ایمز ٹی وی(تعلیم) ناظم امتحانات (سمسٹر) کی جانب سے جاری کردہ اعلامیہ کے مطابق جامعہ سے ملحقہ انڈس لا کالج میں ایل ایل بی پارٹ اول کے سمسٹر امتحانات منگل25جولائی سے لیے جائیں گے۔ اس سلسلے میں ڈاکٹر این اے بلوچ ماڈل اسکول، ایلسا قاضی کیمپس (اولڈ کیمپس) حیدرآباد میں امتحانی مرکز قائم کیا گیا ہے۔
ایمزٹی وی (انٹرٹینمنٹ) بالی وڈ سپراسٹار سلمان خان سلمان خان فلمی کیرئیر میں مختلف کرداروں میں جلوہ گر ہوئے ہیں۔ جس میں رومانوی، کامیڈی، ایکشن شامل ہیں اب وہ اپنی نئی فلم ’’ٹائیگر زندہ ہے‘‘ کے لیے گھڑ سواری کی تربیت لے رہے ہیں۔ سلمان خان آئیفا ایوارڈ کی تقریب میں شرکت کے بعد فلم ’’ٹائیگر زندہ ہے‘‘ کی شوٹنگ کے لیے امریکا سے مراکش پہنچ گئے ہیں۔ جہاں انھوں نے اپنے کردار میں حقیقت کا رنگ بھرنے کے لیے گھڑ سواری کی تربیت لینا شروع کردی
جب کہ فلم کے ہدایت کار علی عباس ظفر نے بھی سماجی رابطے کی ویب سائٹ ٹوئٹر پر اپنی ٹوئٹ میں دبنگ خان کی وڈیو شیئر کی ہے۔علی عباس ظفر کا اپنی ٹوئٹ میں کہنا تھا کہ نیویارک سے مراکش پہنچنے کے فوری بعد ہی سلمان نے آرام کیے بغیر گھڑسواری کی تربیت لینا شروع کردی۔
ایمزٹی وی (انٹرٹینمنٹ) پاکستانی سوشل میڈیا اسٹار قندیل بلوچ کی زندگی پر بننے والی ڈرامہ سیریل ’’باغی‘‘ آئندہ ہفتے شروع ہورہی ہے جس میں نامور اداکارہ صبا قمر مرکزی کردارادا کررہی ہیں۔ ڈرامہ سیریل کا ٹریلر جاری ہوتے ہی شائقین کی توجہ کا مرکز بن گیا۔
ٹریلرمیں قندیل بلوچ کی گاؤں اور شہر دونوں کی زندگی کی جھلک دکھائی گئی ہے۔ ٹریلر کی ابتدا میں صبا قمرکو گاؤں میں رہنے والی ایسی لڑکی کے روپ میں دکھایا گیا ہے جس کی آنکھوں میں بڑے بڑے خواب ہیں اور وہ اپنے خوابوں کو پورا کرنے کیلئے اپنے گھر والوں تک سے ٹکرانے کیلئے تیار ہے۔
ایمز ٹی وی(تجارت) سینیٹ کی قائمہ کمیٹی برائے خزانہ کے اجلاس میں وزارت خزانہ کے حکام نے بتایا کہ گزشتہ مالی سال یکم جولائی 2016سے 31مئی2017کے گیارہ ماہ میں حکومت نے7کھرب 88 ارب53کروڑ40لاکھ روپے ( 7ارب 43کروڑ90لاکھ ڈالر ) کا بیرونی قرضہ لیا۔
اس میں2کھرب 12ارب روپے (2 ارب ڈالر )چینی بینکوں سے قرضہ لیا گیا۔ اس عرصے کے دوران حکومت نے 3 کھرب84ارب روپے( 3ارب62کروڑ 28لاکھ ڈالر) قرضہ واپس بھی ادا کیا گیا جس میں1 کھرب 23 ارب 60کروڑ روپے (1ارب16کروڑ60لاکھ ڈالر)کا سود بھی شامل ہے۔
ایمزٹی وی (انٹرٹینمنٹ) بھارت کے مشہور ٹی وی ریئلٹی شو بگ باس کے 11 ویں سیزن کے لیے شرکاء کی فہرست منظر عام پر آ گئی ہے۔ بھارت کے مشہور ریلیٹی شو بگ باس کے ہر سیزن کا دنیا بھر میں مداح بے صبری سے انتظار کرتے ہیں
اور اس کی بڑی وجہ بالی ووڈ کے سلطان سلمان خان ہیں جو مسلسل 10 سیزن کی میزبانی کرتے آ رہے ہیں اور اب 11ویں سیزن میں بھی دبنگ اداکار میزبانی کے فرائض سر انجام دیں گے، ویسے تو ہر سیزن سے پہلے سلو میاں کی شو سے علیحدگی سے متعلق خبریں زیر گردش کرتی ہیں لیکن ہمیشہ ہی انتظامیہ دبنگ خان کے مطالبات تسلیم کر لیتی ہے کیوں کہ وہ جانتے ہیں کہ ان کے بغیر ’بگ باس‘ کی شہرت کچھ نہیں۔
ایمزٹی وی (انٹرٹینمنٹ) منا بھائی ایم بی بی ایس، تھری ایڈیٹس، پی کے اور ایسی ہی کئی کامیاب فلموں کے ہدایت کار راج کمار ہیرانی نے اب اداکاری کے میدان میں بھی قدم رکھ دیا ہے۔
کئی بلاک بسٹر فلموں کے خالق راج کمار ہیرانی کا شمار بالی ووڈ کے صف اول کے ہدایت کاروں میں ہوتا ہے راج کمار ہیرانی معیاری موضوعات پر فلمیں بنانے کیلئے مشہور ہیں،
راجکمار ان دنوں اداکار سنجے دت کی زندگی پر فلم بنا رہے ہیں جس میں رنبیر کپور سنجے دت کا کردار نبھا رہے ہیں جبکہ اداکار پاریش راول ان کے والد سنیل دت کے کردار میں نظر آئیں گے۔
