ایمز ٹی وی (اسپورٹس) پاکستان سپر لیگ کے لئے کھلاڑیوں کے انتخاب کا دوسرا مرحلہ جاری ہے جس میں فرنچائز سلور اور ایمرجنگ کیٹیگریزسے اپنی اپنی ٹیموں کے لئے کھلاڑی چن رہے ہیں۔

لاہور میں جاری تقریب کے دوران پی ایس ایل میں شامل 5 فرنچائز اپنی اپنی ٹیموں کے انتخاب کے لئے سلور اور ایمرجنگ کیٹیگریز سے کھلاڑی چن رہے ہیں اب تک سلور کیٹیگری سے اسلام آباد یونائٹیڈ نے بابراعظم، عمران خالد،کامران غلام اور عمرامین کا انتخاب کیا ہے جب کہ کراچی کنگزنے افتخاراحمد، نعمان انور، مشفق الرحیم،اسامہ میر،سہیل خان، پشاورزلمے نےعامریامین، ڈیوڈ میلن، عمران خان، شاہد یوسف ، عبدالرحمان، کوئٹہ گلیڈیئٹرنے بلال آصف،اسد شفیق،محمد نواز، سعد نسیم، محمد نبی، اورلاہورقلندرز نے ظفرگوہر، حماد اعظم، ضیاالحق، زوہیب خان اور قومی ٹیم ون ڈے ٹیم کے کپتان اظہار علی کا انتخاب کیا ہے۔

اس سے قبل کھلاڑیوں کے چناؤ کے پہلے روز5 ٹیموں نے آئی کون کھلاڑیوں سمیت 3 کیٹیگریزپلائٹینئم، ڈائمنڈ اورگولڈن کیٹیگری میں 9،9 کھلاڑیوں کا انتخاب کیا۔ کھلاڑیوں کے چناؤ کے عمل کے دوران آئی کون کیٹیگری کی بولی میں پشاورزلمے کی جانب سے سب سے پہلے شاہد آفریدی کی بولی لگائی گئی جس کے بعد کراچی کنگز نے شعیب ملک، اسلام آباد یونائیٹیڈ نے شین واٹسن، کوئٹہ گلیڈیئٹرز نے کیون پیٹریسن اورلاہورقلندرزنے کرس گیل کا انتخاب کیا۔ پی ایس ایل کے لئے آئیکون کھلاڑیوں کو فی کس 2،2 لاکھ ڈالردیئے جائیں گے۔

ایمزٹی وی(انٹرنیشنل) بھارت میں ہندو انتہاپسندوں نے بابری مسجد کی جگہ رام مندر بنانے کے لئے پتھر پہنچانے شروع کردیئے ہیں ۔ذرائع کے مطابق بھارتی ریاست اتر پردیش کے شہر ایودھیا میں ہندو انتہا پسندوں نے عدالتی حکم امتناعی کے باوجود تاریخی بابری مسجد کی جگہ متنازع مقام پر رام مندر کی تعمیر کے لیے اقدامات کرنا شروع کردیئے ہیں، مندر کی تعمیر کے لئے پتھروں کو لانے کا کام شروع کردیا ہے جس کے تحت ابتدائی طور پر راجستھان سے 20 ٹن پتھر لائے گئے ہیں۔

ہندو انتہا پسندوں تنظیم وشوا ہندو پریشد کی جانب سے مندر کی تعمیر کی نگرانی پر مامور شعبے کے نگران شرد شرما کا کہنا ہے کہ مندر کی تعمیر کے لئے 2 لاکھ ٹن پتھروں کی ضرورت ہے اور ابھی صرف 20 ٹن پتھر آئے ہیں لیکن اس میں تیزی آئے گی اور جیسے ہی حکومت کی طرف سے انہیں مندر کی تعمیر کا حکم ملے گا وہ کام شروع کردیں گے۔

ایمز ٹی وی (ایجوکیشن) کیڈٹ کالج پیٹارو میں ساتویں اور آٹھویں کلاسز اور پری او لیول کیلئے داخلے جاری ہیں۔ جس کی تاریخ 20 دسمبر سے بڑھاکر 30 دسمبر تک کر دی گئی ہے، جبکہ داخلے کے فارم توسیع کردہ تاریخ کے بعد لیٹ فیس کے ساتھ مورخہ 5 جنوری 2016 تک جمع کرائے جا سکتے ہیں اور تحریری امتحان 10 جنوری 2016 کو منعقد ہوگا۔

ایمز ٹی وی (ایجوکیشن) میٹرک بورڈ آف ایجوکیشن میں A-1 اور A گریڈ حاصل کرنے والے طالب علموں میں انعامات اور ایوارڈز تقسیم کرنے کی تقریب فیڈرل بی ایریا بلاک 14 میں منعقد ہوئی۔ تقریب کے مہمان خصوصی ملک کے مایہ ناز کرکٹر محمد یونس خان تھے ۔

اس موقع پر میٹروپولیٹن کمشنر سمیع الدین صدیقی نے کہا کہ بلدیہ عظمیٰ کراچی کے جن اسکولوں کے طلباء و طالبات نے A-1 گریڈ حاصل کیا ہے ان اسکولوں کے ہیڈ ماسٹرز کو اگلے درجے میں ترقی اور دس ، دس ہزار روپے بطور انعام بھی دیئےجائیں گے۔ سمیع الدین صدیقی نے تقریب سے خطاب کرتے ہوئے کہا کہ اساتذہ اور بچے مبارکباد کے حقدار ہیں کہ ان کی بھرپور توجہ اور محنت کے باعث ان بچوں نے امتحان میں نمایاں پوزیشن حاصل کی اس موقع پر کرکٹر یونس خان نےانعامات تقسیم کئے۔

ایمز ٹی وی (ایجوکیشن) وفاقی جامعہ اردو کے وائس چانسلر پروفیسر ڈاکٹر سلیمان ڈی محمد نے کہا ہے کہ حکومت، سیاسی و سماجی تنظیموں اور مفکروں کو مل کر وہ اسباب تلاش کرنا چاہئیں جس کے باعث آرمی پبلک اسکول پشاور جیسے دہشت گردی کے واقعات جنم لیتے ہیں اور بربریت کے ایسے واقعات کے سد باب کے لئے تدابیر بھی اختیار کرناچاہئیں۔ ان خیالات کا اظہار انہوں نے وفاقی جامعہ اردو کے تحت پشاور سانحے کی یاد میں یوم عزم برائے انسداد دہشت گردی کے موقع پر ہونے والی دعائیہ تقریب سے خطاب میں کیا۔

انہوں نے مزید کہا کہ ارباب اخیتار سے امید ہے کہ وہ ایسے اقدامات کرے گی جن سے دہشت گردی کے واقعات کے خاتمے میں مدد ملے گی۔ان کامزیدکہناتھا کہ ہمیں شخصیات کے بجائے اداروں کو مستحکم کرنا چاہئے تاکہ دنیا میں کتنی ہی جنگی کیفیت ہو وہ ادارے موثر طریقے سے اپنا کام کرتے رہیں۔مغرب ہمارے مقابلے میں اس لئے تعلیم و تحقیق کے میدان میں ترقی کی بلندیوں کو چھو رہا ہے کہ وہاں ادارے مضبوط ہیں۔