ایمزٹی وی(اسلام آباد) پانامہ کیس میں پی ٹی آئی کے وکیل نعیم بخاری نے ایک بار پھر میڈیا سے انتہائی دلچسپ گفتگو کی اور کہا کہ میں ہمیشہ مسکراتا رہتا ہوں۔

ان کا کہنا تھا کہ ہم نیوزی لینڈ سے تو سپریم کورٹ تو نہیں لا سکتے، جسٹس عظمت سعید ایک بہترین جج ہیں، آصف سعید کھوسہ بہت بہترین جج ہیں جبکہ جسٹس گلزار شریف آدمی ہیں، اس سے بہترین بنچ نہیں بن سکتا تھا۔

نعیم بخاری کے دلائل سے شیخ رشید نالاں

ایک سوال کے جواب میں ان کا کہنا تھا کہ فیصلے کا تعلق وکیل سے نہیں، موکل سے ہوتا ہے۔ انہوں نے کہا کہ ”کبھی کوئی وکیل بھی کیس ہارا ہے؟ موکل ہارتا ہے کیس تو۔“

ایمز ٹی وی(کراچی)سندھ ہائی کورٹ کے جسٹس پھلپھو ٹو نے ر یفری جج کی حیثیت سے پیر کو ماڈل گرل ایان علی کی بیرون ملک سفر کی درخواست پر فیصلہ محفوظ کر لیا۔درخواست گزار کے وکیل سینیٹر لطیف کھوسہ نے موقف اختیار کیا ہے کہ بدنیتی کی حد ہے کہ بدنیتی کی حد ہے کہ جس مقدمے میں ایان علی نامزد ہی نہیں اس میں وارنٹ گرفتاری جاری کر دیے گئے اور یہ بھی ریکارڈ کا حصہ ہے کہ جس وقت کسٹم افسر کا قتل ہوا،درخواست گزار جیل میں تھی۔بتایا جائے کہ قتلکے الزام کہ شبہ میں ایان علی کے علاوہ دیگر کتنے افراد کے نام ای۔سی۔ایل میںشامل ہیں۔وفاقی حکومت کی جانب سے ایڈیشنل اٹارنی جنرل سلمان طالب الدین نے موقف اختیار کیا ہے کہ وزارت داخلہ نے نیا میمورنڈم تیار کیا ہے جس کے مطابق ایان علی کا نام ای۔سی۔ایل میں شامل کیا گیا ہے۔

ایمز ٹی وی(مانیٹرنگ ڈسیک) جاپان کی ٹوکیو یونیورسٹی میں سائنسدانوں نے اپنی نئی تحقیق کی مدد سے یہ خیال ظاہر کیا ہے کہ زمین کی اندرونی تہہ میں پایا جانے والا نامعلوم مادہ سیلیکون ہو سکتا ہے۔

وہ ایک طویل عرصے سے اس پراجیکٹ پر کام کر رہے تھے تاکہ یہ معلوم ہو سکے کہ زمین کی اندرونی تہہ میں لوہے اور نکل (چاندی جیسی دھات) کے علاوہ اور کون کون سے عناصر شامل ہیں۔

لیکن اب زمین کی اندرونی تہہ میں پاۓ جانے والے انتہائی گرم درجہ حرارت اور دباؤ کو مصنوعی طریقے سے بنا کر سائنسدان اس نتیجے پر پہنچے ہیں کہ یہ مادہ سیلیکون ہے۔
اس دریافت سے زمین اور اس کی تخلیق کے عمل کو سمجھنے میں مدد مل سکتی ہے۔
ٹوکیو یونیورسٹی کے پروفیسر اور اس تحقیق کے سربراہ ایجی اوہ تانی نے بی بی سی کو بتایا: ’ہم سمجھتے ہیں کہ سیلیکون وہ اہم مادہ ہے جو کے زمین کی اندرونی تہہ کا تقریباً پانچ فیصد حصہ ہےجو کہ لوہے اور نکل کے مرکب میں مل جاتا ہے۔‘

زمین کی اندرون ترین تہہ ایک ٹھوس گیند کی مانند ہے اور اس کا نصف قطر تقریبا 1200 کلومیٹر ہے۔ اتنی گہرائی میں ہونے کی وجہ سے سائنسداں اس تہہ کی براہ راست تحقیق تو نہیں کر سکتے لیکن وہ اس کی تہہ سے گزرنے والے زلزلے کی لہروں کی مدد سے سمجھنے کی کوشش کرتے ہیں۔

یہ تجربہ ہماری معلومات اور سمجھ بوجھ میں بہت اضافہ کر سکتا ہے لیکن ابھی ہمیں بہت کچھ جاننا باقی ہے

اس ٹھوس گیند کا 85 فیصد حصہ لوہے کا بنا ہوا ہے جبکہ دس فیصد حصہ نکل نامی دھات کا۔

بقیہ پانچ فیصد حصے کو سمجھنے کے لیے ایجی اوہ تانی اور ان کی ٹیم نے لوہے اور نکل کے مرکب کو تیار کیا اور اس میں سیلیکون شامل کیا، جس کے بعد اِس کو اُسی مصنوعی طریقے سے انھی دباؤ اور درجہ حرارت سے گزارا جیسا زمین کی اندرونی تہہ میں پایا جاتا ہے۔

اس تجربے سے یہ بات سامنے آئی کہ اس مرکب کا رد عمل ویسا ہی تھا جیسا حقیقت میں زمین کی اندرونی تہہ میں ہوتا ہے۔
پروفیسر ایجی اوہتانی نے کہا کہ اس دریافت کو یقینی بنانے کے لیے انھیں مزید کام کرنا ہے۔

