا ہے کہ جسٹس قیوم رپورٹ کی سفارشات پر عمل درآمد کیا جاتا تو پی ایس ایل اسکینڈل کی شرمندگی نہ اٹھانا پڑتی، کوئی کھلاڑی یا عہدیدار ملک کی عزت سے زیادہ اہم نہیں ہوتا۔ ایک انٹرویو میں انھوں نے کہاکہ جسٹس قیوم رپورٹ کی سفارشات پر عمل درآمد کردیا جاتا تو آج ہمیں پی ایس ایل اسکینڈل کی شرمندگی نہ اٹھانا پڑتی، ملک کا ٹیلنٹ بھی ضائع ہونے سے بچ جاتا، ایک باپ گھر کی عزت اور بھرم قائم رکھنے کیلیے پالیسی بناتا ہے

یہ کردار کرکٹ میں پی سی بی کا ہونا چاہیے لیکن جب عہدیدار ٹیم کے ہارنے اور اپنی کرسیاں بچانے کے خوف سے کرپشن کرنے والے کرکٹرز کو باہر نکالنے سے گریز کریں تو معاملات بہتر ہونے کی کیا توقع کی جا سکتی ہے۔ محسن خان نے کہا کہ کوئی کھلاڑی یا عہدیدار ملک کی عزت سے زیادہ اہم نہیں ہوتا،لارڈز ٹیسٹ 2010کے دوران جائلز کلارک ڈبل سنچری میکر ہونے کی بنا پر میری عزت افرائی کرنا چاہتے تھے، ان کے مدعو کرنے پر میں لندن گیا، وہاں اسپاٹ فکسنگ اسکینڈل ہوا تو سخت تکلیف ہوئی،شرم سے سر جھک گیا،میدان میں جانے کی جرات نہیں کرسکا،اس کیس میں کرکٹرز کو کراؤن کورٹ نے سزائیں دیں۔ انھوں نے انگلینڈ نہیں پاکستان کے دامن پر داغ لگایا تھا، ملک میں بھی کھلاڑیوں کو سزا دی جاتی تو نشان عبرت بنتے اور آئندہ نوجوان کرکٹرز میں سے کسی کو جرات نہ ہوتی۔