ایمزٹی وی (نئی دہلی) بھارت نے پاک چائنہ دوستی پرانگلی اٹھادی۔ بھارتی پارلیمنٹ کے ایوان زیریں (لوک سبھا) میں سماج وادی پارٹی کے سربراہ اور سابق وزیردفاع ملایم سنگھ یادیو نے الزام عائد کیا ہے کہ پاکستان اور چین مل کر بھارت پر حملہ کرنا چاہتے ہیں۔ بھارت اور چین کے درمیان بڑھتی تلخیوں پربات کرتے ہوئے ان کا کہنا تھا کہ حکومت پارلیمنٹ کو بتائے کہ پڑوسی ملک سے ہمیں کیا خطرات ہیں جب کہ اس حوالے سے حکومت کو برسوں سے آگاہ کررہا ہوں۔

ملایم سنگھ یادیو نے کہا کہ بھارت کو سب سے زیادہ خطرہ چین سے ہے، چین نے بھارت پرحملہ کرنے کے لیے پاکستان سے ہاتھ ملا لیا ہے، حکومت نے اس معاملے سے تاحال نمٹنے کے لیے کچھ نہیں کیا جب کہ چین بھارت پرحملہ کرنے کے لیے تیاربیٹھا ہے جس کے لیے چین کی جانب سے جوہری ہتھیارپاکستان میں چھپائے گئے ہیں

جس کے بارے میں ایجنسیوں کو بہترعلم ہوگا۔ واضح رہے کہ چین اور بھارت کے درمیان متنازع علاقے سکم میں گزشتہ کئی ہفتوں سے دونوں ملکوں کے درمیان کشیدگی ہے۔ بھارت کی جانب سے الزام تراشیوں اور اشتعال انگیزی کے بعد چین نے بھی سرحدی علاقے میں مشقیں شروع کردی ہیں۔

 ایمزٹی وی (اسلام آباد)پاکستان نے کنٹرول لائن سیزفائرمعاہدے کی خلاف ورزی پر بھارتی ڈپٹی ہائی کمشنر کو دفتر خارجہ طلب کر لیا،ڈی جی ساوتھ ایشیا ڈاکٹر فیصل نے احتجاجی مراسلہ بھارتی ڈپٹی ہائی کمشنر جے پی سنگھ کے حوالے کرتے ہوئے کہا ایل او سی پر شہری آبادی کو نشانہ بنانا قابل مذمت ہے بھارت جان بوجھ کر شہری آبادی کو نشانہ بنا رہا ہے ۔

اس حوالے سےڈی جی ساﺅتھ ایشیا کا کہنا تھا گزشتہ روز کنٹرول لائن کے رہائشی علاقوں میں بھارت نے بلااشتعال فائرنگ کی جس سے 2 شہری شہید اور 6 زخمی ہوئے تھے۔ بھارت ایل او سی سیز فائر معاہدے کی پابندی کرے ۔