انھوں نے یہ دریافت حال ہی میں امیریکن جیو فیزیکل یونین، سان فرانسسکو میں پیش کی تھیں۔
کیمبرج یونیورسٹی کے پروفیسر سائمن ریڈفرن نے اس دریافت پر تبصرہ کیا کہ یہ بہت دلچسپ تجربہ ہے اور اس سے یہ معلوم ہو سکتا ہے کہ ساڑھے چار ارب سال پہلے زمین کی تخلیق کے بعد کا عمل کیا تھا اور کیسا تھا۔

ایمز ٹی وی (پشاور) گورنر پختونخوا انجینئر اقبال ظفر جھگڑا نے سرحد چیمبر آف کامرس اینڈ انڈسٹری کے صدر حاجی محمد افضل کو ےقین دلاےا ہے کہ سرحد کے سفارش پر صوبہ خیبرپختونخوا اور فاٹا کے لئے نئے مالیاتی پیکج کے حصول کے لئے وزیراعظم نواز شریف سمیت وفاقی وزیر خزانہ سینیٹر اسحٰق ڈار سے موثر انداز میں بات چےت کی جائے گی۔

آپریشن ضرب عضب کی بدولت 80 فیصد دہشت گردی ختم ہو چکی ہے۔ چائنا پاکستان اکنامک کاریڈور سے خطے کی تقدیر بدلے گی۔ بزنس کمیونٹی کو ریلیف دلانے کے لئے تمام دستیاب وسائل بروئے کار لائے جائیں گے۔ صوبہ خیبرپختونخوامیں نئے انڈسٹریل اور کمرشل کنکشنز پر عائد پابندی ختم کرانے کے لئے وفاقی حکومت سے رابطہ کیا جائے گا۔ ملکی سلامتی کو ناقابل تسخیر بنایا جائے گا۔قبائلی علاقوں میں اصطلاحات کے لئے این ایف سی ایوارڈ میں 90 ارب روپے آئندہ 10 سال تک فراہم کرنے کے لئے وفاقی حکومت کو سفارش کی گئی ۔

آئندہ وفاقی وزیر خزانہ اسخٰق ڈار اور وفاقی وزیر منصوبہ احسن اقبال کے ساتھ ملاقات کا اہتمام کےا جائے گا۔ ان خیالات کا اظہار انہوں نے سرحد چیمبر آف کامرس اینڈ انڈسٹری کے دورہ سرحد چیمبر کے موقع پر چیمبر کے صدر حاجی محمد افضل کی زیر صدارت اجلاس سے خطاب کرتے ہوئے کیا۔ اس موقع پر سرحد چیمبر نائب صدر محمد اقبال ، نائب صدرعابد اللہ یوسفزئی ، چیمبر کے سابق صدر غضنفر بلور ، حاجی محمد آصف ، ذولفقار علی خان ، سوات چیمبرسے احمد خان ، مردان چیمبرسی احسان باچا، باجوڑ چیمبرسے لالی شاہ اور ہزارہ چیمبر سے شیخ آصف اور ان کی بینہ کے اراکین، سرحد چیمبر کی ایگزیکٹو کمیٹی کے اراکین اور صنعت و تجارت سے تعلق رکھنے والے افراد کی کثیر تعداد بھی موجود تھی۔

سرحد چیمبر آف کامرس اینڈ انڈسٹری کے صدر حاجی مضمد افضل نے اجلاس سے خطاب کرتے ہوئے دہشت گردی اور انتہاءپسندی سے متاثرہ خیبرپختونخوا کی بزنس کمیونیٹی کو خراج تحسین پیش کیا اور وفاقی حکومت سے مطالبہ کیا کہ بزنس کمیونٹی کے جان و مال کو تحفظ فراہم کیا جائے ۔ انہوں نے 2010 کی طرز پر خیبرپختونخوا اور فاٹا کی بزنس کمیونٹی کے لئے نئے مالیاتی پیکج کا مطالبہ بھی کیا اور کہا کہ فیڈرل بورڈ آف ریونیو آڈٹ پالیسی کے نام پر پہلے سے موجود ٹیکس گزاروں کو ہراساں کرنے کی مذموم سازش کر رہا ہے کمیونٹی کسی صورت تسلیم نہیں کرے گی۔

انہوں نے کہا کہ ایف بی آر نئے ٹیکس گزار تلاش کرنے کی بجائے پہلے سی موجود ٹیکس گزاروں کو ٹیکس نیٹ سے نکل جانے پر مجبور کر رہا ہے ۔انہوں نے گورنر خیبرپختونخوا سے درخواست کی وہ اس سلسلے میں فوری طور پر وزیراعظم نواز شریف اور وفاقی وزیر خزانہ اسحٰق ڈار سے رابطہ کر کے بی آر کی جانب سے غیر قانونی آڈٹ اور بزنس کمیونٹی کو ہر اساں کرنے کا سلسلہ بند کروائیں ۔

انہوں نے گیس میں سرپلس ہونے کے باوجود صوبہ خیبرپختونخوا میں نئے انڈسٹریل اور کمرشل گیس پر عائد پابندی ختم کرنے ، قبائلی علاقوں کی معاشی ترقی کے لیے فاٹا اکنامک ریوائیول پےکیج ، این ایف سی ایوارڈ میں خیبرپختونخوا کو ملنے والی رقم کا ایک حصہ صوبہ میں صنعتی و تجارتی سرگرمیوں کی بحالی پر خرچ کرنے ، کمرشل بینکوں کی جانب سے خیبرپختونخوا کو ریڈ زون ڈکلئیر کرنا پڑے گا۔