ایمز ٹی وی (تعلیم /اسلام آباد ) سی ڈی اے انتظامیہ نے قائد اعظم یونیورسٹی اراضی قبضہ کے سوموٹو نوٹس پر سپریم کورٹ میں ادارے کا جواب جمع کروا دیا ہے۔ رپورٹ میں کہا گیا ہے کہ جنوری 1991 میں یونیورسٹی کے تمام اراضی 1584ایکڑ 4 کنال اور 15 مرلے کا قبضہ حاصل کر چکی تھی۔ مارچ 1991 میں یونیورسٹی نے مزید 125 ایکڑ اراضی کا معاہدہ 10,80744 روپے میں کیا۔ یونیورسٹی اراضی پر قبضہ کا معاملہ پہلی مرتبہ 2007 میں سامنے آیا۔ سی ڈی اے نے شکایت کے چار روز کے بعد تمام اراضی پر خار دار تار لگانے کا کہا۔ 2007 میں بھی یونیورسٹی انتظامیہ کو مکمل تعاون کا کہا گیا۔ رپورٹ میں بتایا گیا ہے کہ سی ڈی اے چیئرمین بھی معاملہ پر یونیورسٹی کا دورہ کر چکے ہیں۔ اراضی قبضے کے معاملے پر یونیورسٹی اور سی ڈی اے افسران کا ورکنگ گروپ بنا دیا گیا ہے۔ ورکنگ گروپ کی 19 جنوری کی میٹنگ میں متعدد اہم فیصلے کئے گئے ہیں۔ سی ڈی اے فوری طور پر یونیورسٹی کوباونڈری وال لگانے کا اجازت نامہ جاری کرے گا ورکنگ کمیٹی نےفیصلہ کیا ہے کہ یونیورسٹی اراضی کی حد بندی میں سی ڈی اے اور اسلام آباد انتظامیہ مکمل تعاون کرے گی۔ ورکنگ کمیٹی کے فیصلہ کے مطابق سی ڈی اے یونیورسٹی اراضی کا مکمل ریکارڈ فراہم کرے گا۔ یونیورسٹی اراضی پر کئے گئے قبضے کو خالی کروانے کیلئے پولیس اور انتظامیہ مکمل تعاون کرے گی۔
ایمزٹی وی()دنیا کے مشہور فنڈ منیجر ایمی کمپینین نے دنیا کے جن 6 ملکوں کو سرمایہ کاری کے لیے بہترین قرار دیا ہے ان میں پاکستان بھی شامل ہے۔ پاکستان کی معاشی پیش رفت اب دوسرے ملکوں کو بھی اپنی جانب متوجہ کر رہی ہے۔ فنڈ منیجر ایمی کمپینین نے دنیا کے جن 6ملکوں کو سرمایہ کاری کے لیے بہترین قرار دیا ہے ان میں پاکستان کے علاوہ ویت نام، ملائشیا، ترکی، مصر اور میکسیکو شامل ہیں۔ ایمی کمپینین ایولی امرجنگ فرنٹیئر کا 8کروڑ80 لاکھ ڈالر کا فنڈ مینیج کرتے ہیں،کمپینین نے لاہور میں سیمنٹ بنانے والی فیکٹریوں کے افسران سے ملاقاتیں کیں۔ کمپینین کا کہنا ہے کہ پاکستان کی ایک سیمنٹ فیکٹری کو ان کے فنڈ سے جڑنے کے بعد چار گنا زیادہ منافع ہوا ہے۔
ایمز ٹی وی (تعلیم /کراچی ) سماجی علوم کے معروف دانشور اور ممتاز ماہرِ تعلیم ڈاکٹر سید جعفر احمد کی 33سالہ ملازمت کی تکمیل اور پاکستان اسٹڈی سینٹر جامعہ کراچی کے ڈائریکٹر کی حیثیت سے ریٹائرمنٹ پر کراچی پریس کلب، سول سوسائٹی اور ڈاکٹر صاحب کے احباب کی طرف سے ایک ریفرنس منعقد کیا جا رہا ہےجو جمعرات کو شام ساڑھے چار بجے کراچی پریس کلب میں ہو گا۔
ایمز ٹی وی (تعلیم /کراچی ) گورنمنٹ گرلز کالج شاہراہ لیاقت کی پرنسپل پروفیسر صفیہ موسوی کے اعلامیہ کے مطابق فردوس اتحاد کے زیراہتمام محکمہ نوجوانان امور حکومت سندھ کے تعاون سے دوسرا محترمہ بینظیر بھٹو شہید انٹرکالجیٹ گرلز تقریری مقابلہ جمعرات 26جنوری صبح نو بجے گورنمنٹ گرلز کالج شاہراہ لیاقت پر منعقد ہوگا۔ اس موقع پر صوبائی وزیرتعلیم جام مہتاب خان ڈہر مہمان خصوصی ہوں گے ۔
ایمز ٹی وی (تعلیم /کراچی ) عدالت کے احکامات پر سندھ کی 3جامعات میں سے دو جامعات جامعہ کراچی اور جامعہ سندھ میں وائس چانسلرز کی تقرری کر دی گئی ہے تاہم گزشتہ ڈیڑھ سال سے وائس چانسلر سے محروم تیسری جامعہ ڈائو میڈیکل یونیورسٹی میں تلاش کمیٹی کی سفارش پر دونوں مرتبہ نمبر ون پوزیشن پر آنے والے ڈاکٹر پروفیسر سعید قریشی کے تقررکو نظرانداز کر دیا گیا ہے۔ ذرائع کے مطابق اس عہدے پر تقرری کے خواہشمند لیاقت میڈیکل یونیورسٹی کے وائس چانسلر نوشاد شیخ ہیں جنہیں تلاش کمیٹی کی سفارش کو نظرانداز کرتے ہوئے دو مرتبہ پہلے بھی ڈاو کا وائس چانسلر مقرر کیا تاہم پہلے نمبر پر آنے والے ڈاکٹر سعید قریشی کے عدالت جانے کے باعث فیصلہ ڈاکٹر نوشاد شیخ کے خلاف آیا اور انہیں واپس جانا پڑ گیا۔ وزیراعلیٰ ہائوس میں سیکریٹری بورڈ و جامعات کے عہدے پر بطور قائم مقام تعینات نوید اے شیخ جن کے پاس اصل عہدہ سیکرٹری سندھ ہائر ایجوکیشن کا ہے ڈاکٹر نوشاد شیخ کے بھائی ہیں اور ڈائو میڈیکل یونیورسٹی کی سمری بھی جامعات اور بورڈز کے شعبہ نے وزیراعلیٰ سندھ ہی کو بھیجی ہے جبکہ عدالت کے ایک ماہ کے اندر 3جامعات میں وائس چانسلر مقرر کرنے کے احکامات کو ایک ہفتہ باقی رہ گیا ہے۔ لیکن تاحال ڈائو یونیورسٹی میں وائس چانسلر کے تقرر کی سمری تیار نہیں کی گئی ہے۔ وزیراعلیٰ ہائوس کے سیکرٹریٹ برائے بورڈز و جامعات میں تعینات ایڈیشنل سیکرٹری حفیظ عمرانی نے کے مطابق یہ عدالتی معاملہ ہے جس کی وجہ سے ڈائو میں وائس چانسلر کی تقرری رکی ہوئی ہے لیکن تفصیلات اور ساری صورتحال سیکریٹری بورڈ و جامعات نوید شیخ ہی بتا سکتے ہیں۔ واضع رہے ڈائو میڈیکل یونیورسٹی کو انتظامی بحران کا سامنا ہے۔ ڈیڑھ سال سے مستقل وائس چانسلر نہیں جب کہ قائم مقام وائس چانسلر نہ تو سنڈیکیٹ کے اجلاس کی صدارت کرسکتے ہیں اور نہ ہی پالیسی ساز اقدامات کرسکتے ہیں لیکن صوبائی حکومت سابق وزیراعلیٰ سندھ قائم علی شاہ کے دور میں میرٹ پر پہلے نمبر پر آنے والے اچھی شہرت کے حامل پروفیسر سعید قریشی کو وائس چانسلر مقرر کرنے پر تیار نہیں۔
